Library Restaurant and Bar

营业中

休息中

今日呢間餐廳係朋友預約嘅，七點幾嚟到嘅時候已經差唔多滿晒座！所以想來嘅朋友就要早啲訂位🤣呢間餐廳可以望到清真寺，香港真係冇咩呢啲景色嘅餐廳！❤️❤️❤️❤️❤️西冷牛扒 配焗薯仔牛扒點了七成熟。廚師還好細心每一件牛扒切到大細剛剛好容易入口。 牛扒肉汁充足，牛味極濃郁。 而且一啲牛筋都冇，好容易就咬開！薯仔及筍 廚師都烹調得非常好極度用心。 絕對係食肉獸必點嘅菜式。❤️❤️❤️❤️❤️碟豆花飲品朋友點左呢個靚靚嘅蝶豆花飲品！酸酸甜甜夠晒開胃。❤️❤️❤️❤️❤️菠蘿特飲新鮮菠蘿 配上各種生果，非常清新可口。 維他命同其他營養指數爆曬燈！ 而且仲好適合打卡添！食後感 ：餐廳環境好靚 ，服務環境好好。有種到皇宮俾人服侍嘅感覺。想同朋友chill下打下卡！絕對值得來試吓。

呢間餐廳地理位置實在太方便，尖沙咀地鐵站A出口 行1分鐘就是了 ！進入店內 ，裝修以綠色格調為主 極有 歐美風感覺 。侍應服務態度有禮 值得加分。✨黑松露薯條薯條新鮮炸起香脆可口。 薯條絕對係即叫即炸！薯條上配上斑馬臣芝士和特選黑松露醬 絕對係絕配。外脆內軟好正！️✨煙燻卡邦尼意大利粉卡邦妮意粉見網上好多人推薦，所以就叫咗呢個意粉！意粉質地唔算太淋，亦都唔會太每條意粉都充滿着濃厚嘅芝士醬汁 ，配上煙燻煙肉，確實令人回味。✨菠蘿特飲新鮮菠蘿非常清新可口！而且仲好適合打卡添！✨碟豆花飲品酸酸甜甜帶點起泡，越飲越開胃。 甜度適中還有兩朵花襯托 值得一試。呢間餐廳可選室內或室外進餐 。室外更有情調有清真寺景色作伴。室內冷氣充足裝修華麗更添食慾。

有時想去一間靚既西餐廳慶祝下，但傳統高級西餐廳又覺得太貴？依度真係最佳選擇呀！餐廳座落尖沙咀鬧市中心，距離港鐵站只有１０秒路程！餐廳既裝潢特別用心，有不少位置都係可以打卡，女仔一定會鍾意呀！餐廳空間闊落，裝修高貴有格調，而且有分室外及室內，不同既環境迎合不同既食客餐廳有不少長枱，岩晒一班朋友／家庭聚餐，非常周到。餐牌選擇雖然不算多，但每款各有特色，相信已經滿足大部分食客既需求。忌廉白酒煮青口新鮮青口夠大粒，肉質及味道與平時食開既冷凍青口完全兩回事。忌廉汁好香，有淡淡的白酒味，再點埋麵包簡直一流呢！松露醬炸薯條松露醬香濃，鍾意食松露既朋友絕對不能錯過薯條亦炸得金黃香脆，配合芝士粉更是一絕！香蒜蜆肉辣扁意粉麵條軟硬適中，帶有Al Dente的口感，蒜香味十足蜆粒肉質飽滿，鮮味十足西冷牛扒(10oz)配焗牛油薯仔西冷牛扒熟度剛好，入口非常嫩滑且Juicy，牛味濃郁，牛魔王必愛！薯仔牛油味極香，與牛扒非常合配，間中吃數口蘆筍解解油膩感，完美。心形布尼朗配雪糕打卡必點的甜品，為整餐飯作一個完美的句號。心太軟十分好味，朱古力醬濃郁可口，雪糕選用的是Gelato，口感充實，不會太甜不論環境，氣氛，食

同男朋友黎左依間位於尖沙咀既樓上西餐廳慶祝，餐廳位置十分方便，由地鐵站A2出口一出行十步就到！一步入餐廳就覺得十分期待，皆因餐廳裝潢十分有格調及感覺很高級，感覺上比起不少傳統高級西餐廳更加高級！餐廳入口位置有不少打卡位！現代化及鋼琴黑格調的裝潢！十分有氣氛！坐係吧台位置飲野相信都會氣氛不錯呢！Book Mark Mocktail幾好飲既一杯Mocktail，清清地甜甜地，有淡淡的荔枝味及桃味賣相又靚，岩晒打卡呢！忌廉白酒煮青口前菜我地先叫左個忌廉白酒煮青口，青口口感彈牙，鮮味十足；忌廉口感軟滑，兩者無縫配合，白酒味都幾香！另外仲有幾塊多士可以點忌廉汁食，好味松露醬炸薯條作為小食真係不得了的炸薯條！薯條本身炸得酥脆，口感爽快唔會淋petpet！薯條面上鋪滿芝士粉，再加上香濃的松露醬，令薯條的味道上十分豐富！香蒜蜆肉辣扁意粉擺盤精緻的一道意粉，就好像一顆花朵！蜆肉好大粒且鮮味十足，口感彈牙；意粉偏辣，軟硬適中，令人不禁一口接一口西冷牛扒配焗牛油薯仔店家好細心咁已經幫我地切好晒賣相十分吸引我地叫左Medium，熟度剛剛好！入口十分嫩滑多汁，牛味濃郁，醬汁既味道唔會搶去牛扒本身的牛味。焗牛油薯

成個餐廳格局都非常特色 用左深綠色做主調 成個感覺神秘得黎又感覺有啲優雅 餐廳嘅方向睇黎都係用裝修吸引人主飲品有cocktail 提供 雖然啲名好有特式 但係味道就真係不過不失 而且每杯要成$150 似乎啲錢都係落左去裝修費道食物質素還好 始終都係偏貴左少少同份量有啲唔足 不過裝修得咁靚都預左要係其他地方控制下成本👉🏻 意大利火腿芝士拼盤🧀💰HKD1️⃣4️⃣8️⃣拼盆其實得兩款芝士同四去parma ham, 其他都係啲唔等食嘅野。 不過芝士質素唔錯👉🏻 貓耳朵意大利粉配茴香豬肉腸🐱💰HKD1️⃣8️⃣8️⃣貓耳粉形狀應該裝到好多汁 每一啖都應該好濃郁 不過呢碟意粉啲汁就少左啲 👉🏻 烤豬鞍配忌廉汁炒香菇🐽💰HKD2️⃣4️⃣8️⃣反而呢份豬肉好有驚喜 雖然份量唔多，但係無論火候同調咪都做得好好 佢嘅煮法唔係果種脂肪層燒到好脆 而係岩岩好一入口啲豬油會溶晒係口 都幾有特色

呢間打卡好出名一早已經bookmark同朋友相約去尖沙咀食飯，即係諗起呢間去到係黃昏時間果景好靚，仲要果日果天有少少紫過左一陣，天黑左又係另一風景，所以推薦黃昏時間黎到就可以影到兩個景色松露醬炸薯條除左即叫即炸外，薯條上面灑上芝士碎❤️增添香味烤豬鞍配忌廉汁炒香菇擺盤非常有心思，豬鞍出奇地軟淋貓耳朵配茴香辣肉腸貓耳朵唔係好多地方有，所以當然要嘗試下貓耳朵煙煙韌韌,而且好吸汁，醬汁配上辣肉碎微微辣五餅二魚 Signature cocktail果然與別不同侍應上台時解釋呢一杯的由來，再即場燒木魚燒左木魚同埋銀魚仔配上vodka ,好特別的配搭，令成杯酒的層次多變化左邊叫Book Mark由於餐廳冇限時可以瘋狂打卡影相,仲可以慢慢傾計❤️

#fafafoodblog尖沙咀 #fafafoodblog西餐🍴cocktail春秋 150 蚊Luzhou laojiao baijiu ,bambo leaf green .lemon juice malibu, cucumber syrup, egg white, coriander🍴cocktail五餅二魚 160蚊Dried sliver fish clove shochu, dried squid infused vodka, ginger vodka, suze, lemon juice, dry vermouth syrup好欣賞佢每杯 cocktail都會有 staff解釋佢既由來 好似春秋就係黎自四書五經 個竹青青味幾特別而五餅二魚個燒過既魷魚味同 ginger vodk都好 match 👍🏻 🍴香蒜蜆肉辣扁意粉 178 蚊🌶️🍝蜆肉大大隻 好新鮮 意粉比較爽口 扁身更有口感 而且佢辣有番甘上下 啱鍾意食辣既朋友🍴烤豬鞍配忌廉汁炒香菇 248 蚊🐷豬鞍似用左食橡樹果既豬 豬味唔會腥 而且好夠肉味 ,配埋忌廉汁既薯蓉 入味香菇 菜同露筍 好味 🍴自家製炸薯仔

啲蜆大部分係生，叫咗人換咗一牒，但都大部分都仲係生，換完個意粉之後仲難食咗，蜆肉生都算，個意粉唔係乾身，有啲蜆肉生果啲腥味，完全蓋過陣辣味，好似啲腥味嘅水加浸少少嘅辣椒味。而且員工態度差，啱啱入到嚟問我地坐入面定出面，揀左出面個位濕到根本坐唔到，就想換翻indoor,點知員工態度惡劣，話揀咗就冇得轉…..

$178 硯肉意粉 啲硯完全唔熟 已經叫左啲職員換過碟 換左仲衰 成碟嘢個味都變埋😂😅唔講嘢食難唔難食🥵啲服務態度差到 有一個孖辮粉紅色頭髮嘅女職員 我哋去果日落完大雨嚟 本來想坐outdoor。suppose都應該比張乾左嘅枱我哋坐啦 我哋落低先發覺原來濕嘅 咁就想轉返坐indoor 點知個職員勁無禮貌講「下 你哋揀左outdoor就outdoor㗎啦 冇得轉喎」間嘢價錢貴 份量細又唔好食 毫無性價比不在話下又冇服務。真係唔建議嚟捱貴食

Happy Hour想飲啖酒。朋友推薦位於尖沙咀文遜大廈的*Library*。店舖走型格路線。以綠色為主題。有indoor +outdoor。outdoor坐滿人😎😎。餐廳提供多款小食。飯麵。扒類。甜品等等。絕對係非一般酒吧❣️。點咗兩杯Mocktail 。Preface🍸 cranberry juice, elder flower syrup, blue pea tea, sodaBook Mark🍸Iychee syrup, peach syrup, chrysanthemum tea, pearl烤豬鞍配忌廉汁炒香菇豬鞍顏色粉嫩。肉腍帶肉汁。上枱已切開一件件。超窩心🤩。香蒜蜆肉辣扁意粉擺盤靚仔👍🏻。蜆肉大粒無沙。扁意粉辣辣地好惹味😮‍💨。

呢間餐廳地理位置頗為方便，由尖沙咀站行五分鐘就唔洗就到達。餐廳分為室內與室外的空間，室外有一個好大嘅露台，可以睇到尖沙咀車水馬龍嘅景色；而室內燈光調色較為暗，相對有異國風情。嗰日去到都有唔少人喺度影相，因為成個佈景都好適合大家影相留低倩影❤️嗰日就揀咗佢嘅lunch set，餐湯係南瓜湯，主菜係慢煮雞胸配蜜糖粟米醬，而甜品就係布朗尼，我哋仲額外揀咗一碟煙燻車厘茄水牛芝士多🍅整體味道不錯，都在水準以內，估唔到以打卡為主的餐廳食物質素都不錯。

終於去到呢個近期好紅既打卡餐廳🙆🏽‍♀️因為太熱，所以都係坐室內😂室內好似去咗熱帶雨林咁🤘🏽好彩戶外位置唔多人，想影相都可以搵到位😀服務好值得一讚🫶🏻個景真係吸引，好有去咗旅行既異國風情🌈🍴忌廉白酒煮藍青口 $168藍青口唔會煮到縮晒水，完全冇沙👍掛到汁👍啲汁好creamy, 配蒜蓉多士一流😃🍴炸茄子配蒜香孜然醬 $98係一間西式餐廳竟然搵到一啲咁特別嘅snacks, 好奇嘅我哋就叫咗黎試😂日系既煮法配港式醬料😆又幾夾👍茄子炸完都仲保留左汁，就算唔點醬都好食🥰蒜香孜然醬就蒜香蓋過咗孜然味～🍴西冷牛扒配焗牛油薯仔 $298好貼心地上菜時已經係切好🥰見到粉紅色嘅肉就知煎得啱啱好😊呢個部位唔會話油分非常高，質感有咬口👍薯仔煮得夠淋～見佢哋嘅Cocktail好似幾有特色，就係佢哋推介下試咗兩款🌈好想講係配合餐廳名library，每款酒都有一個story，好勁😝 🍹春秋$150好中國式嘅一款，大曲酒、竹葉青，仲有手拍青瓜，同埋花椒🤣飲落反而幾清新😃花椒味唔算突出👍但酒精度都幾強😂用酒爵呢個器皿裝，真係別出心裁😁🍹金字塔文本$150呢款就用rum做base🤓味道複雜性就相對較少，個人覺得呢款比較易入

環境舒服，燈光浪漫🌹整體户外環境不錯(夏天就不了)，室內好窄好迫(千奇咪講心事🥲)個人認為戶外不熱可去喝幾杯，如要又喝又吃就揀第間餐廳，野飲就好麻麻🥲豬鞍無影相 ->味道ok但好多肥膏🤮🤮羊架-> 全晚最可以，但不會一食難忘重點💔芝士拼盤 (超難食😭😭😭最好食係提子乾😭😭😭成個租合超唔夾🤮)冬天可以考慮飲幾杯，食飯就不了🥲*行去洗手間位置幾靚，可以打下卡😆

呢間餐廳想去好耐，因為好多人話好令，終於去到！杜康 醴呢個酒係向中國傳說裡面酒既發明者杜康致敬。有別一般西式用酒杯飲酒，今次我地用碗飲酒，佢主要係米酒調成，飲落去有桃味、紅豆、荔枝味，好多元。Tailor-made Gin第二杯我地叫左杯Gin，佢係青蘋果白提子Gin，鍾意Fruity既朋友不妨試下～炸魷魚天婦羅配雞肝醬佢個雞肝醬係配Toast食，個雞肝醬係幾挺身，而且味道好濃郁！而個炸魷魚都皮脆肉厚，幾有驚喜！慢煮羊架配腐乳迷你羅文菜我朋友覺得生咗少少，如果好怕食生嘅人可能要叫佢煮熟啲，但係我就OK嘅！有少少肥肉，但係整體唔蘇，而且許配腐乳醬好有創意，中西融合，同埋有馬蹄食落去冇咁膩！新蟹肉蘆筍意大利粉佢係新蟹肉，所以係一個素嘅意粉，質感幾似蟹肉，但當然冇蟹肉嘅鮮味。食咗咁多肉所以打算食返清啲，呢個係一個好選擇，意粉幾爽口～而且煮得幾香

同朋友為打卡而預約的餐廳，對食物菜式無太高期望，但出乎意料地好味。餐廳分內外兩部分，內部如熱鬧酒吧，更設有吧檯，外部如悠閑露台，幽靜素雅。店主為讓每個人都可以影到靚相，更空出打卡位，讓每個客人都有機會到打卡位影相。我和朋友叫了兩個lunch set, 包了前菜Parma Ham Salad , 一個主菜長通粉， 一個慢煮封門牛柳配薯蓉紅酒汁，兩杯飲品。Parma Ham 和蜜瓜，一甜一鹹，風味十足。白菌長通粉微濕潤，且通粉相當入味。而慢煮封門牛柳配薯蓉紅酒汁最令我驚喜，牛柳肉肉質鮮嫩，不會過老過乾，配上薯蓉紅酒汁，味道搭配有層次且搭調。不論是打卡，還是美食，都相當高質。