Le Monde

营业中

休息中

空間感超大，枱與枱之間無需隔板，視野空曠，傾計都暢快啲。音樂燈光環境設計充滿格調，貫徹法國人浪漫的一間餐廳。清一色全男班侍應， 用中英夾法文下單， 細心有禮。澳洲香煎牛柳（$158）「牛有牛味」，果然係主廚推介，牛柳瘦肉多，脂肪少，賣相精緻，七成熟無血水流出，保持肉汁，牛肉夠曬軟滑，薯菜切粒，調味經精心處理，香噴噴爽口美味. 秘製虎蝦濃蝦汁意大利飯（$158）兩隻肥厚的虎蝦拼成心型， 蝦身處理乾淨，煎得香脆，蝦肉爽口彈牙，鮮甜美味，配合濃蝦湯把米粒煮成奶油般濃郁質地的意大利飯， 令人陶醉。Le Monte Colada （$68）純白色的椰奶，加菠蘿汁 ，杯上串起一顆令人心動的小櫻桃，香甜唯美。

為慶祝友人生日，今次挑選了觀塘區嘅隱世法國菜，餐廳裝潢高級優雅，感覺放鬆舒適，座位之間非常寬敞🥰🥰🥰過左一個非常滿足的一個晚上【必試推介】非常出色的特制濃蝦湯，蝦味濃郁，又不會過咸，味道剛剛好，超級好飲餐前包類都有幾款，目測以為是硬的，原來都幾鬆化，好味法式香草焗田螺配麵包雖然頭盤已食左麵包，但點埋充滿蒜香橄欖油的田螺一齊食又非常夾，好好味【必食推介】👍法式慢煮油封鴨脾配紅椰菜鴨皮煎得份外香脆，咸香味好出，鴨油多，肉質嫩滑，配菜亦不容錯過，非常難忘的一道菜😋😋😋👍

呢間未黎之前已經bookmark左好耐，見到舖頭裝修勁靚、勁有feel，好多打卡位，但舖頭位於牛頭角同觀塘中間既工廠區，位置唔算太方便。. New Zealand Littleneck Clam⋆ $155呢碟係蜆配上忌廉汁既前盤，份量同平時見到前盤好唔同，好大碟！應該有成廿幾隻蜆，同埋每隻蜆都好大粒，好飽滿。忌廉汁調得剛剛好，唔會太漏，但個人覺得蜆肉既海水味都稍為有點重，有少少鹹。.Tiger Prawn Rissotto ⋆ $158本來見到好多食評都有點呢味，賣相好吸引，所以我同朋友都簡左呢個Rissotto做主菜。個Rissotto好掛汁，龍蝦汁既味好重好濃，虎蝦食落都好爽口，完全冇嗌錯！份量就正正常常，唔算太少。. Roasted Yellow Spring Chicken ⋆ $ 208正正常常，冇太大驚喜，擺盤亦都唔算好靚，但雞肉烤得好入味，份量都算大份，有兩隻雞脾同兩隻雞翼。整體黎講都好推薦同朋友/另一半黎慶祝特別日子，可以影靚相，好似去左好高級既餐廳咁，兩個人都只係食左600蚊左右（連加一）。

觀塘工廈的隱世法式餐廳，點餐後會送上三款麵包，鬆軟得來又各有特色。Le Monde 非常之講究，每吃完一道菜，會收走用過的餐具，並再附上下一道菜適合用的餐具🍴，可以乘機學學餐桌禮儀。😆🍽法式洋蔥湯🧄有一整顆羊蔥在碗內，賣相吸引。洋蔥煮得軟稔，滲透了湯汁，若洋蔥再濃一點就更好了。🍽特製濃蝦湯🦐🥘是濃蝦湯，不是龍蝦湯🤣蝦味十足，但可能是要仿製”龍蝦湯”的鮮味，調味略為重手，偏咸。但用料豪不吝嗇，湯中有蝦肉。🍽香煎北海道帶子非常精緻的一道菜，帶子兩面煎很微脆，內裏保留軟綿綿的口感，再配上廚師調製的醬汁，口感非常清新。🌿🍽秘製虎蝦濃蝦汁意大利飯🦐意大利飯偏向硬身，米飯粒粒分明，每粒也吸收了醬汁。醬汁有非常濃郁的蝦味，非常creamy，如果可能再咸一點就完美。🍽法式紅酒燉牛臉頰肉🍷使用慢煮方法，令牛肉入味之餘，保留到牛臉頰肉軟腍，醬汁有淡淡的紅酒香，用來沾法包，簡直一流。🍷🍽法式普羅旺斯紐西蘭羊架🍗羊架選了七成熟的，表層灑上了香草Crust，烤到外脆內軟，肉質嫩滑而且沒有羊羶味，不需要任何醬汁也很夠味，非常之驚喜！👍🏻

《觀塘平民版法國菜》估唔到原來係觀塘都可以食到平民價錢嘅法國菜，而且餐廳又寧靜有氣氛，佈置都幾靚，絕對唔輸俾高級嘅法國餐廳～呢度就算係單點嘢食都會有餐包，而且仲會烘返熱先上菜，好有誠意～🤍蟹肉甜紅椒忌廉扁意粉（$148）本身以為自己會唔係幾鍾意食甜紅椒嘅味，點知配合埋忌廉汁又覺得唔錯。扁意粉嘅軟硬度適中，蟹肉碎嘅份量亦都好足夠🤍加拿大保濕豬扒配法式忌廉黑椒汁（$228）豬扒嘅厚度適中，食落唔會覺得好嚡，仲有啲薯仔同青瓜伴碟，令到個感覺唔會好單調。特別欣賞佢嘅忌廉黑椒汁，估唔到原來忌廉同黑椒都可以match得咁好！另外，呢度只要加$45就可以叫多一個配菜😋🤍芝士西蘭花苗（$45）芝士焗西蘭花就食得多，西蘭花苗真係未試過，佢嘅口感冇西蘭花咁硬。呢度落嘅芝士份量唔算太多，相對上冇咁邪惡🤍炸薯條（$45）即叫即炸嘅薯條好香脆(>^ω^<)💰人均消費：約$250

朋友介紹話觀塘有一間優質嘅法國餐廳有格調 價錢親民 今日一於去試吓😜😜Order左食物之後 會遞上麵包麵包暖呼呼 介乎法包同軟包既口感👍🏻 香煎北海道帶子 帶子兩邊都煎得香脆 超級香呀 醬汁清新 好味❤️秘製虎蝦濃蝦汁意大利飯 虎蝦2隻都大隻 味道鮮甜再配上濃汁好夾義大利飯軟硬適中 好有咬口 🤤🤤義大利飯煮得好入味 令我食多左飯 yummy法式慢煮油封鴨臂配薯蓉及紅椰菜似係法國食過既味道 鴨臂一d都唔蘇🦆好脆可口 肉質仲係juicy配埋薯蓉食飽到上心口😎

秘製虎蝦濃蝦汁意大利飯 • HKD$138個汁似南瓜汁多d，唔太食到蝦汁味🤭兩隻虎蝦都大隻，煎到好香同埋肉質彈牙，食得出係幾新鮮嘅～法式普羅旺斯紐西蘭羊架 • HKD$208羊架原排上，一共有三件，要自己切😅叫左七成熟，煮得啱啱好～就咁食比較淡同重羊味，點左汁就會咸返d焦糖燉蛋 • HKD$58味道正常，賣相打卡able法國橙酒班㦸 • HKD$68幾有驚喜，好濃橙香味，而且即使個汁係用酒煮都唔會苦！飯後食的話建議兩個人share

今晚同男友去左Le Monde食晚餐😀，餐廳空間好寬敞，氣氛同餐廳名一樣咁有情調☺️1.餐包熱辣辣、香噴噴咁送到面前，有3款唔同既包，有鬆軟既、口感煙韌既、香籽味既👍🏻2.法式普羅旺斯紐西蘭羊架男友好滿意，因好夠羊羶味（鍾意嘅就會好鍾意😂)佢要左七成熟，所以羊肉既顏色依然好粉嫩，肉質鮮嫩多汁👍🏻側邊既紫薯蓉都好香😋配菜加左份鴨油蒜香薯蓉，食到薯蓉中有薯粒！😋3.秘製虎蝦濃蝦汁意大利飯意大利飯口感適中、彈牙，味道都不錯，份量如果多啲會更加好😆4.法式朱古力松露蛋糕朱古力味好濃，配合朱古力脆片，好味☺️

觀塘法國菜🤩典雅氣派、服務超好、食物質素高，令我對法國菜改觀💁‍♀️ 以前覺得法國菜下下都千幾蚊，又細碟，又食埋啲好騎尼嘅野😂但今次呢間價錢同碟頭都同平時西餐差唔多，$500都食飽到2個人🤩材料都係法國菜入面比較貼近香港人口味嘅項目，例如鴨、海鮮、crêpe、橙酒等等😝 呢度環境寬敞，燈光同音樂好適合情侶約會💁‍♀️每一個店員都好好態度😋抵讚。 一開始有麵包做開胃菜🤩啲麵包好香、好暖，外脆內軟，加哂分🥖。 煎白鱈魚配忌廉大蔥汁🐟$178鱈魚煎得好香但仲保持到水份💁‍♀️好有魚嘅鮮味，同埋個汁真係好襯😝雖然餐牌無講，但下面仲有一舊大薯仔🤩個薯仔超級香，調味恰到好處😋媽媽食完話真係夠飽💁‍♀️ 秘製虎蝦濃蝦汁意大利飯🦐$158意大利飯係傳統嘅比較有咬口版本，汁好多同埋真係好濃🥰但唔會真完口渴。蝦肉爽口好味🥰。 鴨油蒜香薯蓉🥔$48好好食💁‍♀️薯蓉之間融入咗啲薯粒仔。鴨油蒜香吊到個味好香🤩 法國橙酒班戟🍊$68甜品係一餐之中重要嘅部分，對法國人嚟講係，對香港女仔嚟講都係😂😂呢個班戟質地軟滑帶蛋香。橙酒汁酸甜味好醒神，中間有啲橙皮絲，令到個層次好豐富。

今日專登去左哩間朋友推薦既法國餐廳，餐廳環境寬敞，佈置浪漫舒適，好適合黎慶祝特別節日。餐牌上面有主菜、小食同甜品可以選擇。叫完嘢食之後，店員會提供三種唔同既餐包，全部都熱辣辣，表皮香脆，內裏鬆軟。🍅蕃茄芝士意大利雲吞 $128雲吞小巧，一啖一粒，蕃茄醬汁酸酸甜甜，非常開胃，仲有好濃郁既芝士味。🐑法式普羅旺斯紐西蘭羊架 $238羊架上面鋪滿香草麵包糠，食落脆脆地，因為我地叫左七成熟既關係，所以切開肉質粉嫩，口感嫩滑，而且唔會有羊羶味。🥭法式千層酥配時令生果 $78千層酥非常酥脆，層次感十足，裏面既吉士醬唔會太甜，醬同千層酥既比例調配得啱啱好，入面仲有清甜嘅芒果同埋藍莓，好食推介👍🏻整體黎講，餐廳環境舒適浪漫，食物高質素，好適合同另一半黎撐枱腳。

呢間係隱藏喺觀塘工業區入邊嘅一間法國餐廳，位置比較近牛頭角地鐵站。餐廳都幾幾大間，同埋好闊落，枱與枱之間距離好遠，所以都幾舒適。秘製虎蝦濃蝦汁意大利飯$158賣相好靚，醬汁香濃每粒飯都沾滿左濃濃的蝦汁，兩隻虎蝦大大隻，煎得都幾香。不過如果啲意大利飯煮熟多少少就更加好，有少少硬。法式慢煮油封鴨髀配薯蓉及紅椰菜$258係呢度嘅招牌菜，見到每一枱都有點。果然好食，鴨髀皮脆內軟，又唔覺得肥膩。啲皮有少少好似北京片皮鴨咁，好正啊！伴碟有紅椰菜、紅酒啤梨同埋薯蓉。　餐包新鮮熱辣，仲有三款唔同嘅

原來觀塘都有間法國菜餐廳，裝潢好有情調，岩哂兩個人一齊傾下計談下心🥰餐廳一開始會送試餐包籃，三款唔同口味既自家製餐包，烘過後暖暖地咁，口感軟熟好味😊🌟 秘製虎蝦濃蝦汁意大利飯 $158意大利飯加入濃郁既鮮蝦醬汁煮成，鮮味有咬口。上面加有2隻大大隻、肉質彈牙既虎蝦🦐🌟 煎白鱈魚配忌廉大蔥汁 $178白鱈魚煎到外脆內嫩；外皮十分薄脆、魚肉不但厚身，味道鮮甜多汁，入口好柔軟🥰！配搭烤忌廉薯片千層，一層層薯仔薄片中間加有忌廉醬汁，上面再加左芝士， Creamy好味！🌟 法國橙酒班㦸 $68甜品揀左富有法國特色既橙洒班㦸😚班㦸帶蛋香，而且好軟滑～加有橙絲既橙酒醬汁無論係香氣同甜度都岩岩好，配搭起黎唔錯！

平時觀塘出咗名 工廈多隱世餐廳 咩菜式都有今次小編就搵到間裝修超華麗 環境又超好重點係 食物質素都非常高嘅法國餐廳🇫🇷🔖 法式紅酒燉澳洲牛臉頰肉牛臉肉非常軟腍 基本上唔洗點用力 入口就化配埋紅酒汁簡直一流 但略嫌紅酒味唔算好出🔖 法式普羅旺斯紐西蘭羊架表皮有點點脆皮 羊肉質感嫩滑羊架沒有羊羶味 實在太好了ヾ(〃^∇^)ﾉ～♪如果嫌唔夠味 可加醬汁 分別有芥末醬/芥末籽醬🏆值得一讚🏆羊架本身揀咗七成熟 但因為切開都有啲生職員見狀 便好貼心拿回廚房再煮然後再切開埋 堆砌好擺得靚靚再上碟 很好呢❤️🔖配菜推薦忌廉菠菜苗 真係好creamy🤩炒野菌則牛油味非常濃郁!

星期日去左間幾高質素嘅法國菜餐廳❗️原先以為呢啲法國菜嘅餐廳好貴，但其實佢啲價錢又唔算貴，都幾抵食☺️另外佢個環境真係一流，空間好寬敞，裝飾好典雅，係有種真係去咗法國高級餐廳嘅感覺❗️😗🔻一入座會有包食先🥖有三款，各有各唔同嘅味道，其中一個係有少少番薯味😂唔知啱唔啱，但係包嘅口感幾鬆軟，配埋牛油都幾好食🔻🍝番茄芝士意大利雲吞 $128唔知點解睇Openrice 見到啲雲吞係好大舊嗰啲，但上枱嗰時係啲細細粒嘅雲吞😂😂😂另外，意大利雲吞入邊唔係芝士🤔係肉黎😂不過好在啲蕃茄汁都幾開胃，夾埋ravioli食都幾好食🔻🦞法式芝士焗波士頓龍蝦 $368賣相超靚，隻🦞幾大隻，食落有鮮味❗️淡淡肉，肉質好爽口，另外🦞嘅鮮甜配上芝士嘅奶香，味道好夾，令龍蝦更滋味😗🔻因為食完都唔係好夠飽😂😂我哋嗌多咗個side dish, 原先想嗌最愛嘅薯條，但餐廳話冇晒😳唯有揀第二樣，於是揀咗呢個芝士焗西蘭花🥦佢啲西蘭花超級特別，之前未見過咁長嘅西蘭花😂但食落夾埋熱左咗嘅芝士都幾好味👍🏻

之前有朋友向我推薦呢間法國菜餐廳，朋友覺得又抵食又高質，食材優質。今次我就選擇左黎食晚飯。現場環境舒適，燈光音樂好浪漫，枱與枱之間空間感充足，裝修優雅環境舒服。點菜後侍應會先送上暖手工麵包，厚實得黎又不失鬆軟。頭盤-香煎北海道帶子 $128賣相已經好靚🥰帶子經過輕煎，配上醬汁味道不錯☺️主菜- 蕃茄羅勒醬意大利粉 $85輕型好味之選主菜-安格斯極牛頂級牛柳7安士略微小份量。肉厚軟淋，有牛味，喜愛食牛既朋友不容錯過。甜品-焦糖燉蛋 $ 58用火輕輕燒過嘅焦糖😛燉蛋幾香，唔會過甜。甜品-千層酥配時令生果 .$78 甜品永遠都係我既正餐，好鐘意依度既千層酥好脆，面層仲有少少杏仁片，cream 亦好香😋，配上時令生果，完美！總結呢間係觀塘區少有既價格抵質素高既法國菜餐廳，用餐環境舒適且寧靜，氣氛浪漫，食物擺盤精緻。✅推薦4/5味道4/5環境4.5/5服務4/5價錢4/5