Le Monde

营业中

休息中

公司附近唔算好多嘢食，所以都成日行出去愛琴坊個頭，同事介紹呢間嘅鴨髀好正，即刻Book位試！Lunch Menu好多選擇，除咗可以跟返當日餐湯 - 南瓜湯，豬太郎upgrade咗個龍蝦湯，兩款湯都好濃郁，龍蝦湯好鮮甜，鐘意嘅朋友唔好錯過！➜法式慢煮油封鴨髀配薯蓉及酸紅椰菜經慢煮過嘅鴨髀好軟冧，鴨肉輕輕一切就散開，鴨髀外皮薄身香脆，配搭橙香味濃嘅燒汁同濃濃嘅紅酒香氣紅酒燴梨，可以將鴨髀嘅油味中和。.➜烤阿根廷 21 日熟成西冷牛扒配烤雜菜及藍芝士汁唔鍾意太濃肉味嘅，可以選擇阿根廷西冷，肉質同脂肪比例啱啱好，唔會太肥膩，而經過熟成呢個Step仲可以令肉質再Level up𠻹！.➜蜜糖芥末麵包糠焗比目魚柳配紫薯蓉比目魚柳本身係比較淡味嘅魚肉，以蜜糖芥末麵包糠包裹，唔止為比目魚增加一份香甜嘅味道，仲令口感更加豐富。.食物出色環境又舒服，慶祝特別日子就啱晒啦！

La Monde是觀塘工廈的有名法國餐廳聞說主廚是法國藍帶畢業 環境寫意 而店鋪manager ：Johnny 更是餐廳亮點 其幽默風趣的介紹 令我獲益良多 另外餐廳不定時推出法國🇫🇷酒店級數的餐牌今期有愛爾蘭咖啡☕️Johnny更即場製作！ 視覺享受同樣的餐廳餐牌🍴食物種類繁多當天選擇了Dinner Set～Dinner Set 頭盤 鯷魚沙律嚐試了一道鯷魚沙律 印象深刻沙津用上新鮮的鯷魚、蔬菜和各種調味料製成的 口感豐富多樣 檸檬汁的酸度使得整道菜變得更加清新～餐包餐包有三款普通嘅餐包 、 黑芝麻麵包、黑糖麵包🥯上菜嘅時候熱辣辣 鬆軟～Soup 湯🫕蘑菇忌廉湯味道香滑濃郁🫕龍蝦湯非常濃郁的龍蝦味 好鮮甜😋～Main Couse🐟🔷香煎三文魚柳配檸檬菠蘿牛油汁及薯蓉 三文魚柳的肉質柔軟鮮嫩 外皮煎得金黃酥脆搭配上檸檬 菠蘿🍍汁酸甜味道能夠中和三文魚柳的油膩感同時還增添了一份清新的口感。～🥩阿根廷 21 日熟成西冷牛扒配墨西哥醬西冷牛扒肉質柔軟 熟成 21 日 讓牛肉的質地變得更加柔軟口感順滑牛扒的外面被煎得焦黃酥脆裡面卻仍然保持著鮮嫩多汁搭配上香氣四溢的墨西哥醬口感和味道都非常均衡～🥭

觀塘工業區附近有好多餐廳隱藏係啲唔顯眼嘅大廈到， Le Monde係其中一間餐廳主打精緻法國菜~ 環境舒服有情調、而且空間感十足，好似置身係一間外國餐廳~🥰我地order 咗兩個dinner set，頭盤係✅鯷魚沙律😜~ 沙律好fresh好開胃，而且鯷魚都好好味，冇預期中會有嘅腥味~ 🤓餐湯我地要咗✅雜菇湯同龍蝦湯~雜菇湯好creamy，有好香濃嘅菇味😆；而龍蝦湯口感濃郁，個人鍾意龍蝦湯多啲~👍🏻主菜我地order 咗✅阿根廷西冷同三文魚柳，牛扒肉腍多汁，而且好重牛味，同配搭埋墨西哥醬同芥末醬一齊食味道更好！😋✅三文魚柳外皮煎到金黃色，皮脆肉嫩， 味道唔錯~薯蓉味道剛剛好，入面仲有青瓜檸檬等食材，感覺好fresh 好健康~😳甜品方面係✅朱古力三重奏同macaroon，擺盤非常精緻而且幾好打卡😍；朱古力三重奏口感幼滑而且底下有啲朱古力粒粒令到成個蛋糕好有口感~🤩

環境幾舒服, 有種特別既風格😎 食物選擇午餐以Lunch Set為主, 晚餐就會有A la crate 同埋Dinner set可以選擇🤓🥗南瓜忌廉湯好Cramy南瓜味好濃加埋洋蔥既香, 呢個湯好甜好飲😋龍蝦濃湯(+$18)聞落已經好香, 飲落都好重龍蝦既味加埋忌廉真係無敵, 加錢叫都抵呀😍 沙律菜加左柚子醋, 酸酸甜甜好開胃😙香烤美國 BB 豬肋骨配炸薯條🍖($178)烤到令立立軟軟軟既豬肋條好正, 蜜糖令到表皮脆脆地, 下面既幼薯條都有少少蜜糖🤤烤阿根廷 21 日熟成西冷牛扒🥩($178)牛扒七成熟夠腍身, 配芥末醬同濃郁既藍芝士醬都幾特別, 另外配左烤薯菜都不錯的🥰Lunch set 可以加錢要是日甜品或者法式千層酥, 不過食得飽飽地就冇試到😝 呢度既食物幾高質, 觀塘區比較特別既一個選擇😌

以下價錢為食物原價 晚市主餐牌88折優惠******************************可能因為位置比較偏晚市時間餐廳客人較少午市時間就熱鬧啲附近嘅返工人士都會黎食下lunch覺得餐廳侍應同老闆態度都好友善服務好食飯都食得開心啲🥳而且環境闊落坐得好舒服希望Le Monde晚市都會旺😙***🥢熟成杜洛克黑毛豬扒 $328+1豬排煎得啱啱好表面香口 內裏嫩滑配醬係黑椒口味黑椒味重得黎唔會好辣雖然錯重點但係伴碟嘅菜真係好好食🤤如果menu有得單嗌菜我一定會豪不猶豫地點一碟😂***🥢虎蝦配蝦汁意大利飯 158+1飯嘅蝦味真係非常濃郁😍可能唔係個個啱呢種蝦鮮味但係我就非常鐘意🤤***🥢法式千層酥配時令水果 呢款唔係好記得價錢😂時令水果係藍莓，草莓同哈密瓜夾層脆口不過水果切得太碎如果大粒啲會有咬口同開心啲😗***🥢法式朱古力松露蛋糕 $58+1朱古力味濃有個crunch脆脆底稍嫌有啲甜但係食落好有層次感

週末嗰個午餐呢，都幾抵食喎， 而家仲係買兩個第二個有半價優惠全日呢嘅happy hour酒水呢買一送一喎， 上星期呢去食過呢，嗰個鴨髀啦同埋肉眼牛扒呢唔錯喎，仲有一個半價添 呢，水準幾好好平，我阿媽叫咗杯白酒佢送多杯白酒畀我。

剛剛行過觀塘，見到有個有個牌寫住芝士火鍋， 本人對芝士非常熱愛，胆粗粗敢上去試下啦，竟然有意想不到的收穫， 職員話畀我聽係用意大利芝士，芝士口感豐富不太Rich, 加埋沾上法包 一齊食味道唔錯，我就加咗啲龍蝦，帶子，青口都係好好味，下次帶埋朋友一同來再試。

之前覺得唔錯今日再嚟，食物水準係有嘅，但低級錯誤到頂點，點了紅酒燉牛臉頰，落order時已再問有無法包跟，回應話有，但一士直唔出聲直到上菜時輕輕一句呢個菜係無包跟，唔想太影響心情，亦唔想嘈。完全欺騙加唔處理問題嘅心態。好簡單跟2片法包加句原本個菜無跟法包但我同事答錯都跟番比你，原全就天同地嘅處理方法，再者2片法包成本，真係唔明點解會咁樣，可能個個都係老闆，老闆就係有性格。其實做餐飲一直難，但真係無理由咁少問題都唔識處理或唔想處理，不過熟客可能會好唔同，明嘅，祝好運。。。

2022年最後的一晚，黎到呢間位於觀塘工廈的隱世法國餐廳，聞說呢度嘅主廚係法國藍帶畢業，果然有意外驚喜！由於小妹喜歡食龍蝦，但兩個除夕menu都分別有唔同龍蝦菜式，真係好開心!頭盤點了龍蝦湯，足料及口感濃郁，大滿足😋主菜我地分別點了焗龍蝦配魚子醬及虎蝦意粉。魚子醬配芝士龍蝦的味道非常合適，魚子醬能帶出龍蝦的鮮味。虎蝦火候控制得宜，意粉入口唔會感到很漏。甜品今次試了French Macorons，味道分別有士多啤梨、檸檬、朱古力和開心果，而且唔係太甜，只係略嫌餅皮有點乾。此外，餐廳環境適合情侶拍拖或與好友相聚談心，侍應服務亦禮貌周到，以平民價享受到fine dining嘅菜式和服務，以後有機會要再黎試下其他菜式！

睇咗好多好評先決定去食，原來全部係伏嚟！一入到去，全部職員都黑口黑面，難聽啲講句，死老豆咁嘅樣！坐好咗之後，盞燈係咁閃吓閃吓，職員一埋嚟又冇事喎。叫幫忙影張合照，求其到冇嘢講。啲湯稀到水咁，完全冇味，好彩冇轉龍蝦湯，唔係就蝕晒。叫咗21日牛，豬扒，盲曹，龍蝦汁飯。21日牛完全不是一回事，叫5成熟，嚟咗差不多10成熟。豬扒不過不失，係鞋咗啲同冇乜味。盲曹腥到不得了，又完全冇味，好多魚鱗，隔2啖就有魚鱗。係個飯叫做正常少少。連一個食嘢冇乜要求嘅人都不停話難食，想像唔到點解會有咁多好評？！仲要價錢唔平！冇乜服務，食物質素咁差！賣相好唔吸引，連相都冇影，只係喺大合照入邊cut返出嚟。

2022.10.13 lunch呢一日放半日，女友覆診，呢排疫情都好似轉好咗少少，所以出街食都覺得好似安全啲。 選擇牛頭角落車搵嘢食⋯⋯終於撞咗嚟呢間。其實之前女友都食過，上次經驗就一般般😝 但好似附近都冇咩食，所以都再試吓，俾多次機會😝都仲有位！仲有個唔錯嘅位，但就好似唔係好夠冷氣，但坐坐吓都可以😊 我揀咗魚，女友揀咗唯一一個飯。餐湯沙律到，賣相幾好，可惜個碟細咗少少，攪到啲沙律菜好客易就碌落街😝 係雜菜湯，似自家製，我幾鐘意，女友就麻麻，所以話呢，口味真係唔係人人相同，食評只可作參考😅主菜到了，講我個比目魚柳醒露筍及南瓜蓉先，賣相就一般了，露筍小咗啲，但魚好滑，配南瓜蓉味道唔錯喎😊女友嘅香煎美國雞胸配蘑菇燒汁及忌廉意大利飯呢，賣相靚啲，味道都好好，雞胸肉都好滑，但我覺得煎得唔夠，可以再煎香啲仲好味，個飯好味，唔會太濕剛剛好😃👍🏼今次餐飲要咖啡，order 啱咗！好耐冇飲過餐咖啡係呢隻，好香好好飲☕️😌 但都係同女友上次經歷一樣，主菜唔係好夠熱🫤 希望下次再嚟會有改善啦😏

見到咁多好評，心怕冇位，所以早一星期已訂位。今日星期六12:45準時到，只有2枱顧客，心諗啲人瞓雁咗？叫咗西班牙豬扒，帶子意大利飯同食評讚口不绝的開心果玫瑰法式多士。豬扒同意大利飯不過不失，但法式多士就完全不是食評話的外脆內軟。我問職員點解咁林嘅，職員話佢哋嘅多士係林嘅，外層都是林的。我話好多食評話係外脆的，職員話他們不能阻止寫食評嘅人話他們的多士是外脆!大家可以知道這間餐廳的食評大都不正確反影食物的質素，千期唔好上當。

今日同老公難得都係星期日都放假，於是我哋兩個就拍拖入咗觀塘，去左食Le Monde食法國菜，享受一下假日既時光！🌉我食左西班牙Iberico 豬扒配忌廉菠菜苗 !🐽豬扒非常之大塊厚切！我一個人都食唔晒都分咗啲比老公食！豬扒充滿豬香味，咬落去非常多汁嫩滑！而佢菠菜苗亦非常好食😋菜苗非常嫩身，咬落去好爽脆清甜，配埋濃郁既忌廉汁一齊食好好食😋😋著條亦同樣好食，炸完脆卜卜！而老公個法國圖盧茲腸配薯條亦都好出色！😍豬瘦肉同豬五花肉按一定比例完美混合，肥瘦適中，入口充滿香濃既脂香之餘亦都有清新嘅香草味，非常滋味！😍😍😍我同老公都好滿意呢餐既法國菜啊！

難得趁今日星期六放假，於是就趁有時間今日就去咗觀塘巧明街嘅Le Monde試下法國菜！小妹咁大個女都係第一次食法國菜咋，點知一試難忘！就算去到餐廳已經俾左我一種好舒服好享受嘅感、覺餐廳好闊落好光猛，非常充滿歐陸風情！🏞之後我就坐低嗌咗個煎盲曹魚配露筍及忌廉汁 🐠！盲曹魚非常大塊同厚身！煎完唔會乾身，仲好嫩滑， 入口充滿淡淡既油脂，再配埋香濃嘅忌廉汁同爽口既露筍😋非常之好食！仲有呢個魚嘅特別之處係配有口感綿滑嘅紫薯🍠做伴菜！紫薯蕃薯味濃，同非常之甘香！呢度嘅裝修都佈置非常之靚🥰有好多唔同嘅打卡位，我都影咗好多相先走！

男朋友想試吓特別嘢，於是今日星期日我就帶咗佢去觀塘嘅Le Monde 餐廳食法國菜！男朋友話佢今日係第一次食法國菜，佢食完之後都非常滿意！😋😋我地食左香煎法國鴨胸配法式香橙燒汁🐤鴨胸煎得外脆內軟， 冇鴨酥味之餘仲要有濃郁既鴨香味，點埋個香甜既橙汁一齊食，酸酸甜甜非常開胃！而佢啲creamy 薯蓉亦非常奶香，同鴨胸一齊食又係另一境界！🐙「烤西班牙八爪魚配焗薯」亦係無得頂！🐙八爪魚焗完之後非常之香脆，亦唔會乾身反而仲好彈牙！而焗薯亦都唔會乾身，香滑軟嫩，非常好味道！🦞「法式焗波士頓龍蝦」🦞亦非常爽滑彈牙！龍蝦大大隻之餘而肉質非常有光澤，入口鮮甜美味，仲散發出陣陣既牛油香！