Le Menu

营业中

休息中

平時都好中意同家人黎食BUFFET既，真係幾好，服務OK，又可以自己整Waffle，而家出面好D既都收$400 - $500位，而呢度星期一至星期四都係收$188(全包)，所以真係覺得又平又好！

訂位for 母親節, 價錢比平時貴, 加左一要成$270 一位; 訂位后幾日, 六國至打來話要落訂金, 我覺得吾係咁好羅, 我都係因為第二間要落訂咁煩, 六國吾洗至訂佢啫, 幾日后至講想再訂第二間都full 啦食物種類比較少, 尤其是西式, 中式就連魚都無, 不過佢都有d第二間無的食物: pop corn 同 H 字頭貴貴 ice-cream (回本都係靠食佢)食完離開左, 呀媽問我點解無花送俾佢, 佢話見到hotel 入口有牌寫住母親節buffet 每位母親都有花., 點解呀, 吾通要開聲話要至有???

２００８／５／１晚餐雖說是要減減膽固醇，不過也要周不時出外吃一餐半餐，自己也開心D﹗基於又抵又合心水，所以又來六國吃。不論前菜﹑主食，九成的款式也和上個月來的差不多，只補寫上次沒有吃過的吧。很搶手的即叫即整的湯麵，趁不太多人就先整碗吃吃，上次沒吃到水餃，大大粒不過也是普通貨色；見有魚旦角幾得意咪試試，肉地又林又散，給人的口感很怪。生滾粥的粥底又綿又滑，實在要讚多次。這個麵檔師傅很NICE，感覺不錯。熱盤方面，羊架就沒有了，不過那味燒雞扒不得不試，雞肉又嫩又滑；全程一樣炸物也沒有出過，取而代之只是田螺焗薯蓉。甜品區的自制格仔PANCAKE當然不能錯過，今次的蛋醬，味道比上次淡了，質地也比較散；而我最愛的藍莓乳酪也沒有出場，可惜可惜。其他食物也沒太大分別，唯一是雖然今日是五一勞動假，但只收$188，抵吃指數再升一級

琴晚14/4, 係爸爸既正日生日, 佢話想食buffet, 之前又睇"六國"咁抵食, 就1於試下啦~~早1個星期訂位都仲可以, 中途幾次我打去加減人數, 接線生都冇咩不悅, 但就好似好趕時間咁要收線~6:25已經去到, 亦都有人已經坐係裡面, 待應上前話未夠鐘食野, 但可以拎野飲先, 飲品- 橙汁&雜果汁(不是鮮榨的, 而且加了很多糖, 太甜了), 蜜桃茶, 奶茶咖啡檸茶...夠6:30後, 待應又會上前通知可以拎野食, 服務幾好...是晚既湯有豬骨湯&龍蝦湯, 麪包也有好幾款, 試過..太硬了吧~~冷盤- 龍蝦仔(有怪味),翡翠螺(好彈牙), 蝦(勁普通)...沙津- 薯仔沙津, 西蘭花&椰菜花雞肉沙津, 3色椒沙津還有很多新鮮蔬菜可以自由配答"load"刺身- 三文魚(好肥美), 八爪魚&唔知咩魚(2樣都冇食), d士油好咸...壽司- 假鮑魚壽司, 幾款卷物(都冇食, 不吸引)熱食- 炸蝦球, 咖哩薯仔紅蔔白雞肉, 醬汁豬助骨, 鴨肉, 白汁海鮮(魚柳, 蝦, 三文魚)<-呢個幾好, 白汁雜菇三文魚意粉(好正), 冇料炒飯(咩送都見唔到, 淨係見到d蔥同飯), 蒜泥菜心仔

２００８／４／４晚餐前一晚才訂位也訂得到，難道和今天是清明節有關﹖準時入座，估不到坐到窗口位。雖然外面只是幾條大馬路及商廈，不過到了晚上，閃爍著對面寫字樓的燈光，都不錯啦。***任飲***（冷飲）什果賓治﹑橙汁﹑蜜桃茶；（熱飲）咖啡﹑紅茶﹑滾水，奶和檸檬片。***冷食***刺身﹑壽司﹑青口﹑翡翠螺等，不過統統我也沒吃，我只吃了新鮮彈牙幾大隻的凍蝦；而由幾種菇類／三色椒／豆類，再加不同調味料撈成的凍盤，三款都好好食，椒和豆都很爽脆很甜。***熱盤***楊州炒飯﹑茄醬豬扒﹑醬汁雞扒﹑煮羊架﹑咖哩海鮮（只是魚柳件，咖哩完全沒咖哩味，應叫白汁魚柳才對）﹑牛柳粒﹑蒸魚﹑炸蝦球等。可能我自己喜歡吃熱食，整體上的味道和質素都幾好，加上款式多，真的很合我心意。***即場系列***ａ）中式湯麵：材料有水餃﹑魚皮餃﹑鯪魚肉﹑炸魚皮﹑魚腐﹑菜蔬等等任你先選，然後給廚師加麵底去煮，湯底有沙嗲﹑清湯及豬骨湯。我只要了餸，豬骨湯底較淡，不過連炸蒜粒撈埋吃，就惹味了。ｂ）生滾粥：皮蛋﹑雞絲﹑瘦肉和龍利柳任你配答。弼底好棉，皮蛋硬，龍利柳煮粥原來好好食。油炸鬼好細心地切片上，不需沾油隻手。ｃ）牛柳配燒三色椒﹑茄子﹑翠

前幾日我同女朋友去食六國的自助餐,本來對其的期望不是太多,因為其價錢不是太貴,所以諗住應該無太多嘢食,但竟然是喜出望外,都幾多嘢食,尤其是甜品,我女朋友不知食幾多,特別是cheese cake 和個個木糠布甸,佢話好特別,唔係好多地方有得食。Good!!

28/3/2008 晚同男友黎六國酒店食buffet一星期前book左檯食buffet當日有人打俾我confirm bookingBook 左7pm但7:10我地仲未到有人打黎問我地o係邊都幾緊張booking =_="最終我o地7:15 PM 左右去到Receptionist都好好咁帶我地入座唔多滿意係安排2個人面對面o既位有點迫同隔離檯好近我以為可以有4人位熟食choice唔多有個白汁海鮮xx好好味豬扒係凍冰冰=_=意粉、白湯都唔錯,ok好味甜品比較滿意當晚食得最多係dessertcheese cake,pancake都好味但有個jelly好難食!sushi有幾款味道OK雲吞麵都好好味!飲品任飲有橙汁、雜果賓治、蜜桃茶等收碟快環境有d嘈冇咩空間地方窄overall都幾抵食+ 好味$198連加一

睇到食評一心黎試吓, 早一個星期已book定位, 因為都真係幾full吓..準時坐低, 10點幾先走(buffet時間: 6:30pm-10pm), 食了幾小時, 幾乎樣樣都食過唒了..如下..熱嘢(肉類): 豬, 牛, 雞, 羊, 全部味道一般啦, 肉味唔夠, 製法及味道都不吸引另外有: 炒菜(得1款菜, 太少!), 意粉, 炒飯, 炸蝦丸冷盤: 凍蝦(肉質唔太新鮮, 少淋!), 螺(好多水!), 三文魚(都ok新鮮的!), 另有一啲細兜的冷面, 鰻魚荳腐, 唔知咩肝配面包(人地話係鵝肝, 但真係勁似雞潤!) 甜品: 比較令人驚喜嘅係自制格仔餅配H記雪糕, 雪糕有4款, 士多啤梨, 雲呢拿, 咖啡(個人最喜歡!), 朱咕叻; 芝士餅都幾好, 出左2次, 好快無唒(但餅底麻麻, 濕濕哋, 淋淋哋的!)任飲的飲品: 只飲了青檸綠茶(ok!), 水總括, 各方面水準一般, 座位ok(近窗), 好友及我都認為, 價錢幾抵, 但不會再來, 太少選擇, 實在一般!* 仲有, 令人失望嘅係, 網友講嘅田螺薯蓉呢啲唔係太貴嘅嘢都竟然無, 唔知係咪因為係星期四(27/3), 所以無呢!

中式食物有很多, 如豬、雞、牛、羊、魚...但太普通!刺食只有三款, 冷盤有龍蝦仔、凍蝦、螺，可惜螺不是經常refill. 甜品選擇不多，較特色有爆谷及可以自製窩夫，還有四款Haagen dazs 雪糕，好味。茶、啡、果汁任飲，非常好! 收碟快，服務態度好，可惜太嘈吵!

有西+中+日式味道ok gei ~~~刺食有龍蝦仔、螺、凍蝦、三文魚三文魚新鮮~! 甜品都有好多選擇，仲可以自己整格餅有Hagen Denz雪糕

同幾位朋友食飯兼聚舊。呢個又話要OT，個個又話好忙，食自助餐就最好，可以邊食邊等，唔使約在這裡那裡等來等去。就返其中一人要去灣仔，反正是次都是聚舊為主，目的唔係想食餐好豪既，就平平地六國酒店食buffet。其實都唔係第一次來，知道唔會有咩貴價野食，不過食物種類都算多，又坐得舒服。冷盤有三文魚、八爪魚、壽司、冷麵、火腿、鵝肝、鴨胸、魚批等等，唔算少。大致也不錯，起碼夠新鮮。鵝肝好少一片，亦算香口。熱葷有齊豬牛雞羊，飯、意粉同埋車仔麵，味道都唔會差得去邊，溫度都keep得唔錯，薯茸焗田螺我最喜歡，又熱又香。甜品都有芝士餅、朱古力噴泉同埋數款蛋糕，仲有雪糕和自制格仔餅。雪糕是Hagen Denz，品質有保証。其餘甜品雖未算得上一流，也有一定水準。橙汁、什果賓治、奶茶咖啡等任飲，呢方面好過好多四五星級酒店。埋單連加一都只係$178，梗食得過啦！

一年一次聚會五個老朋友去了六國食布菲,地方ok啦,食物都幾好,當然同大D酒店比價錢都唔同,無蠔但三文魚好新鮮,廚師9點半都加食物,同朋友食到10點都好滿意.

個人來說冷盤較住, 有凍龍蝦仔同蝦。不過熟食同甜品種類較少, 有點失望。不過, 出乎意料有爆谷, 仲有pancake 來填補較少的甜品選擇。車仔麵都湯底還好。buffet dinner 和價錢成正比。尚算滿意。

好食又抵食

上星期同班friends食完,我地個個都話二百蚊唔使有咁多野食同水準,可以說是出乎意料,尤其是甜品,我地個個都好鐘意食,簡直愛不釋手。但是,個度d沙律就差d,款式唔多又無變化,你知啦,現在的女仔多數去食buffet,多數都係食沙律同甜品,反而肉就好少食,所以佢他應該加多d沙律款式。