Le Menu

营业中

休息中

和男友抱著試下的心情去食, 結果發覺食品種類多, 冷盤有沙律, 冷麵和魚生。熱盤就一般貨式, 不是太多選擇!甜品最吸引人, 有格仔餅, 木康布丁好好品! 整體來說, 價錢合理,有一般酒店的水準 !

前幾日我同男朋友一齊去食自助餐, 其實d嘢食同其他酒店都沒有大分別,但我個人就最鍾意食車厘子焗達同自製格仔餅。真係值回票價,大家不妨試試。

其實，$218的Buffet話貴唔貴，話平，其實一D都唔平。之但係，六國酒店呢間收$218既Dinner Buffet，可以做到出一杯杯既甜品仔果陣時只係一次過出3杯咁出，而每次都隔好耐至出一次...甚至，有D甜品只係成晚都只係出過一次，試都無得試，例如焦糖布丁咁，一次只出3杯，我一個人2雙手都已經拎走2個杯仔了，淨低果杯，幾秒之後已經有人拎埋，咁第3個人可以食咩野...?!!另外，Dinner Buffet 6:30pm開始，但所有貴價野(例如小龍蝦)到7:30pm打後就不再補給，真的很小家，最後，就真的如其他食家所言，真是食H字頭雪糕去回本的...但食Buffet要靠食雪糕回本，不是太過可悲嗎...?!!

上年同幾個舊同學相約係六國食飯，約定今年再嚟過，BUT........好失望。食物水準差咗，款少咗，仲貴咗。諗住甜品會好D，點知都係咁，尤其係個tiramisu，居然出水，一路食件蛋糕D，就一路發現隻碟好多水，酒店都會有咁ge 出錯......

同family慶祝我牛一總括:少人,環境ok刺身sushi ok窩夫好味雪糕係回本之選(出面1 tone要$3x)星期六價108!抵小童88冇加一!!!!!!!!正

三月份和朋友幫襯，覺得價錢和水準都可以。於是在26/5再次幫襯，但真的太失望了，食物款式比以前少了而食物水準祇是一般，但價錢已比以前貴了$20/位 (星期1至4$188；星期5$208；星期6及日$228，包加一)，我想很難有下一次幫襯了，唉!

4-5-08 (日)年少時常來飲茶，很想帶Ｔ來，自己則懷舊一番。看見食評不俗，是日和家人同來自助餐，這裏只有星期日和假期才有自助餐，價錢不貴，所以都要預早訂位。但食物則普通，不過相對價錢也算合理的，比較特別的是有一部爆谷機，不停自動製作新鮮的爆谷，很受小朋友歡迎，Ｔ說戲院裏的爆谷賣得很貴呢，不過個人覺得好像戲院的爆谷美味些。另一特色是有一部機可自製窩夫，製成後可加上雪糕或生果，窩夫的蛋漿調校得宜，所以製成後很美味。雪糕還用上名牌，大小朋友都喜歡。不過，記得要有大人陪同，小朋友不要自己弄那些機器啊。可能來的是西餐廳，又是新裝修，尋不到半點舊日的足跡。

18日為本少爺的生日,老婆豬就為我book左呢度既自助餐為我慶祝,下午的時候餐廳已經很細心地打電話來提我們時間,我地7:00到,雖然環境有點吵,但落地玻璃的景觀亦不錯...首先品嚐的是冷盤&刺身，三文魚不過不失，螺反而有點''硬''，要一讚的是那個小龍蝦！一向討厭在外出餐廳食有殼食物的我都食了兩大隻，龍蝦膏好香口，肉質都好爽甜．．．．建議大家食這個時花小小心機將蝦頭''莫''開,唔好扭開!!要不然D龍蝦膏就很難弄出來,一口把膏都放進口中比一點點的感覺好很多的呀!!雖然餐廳本身菜款不多,但味道都很好,可惜牛扒的味道只是一般!!!另外我地仲食左,海鮮 : 味道不錯白汁的很好味薯蓉焗田螺: 很好味田螺好大隻,薯蓉都好滑,但有點''漏''',一隻起兩隻止羊架 : 羊肉質軟滑,一點都唔覺氈,一向唔太食羊的我都食左兩大塊!鵝肝派 : 類似鵝肝醬,個人應為夾包食一流,另有數款魚派甜品方面,小杯甜品 : 有芒果布丁,法式燉蛋等,味

平時都好中意同家人黎食BUFFET既，真係幾好，服務OK，又可以自己整Waffle，而家出面好D既都收$400 - $500位，而呢度星期一至星期四都係收$188(全包)，所以真係覺得又平又好！

訂位for 母親節, 價錢比平時貴, 加左一要成$270 一位; 訂位后幾日, 六國至打來話要落訂金, 我覺得吾係咁好羅, 我都係因為第二間要落訂咁煩, 六國吾洗至訂佢啫, 幾日后至講想再訂第二間都full 啦食物種類比較少, 尤其是西式, 中式就連魚都無, 不過佢都有d第二間無的食物: pop corn 同 H 字頭貴貴 ice-cream (回本都係靠食佢)食完離開左, 呀媽問我點解無花送俾佢, 佢話見到hotel 入口有牌寫住母親節buffet 每位母親都有花., 點解呀, 吾通要開聲話要至有???

２００８／５／１晚餐雖說是要減減膽固醇，不過也要周不時出外吃一餐半餐，自己也開心D﹗基於又抵又合心水，所以又來六國吃。不論前菜﹑主食，九成的款式也和上個月來的差不多，只補寫上次沒有吃過的吧。很搶手的即叫即整的湯麵，趁不太多人就先整碗吃吃，上次沒吃到水餃，大大粒不過也是普通貨色；見有魚旦角幾得意咪試試，肉地又林又散，給人的口感很怪。生滾粥的粥底又綿又滑，實在要讚多次。這個麵檔師傅很NICE，感覺不錯。熱盤方面，羊架就沒有了，不過那味燒雞扒不得不試，雞肉又嫩又滑；全程一樣炸物也沒有出過，取而代之只是田螺焗薯蓉。甜品區的自制格仔PANCAKE當然不能錯過，今次的蛋醬，味道比上次淡了，質地也比較散；而我最愛的藍莓乳酪也沒有出場，可惜可惜。其他食物也沒太大分別，唯一是雖然今日是五一勞動假，但只收$188，抵吃指數再升一級

琴晚14/4, 係爸爸既正日生日, 佢話想食buffet, 之前又睇"六國"咁抵食, 就1於試下啦~~早1個星期訂位都仲可以, 中途幾次我打去加減人數, 接線生都冇咩不悅, 但就好似好趕時間咁要收線~6:25已經去到, 亦都有人已經坐係裡面, 待應上前話未夠鐘食野, 但可以拎野飲先, 飲品- 橙汁&雜果汁(不是鮮榨的, 而且加了很多糖, 太甜了), 蜜桃茶, 奶茶咖啡檸茶...夠6:30後, 待應又會上前通知可以拎野食, 服務幾好...是晚既湯有豬骨湯&龍蝦湯, 麪包也有好幾款, 試過..太硬了吧~~冷盤- 龍蝦仔(有怪味),翡翠螺(好彈牙), 蝦(勁普通)...沙津- 薯仔沙津, 西蘭花&椰菜花雞肉沙津, 3色椒沙津還有很多新鮮蔬菜可以自由配答"load"刺身- 三文魚(好肥美), 八爪魚&唔知咩魚(2樣都冇食), d士油好咸...壽司- 假鮑魚壽司, 幾款卷物(都冇食, 不吸引)熱食- 炸蝦球, 咖哩薯仔紅蔔白雞肉, 醬汁豬助骨, 鴨肉, 白汁海鮮(魚柳, 蝦, 三文魚)<-呢個幾好, 白汁雜菇三文魚意粉(好正), 冇料炒飯(咩送都見唔到, 淨係見到d蔥同飯), 蒜泥菜心仔

２００８／４／４晚餐前一晚才訂位也訂得到，難道和今天是清明節有關﹖準時入座，估不到坐到窗口位。雖然外面只是幾條大馬路及商廈，不過到了晚上，閃爍著對面寫字樓的燈光，都不錯啦。***任飲***（冷飲）什果賓治﹑橙汁﹑蜜桃茶；（熱飲）咖啡﹑紅茶﹑滾水，奶和檸檬片。***冷食***刺身﹑壽司﹑青口﹑翡翠螺等，不過統統我也沒吃，我只吃了新鮮彈牙幾大隻的凍蝦；而由幾種菇類／三色椒／豆類，再加不同調味料撈成的凍盤，三款都好好食，椒和豆都很爽脆很甜。***熱盤***楊州炒飯﹑茄醬豬扒﹑醬汁雞扒﹑煮羊架﹑咖哩海鮮（只是魚柳件，咖哩完全沒咖哩味，應叫白汁魚柳才對）﹑牛柳粒﹑蒸魚﹑炸蝦球等。可能我自己喜歡吃熱食，整體上的味道和質素都幾好，加上款式多，真的很合我心意。***即場系列***ａ）中式湯麵：材料有水餃﹑魚皮餃﹑鯪魚肉﹑炸魚皮﹑魚腐﹑菜蔬等等任你先選，然後給廚師加麵底去煮，湯底有沙嗲﹑清湯及豬骨湯。我只要了餸，豬骨湯底較淡，不過連炸蒜粒撈埋吃，就惹味了。ｂ）生滾粥：皮蛋﹑雞絲﹑瘦肉和龍利柳任你配答。弼底好棉，皮蛋硬，龍利柳煮粥原來好好食。油炸鬼好細心地切片上，不需沾油隻手。ｃ）牛柳配燒三色椒﹑茄子﹑翠

前幾日我同女朋友去食六國的自助餐,本來對其的期望不是太多,因為其價錢不是太貴,所以諗住應該無太多嘢食,但竟然是喜出望外,都幾多嘢食,尤其是甜品,我女朋友不知食幾多,特別是cheese cake 和個個木糠布甸,佢話好特別,唔係好多地方有得食。Good!!

28/3/2008 晚同男友黎六國酒店食buffet一星期前book左檯食buffet當日有人打俾我confirm bookingBook 左7pm但7:10我地仲未到有人打黎問我地o係邊都幾緊張booking =_="最終我o地7:15 PM 左右去到Receptionist都好好咁帶我地入座唔多滿意係安排2個人面對面o既位有點迫同隔離檯好近我以為可以有4人位熟食choice唔多有個白汁海鮮xx好好味豬扒係凍冰冰=_=意粉、白湯都唔錯,ok好味甜品比較滿意當晚食得最多係dessertcheese cake,pancake都好味但有個jelly好難食!sushi有幾款味道OK雲吞麵都好好味!飲品任飲有橙汁、雜果賓治、蜜桃茶等收碟快環境有d嘈冇咩空間地方窄overall都幾抵食+ 好味$198連加一