Le Menu

营业中

休息中

今日終於食左啦, 第一次去六國酒店食野, d 野食ok啦, 基本上前菜,刺身,較好, 長腳蟹, 龍蝦仔幾新鮮.主菜方面: 好處是每種肉都有(牛,豬,羊,雞,魚), 牛肉同魚都好食. 但溫度唔熱.甜品方面:就不太好,芝士旦糕冇乜芝士味, 係個朱古力比較好食, pancake就好多選擇, 有薄餅, 格仔餅同wafftle. (有d失望)總括來說算ok啦

有的和無的食物前幾個食評已通通提到，不過牛肉粒好un 下，可能我岩岩食到"根"。白汁魚批好香好味道。凍蝦ok，長腳蟹隻腳真係幾長，不過無乜味道，又唔係霉喎..食物選擇不多，尤其不會換款，幸好味道唔錯~~ 不會太濃味，麵檔和粥檔比街外店仲好食，讚!!三文魚生肥美嫩滑，還有八爪魚和？魶魚？沙律菜很苦，其他沙津款式一般，pancake就真係pancake無生果可以加入去。waffle好像較吸引。今日係星期四晚上，全場爆滿，好多一家大細，也有三五知己慶生日和十幾人聚餐，環境較噪吵擠迫，但侍應細心勤力，很快收碟和清潔，吃得開心。

看大家食評不錯明天約朋友一試可惜星期5,6日價錢有所調升(失望)星期1-4....168蚊5-日192蚊足足多24蚊一位希望因而有更多供應．．．．始終以自助餐來說都算平食後再評!!期待中

昨晚見全塲滿座,好彩我地一早book咗張枱,食物方面真係十分落本,值得一提的有阿拉斯加長腳蟹,肥美三文魚,凍蝦,霸王花老火湯,超惹味牛肉粒(我朋友俾5粒星),即炸蝦棗丸及魚柳(配沙律醬),白汁海鮮會意粉,生滾粥是我大力推介的,其中必選超滑鮮雞配皮蛋及三文魚,正呀!打邊爐我要了豬骨濃湯底加有機芥蘭苗,墨魚丸,貢丸同D菇菇.!其他人已經轉攻甜品區啦,原來有爆谷,格仔餅及班戟,"H"記4款雪糕,黑,白2個朱古力噴泉,又要特別推介栗子蛋糕及朱古力蛋糕(我朋友又俾5粒星啦!),好在茶啡都係自助任飲的,要了杯熱檸水,檸檬無苦味,因為咁我又加咗佢哋分,到埋單真係$168全包,無任何附加收費.所以我地幾個媽咪已經决定帶埋D仔仔女女去啦!

$１６８合理，星期３都有７－８成客環境幾舒適魚生得三樣三文魚八爪魚立魚,唔算特別鮮算做合格無生蠔橙汁唔係鮮咋的麻麻中湯都唔差係老火湯熟食有十多樣,好岩食ok唔錯生果三樣西瓜菠蘿木瓜唔錯自選粥麵冇食睇落都合格雪糕有四樣口味，不過不失蛋糕有５，６樣，試哂好味$168 食得過

姑媽帶美國姑丈黎香港當然要帶佢去食餐飽睇左好耐食評決定去呢間於是一行6人岩岩去左六國酒店好多人起碼有9成入座率淨番d 兩座果d位開頭我以為得好少野食因為佢show出黎既碟都唔太多但係後來發現每次其中一樣野食冇哂就換過第樣出黎每樣野食食得唔多但係都有幾多野食(我覺得)基本上, 講得出既肉類佢都會有果d長腳蟹(唔知係咪咁叫) 我呀媽就話第一次搬出黎果d好正但係之後果d就mama地因為..結左冰都放得入口既佢d羊又真係幾蘇我自問唔係一個太高要求既人所以d羊都唔係太差都放得入口其他肉類都ok湯我就冇飲佢d salad 都唔係d人話咁多而且冇其他食家話咁好味可能因為我太鍾意食salad所以期望高左少少有朱古力噴泉但係冇strawberry有pancakes 有普通酒店都會提供既糕點有夾餅雪糕由h字頭公司變做p字頭公司有桃味意大利雲呢拿石板街同一隻唔記得係乜有爆谷野食有桃汁orange juice 西柚汁檬水檬茶茶coffee168 呢個價絕對抵食

同傻鬼2人星期六晚在此店食dinner buffet $184(包加一)真係十分之抵食...仲有果汁/咖啡/茶任飲...雖然任飲, 不過質素都唔係太差...起碼d果汁唔會甜到漏/難飲啦...茶都不過不失.食物方面都ok; 不過凍盤海鮮/魚生就可以不食啦..佢地當晚亦無生蠔供應; salad就有成8-10款既salad真係有d驚喜當中以冬姑salad; 意大利青瓜/南瓜salad最為吸引我..佢地仲有海鹽供應令傻鬼讚不絕口.熱食都有好多選擇; 最正算係燒牛肉啦..不過佢地既羊肉真係超難食真係放唔得入口好"so"d味又怪怪..其他食物都ok...最後甜品有多款選擇仲有朱古力噴泉, 不過我眼中只有haggan dazn雪糕同埋即製waffle...總之百多元真係十分抵食啦.

其實以自己今時今日嘅年紀同食量，對自助餐已經興趣不大，不過有同事聚會同推介，又試吓呢度。可能啱啱過咗聖誕假期，只得幾枱客。講番D食物，都係一般貨色，唔好抱好大期望，魚生方面亦冇太多選擇，但個糯米飯整得唔錯(應該係對面中菜廳嘅產品)，而甜品方面，有我至愛嘅厚身pan-cake，相當唔錯。整體服務都好。但係正話至睇到上一位食家嘅評語，啱啱至過咗24小時，希望自己吉人天相啦...

我地一行十九人... 食夜晚Buffet...野食選擇多, 味道也不錯...果晚最好食就係生蠔, 但只跟頭兩三轉... 每轉大約十隻...除此之外, 就係燒牛肉... 燒得好靚, 大約四成熟, 好有口感...每人$160... 抵!!!不過... 食後三天內, 十九人中, 已有八人証實中招, 肚痛, 肚疴, 胃痛, 嘔吐... 最嚴重果個係醫院留醫... 大家都唔知食左咩出事, 估計都係海產問題...大家去食之前... 請三思...

阿M提早同男友慶祝生日，諗咗香港區有邊幾間未食過，再係openrice睇下ｄ食家既意見，最後就係揀咗哩間黎食．我上星期已經book定位，去到都全場滿，有一家大細，三五知己，二人世界享受豐富既自助晚餐．種類唔多，不過ｄ野食都唔錯，每位HK$159都可算合理．湯：雜菜忌廉湯，青紅籮白湯．沙律：薯仔，雜菜，冬菇．好大隻田螺－雖然有些少沙，不過好甜＆大隻，煙三文魚，生蠔，三文魚，火腿，牛扖，腸仔，車仔麵，皮蛋瘦肉粥．壽司：蟹子反卷，太卷，墨魚，鰻魚．熱葷：雞翼，义燒，鴨肉，意粉，炒飯，煎石斑魚，三文魚，炸魚柳，菜甫，牛雜．甜點：格仔餅，Tiramisu，Cheese Cake，合桃朱古力蛋糕，Jelly．雪糕：咖啡，朱古力，芒果，士多啤梨；可整甜筒食．果汁：蘋果，橙，西柚－好渣，唔掂．．．Tiramisu有一舊香蕉係中間位置，唔係太好食．建議：請酒店擺ｄ菜既名牌，等我地可以清楚知道係咩菜式．

今次同成班同事惠顧, 保持一貫水準. 其中本人最欣賞冷盤翡翠磥, 大隻清甜爽口, 我食左成10隻. 中段見食物架上沒有, 請廚師取出, 有求必應.

上星期二晚提早慶祝父親節, 8個大人幫襯dinner buffet, 入座率九成, 好熱鬧.裝修過環境好好多, 透過窗望向告士打道, 感覺開揚. 食物方面, 依然保持水準, 雖沒什麼驚喜, 但平平穩穩都好過大上大落. 以成人$159一位來說, 很超值. 雪糕是haagen daz, 有六種口味, 淨食雪糕已回了一半本.

we love buffet. we even like to go to this memorable restaurant despite her not-so-five-star reputation. me and my darling would like to tell you our last visit last night (24 Feb, Friday) was certainly worthwhile to give you all a warning before you make a dash to fill up your stomach after weeks of hunger strike. staff were all around ready to serve, eleven big treasure woks in line for you to discover what's inside, but it's robinson-cruelsome. i mangaged to open the lid, took a good look ins

新年前有一個夜晚老細請我哋去食自助餐, 去之前都覺得係老老套套自助餐. 但去到酒店就發現佢哋装修過, 個Feel 好正(唔係老套)還送咗半隻龍蝦. D嘢食雖然無大酒店種類之多但係都有二三十款都合我ロ味, 如魚生係當場切比妳添. D蛋糕好正聽聞個造餅師係老尖五星級大酒店D大師父過去做所以D蛋糕好正..............

8 Dec,2005 星期四和同事們共6人提早慶祝聖誕節,選了來這裏食dinner buffet。我之前食過一次,印象不錯。致電訂枱時接電話的女侍應有禮貌。裝修後環境更靚更舒適。當晚約8-9成滿座。飲品:西柚汁、橙汁、蘋果汁及蕃茄汁任飲。一般。冷盤:有魚生、八爪魚、生蠔、螺、龍蝦仔、蝦及青口、煙三文魚、吞拿魚及2-3款凍肉。沙律選擇不少,尤其是沙律汁及配料(煙肉碎、橄欖等),共約8-10款。其中柚子火龍果奇異果大蝦沙律不錯,蝦是新鮮的。有一款醃青瓜片牛肉頗特別。芝士3-4款,壽司約有5-6款,可惜沒有我最愛的鰻魚。這個冷盤區很適合喜歡吃沙律的人,即是我!熱盤:湯只有一款,是忌廉磨菇湯。麵包有4款,麥包、香草包、蕃茄包及一款不知名包。香草包軟熟,香草味強,"正"。蕃茄包也是很好吃。豬、牛、羊、雞、魚、青口、蝦(新鮮,爽口)、焗蠔、西籣花、意大利瓜等,水準不錯,中途會轉款,共約有十多至二十款。粥麵檔有雲吞、水餃、菇、菜、魚肉、牛肉、皮蛋等,湯底有4款。亦有葱花等配料。雲吞蝦肉彈牙, 唯獨水餃好像不見有雲耳絲。甜品及生果:生果有西瓜、密瓜、菠蘿。菠蘿很甜。甜品有朱古力噴泉,配有綿花糖、哈密瓜