Lagom Kaffe (已結業)

之前食過太子桔梗，喜歡cafe環境開揚, 食物特別, 知道姐妹店Lagom 開咗, 星期六即刻來試。Cafe 好近牛頭角地鐵站, 處於商廈1樓,過馬路已經望到, 好易搵。我哋一心來食早餐，所以10am就到，直入唔駛等位，仲有窗口卡位坐店舖樓底高，落地玻璃設計,陽光滲入來, 打卡一流，又可以睇到樓下行人和車經過，感覺好舒服可以hea半日。原來breakfast set只係星期一至五有，咁唯有散叫，我哋點左炸魚薯條同松露干貝意粉share。見到炸魚薯條賣相其實沉一沉...好似燶咗咁，但食落又冇燶味好脆口，加埋個辣汁好好味。我哋問左店員原來呢個係特別粉漿所以深色d，但唔係燶咗。店員全部都係後生仔女，好有活力又有禮貌。飲品就點咗cappuccino 和多明尼加朱古力，期待遲d會有桔梗奶昔門口仲有麵包、pastry賣，我哋走時買左無花果麥包做下午茶。

桔梗最近喺牛頭角新開另一品牌Lagom Kaffe，路線跟旺角桔梗差唔多，走年輕化，簡單裝修，地方闊落，食物以輕食為主，因為餐廳位置喺大厦一樓，所以排隊等位亦比較舒服唔駛企喺條街日曬雨淋。食物質素方面有水準嘅，我點左個台北燉牛肉意粉，上面一層燒牛肉肉質嫩滑，調味亦做得唔錯，肉碎燒汁味道正常好食嘅，意粉烚嘅時間亦掌握得到唔會太淋太硬，咬落煙韌有咬口，而朋友就點左all day breakfast同三文魚牛油果三文治，佢哋都話味道唔錯嘅，唯一挑剔係食物擺盤未夠細心，或者講可以做得再好啲，因為餐廳路線唔係茶餐廳，雖然收費唔貴唔可以有咩要求，但個人覺得呢啲係一間餐廳食物出品嘅基本嘢，好似碟牛肉意粉無端端又會飛左塊牛肉出意粉外面，碟三文治嘅沙律菜旁邊汁醬又整到碟邊都有，呢啲可能好多人睇到都覺得無乜問題，但我對呢啲又比較執著，都係嗰句，你唔係一間茶餐廳，而且係開業初期更加有必要做好少少，出餐前望多兩眼碟食物攞盤都唔會用好多時間，夾番塊牛肉上意粉上面同抹一抹隻碟邊嘅汁醬，做番一個廚師應有嘅專業，而樓面同事服務態度唔錯，有禮貌有耐性，最緊要嘅係每位樓面同事都面帶笑容。以上純粹個人意見

星期日11:00開門已經黎到唔洗排隊 仲可以自己簡位座環境不錯 夠大 有空間感--睇完餐牌已經覺得無咩選擇 但既然黎到就order左All Day Breakfast + Flat White--All Day Breakfast $128- 一堆普通沙律菜- 一堆凍Mushroom - 兩隻暖暖地既太陽蛋 （無炒蛋呢個option)- 一條腸- 兩片煙肉- 兩塊廚房無放上碟就上枱既「角落麵包」--上枱個陣都望一望 好似差少少最後同staff confirm all day breakfast係唔係會有包🤣Staff聽完我地既問題 都好似有點尷尬即刻走廚房幫我地攞返兩粒「角落麵包」完全似係人地邊皮位無人食個款🤣--Flat White ($34)只要不抱任何期望就沒有失望的咖啡完全無Flat White個種「啡奶交融」既味道--呢間餐廳 我諗到既 只有兩個好處1. Staff好有禮貌2. 唔限時

係開對面pure 做gym 日日都期盼佢快d 開門！終於試到了！ 一向都嚮往北歐生活既我，一入去呢間餐廳其實都比到我特別休閒舒適既感覺。環境方面，真係好好好好大，卡位幾好坐，仲要唔限時間食。同埋餐廳顏色選取方面我都幾欣賞，湖水綠同埋木系其實好容易襯托到好奇怪，但佢呢個design 相對上都ok🥰食物方面，可能試業方面？食物種類唔多，但我覺得質素都比水平高既！意粉方面，台北燉意粉好好食，意粉硬度剛好，但擺設有點hea另外朋友試左松露干貝，佢話味偏淡同埋唔值呢個價。三文治試左·豬肉·蘋果·maple sauce. 有埋溫泉蛋同埋side salad, portion 都ok! 我自己覺得好好食既！甜品朋友試左焦糖蘋果.伯爵茶.檸檬味既waffle, waffle 夠鬆化, 都大份既，佢話好想再食🤣飲品方面試左黑白，姐係細既piccolo+espresso 一次過滿足兩個願望，不過我覺得咖啡豆唔算特別香，無咩想再飲既感覺。。整體 打卡既大推， 但食物可以再改善下✅另外佢有輕食，三文治，蛋糕買，我就無try la

星期日1:30左右到達仍然有好多人排隊，第一次嘗試.唯有取票等候，差不多半小時終入坐，可惜坐位太密，餐廳佈置雖然光猛，仍欠一分休閑感。食物方面，叫左All-day breakfast, cappuccino, 瑰茶及Earl grey chiffon cake. 食物有水準，蛋糕鬆軟，茶味香，與熱茶很㚒。All- day 則是大路配搭-雙蛋，bacon,沙律菜，雜菇，及自家製面包，可以一試。

一心去Chill吓，結果不似預期。食物一般水準，不見突出；服務正常，比較粗心；最失望是這杯餐牌內「打卡專用☕️Dirty」，服務員形容這杯打卡專用是下半部為奶+上半部為咖啡，以透明杯盛載，形成黑白分明，上熱下冷，幾特別適合打卡，變成暖暖哋的咖啡，但見到真身就知有幾失望，肯定不是打卡專用，連茶餐廳的賣相也不如，且杯🍮不冷不熱😞

今期流行去呢間文青feel咖啡店，老實講地方確實係大，但裝修及食物只係一般水準，唔值得專程去光顧及打卡。食物種類選擇唔多，每份只係一人份量，價錢屬於中高level。鮭魚牛油果🥑香草三文冶$98，賣相的確係靚，但唔會食得飽，味道亦未見有驚喜。加$10有杯Block Coffee，咖啡偏苦澀及燒焦味。松露干貝意粉$98，只係得意粉加3⃣️粒鮮帶子，同Lagom店名意思不謀而合——「不多不少，剛剛好」。呢個食完會有60%飽，味道屬平凡，沒有獨特之處。同樣加$10叫咗杯Cappuccino，有個拉花可以欣賞吓！有一點很奇怪的是，呢間食店是否可以攜帶寵物入內❓因為我見到有兩枱客人帶狗隻入內，仲坐喺卡位上。食店應貼出溫馨提示，以免有客人感覺不安。

性價比低，價錢貴，服務員不專業我點了綠茶奶和松露帶子意粉，飲品都ok吾算甜 但細杯到幾啖飲完。帶子意粉偏淡 我加了鹽同黑椒都覺得冇味 ，最後要加芝士粉先好些，$98的意粉 真係一般，偏貴。之前聲稱可以坐很久 但無諗過單身來的食客，我只是去一去洗手間 枱面的酒精搓手液竟然被丟在垃圾桶，綠茶被收走，作為貼心的餐廳有什麼理由這樣？我其實都未埋單 如店員做多步就吾會引起這樣的不便，相問你們店是否假設客人坐一天都不用上洗手間？ 就假設客人留低了酒精搓手液也應為客人留起 ，女店員竟然把客人物品丟了。黃色經濟圈果然伏味濃。去hea係可以 食野同飲野真係麻麻

叫全日早餐， 食物上碟很亂。以為佢地serve 德國香腸， 因為早餐128 +10%，原來司華力腸， 有點失望。假曰飲品吾包, 兩個人食早餐要 371餐廳service good

Heard about this restaurant from a friend and decided to check it out. Luckily arrived early and managed to get a window table to sit comfortably. We ordered the Big breakfast set- the sausage was good but felt the portion can be a bit more generous for the price we are paying. Next came the Spaghetti with Scallop in truffle sauce. Nicely done , delicious but again we feel the portion is a tad too small. We also ordered Fish and Chip . Not sure why the fish batter was black in color and a bit to

星期日中午到來一試，本來一進入這間餐廳是很有期望，因為整個環境寬敞，光線充足，仍有Cafe最重要一點，是有咖啡香味，但可式坐下點餐時，發現款式不多之餘，價錢絕對稱得上貴，而且質素並不好，而最主要看不出廚部是用心整作，食品只是隨便煮了就算，也沒心放在碟上，大大浪費了環境上的配合，因為環境真是一流舒適寬敞，飲咖啡睇書傾計，是一個不錯的地方，所以下次也只會來飲咖啡，食就不必了，除非他們廚部真的有意用心改變，但去到最現實，食品價格是高了一點，單點一個食物，加一杯飲品，落樓差不多$200，有點太過了。