Lady M

营业中

休息中

Lady M 出名千層蛋榚，當然要試一試啦！近排推出左一種新的口味，係開心果千層蛋糕，一聽到就好想去試啦！今次，我點左兩個蛋糕，一個淨係開心果千層蛋糕，另外一個係伯爵茶千層蛋糕，兩張蛋糕之前，都獲得好評的。首先，我試咗開心果千層蛋糕，lady M 的千層蛋榚出名令層皮都好薄，而上面的cream 就好滑，食多少少都唔會膩。今日一試，果然名不虛傳，淡淡的開心果味加上千層蛋榚，口感很好。然後，我再試伯爵茶千層蛋糕，伯爵茶嘅味道滲入我嘅口腔，香滑的蛋糕，令我食唔停口。加埋店內的裝修，係一個好好的打卡聖地。

港女打卡勝地lady m真係無得輸！一嚟就見到勁多人～但今日可能唔係假日好好彩唔駛等位！一嚟就有位～叫咗幾款，芝麻個個麻麻，但幾欣賞玫瑰個個，唔會太甜太膩！不過講到尾最鍾意都係千層個個～真係幾多次嚟都係千層蛋糕🍰最好味！！！！不過唯一有樣唔好店員應有啲慢🙈🙈🙈🙈🙈🙈🙈🙈好多次飲哂啲水都係我哋要求幫手加水～但佢哋又唔會係位附近！搞到唔係幾好意思又有啲麻煩，整體感覺坐得舒服又好味！不妨嚟下尖沙咀呢間

開心果味 伯爵茶味 原味 千層蛋糕已經吃過好幾次了最近新推出了開心果味當然再來試一下可是沒什麼開心果的味道而且偏甜伯爵茶味也有點假和偏甜還是最喜歡原味希望之後伯再推出新味

去海運食晚飯途經Lady M，見好多人在排隊，好久沒吃，有點想念了，回頭再看看情況......吃完晚飯，又再經過，已經無咩人排隊，又有很多坐位，隻腳又自動帶我過去。原來堂食已經關閉，只剩下外賣，唯有買2件回家吃嚕。外賣有附帶冷凍包、膠叉，一小時內進食，質量可保持。打開時，外形保持完好，亦沒有溶化跡象。栗子蛋糕一啖，烤核桃仁香先襲來，緊隨而來是濃郁栗子蓉的香甜，然後是軟軟充滿杏仁香的蛋糕，內裡淡淡的忌廉即時充塞著口腔，味蕾滿滿享受到法國的誘惑伯爵茶千層蛋糕淡淡茶色面，撒上伯爵茶葉碎，加上紫藍色的矢車菊花瓣，優雅美觀。蛋糕以法國伯爵茶做成的忌廉，均勻塗在薄薄班戟之間，據說有超過二十層之多。味道茶香馥郁，口感軟滑，一啖一享受，好好味啊

平時見人係咁講Lady M有幾好食，又話係咩貴價餅店，而且又好多港女必食既甜品，所以都唔會特別去買。但我都幾中意伯爵茶既野，之前聽人講Lady M個伯爵千層蛋糕茶味好濃，前一陣又消失咗宜家返返黎，就黎散水咁想買埋俾好既同事分享下心意啦值得一讚既係服務好細心，仲會提客人要盡快食，唔係要放返係雪櫃。抹茶千層蛋糕🍰:抹茶粉甘香茶味都叫濃，一層又一層唔會太甜伯爵千層蛋糕:伯爵茶既味道唔係好出，我覺得偏向似普通奶茶?個人覺得唔算令人驚嘆到非食不可既，而且都70幾一件性價比唔高，但如果要試都可以既。

好難得的平日放假，可以試下食lady M堂食，仲要近排出左新味-開心果千層蛋糕~~就決定解放一下！排左1分鐘都唔洗，就已經有位坐lu, 即係叫左個開心果千層蛋糕同個朱古力棋盤蛋糕，好relax咁坐左一個鐘，好耐冇試過冇壓力咁食個tea喇！平時都趕頭趕命咁。。。講返野食，開心果味都幾特別，唔會太甜，我幾中意！另外第一次食個棋盤蛋糕，好香濃朱古力味，我諗整呢個蛋糕都好考功夫。 偶爾放縱下都幾開心！有錢會再泥豪下

招牌千層酥蛋糕真的很好吃！好像是冰淇淋做的！一層一層的連著酥皮化在嘴裡。也不算特別甜膩，還可以點一壺茶搭配解膩，這也是我不會打包回去吃的原因。因為這種適宜的溫度，合適的搭配，才是最美味的啊！ 以前聽人家說一塊很小，我覺得也不算小，比我在香港大多數下午茶店吃的蛋糕都大一些，而且價格也不貴，68-78hkd左右服務也還不錯，對於一家超人氣下午茶店。還可以啦！沒有服務費，比較超值了。

下午想坐低食件LadyM一定要排隊，反正有人車我返屋企，索性唔自私食，買兩件返屋企同兩老仲有女女一齊分享！買左玫瑰花千層蛋糕同奶茶慕絲蛋糕🍰 (offical名唔記得咗🙉）千層蛋糕個cream 嘅texture都真係好有水準，兩老食完第一口就大讚好滑！無人提起面個層玫瑰jelly，其實好香喎！我女食到唔停，猛要encore~而喜歡奶茶嘅老媽子同我就好喜歡奶茶慕絲，好香好滑！服務好好，有冰包保冷，仲溫馨提示我一個鐘內要雪住啲cakes！真係好貴，我覺得試下就夠喇，不會再食

閒日中午時段多數唔使點等位，星期一去產檢前行過條隊一個人都冇，決定趁冇人唔使等，飯前食件LadyM，好想食有咖啡味嘅cake，於是揀咗竹炭咖啡千層蛋糕！真係好黑好型，個面反曬光！打咭影相一流！啲cream好滑好滑好滑聞落同食落唔係好重咖啡味，大肚婆都唔怕太多咖啡因因為係竹炭，唔係好甜，唔會覺得漏，但亦唔苦個千層真係做得好仔細，每一層嘅厚度都好薄好平均，$75係值嘅我食完係有衝動同有胃口買多另一款再食，不過怕產檢驗vv會超標就收手

同阿媽黎到海港城行街，行到咁上下來到Lady M tea 一tea ，今次想試下抹茶千層同埋栗子味蛋糕！綠茶千層綠茶味道好濃郁，有小小苦，係我鍾意的味道，唔算好甜，連d cream都係綠茶味道！配上English breakfast tea 咁好可以解膩！栗子海綿蛋糕，top係核桃粒，本人唔係好鍾意中間cream覺得太甜，奶味太重！海綿蛋糕反而過少.相比綠茶蛋糕過甜.如果可以再添加多d海綿蛋糕咁就比較完美. 偏向綠茶蛋糕

><伯爵茶千層蛋糕($75)上次錯過咗 仲以為香港唔會再有呢隻味供應失望咗一排 畢竟點都搵唔到時間去買一知道伯爵茶味返嚟 就即刻狗衝去食果然同想像中一樣咁好味😋Layer好薄 pancake層與層之間嘅cream抹得好平均散發住淡淡嘅茶香一啖接一啖 好快就食哂雖然有點兒貴 只可以久唔久買嚟食><><><><><><><><><><><><><Lady M尖沙咀廣東道3-27號海港城海運大廈2樓OT215K號舖

呢個港女蛋糕，一世人點都要試下既！咁就叫左3個味，分別係原味、綠茶同埋士多啤梨味。我覺得原味最好食，士多啤梨有d過甜！不過兩個食3款蛋糕都係非常之飽😂😂😂😂

難得今日經過， 見到冇人排隊可以即刻堂食。食完晚飯又未好飽仲有位食得落甜品，坐低即刻帶返個原味嘅千層蛋糕， 一如以往咁好食，每一層都做得好薄，啲cream又做得好smooth

朋友見次次都咁多人排隊，懶得排所以一次都未食過今日排一個就到，所以諗都冇諗就即刻排隊等食！我食過咁多次當然要推薦啲好食嘅俾佢，今日就食奶茶口味同竹炭咖啡口味啦。竹炭望落已經吸引，食落係咖啡味真係好夠驚喜，好食！奶茶係冇千層嘅，單睇已經好吸引，因為有幾隻顏色，食落好重奶茶香。

今日happy Sunday .....同屋企人都尖沙咀逛逛，逛逛下又三點三，下午茶食件cake飲個茶是常識吧！就地取得之下lady m離我地最近最方便，點知，又係要排隊，其實都排左幾年，以前過一排會無咁多人，點知個結果又係咁，好吧，排就排啦，好彩都吾算耐，半個鐘內接搞掂，見到有新野”竹炭咖啡千層”同奶茶慕絲蛋糕，咁當然要試下，仲叫多件粟子蛋糕。先講粟子蛋糕，老實說，睇個外型，以為用左好多粟子蓉鋪面，點知，好多cream混埋一齊，食吾到粟子蓉既質感，仲要勁空氣，好似食完無食咁，另願食意大利番茄個間的粟子蛋糕，真係濃郁好多，仲要平一半！最岀事既係竹炭咖啡千層，好難食丫，d咖啡味食得岀用好Cheap既豆粉制，一d都吾夾，算，食左一啖大家都無再食，仲話係新岀👎🏻最正常係奶茶慕絲蛋糕，食到有奶茶味又正常甜度，個人口味想偏濃郁感，這款偏淡茶味加埋支有氣礦泉水，二百幾，吾值，一件蛋糕要六七十，不如我幫襯ig小店，仲有heart仲好味