LAB EAT Restaurant & Bar (T.O.P This is Our Place)

营业中

休息中

呢間餐廳根本是為慶祝而設的！從環境佈置到食物選項再到服務，每個細節都充滿驚喜。首先一踏入餐廳就被濃厚的慶祝氛圍包圍，好多餐桌都精心佈置了浪漫花瓣和汽球裝飾，來此慶祝生日的客人特多。Birthday Set For Two $788前菜煙三文魚凱撒沙律好清新健康，魚肉嫩滑帶點煙薰味，入口甘香濃郁。吞拿魚他他脆筒造型好特別，內裡的吞拿魚粒柔嫩鮮甜，加上魚子醬的鹹香，兩者搭配層次豐富。蟹肉紫菜塔可餅的紫菜非常香脆，蟹肉的鮮味被魚籽的鹹香推向高峰，堅好食。煙熏法國鵪鶉髀以寶盒形式奉上，一打開湧出煙熏香氣，6隻鵪鶉髀肉質嫩滑帶有鹹香味。餐湯周打魚湯濃郁醇厚，奶油香氣撲鼻，每一勺都滑順綿密。意粉式意大利飯(可選一)帶子墨汁意大利飯的帶子輕輕煎過後，表面香口內裡柔嫩，烏黑發亮的墨汁意大利飯帶著濃郁的海鮮香氣，米粒飽滿彈牙。主菜（可選一）我們加$128點了份炭燒安格斯肉眼，外層微微焦脆，切開後呈現誘人的粉紅色，肉質細膩柔嫩，油脂分布均勻，入口即化。甜品甜品擺盤賣相精緻，最驚喜嘅係除有乾冰製造仙氣，仲有支煙花蠟燭火花四射，絕對要瘋狂打卡。特別優惠飲品、酒精類飲品一律買一送一（可同時享有生日優惠）Open

今日同大家分享一間好岩慶祝生日既餐廳。餐廳位於旺角TOP商場5樓，座位闊敞舒適，有唔少梳化、卡位。而店內佈置得好有氣氛，好多檯都放左花瓣同汽球。今次我地就叫左生日餐。$388 包左一人SIZE前菜、主菜同甜品。蟹肉牛油果迷你夾餅 用左油炸過紫菜包住牛油果同沙律, 口感豐富, 再配埋三文魚籽好清新。餐湯係周打蜆湯, 入面用左各款蔬菜, 飲落鮮甜帶點creamy。當日主菜有大蝦露荀意粉 ,同炭燒豬斧頭扒。雖然係一人份量，但大蝦、露荀爽脆，斧頭扒肉質嫩滑，輕輕用刀就切開，食落Juicy。當然唔會少得甜品。有一個檸檬撻，但仙氣十足，仲要識噴火花，滿滿既儀式感。我地仲叫左海膽吐司🍞同Carbonara。我推薦海膽吐司，食落好鮮甜，配埋多士好滿足😌。Carbonara食落好creamy，再加埋啲煎香咗嘅煙肉，好香口。呢度環境咁chill一定要飲返杯酒。除左wine, cocktail, mocktail，估唔到呢度都可以飲blaster mocktail，打卡一流。整體嚟講，呢度氣氛都唔錯，而且儀式感十足，啱哂嚟同朋友慶祝生日～

提早慶祝生日去左LABEAT到食生日餐， 呢到儀式感滿滿啱哂鍾意打卡的我。蘑菇忌廉湯 ～ 湯入口好creamy。煙三文魚凱撒沙律 ～ 脆多士條，配上凱撒沙律醬新鮮羅馬生菜好fresh ，煙三文魚個煙燻味幾濃香入口夠油潤。吞拿魚他他 ～ 用甜筒仔來裝住吞拿魚他他配搭新穎軟綿綿配上脆口，滋味加分。蟹肉紫菜塔可餅 ～ 我地覺得有驚喜喎，鮮甜的蟹肉放係紫菜塔上做得脆卜卜兩者好夾。煙燻法國鵪鶉髀 ～ 一打開就聞到香噴噴嘅煙燻味，鵪鶉髀入口肉質細嫩。海鮮意大利麵 ～ 番茄味同海鮮配搭得好好，蝦新鮮好鮮甜爽口。炭燒伊比利亞豬鞍 ～ 豬鞍一切落去鬆化唔會硬，入口帶點炭香，肉質粉嫩。Ice mocha 套餐加88蚊每日精選甜品拼盤有玄米茶蛋糕，有青檸撻，有Brownie，有青蘋果雪葩，最正係會幫我地畫碟，打卡一流超開心。

📍 一入餐廳，就知道係「慶祝活動專業戶」😂 餐廳提供一站式慶祝服務，餐枱有用氣球同玫瑰花瓣佈置成花藝枱🌼儀式感滿滿。難怪一半客人都係到慶祝生日/紀念日，座位闊落有私人空間。「生日套餐」 有齊6道菜品， 包括前菜/ 沙律/ 是日餐湯/ 精選意粉/ 主菜/ 甜品，$788/ 2個人價錢都算好抵食🙋🏻‍♀️🔅 吞拿魚他他 : 甜筒精緻可愛，吞拿魚他他蓉新鮮🔅煙三文魚凱撒沙律: 煙三文魚鹹香新鮮，清爽開胃🔅蟹肉紫菜塔可餅: 呢個配搭幾amazing 🤩 Taco帶點天婦羅口感，長時間保持香脆。再以薄荷葉包裹海量牛油果蓉及蟹肉沙律，層次感鮮明🔅 蘑菇湯: 濃湯夾雜不少蘑菇粒口感十足🤤蘑菇香氣濃郁🔅 蒜片大蝦: 爽口大蝦配合少少蒜蓉牛油醬，已經夠惹味🔅 海鮮意大利麵另一款帶子墨汁意大利飯都好吸引，不過驚食到個嘴好污糟😂 慶祝生日影相就唔好睇🙈 意大利麵掛滿蕃茄龍蝦汁，番茄醬保留咗海鮮同大蝦鮮味，雜錦海鮮份量足🔅炭燒伊比利亞豬鞍估唔到有2塊咁大塊，我地2個女仔係食唔哂既🙉🙈 豬鞍火候控制剛剛好，中間夾住一陣薄薄脂肪層，帶點油脂感又有肉香🤤 配搭烤洋蔥、波波蕃茄仔和薯角，幾鐘意酸甜蘋果蓉令配搭更輕盈

朋友生日，同佢去咗旺角呢間勁有氣氛嘅餐廳慶祝，佢哋嘅甜品畫碟真係好精緻，連佢鍾意嘅Alice in the wonderland 都畫到🫶🏻Birthday Set For Two （$788）前菜煙三文魚凱撒沙律煙三文魚油香十足，搭配凱撒沙律醬同香脆麵包粒，係輕盈又開胃嘅開始😍吞拿魚他他脆筒吞拿魚切成他他，鮮甜軟嫩，配埋香脆脆筒，入口爽脆🥰蟹肉紫菜塔可餅用咗新鮮蟹肉，大大嚿嘅蟹肉鮮味突出，紫菜塔可餅香脆，絕對係創意十足嘅組合🥰煙熏法國鵪鶉髀用個盒裝住，上枱嘅時候仲有煙熏效果，鵪鶉髀煙燻得恰到好處，肉質嫩滑，帶有獨特煙燻香氣，味道濃郁但唔會過膩❤️餐湯周打蜆湯湯底濃郁滑溜，充滿海鮮鮮味，蜆肉彈牙又帶微微咸香🥰主菜海鮮意大利麵意粉掛滿蕃茄醬汁，鮮甜味十足，配埋彈牙海鮮，整體味道平衡又充滿層次👍🏻炭燒伊比利亞豬鞍兩大塊帶骨豬鞍，份量十足，豬鞍炭燒得外焦內嫩，油脂豐富而唔膩，肉質超級嫩滑❣️甜品系列檸檬撻配雪糕檸檬撻酸甜適中，餅底鬆脆，搭配香滑雪糕，口感冰涼細膩，係完美收尾

最近同朋友慶祝生日，揀咗 LAB EAT食生日飯，有晒demo超有儀式感!!❤️前菜 有煙三文魚凱撒沙律+吞拿魚他他配脆筒+蟹肉紫菜塔可餅，精緻又好味，特別係蟹肉紫菜塔可餅個底係脆脆紫菜+taco，包住鮮甜蟹肉。鹹香中帶少少海苔香，funshion 得黎味道清新又唔單調～🧡蒜片大蝦 大蝦彈牙唔乾身，脆脆蒜片蒜香突出，食落惹味但唔會膩💛炭燒伊比利亞豬鞍 厚切豬鞍份量十足，肉質唔鞋口，醬汁調味好出色，加埋果香更加滋味!! 賣相同味道都很可以～💚帶子墨汁意大利飯 帶子煎到熟度岩岩好又香口，墨汁飯濃郁惹味，飯入面仲加左扁豆，增加唔同texture增加口感，💙生日甜品 甜品擺盤有心思，唔只可以係碟上寫生日祝福，仲畫埋公仔!! 仲有乾冰+煙花蠟燭，超有儀式感，打卡一流!!

終於處理好家事，兩公婆去旺角 #慶祝 ，輕鬆一下，希望日日都快樂，事事都順利啦我地去旺角T.O.P. This is out place 5樓嘅Lab Eat食西餐Order 左個Birthday Set for Two $788+10%Book 枱時店員話可以係餐甜品碟上畫文字，我覺得呢個服務幾好，就寫［Happy Everyday]啦☺️餐廳環境好舒服，一入座就見到有慶祝嘅佈置，有字板、花瓣🌸、汽球🎈，好有儀式感啊，見到心情即刻大靚😍我想講呢個Birthday Set好足料，樣樣好味有質素，我兩公婆食到好飽好滿足😋🔶️先有4️⃣款前菜▪️ 煙三文魚凱撒沙律▪️ 吞拿魚他他▪️ 蟹肉紫菜塔可餅▪️ 煙燻法國鵪鶉脾或蒜片大蝦🔶️餐湯▪️ 濃郁嘅蘑菇湯仲食到蘑菇粒， 好香濃有咬口🔶️2️⃣款主菜▪️ 海鮮意大利麵▪️ 炭燒伊比利亞豬鞍兩大塊豬鞍好厚好足料，肉質軟嫩，好好味🔶️甜品▪️精選甜品有煙火蠟燭，有畫碟，打卡留念一流啊

💰消費：$388/位+10% （另可加配酒精飲品買一送一） ─── 生日套餐內容 ─── ✔️ 前菜- 蟹肉牛油果迷你夾餅蟹肉份量實在，搭配清爽牛油果蓉，脆餅微辣開胃。 - 是日沙律+餐湯當日沙律為火雞沙律，醬汁適量不膩；蘑菇濃湯以橄欖油代替忌廉，質地稀薄，菇香突出。 ✔️ 主菜- 炭燒豬斧頭扒份量足夠2人分享，外皮焦脆帶炭香，肉質超級鬆軟、肉汁豐富；- 蘑菇意大利飯原「生日意粉」改為Risotto，飯粒軟腍，蘑菇香濃明顯，沒有奶油，所以比較健康及易入口；- 牛胸肌扒 (+$68)油脂分布均勻，三成熟燒得剛好，口感柔嫩，搭配的海鹽更能突顯肉香。 ✔️ 甜品- 客製畫碟甜品需提前告知慶祝文字及公仔款式（沒有參考圖也可），甜品當日為兩件布朗尼、哈蜜瓜雪葩、士多啤梨慕絲蛋糕，畫碟效果精緻，適合打卡。 ─── 實用點評 ─── ✅ 優點1. 生日專屬服務：免切餅費、畫碟甜品有心思 ；2. 主菜份量充足，炭燒豬扒表現亮眼 ；3. 飲品：酒精買一送一。⚠️ 注意1. 整體味道偏淡，不喜淡口可要求調整；2. 畫碟需提前預訂。💸 性價比$388套餐+加一後約$427/位，以慶生餐廳而言屬合理價位

黎到生日月不停地食食食🍽️依間餐廳勁有儀式感💕有生日佈置,甜品畫碟,仲有埋煙火蠟燭🕯️而且價錢合理💰🎂Birthday Set For Two $788🔸煙三文魚凱撒沙律🔸呑拿魚他他🔸蟹肉紫菜塔可餅🔸蒜片大蝦🔸新鮮生蠔 (+$98)前菜都包咗四款,再另加生蠔呑拿魚他他迷你脆筒包住食落外脆內軟又方便蟹肉紫菜塔可餅香脆紫菜包住蟹肉餡又幾過癮😋蒜片大蝦好爽彈又惹味,仲有蒜茸包好香脆好香蒜味💕生蠔新鮮肥美淡淡海水味🦪🔸洋蔥湯勁多洋蔥絲🧅好濃郁🔸海鮮意大利麵好多海鮮有大大粒帆立貝,大蝦,青口,蜆肉蕃茄意粉仲好入味🍝🔸炭燒伊比利亞豬鞍豬鞍好香炭燒,熟到岩岩好🔸每日精選甜品拼盤 (+$88)甜品一到又要拎手機📸甜品畫咗碟😍雪葩加咗乾冰keep到打完卡影埋相都唔溶仲有支煙花蠟燭🎂哈密瓜味雪葩幾好食😋🔸白酒1支 (+$98)白酒味道好啱生蠔,海鮮甜度適中又微微酸

今晚去咗旺角T.O.P. 上面間Lab Eat，食佢哋嘅生日專屬二人餐。開胃菜、前菜、餐湯、主食、主菜、甜品全部都有。煙三文魚凱撒沙律、吞拿魚他他、蟹肉紫菜塔可餅，使唔使個賣相已經夠打卡。餐意粉味道都唔錯。牛扒切開非常之Juciy，仲有炭香味，大讚。最有驚喜就係甜品，雪糕配檸檬撻，但係又有噴煙效果又煙花，非常之靚。記得一定要拍片。講得生日餐。餐枱其實都佈置左寫上Happy birthday。無論咩角度影相都好靚。

雖然已經過咗母親節，但都帶咗媽咪去呢間LAB EAT玩二人世界😝。生日餐$388位勁抵玩，提早訂位仲有齊哂裝飾同畫碟服務🌹，夠晒surprise呀🎉。🎀生日套餐 $388/位 🥑蟹肉牛油果迷你夾餅 牛油果creamy配絲絲蟹肉🦀，用紫菜脆餅底托住。仲有魚籽係面卜卜脆，口感十足😛~🥗沙律+餐湯 細細份沙律菜岩岩好。餐湯係蘑菇湯，媽咪大讚夠濃郁呀🍄 。🍚黑松露蘑菇意大利飯 松露香攻鼻！飯粒al dente掛滿醬汁，啖啖都食到蘑菇粒🍄‍🟫。🥩炭燒豬斧頭扒 外層焦香內裡juicy，切開仲有肉汁滲出🤤 。就咁加旁邊嘅鹽食都夠哂😌~🍋檸檬撻 甜品係每日都唔同嘅，我哋今日係檸檬撻。不過個主角梗係畫碟啦😛有呢個服務真係打卡一流呀📸，仲有埋✨同💨嘅效果超sweet～簡直係視覺嘅享受😍。🌟單點推介 (我哋另外仲叫咗幾款單點)🐚蒜蓉奶油煎帶子 $198 三粒大大粒帶子，奶油蒜香滲入肉質😋，上面仲加咗啲蒜片增加口感同味道層次✨ 🇺🇸美國極佳級牛肉眼扒 $488 兩母女都鍾意鋸扒點可以唔叫😛！因為媽咪食唔到太生所以就叫咗七成。牛扒帶有淡淡嘅炭香味配埋醬汁或者蒜頭食都唔錯👍🏻。🍫金字塔朱古力

之前係尖沙咀食過一次今次見到旺角有分店，還有推出了生日table ，決定同朋友一齊慶祝生日預約了晚上的6.00在當天的下午。職員已經主動打電話俾我。comfirm booking亦知道我book生日table 提前問我壽星的名字。令我感到意外。因為好少餐廳會主動問。我覺得好用心。。。之後同朋友去到用餐。一入去就已經有set 好左既birthday table我朋友事前並吾知道的。超開心之後我地分別叫左一個birthday set同一個main不得不說個海膽多士好好味（吾記得影相）因為同朋友想食tuna tartare念住再另叫但職員好窩心同我地講個量會有啲多個set有包。我地就無再叫最後叫做杯glass hopper 同一杯有氣泡既蜜桃飲品。我朋友非常鍾意蜜桃飲品。覆桌了到最後送上了生日甜品，超適合打卡。靚✨整體感覺同體驗非常好。好適合生日黎慶祝

近排搵緊邊度有寫字畫碟既餐廳慶祝俾我搵到旺角有分店📌生日套餐只係$388 只要係當月壽星就可以架啦除左套餐有埋甜品可以 #寫字畫碟，仲 #免切餅費 添啊！慳咗個切餅費 仲可以嗌「兩」杯酒chill下🥂📌 飲品、酒精類飲品一律買一送一😍我叫左我至愛既白酒 $88/2杯🥂成個$388生日set有📌蟹肉牛油果迷你夾餅🥑📌廚師發辦既沙律、餐湯、意粉(我食既係意大利飯🍚）📌 鹽燒豬斧頭扒🐷📌 每日限定「寫字畫碟」既驚喜甜品 🍮另外我哋仲叫咗套餐以外嘅嘢食 全部都勁吸引📌海膽多士 $136/2件📌香煎鴨肝多士 $138/1件📌 白酒煮澳洲鲜活藍青口 $198/1份📌香蒜白酒蜆肉意粉 $168/1份📌黑松露烤焗法國黃油雞 $398/1隻強烈建議大家挑戰師傅嘅畫功😆❤️隻 #MyMelody 真係氹到我勁開心

🇭🇰✨旺角Lab Eat生日飯大滿足！$500/人豪食5道菜 份量多到要打包🎂朋友生日揀咗旺角Lab Eat慶祝🎉 試咗佢哋個超抵玩Birthday Set 人均$500食到捧住個肚走 仲有靚靚打卡位影相📸🥗前菜拼盤震撼登場：▫️煙三文魚凱撒沙律🥓 鹹香魚片夾埋脆口麵包粒好開胃▫️吞拿魚他他迷你筒🌮 鮮甜魚生mix脆筒口感超正▫️紫菜蟹肉塔可🦀 海苔脆片托住滿瀉蟹肉 鮮味爆燈💥▫️煙燻鵪鶉髀🍗 淡淡木香滲入嫩滑腿肉▫️蒜片大蝦🍤 金黃蒜片脆卜卜 蝦肉爽彈到想encore！🍄每日精選蘑菇湯超濃郁 仲飲到粒粒蘑菇碎🌰🖤墨汁帶子risotto必試！墨魚汁鹹香掛滿每粒飯 帶子煎到微微焦香🔥 飯粒al dente有咬口👍🥩主菜炭燒M5牛腹芯驚艷登場🐄 5成熟剛剛好 外層微脆 內裡肉汁多到滴出嚟💦 配埋紅酒汁同薯蓉 即刻清晒！🍋甜品檸檬撻配雪糕超驚喜🍨 酸咪咪檸檬餡中和甜膩 撻皮鬆化到一咬就碎 雪糕仲有焦糖脆脆增加口感✨總結：生日set真係抵到喊😭 每道菜水準都keep到 侍應仲好貼心幫我哋影合照📷 慶生必book嘅高CP西餐廳！記得留肚食甜品啊～🎂💕

令人無法抗拒嘅高質西餐廳🩷儀式感滿滿🩷如果想搵餐廳慶祝特別日子或生日，又想要靚靚嘅佈置，唔好錯過位於旺角LAB EAT餐廳啦❣️ 餐廳會提供心形花瓣佈置、氣球、祝福語佈景板、畫碟甜品、仙女棒。滿足晒你所有要求😍✨Happy birthday dinner set ✨$388/位，套餐有前菜（小食➕沙律➕餐湯）、主菜、精選生日意粉、甜品。小食蟹肉牛油果迷你夾餅🌮咬入口，食到好香嘅蟹肉同牛油果味，加埋三文魚籽一齊，味道鮮甜。沙律🥗一人份量，火腿、沙律菜，淋上芝麻醬，開胃又清新。餐湯🍲蘑菇湯🍄‍🟫味好濃，幼滑creamy，湯入面仲有粒粒蘑菇。主菜炭燒豬斧頭扒🥩原塊豬斧頭扒上碟，肉質嫩滑多汁，切嘅時候已經感覺到啲肉好鬆化，燒嘅火候溫度控制得好好，見到裡面嘅肉帶粉嫩嘅顏色，食嘅時候唔鞋口。精選生日意粉🍝今次係黑松露蘑菇意大利飯，黑松露好香，配埋蘑菇🍄‍🟫，飯味好香，煮到好creamy，仲可以見到粒粒分明嘅飯粒。甜品🍮驚喜連連😍畫碟甜品💛係我好鍾意嘅Linabell💕 檸檬撻清新得黎唔會好甜，職員即場點著仙女棒🪄，啱晒打卡📷海膽多士🥖鮮甜嘅海膽，入口即溶，多士嘅香脆感，口感層次分明。芝士煙肉焗蘑菇🧀