LAB EAT Restaurant & Bar (T.O.P This is Our Place)

营业中

休息中

朋友生日，揀選了旺角一間餐廳，坐在室外，寒風吹來，好彩有暖爐。定時有即場唱歌表演，好有氣氛，一邊摸著酒杯底，一邊聽歌，愉快！來自法國嘅 Gaboriau生蠔有份量，質感飽滿而滑溜，鮮鹹的海水味中蘊含豐富的乳香。有靚蠔一定要有酒伴，叫了一杯Chardonnay ，白酒配生蠔，無得輸。合桃羽衣甘藍沙律好欣賞醬汁，惹味。合桃烤過特別香脆。羽衣甘藍翠綠新鮮，健康之選。紅蝦墨魚汁意大利飯意大利飯一黑一橙，強烈對比，吸睛。味道濃厚，好滋味。隨了一大條八爪魚觸鬚，還有切粒增加口感。滋味。 Panna Cotta不只奶凍咁簡單。還有焦糖燉蛋。甜品控一定喜歡。

老朋友整天忙著工作坐下立刻叫了Sparkling Mineral Water 解解喝，忽然店員送上我倆各一杯免費飲品（rum tonic）及橄欖油醋汁麵包～沾上橄欖油及醋，軟脆香口，挺好！老朋友太開心了為我揀了霞多麗白酒（Hanau Chardonnay/GLS) ～ 清清甜甜易入喉。店員殷勤介紹下選了：阿拉斯加長腳蟹肉牛油果沙律～鮮美的長腳蟹肉加軟淋淋的牛油果，柔滑又美味，是一道不可抗拒的清新菜式；白酒煮澳洲bb活藍青口～ 青口配白酒丶牛油和蒜頭，提升了青口的天然海水味，柔嫩有口感，這道海鮮菜式會令你意猶未盡；西西里島蕃茄海鮮意粉～ 這些意粉吸收了蝦、魷魚、青口的海鮮味道再加上粒粒蕃茄仔及蕃茄醬的精華，這配搭微微酸甜好滋味呀！海鮮燴海鱸魚柳～魚肉滑嫩又鮮甜，鮮蝦爽滑丶蜆雖不算大隻卻脹卜卜，爽口又彈牙。法式開心果甜可麗薄餅卷～很有驚喜的一道甜品，柔軟的外皮咬落卻有著脆口的感覺，有著開心果獨特的味道，亦有著焦糖的香脆，非常有咬感，這道甜品會讓你吃完想再吃多幾次，回味無窮；亦帶給我一個完美的驚喜！！

慶祝男友升職又加薪，去左Lab Eat 食個靚靚晚餐慶祝下🥰🥰二人餐首先會有杯wellcome drink, 蘋果汁嚟， refresh下先。🦪新鮮生蠔四隻生蠔新鮮肥美，creamy有濃郁嘅礦物味，灑點檸檬汁，提鮮之餘仲去腥。🐮意式生牛肉薄片沙律菜加了黑松露醬汁，牛肉薄切，入口唔似食緊生肉，一啲都唔血腥🫢🍄牛肝菌湯個湯超級濃郁，濃稠度適中，有濃濃嘅牛肝菌味，又唔會太鹹，唔錯。🫕海鮮湯龍蝦湯嘅顏色呈鮮橙色，好濃厚，味道又很濃郁，究竟要幾多龍蝦先至可以　熬製成如此濃厚嘅味道。有蝦、青口同埋魚片，用料都新鮮，唔錯。🥩炭燒美國極階級肉眼牛扒我哋牛扒叫了七成熟，唔會燒到勁乾勁熟，一端上己聞到好吸引嘅香烤肉味。師傅火喉拿捏得非常好，有好靚嘅燒烤網紋，切開肉色粉嫩，七成熟肉質都仲係好軟嫩，唔錯！🥢西班牙紅蝦配海膽意粉配鱘龍魚子醬 賣相好吸睛，超鍾意嗰隻紅蝦，彈牙新鮮，超讚！意粉爽口又好掛汁，海膽汁creamy濃厚，配埋鹹香嘅魚籽，鮮味升級。我哋個餐仲配埋是日精選甜品，有栗子夾餅，藍莓蛋糕，焦糖拖肥班戟，拿破崙蛋糕，熱情果布甸，款款都好食，又唔會甜到溜，鐘意佢個栗子夾餅同埋熱情果布甸，今次想唔肥都唔

Weekend約左朋友去旺角行街 呢間餐廳喺T.O.P商場 一出地鐵站就係所以覺得好方便就book左呢間餐廳試吓☺️ 中午12:30去到 餐廳唔算多人 靜靜地同朋友傾下計都唔錯👍🏻 Weekend都有lunch set好抵食 包晒前菜甜品飲品 價錢都係人均$150～新鮮海蜆意大利扁意粉🍝海蜆數量大約7，8隻 都係細細隻既蜆 但都算鮮甜冇沙😉 意粉主要調味都係蒜+橄欖油 冇咩辣味 都係穩陣之選！煙肉蘑菇意大利飯都係普通野 唔會伏但又唔係特別好食 份量唔算大所以食完唔會覺得滯🫣最後甜品係Tiramisu 但係味道麻麻地 因為係急凍貨個種 得個甜字😳 所以相都冇影😂雖然服務唔錯價錢又唔貴 但食物質素有待改善😅

相约喜吃西餐的食友到旺角這西餐廳探店，典雅寬敞的座位，亦可坐在户外平台享受涼風，我則選定環形卡座👏侍應先送上橄欖油醋汁麵包及免費餐飲-冧酒雞尾酒點了餐酒，霞多麗白酒 (Hanau Chardonnay)，有果香而微酸，正好配選定的各款海鮮👍🏼阿拉斯加長腳蟹肉牛油果沙律(King crab meat & avocado salad)，一邊沙律菜伴蟹肉，爽脆又重蟹味，另一半牛油果切片伴蟹肉絲，有油香而不膩，蟹肉鮮味混合牛油果的軟滑，妙绝😋藍青口(blue mussels)，以魚湯浸煮，青口鮮嫩，加上香濃湯底，一道醒胃前菜😋西西里島蕃茄海鮮意粉(Seafood spaghetti pomadoro)，濃郁蕃茄醬混合鱿魚，蝦球，青口，甘甜鮮味，傳統粗意粉軟硬適中，入口有咬感😋海鮮焗海鱸魚柳(Chilean seafood fillet)，嫩滑的鱸魚柳配合其他海鲜烹調，汁液味鲜而濃😋法式開心果甜可麗薄餅卷(French crepe with crushed pistachio)，外軟内滑， 餡料是焦糖慕絲，甜度剛好😋好一頓享受的西餐👏👏

餐廳以木系為主調🪵以淺灰色的座位、雲石餐枱及柔和燈光作襯托打造充滿儀式感的用餐氛圍🌹但不會過於拘謹 帶點舒適寫意的空間感室外的座位更有情調💕十分適合約會及慶祝紀念日的好地方👫Welcome Drink 香醇清香的玫瑰味道vodka 沒有強烈的苦澀味 十分順口今次餐廳採用來自法國的Black Pearl🇫🇷蠔的肉質飽滿滑順🦪新鮮同時帶淡淡的海水味🌊前菜是流心芝士沙律店員會在客人面前用刀刮下預先融化的芝士🔪芝士的奶香味突出配搭salami🐖、火箭菜、蘆荀、車厘茄🍅 及薯仔🥔 整體組合鹹香而不膩 芝士控不能錯過🙈牛扒我們點了medium rare 🐂值得欣賞的是廚師烹調的生熟程度剛好👍🏻牛肉中央帶點粉紅色口感軟嫩 肉味濃厚🐮🍝意粉上菜時香味撲鼻羊肚菇散發獨特清香的菌菇味🍄口感爽嫩 菌香味濃郁🌟🌟使整體意粉的味道昇華值得一試✨✨Crème brûlée 外層香脆🍮入口嫩滑綿幼 微甜不膩是我的最愛💛杏仁奶凍香滑順口可以配搭旁旁的焦糖mousse一同享用 職員會為兩款mocktail 打造夢幻氣泡🔮十分igable 📸 是打卡必點的飲品🌟𝐻𝒶𝓅𝓅𝒾𝓃𝑒𝓈𝓈散發荔枝及野果天然味道配搭清新香甜 容易

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 估唔到有個旺中帶靜又咁靚嘅西餐廳係T.O.P 🌼 一入門就已經比佢嘅sofa 同出面嘅聖誕樹吸引咗。個server 會問你要sparkling / distill water 而我地要咗 Still Mineral Water🌼 咁食飯前都想飲啲嘢就叫咗rose vodka ，happiness 同treasure 👏🏻 rose vodka ，雖然有vodka 但其實唔係好重shot ，rose味好自然，所以中意飲甜嘅依個可以飲❤️ 之後兩杯係 mocktail 無酒精嘅peach and berry 味 🌼 開胃菜食個raclette cheese salad 同 black pearl 🦪 OMG! 睇下幾多幾正嘅 🧀 會唔會太正！蠔就不過不失，無沙好彩 ❤️🌼 主食就有 Rib eye 同 mushroom spaghetti 🍝 意粉都幾有誠意 😝 蘑菇味超濃，麵身軟硬適中。牛扒就不過不失啦 😉🌼 食完主就緊係要食甜💚 Almond Panna Cotta 望落以為好大個，其實係好薄😂 食落有少少唔方便。味道還好，唔係好食到almond味。但個c

今日約咗朋友預祝生日，所以就想搵間Grand啲又好食嘅餐廳，之前有朋友推介呢間餐廳食物質素唔錯就黎試吓，原來有幾間分店，我就揀咗係旺角T.0.P個商場，餐廳座位都幾闊落，唔多人幾清靜，幾啱情侶朋友傾吓計首先前菜有麵包配醋，另外有兩杯welcome drink，細細杯甜甜地幾易入口，岩我呢d 怕苦既人之後有大大隻生蠔，Black Pearl & Synonyms幾鮮甜同creamy，新鮮呢個海膽多士，海膽份量多，食落唔腥又新鮮主菜方面叫咗鵝肝牛柳，鵝肝同牛柳差唔多一樣咁大又厚身，本身唔鍾意食鵝肝既我又覺得唔錯，冇咩腥味，牛柳厚身得黎熟度岩岩好，五成熟唔韌有咬口另一個主食，八爪魚紅蝦risotto，擺盤精美，八爪魚好大塊，個飯充滿紅蝦嘅味道同汁，yummy甜品叫咗個魚子醬雲呢拿雪糕，好特別，出面未食過，咸咸既魚子醬同甜既雪糕又幾夾餐飲有兩杯wine，我鐘意甜既就叫左杯moscato, 朋友鍾意紅酒就叫Cabernet Sauvignon，岩晒把酒談心

同朋友去旺角食晚飯想一邊飲番兩杯一邊聽live music, 趁呢排天氣唔熱坐戶外就最好feel啦，飲杯白酒真係一大樂事～｜Welcome Drink｜青蘋果特飲，清清甜甜好清新～配啲餐前面包～蘸下醋油好開胃～｜Uni Toast｜ $156海膽多士，你睇吓上面鋪滿晒海膽，份量好多，食落口質感好creamy, 我仲海膽鮮味充斥係口腔，味道回甘～～｜Green Acres Sauvignono｜ $196再來兩杯白酒，襯魚就最夾啦～｜Glazed Walnut & Kale Salad｜ $188材料十分豐富，顏色非常之鮮艷吸引，加入左食用花，有果仁、羽衣甘藍，味道甜甜地令人食到停唔到口～｜Seafood Spaghetti｜ $288海鮮意粉嘅海鮮種類好多，有大蝦、魷魚、青口，再加埋新鮮蕃茄好鮮味～意粉較粗係正宗意大利粉，食落特別有咬勁，掛汁力強～👍🏻｜Pomadoro Chilean Seafood Fillet｜ $398海鱸魚煮得多汁鮮嫩，我鍾意調味唔重可以食出魚嘅鮮味，魚皮有檸檬清香，下面配搭紫薯蓉質感順口幼滑～｜Melting Belgian Chocolate Ball｜

朋友由英國回港探親，我先約她去吃個晚餐.  選擇了旺角地鐵可直達的 LAB EAT Restaurant & Bar . 朋友首先見到 T.O.P. 商場好熱鬧,  已有驚喜.  上到五摟 LAB EAT 餐廳, 看見環境及裝飾更好開心. 室內大圓形座位好特別，室外有大露台, 好寫意.服務員安排座位即送上餐牌，及 welcome drink, 令人感到好窩心.餐牌內有卡通彩圖, 加添食慾意願.立即點了兩人套餐, 有頭盤, 餐湯, 主菜, 甜品,  有齊餐廳招牌菜, 即開生蠔 , 法式黑松露, 海膽魚子醬意粉. 叫了飲品:   Blaster Mocktail, Treasure  & Mango Magic,  即想舉杯.  服務員話等一等..........原來酒保帶來氣槍,   瞬息間, 酒杯上出現球體, 好靚呀!!   冰涼好飲. 酒質味道溫和. 送來餐包, 暖暖的麵包很鬆軟, 最愛蘸黑醋橄欖油, 比起牛油健康, 酸醋的味道更開胃. 頭盤又送到:   新鮮生蠔  (每人兩隻)生蠔來自美國, 黑珍珠, 即開即食, 肉質肥美, 帶點海水味, 入口豐滿.意式生牛肉薄片薄薄生牛肉薄片, 

Uni Toast 海膽多士嘅海膽份量十足，新鮮滋味，海膽上加上少許蔥花作點綴，海膽同多士之間一層沙律菜，增加清新嘅感覺。這個頭盤別具氣派。Glazed Walnut & Kale Salad合桃羽衣甘藍沙律色彩型格，清新嘅沙律菜，加上多汁蕃茄仔同新鮮切片啤梨。沙律以黃色小鮮花點綴，淋上香口嘅黑醋，增加色彩同味道嘅層次。Seafood Spaghetti Pomadoro海鮮蕃茄意粉，賣相立體盈滿。鮮蝦飽滿，魷魚煙靭有嚼勁，青口新鮮多肉。意粉較一般的粗身，蕃茄意粉醬濃郁入味，食到意大利地道意粉嘅質感同味道。Chilean Seafood Fillet 智利鱸魚肉質超級幼嫩，魚肉飽滿，魚皮煎得香脆可口。鱸魚下一層厚厚甜甜嘅紫薯蓉，再以rosemary 同檸檬片點綴裝飾，每一口都係視覺同味覺嘅享受。Melting Belgian Chocolate Ball以比利時朱古力製成嘅波波，入面包住令人驚喜，冰凍可口嘅拖肥味雪糕。甜品精彩出色。今晚白酒係Green Acres, Sauvignono Blanc。更有清新蘋果汁作為welcome drinks。今晚遇著室外busking，更有氣氛更

八點幾入黎 去到九點幾坐唔到一個鐘 d waiter 車輪戰咁係咁問收得未 d野食ok 但係問到個人好煩 又唔係茶餐廳 唔知以為食緊$50 一個餐 服務態度真係要再培訓吓 增進吓好d

又係忙碌嘅一日，收工好有衝動想食好嘢，即興黎鋸個扒。不免俗地叫咗台台都有份嘅熱熔芝士前菜，芝士香濃得黎唔會死咸，趁熱食有種食緊芝士火鍋嘅錯覺，用大量芝士黎包住ham同蔬菜食真係好開心。黑毛豬鞍唔會太肥，只係留低少少邊位嘅油脂，將柔嫩嘅豬鞍放入口，咀嚼下有些少油脂嘅甘香啱啱好，啱晒鍾意油香又怕肥嘅我。 火候控制得好好，骨位做到僅僅熟透，忍唔住連個ribs都食得好乾淨。開心果French Crepe食得出係新鮮整起，濕潤有彈性，開心果味夠晒濃，仲有粒粒香脆嘅開心果同莓乾，口感好豐富。 蛋白餅好鬆化，唔會太甜，成個甜品都好清新。平時少飲酒，為咗氣氛叫咗兩杯紅白酒，都幾易入口，甜甜地啱女仔飲。

今日去的餐廳位於旺角，餐廳主打各款西餐和生蠔，亦有個大酒吧，是很chill 的聚腳點。Weclome drink 令人放鬆心情，迎接的開心聚會。另外點了蘋果汁，喜歡酒精飲品的，可以試更加多特色飲料。小試牛刀要了4隻生蠔，品種是黑珍珠，都幾大隻，蠔味香，肉質滑，配有2款醬汁。卡邦尼意粉和平時食的顏色和口感有點不同，金黃色，有點像南瓜湯，口感很creamy，意粉軟硬適中。羊架有三件，擺盤和味道都出色，芥末和薄荷白醬2款醬中，個人比較喜歡芥末，更能突出羊架的香味，羊架香而不羶，肉質不乾身。而配菜亦夠多元，是不錯的選擇。

食過幾次lab eat都幾滿意，作為生日月嘅前哨戰，約埋朋友黎食餐好嘅。先黎一杯welcome drink，熱情果梳打清甜濃郁，味道天然、甜度岩岩好，好飲到想order返一大杯黎飲。Blue Mussels簡單用白酒煮已經好鮮甜，青口煮得岩岩好，大隻得黎好嫩滑，我鐘意佢清潔得好乾淨，唔會食到成口草。 底下嘅汁好似熬左做青口湯咁，忍唔住狂飲，用麵包點汁好開心。熱熔芝士沙律淨係睇店員拎住原塊芝士，將熱熔嘅部份刮落去果下已經值回票價。 沙律用料都幾豐富，有蘆筍、生菜、椰菜花、蕃茄仔、薯仔、辣肉腸同火腿，全部都好新鮮，芝士份量十足，同配料比例近乎一比一，岩哂追求每一啖都有啖啖芝士嘅芝士控。豬鞍罕有地有兩大塊，夠厚、切開見到淡粉紅色，基本上唔食都知成功左一半。 豬鞍嫩滑有肉汁，有肉香味，唔洗配蘋果蓉已經好夠味。 配菜有南瓜同番茄乾都好得我心，尤其油漬番茄乾夠香濃，其實就算唔加個組合已經好完整，所以更加欣賞廚師嘅不惜工本。