La Bons Cafe (已結業)

看了yahoo有位食家大讚這裡的蠔湯做得很出色,再加上這裡的食評亦都不錯(特別是心太軟),於是便約了好友一試.餐廳的環境好暗,特別是地板真係有待改善,menu有好多選擇而且價錢好大眾化,我點羊架,轉蠔湯要加$20,朋友點了肉眼扒跟沙律.蠔湯裡有一隻中規中矩的生蠔,可惜唔夠creamy,而最失敗的地方就是唔夠熱,朋友的沙律太乾,沙律汁唔夠.肉眼扒朋友要七成熟,但半生都冇,我的半生羊架更加唔駛講萍果茶就好似飲熱的萍果汁一樣.到最後心太軟,它比我想像中大件,但有兩大缺點,朱古力醬太多(可能係捕捉港人貪多的心態),多到成碟都係,又另中心位唔夠熱,再加上朱古力醬係下價貨色,另到整體都大打折扣.但有很多網友說這個係必食推介,可能唔係我杯茶.如果你們都想試的話可以留意.

湯好味,主菜永遠都有咁多選擇,另外,甜品心太軟更加保持一貫既水準啦~~~~ 非常正~!

跟同事在灣仔食晏, 有時候想找個環境好點的,就來到這兒, set lunch 選擇幾多, 約$50至70 有appetizer/soup, main course及茶/啡,今天吃了salad, risotto及咖啡, 同事要了鱸魚魚柳, 最後少不了一試馳名的心太軟;salad 的菜是新鮮的, 加上少許油醋, 感覺良好。而附上的包包則鬆軟。risotto 飯粒不夠煙un, 可幸的是芝士味非常濃郁, 碟邊還灑上芝士粉, 混入菠菜和mushroom, texture 幾好。同事的鱸魚魚柳吃光光, 味道應不錯吧。咖啡不夠熱, 而心太軟當然是名不虛傳的, 溫熱的朱古力漿在口中打轉, 很精緻的一道甜品。午市甚旺場, 小店full house, 人流仍絡繹不絕, 眼看小店子內的6,7 個伙計忙得團團轉; 裝修雖不錯, 情調缺乏(太嘈了......), 也許晚市好一點^^ 價錢便宜, 不加一, 每人才70大元。

tried their tea set-- pizza, french cheese cake and house coffee. Pizza is so-so.. average quality, and cheese cake is too fatty, i can't finish it.. and coffee is just average quality. What I think it's disgusting is it's really filthy!! The mat is dirty, and the knife is dirty too. Sigh...

呢度既心太軟真係值得一讚!!每次去食親，都必定會order一個!!連我呢個本身對朱古力唔係太興趣既人一食就愛上左呢個甜品！唔太甜、好香既朱古力味，最緊要係送到去你個口既時候，仲有d微溫，好正!!極力推介呀!!

四個女仔四個main course, 先上的係home made蕃茄湯, 蕃茄味好重較杰身, 酸酸地好開胃. 不過個餐包同附送的鵝肝醬就麻麻地. 朋友揀沙律唔飲湯, 佢話菜都好新鮮, 而且係醋唔係沙律醬, 好幾.四個餐包括有忌lim煙肉蛋黃汁意粉, 帶子蝦墨魚汁意大利飯, 西冷扒(紅酒汁), ribs.前兩者比較好食, 個汁煮得好creamy, 但又唔會滯到唔想食. 扒同埋ribs都普通啦, 我唔係好鍾意個汁. 席上其中一個朋友之前食過, 佢話d main course唔駛揀貴, 反而平平地仲有驚喜, 因為佢地都好有心機去煮. 但貴的就較普通.之後係甜品, 每一個餐可以用餐價嗌一款, 每款都係加8-18蚊左右. 好經濟.我地要左home made cheese cake, tiramisu, 法式焦糖x蛋, 心太軟.老實講, 除左心太軟之後, 其他的都唔合格, 平都係咁話.尤其個cheese cake同tiramisu直情好失望.cheese cake個餅底同cake分開, cake又冇cheese味, 質感奇怪, 有少少彈牙feel. tiramisu嚴重酒味, 海綿蛋糕太多.不過,

服務態度唔好, 事關我book 左lunch 人數有變, 個waiter 竟然俾說話我聽....去到食既時候d 食物竟然係唔熟囉....總之一定唔會再去等二次

這裡的服務和食物水準在同區不算突出，但屢屢回頭，只因「心太軟」。午膳，訂十二時半。又係三人坐二人枱，今次張枱擺到菱形咁，仲要有隻枱角貼牆，結果當然坐的又窄又迫，用「屈就」來形容都不為過。環境仍然麻麻，人越多越嘈吵。今日有羊架，就叫羊架，選了薯菜，連沙律及凍花茶，$68。送的麵包一般；沙律菜就幾新鮮，但醬汁味道普通又下的太多；羊架簡單的下了香草，差少少咸味但都收貨有餘，平日的薯角熱又外脆內軟，可惜今日的涼又全軟。一如以往，份量不多，連我都能把東西吃光。點菜的時候順便連今餐主角「心太軟」都點了（加$18）。三個心太軟都做到效果，雖然流漿多寡的程度都很有點不同，但巧克力味香濃，三個人都十分喜歡，笑面就是這裡來。我對這裡的鹹食興趣不大，午市時若都能獨沽一味就好了。

又到灣仔覓食。今次跟太太同行，從榮興及呢度兩者二擇其一。兩口子似乎比較適合去氣氛較romantic嘅地方。唔，都係下次先去試榮興嘅葱油雞la..打開menu，大部份以set meal為主。有湯有沙律有main有dessert有drinks；亦有一D只有湯及main及drinks嘅set，包羅萬有。不過見到某D main course入面竟然包含有雞、魚及扒類，個名好似水蛇春咁長，感覺好似食緊大雜燴咁。睇嚟對呢度嘅水準都不可寄予厚望...先叫個香檳上湯雜菜blue mussels。mussels肉肥大，頗鮮甜，配上清清嘅上湯，五十零蚊一碟，有成六七隻，都算幾抵食....自己叫嗰tiger prawn set。打頭陣嘅smoked salmon salad入面嘅沙律醬多到暈，絕對係劣質西式沙律嘅示範作...蕃茄湯頗杰身，有碎碎嘅蕃茄蓉，配上熱熱嘅法包，味尚可...tiger prawn配tomato spahgetti。意粉煮得唔算太淰，虎蝦冇乜雪藏味，肉彈牙，已收貨；太座嘅鴨肝露笋野菌risotto就完全失望--- risotto全無咬口，鴨肝有强烈苦味，大失望...可能自己有要求la，

金鐘附近的餐廳價錢都不便宜想找一個較舒服的角落慢慢吃一餐午飯都不是那麼容易偶然之下一位同事告知此餐廳的存在來過兩三次...有各式各樣的餐．炒意粉..魚..羊..雞..牛..一一俱備能照顧不用客人所需隨餐還能加十元八塊點些飯後甜品推介: 心太軟(加$18): 做得比許多甜品店還要好... 蛋糕外殼薄薄脆脆的一層...把叉子插進去...內裡的朱古力漿都湧著出來....令人食得很急...也很快樂~讚丫!每次去都叫魚...忘記了是甚麼魚~就是每次的魚種跟汁都不一樣....讓人有新鮮感~無可否認不是一間高級餐廳但在灣仔五十多元吃一個有Salad/soup + main course + drink,還是物超所值的~亦沒有像茶記般油膩私感覺....不錯呀!另一提示～此餐廳的午市確實十分full house~ 先訂檯才去丫~

不敢話自已好識食,但都仲會分什麼是好食唔好食....朋友請我食飯,諗住試下新野但又唔想朋友使咁多錢,見到呢度既comment唔差又標榜抵食,加上o向公司附近所以一試.大約(FRI)8:00pm黎到,餐廳尚有空位,起初見到"La Bons Cafe"仲以為係食法國菜,唯見到餐牌便知搞錯,"安格詩牛扒餐","XX羊架餐", XX大蝦餐"....etc,原來係食"西餐"okay.....之後一位好有茶餐廳feel既waiter哥哥先後用"軟、霖、滑!"及"好正!"來推介這個Angus Beef 和Lamb Chop.....Um =..=....我地姑且一試.發覺個牛扒真係非常之霖,簡直係霖得有點過火,but the worst is全無牛味可言,我地開始懷疑自已食緊乜野. 至於羊架,一半一半啦,係一半熟、一半虜毛飲血.....其實你話呢間餐廳好差咩又唔係,以百五六蚊既價錢可以食到金寶湯、C沙Salad、鋸下扒、Dessert 成四個courseS再加餐飲(仲有果味紅茶選擇)其實真係幾抵.不過都係呢句: Sorry, I'm not your target customer...But an

由灣仔地鐵站行黎，不太遠，十五分鐘左右就到。七點九左右已經好多人，環境頗有格調，每桌都有一盞小燭台。侍應好快就送上清水同菜單，見到有特別推介美國藍青口，$58六隻，加上侍應大力推介，所以就點左一客。男友就揀左墨魚汁意粉套餐。好快就有餐湯上，表面有好多羅勒香草，仲有小小的奶油絲，好有高級餐廳的感覺。跟湯既餐包意外地熱騰騰，而內軟外脆，好有水準。白酒忌廉汁藍青口($58)－－白酒的香味加上大量的香草，青口豐厚多汁，物有所值！墨魚汁意粉（跟餐$88)－－有兩隻煎帶子鋪面，墨魚汁好多，食完之後成個嘴變左黑色！無跟餐甜品，但加一客心太軟都係$10，但因為唔想食咁多所以無叫。不過從其他食客睇黎好似都好好食。環境雅緻，適合談心。估唔到灣仔小巷會有咁高質素既西餐廳，值得再黎。

剛剛吃完歺晚飯，食物質素很不錯。百零蚊吃個牛柳歺話平唔平，但咬落口那份鮮味感覺卻值回票價。話事話，在歺廳仔食到chill貨牛肉唔係多，呢間算係咁！至於頭盤和甜品也不錯，不過要等耐d。環境就一般，談情說愛者就無謂喇！知己相聚就ok！服務尚可，人丁單薄，但見到也盡了力。整體ok，有時間可以試吓！

3-8-07 (五) 晚餐三人在此晚餐，餐廳環境算不錯。侍應推薦美國藍青口，說新鮮運到，就試法式香檳上湯雜菜煮美國藍青口，果然新鮮嫩滑。大Ｔ和我都叫了香煎石斑魚柳配香檳豆苗素鮑片忌廉鮑魚汁配白飯及時菜。這個長長的餐名共二十五個字，可算是餐廳的特色？看看Ｔ叫的餐名，(請先深呼吸) 是扒紐西蘭肉眼牛扒配煙肉野菌紅酒燒汁配美國薯角及時菜，也共二十五個字。石斑魚普通，沒有特別，不知道香檳豆苗素鮑片在哪裹，忌廉汁就可以了，也不用鮑魚汁了。Ｔ的牛扒份量不少，幸好肉質味道都不錯。叫了三個甜品試，意大利芝士餅、冰涷鮮芒果芭菲和法式香滑芝士餅，水準只是一般。看見餐牌有其他豐富的套餐可選，價錢比其他地區便宜，晚上客人不少，最好預訂。

今天我和幾個同事去食lunch, 等位果d話等5分鐘結果15分鐘都無位都算啦(須知道lunch hour 1個鐘用15分鐘等位係絕對係投資失誤...>.<)點知, 我本人超失望:忌廉波菜湯:我想,8月3日光顧午市的貴客都會同意, 今天的忌廉波菜湯是沒有下忌廉的.顏色比崩大碗仲要深綠...(係臨尾果圈cream都懶得落果隻)牛排: 保持水準, ok o既, 係一塊大一塊細囉.是求其定係Lucky Draw?意粉: 最嬲, 唔係佢好唔好味, 係佢講大話! 佢話個意粉in Pesto Sauce, 但係佢居然只用蒜頭同parsley leaves炒兩野, 我想問d Basil/pine seed同Cheese的香味去左邊? 你唔好同我講, 一間西餐廳唔知o羊係Pesto Sauce?!一句: 恨鐵不成鋼!你曾經係好得架, 焦糖布丁啦~我仍著迷~邊個management決定你行求其路線, 真係害左你!