L’atlantis (裝修中)

今日同男朋友食西餐，因為可以坐在海邊，所以就試吓呢間餐廳，我哋兩個人叫左一set dinner $268 一個，一個鰻魚炒飯$238，我哋本身吾系食好多野既人，所以ok 飽同埋都味道都唔錯😋😋，服務態度好👍🏻，環境吾錯，吹住海風

今年簡咗呢間餐廳同老公慶祝生日🎂，佢鄰近屯門黃金海岸酒店旁邊，亦有個頗大嘅公共泊車咪錶位，每小時$8，好抵㗎喇。由泊車位步行去餐廳只需5分鐘左右，在沙灘，近小公園嗰邊。呢度都幾舒服，有室內室外位任君選擇。我就簡坐室內，因為夜晚都大風。餐廳內侍應都好服務，可能客人唔多，連埋我哋，都係三枱。😂慶幸餐廳樓底高，睇落去無壓迫感。兩個人Order咗Set Dinner For Two (尊貴二人晚餐)，1️⃣ 寶雲酥焗紐西蘭三枝骨羊架陪百里香紅酒汁，2️⃣ 西班牙伊比利黑毛豬架蘋果紅酒燒汁。額外被Up selling 兩隻生蠔，個人喜好肥美口感，所以就挑選兩款來試試。但唔知係咪近期自己腸胃差咗，定生蠔唔太新鮮，隔日就出現問題上噁下瀉，要立即睇醫生。😅Anyway, 其實法國菜來講，佢嘅份量算唔錯，兩款主菜都唔錯。透過Open Rice book枱，消費滿$500會送「香檳黑松路菌煮南非五頭活鮑魚」。加上在Apps留言寫低係慶祝生日，餐廳會準備”心太軟甜品”。👍🏻最後，會否再來？視乎情況而定，有需要都可以一試。😌倆個人供消費HK$988。

朋友生日，想俾個驚喜佢，預先book定台。因為疫情關係，客人比較少，餐廳都好識做，室內都打開咗窗。工作人員都好細心友善，值得一讚！由前菜開始，慢慢一道一道菜上。我哋睇住日落，十分寫意。兩個頭盤都好好食！鮑魚係訂台送的，賣相同味道十分好，軟軟的又有口感。法國蝸牛下面係蘑菇，連薯蓉都好夠味，有用心做。主菜除咗魚個肉質比較鞋同乾，口感差啲，牛扒就非常好食，有牛味！最後甜品有寫上生日祝福字句，賣相都非常好，可惜忘了影相！下次可以嚟再試下其他菜式。

之前男朋友話情人節要食好，唔知邊度捐窿捐罅搵到尼間西餐廳出黎。 而餐廳確實又真係吾錯（畀個like男朋友|｡･ω･)っ◆ ），佢位於黃金海岸海灘旁邊，可以一邊享受高級西餐，一邊望海談心，非常寫意。.情人節套餐（9道菜）-士多啤梨香檳/果汁特飲-法國生蠔-輕燒鮋柑魚配阿根延紅蝦子醬-帶子青蘋果三文魚籽沙律-48個月黑毛豬火腿配金瓜-法國鵝肝慕絲配榛子醬多士-日本清酒黑蜜糖煮南非五頭鮑魚-泡沫龍蝦湯-黑毛豬鞍扒配紅酒蘋果燒汁-美國下肩胛牛扒配紅酒燒汁-歌劇院蛋糕配檸檬馬卡龍-榛子白朱古力蛋糕配草莓馬卡龍.菜式偏向fusion 西餐，口感中上，輕燒鮋柑魚配上阿根延紅蝦子醬，食落有驚喜。牛扒叫了5成，熟度剛好，口感滑嫩，有牛味。南非五頭鮑魚鮮甜有咬感，配上清酒黑蜜糖醬汁更添風味。

細佬生日，係openrice book了晚餐，野食好好味呀，點了set dinner A的黑毛豬，set b的牛扒同羊鞍，份量很足夠，牛，羊，豬的味道都很好食。前菜的沙律都很夠份量，服務員加水都很密，服務很好，十分推介

見呢間近近地，評分唔錯又可以即日book，就走去食左個8 courses新年晚餐，真係後悔啲野上得幾快，服務態度都ok，但係整體黎講野食一般，擺盤完全唔美觀，好似普通港式西餐，但係個價錢就收足正式西餐價。個蟹龍蝦湯竟然係苦既！！我好懷疑個廚師自己有無試過味？我真係未飲過苦既西湯..... 栗子鵝肝湯就ok。頭盤既蝦算新鮮不過得一隻，帶子好食但又係得一粒，松露醬同鮑魚唔太夾....主菜個醬汁有浸苦苦地既餿味，牛話係和牛但係都鞋口同埋有根，羊架又係用同一個醬..... 最後埋單連加一就$1100一個人（無叫酒），米芝蓮三星都係$1400一位，呢間完全唔值呢個價，唔明點解咁多好評。新年第一餐食左呢間真係有啲唔開心......

平時出港島先有正西餐食 估唔到係屯門呢個食物沙漠都有咁好食既西餐 性價比好高 以後唔洗去咁遠今日放假同男朋友行完沙灘見到呢間係隔離既餐廳 諗住試下 點知有意外收穫！叫左個龍蝦同牛扒 牛好似係橫膈膜 兩個main都好好食 再叫埋生蠔配埋白酒 🥳🥳(不過唔記得影相 ) 好滿足既一餐 係黃金海岸對住個沙灘食晚餐好浪漫 應該好多人黎慶祝生日同anniversary 餐廳靜靜地好似離開左香港咁餐牌入面好多野其實都想試 一定會再翻黎食

今日去黃金海岸沙灘，玩了一陣見到有間餐廳就想去食個下午茶，今日因為朋友生日當然就想整件甜品當生日蛋糕，仲幾好可以寫名，我地叫了二個甜品都約七十元價錢都可以都坐得幾舒服，可以有室內和室外，等了十分鐘甜品就來到，藍梅香蕉蜜糖熱香餅有三片都不錯，但有一半都有燶，最燶是最後一片沒有再吃因已黑晒，口感都幾軟熟，蛋香不多，生果都幾新鮮。另一款是歐陸甜品，蛋糕不太甜，抺茶味都幾濃，二款甜品蛋糕都幾好味，龍舌蘭酒蟹肉蟹籽雜菠椒忌簾汁意大利飯，仲有少少酒香，蟹肉味濃又香，意大利飯煮得有驚喜好味，入味口感軟熟不太硬。而另一款三文魚拌大蝦扁意粉就比較普通，三文魚都多而切粒，大蝦都幾爽口，約有四至五隻，扁意粉口感都幾好幾大有咬口，仲有湯同多士，湯味幾清同濃味不會太杰身，多士都幾脆但不夠熱，沙律細份量，都幾足料。飲品選擇不少，不過凍飲偏細杯而且都有點熱，都是不錯的選擇。

朋友介紹生日飯之選，位於黃金海岸沙灘旁邊，環境寧靜舒服。服務員親切友善。一行5人家庭生日飯，4大1個3歲小朋友，點了1個2人晚餐，2個單人晚餐。開頭擔心唔知有冇野岩小朋友食，但最後小朋友都食得好飽。而且食材新鮮，味道好original, 讚晚餐包括沙拉，湯跟蒜蓉包，法式田螺，主菜選了西冷牛扒，深海魚，慢煮黑毛豬，甜品係西餅蛋糕。由於係慶生，餐廳送佐個心太軟蛋糕。每度菜都份量適中，美味，加埋靚景，正。整體好滿意，會再幫光顧。

同朋友慶祝生日去左呢間餐廳試試果然無令我後悔,好唔錯又可以望住靚景,會再幫襯D 職員好有禮貌,好熱情地招呼我地,又介紹唔同野食比我地👍服務態度一流叫左生蠔有三種唔同既款😛好新鮮好味之後黎左前菜,三文魚沙律 作為前菜都唔錯黑松露鮑魚😛好正 對於黑松露喜愛者為必食餐湯有龍蝦湯同埋黑松露湯😛兩款都好好飲另外叫左蝦籽麵 呢個係招牌菜 果然無令我地失望😁真係好好食 好難係其他西餐見到其他主菜都好吸引 最後甜品部份,呢個真係好食,最鐘意上面焦糖好香心太軟好好食，推介之一蘋果批好好食好特別,好難係出面食到今餐同朋友都好滿意,服務好,野食又好食,環境又唔錯,食完飯可以坐一坐同朋友傾一傾計,又近黃金泳灘行行relax 一下

為左補祝生日飯 朋友推薦呢間餐廳 西餐黎既 屯門黎講好少有咁高水平既西餐 生蠔 自己好鍾意食生蠔 因為覺得好新鮮好滑 呢到冇令我失望 入口即溶 新鮮到一個點之後就食頭盤 有芝士 三文魚等等 非常開胃 蝦子麵 呢到出名既食物之一 朋友覺得好好食 我覺得好夠味 牛肉 佢整到好嫩好容易入口 而且好入味 係我食咁多間牛之中最好食既一間豬扒 肉質厚身左少少 所以就比較難消化黑松露鮑魚 本身自己不太喜歡食黑松露 但因為佢比較多cream 中和左黑松露本身既味道 所以整體容易左入口甜品時間 蘋果批配雪糕 好好食 整體黎講 好好味 而且環境寧靜 適合知己情侶食 值得一試

訂了黃金海岸酒店，同太太慶祝週年紀念，諗住食餐好既，但又唔想食自助餐，結果揾到呢間響海邊既餐廳。裡面裝潢已很有格調氣氛，好有度假既感受。結果點了兩個套餐，頭盤，主菜，甜品，好靚又好食，感覺好似食緊master chef既作品咁，不過咩都係假，最緊要太太滿意。

好耐無梨<黃金海岸>喇～今次搵到間cp好高既法國餐廳~～可以邊食,邊望住沙灘😍～不過好可惜果日落雨～我地唯有揀坐室內啦🙈～呢到既菜式都既特別，同出面有d唔同～雖然係法國餐，但份量一d都唔少～價錢都好合理～最鍾意鮮蝦三文魚墨魚籽酥皮撻～配搭得好好～牛面頰好彈呀💓羊架睇落紅卜卜，但食落又唔覺好生。侍應哥哥話因爲slow cook，所以會睇落比較紅～ *L’atlantis*地址：屯門青山公路18咪半黃金泳灘

一年一度生日餐, 男友唔知點娟窿娟喇去搵左間餐廳黎同我慶生, 餐廳位置位於海灘旁邊, 勁有情調.環境方面, 呢度有FINE DINE嘅靜幽, 但唔會有平時食FINE DINE焗束嘅感覺, , 整體嘅比較舒服自然, 所以見到都好多人一定大細黎食.我地被安排左係窗邊位置, 感覺就更加開揚.更好嘅一樣野係, 呢度分別會有2款唔同嘅SET DINNER可以選擇, 價錢大約2百尾至3百尾左右. 分別有5-6個Course, 價錢都幾合理.我同男友分別叫左SET A 同 SET B各一個.先上嘅係沙津三文魚蘋果沙津 – 賣相唔錯, 一層一層嘅三文魚, 沙津同少許生菜托底, 食落清新又開胃風乾火腿凱撒沙津 – 用嘅係羅馬生菜, 沙津嘅醬汁調得唔錯, 而HAM亦唔係死鹹.匈牙利牛肉湯 – 其實類似係羅宋湯, 但因為加左大量牛肉去熬, 個湯好有香濃牛肉精華, 而且湯牛肉粒都好多, 男友幾欣賞。椰菜花忌廉湯 – 我個人比較偏好忌廉湯, 呢個湯比起牛肉湯就清淡少許, 但係個蒜蓉包真係好加分，又脆又香之後就係前菜喇芝士牛油果焗法國田螺 – 田螺肉幾大粒, 有微微酒香, 有少少似爆炒嘅感覺, 但係係西式嘅味道黑

今晚我約朋友食飯，在黃金泳灘的L’ATLANTIS食。未到餐廳，先見到海灘景色優美，特別是夕陽斜照。到達餐廳，格調浪漫。我們一行4人點了1個尊貴二人晚餐、1個曉餐A及1個晚餐B。頭盤分別是鮮蝦秘制三文魚黑魚籽酥皮塔、即切西班牙比利亞48個月風乾火腿配法國Brie芝士、秘制三文魚蘋果沙律及風乾火腿凱撒沙律。2種三文魚有2種風味，各有各好味。風乾火腿連芝士夾哈密瓜味道超夾，食到唔停得口。餐湯有匈牙利牛肉湯及南瓜湯。牛肉湯有點像羅宋湯，有蕃茄味又有牛肉味，好味。而南瓜就幼滑美味。至於主菜就是法國特醇紅酒慢煮澳洲牛面頰、寶雲酥焗紐西蘭三枝骨羊架配百里香紅酒汁、香煎伊比利黑豚扒配蘋果燒汁及烤澳洲超西冷扒配紅酒燒汁。慢煮牛肉夠腍肉味濃，羊架唔羶配芥末醬好味，黑豚扒唔硬仲有肉味配蘋果燒汁夠清新，至於西冷扒就夠嫩夾有酒香。最後甜品是綠茶蛋糕仔及焦糖燉蛋及咖啡。在這緊張急速的都市，這一餐慢食，餸菜一碟碟慢上，真是身心舒暢。