KURI Cafe

营业中

休息中

Hong Kong has many types of animal cafes: cats, dogs, bunnies even reptiles. And this one is  hedgehog cafe. Kuri Cafe is located in a small residential mall in Kowloon Bay that is not as fancy as Telford Plaza nearby.But it was still pretty cute! There was a mascot of a hedgehog.They even had some fairly nice looking products.The cafe offers a viewing of real hedgehogs at allotted times. You must pre-book ahead of time and it costs $50. We didn't know and it was full so we couldn't see them.The

約左朋友食晚飯， 入到黎雖然唔大， 但放滿刺蝟擺設同公仔好可愛，入面仲有間房專俾參加左刺蝟學習房既人入去(不過要預先book, 所以個晚就無緣參與)講返野食， 我地嗌左個 芝士焗肉醬意粉， 同埋芝士焗忌廉吞拿魚飯， 呢度係要自己捧餐返自己枱既，2個野食一出已經聞到好香， 面頭鋪滿芝士，食落好好味， 啲配菜(菇，紅椒粒等)都食得出有預先調味同炒過， 意粉軟硬適中，肉醬又唔會太鹹太淡，雖然材料唔算好特別， 但48蚊食到晚飯仲要有咁既質素我自己就覺得好滿意另外， 由於星期一至五食一個主菜都包杯28蚊以內既野飲， 真係好抵， 就算個晚我地嗌mocha, latte, 都只係補差價+$5, 仲有隻刺蝟係面， 實在係好可愛好治療望到心情都開心哂另外同朋友一齊嗌多個小食， 芝士焗花枝丸，正正常常，，有芝士同少少甜豉油， 不過不失，，幾經濟既小食~鋪入面仲擺左啲刺蝟既公仔同商品，提供零售。另外， 我地發現點餐處隔離有個細細個既架提供小量card games俾大家一路食一路同朋友玩， 咁平既價錢有野樓上cafe既配設真心覺得好抵

我老婆唔食撒利X，話衛生唔好，所以經過親呢區想食個意粉都難終於今日比我試到原來呢間cafe啲意粉好得！開頭成日會有個觀念覺得主題cafe都係食物質素比較差，比不上正統餐廳，今次我改觀了食左佢地大蝦意粉同比較少見既香草意粉大蝦意粉蒜蓉味好香，非常適合喜歡重口味嘅我香草意粉相信係用新鮮香草葉去製作，我自己不太喜歡草味都覺得幾好，而我老婆就非常欣賞順帶一提我哋平日黎仲有飲品送，$48一個晚餐真係正到笑😆即係我哋再嗌多咗個煙三文魚鮮果沙律share, 有幾片煙三文魚，幾足料！佢冇落沙律醬反而加咗一個酸酸甜甜嘅醬汁，幾特別

有動物嘅餐廳都唔係第一次去之前去過貓貓cafe可以同啲貓貓互動而今次就冇同啲箭豬互動喇因為之前免費而家要收費熱盤menu 只有3個選擇可以半價加一杯飲品肉醬意，白汁吞拿魚焗長通粉正常味，ok arMocha 偏淡，可能因為冇落糖laHazelnut latte 相對好飲

週末晚上九點幾路過九龍灣揾飯食，估唔到好似旺角咁多人，鑽入得寶商場見這家剌猬咖啡店無咩人，我但求有位坐靜靜食碟飯，見咖啡店賣牛腩飯咁得意就搏一搏，點知有驚喜，並非一般茶記或粉麵店的味道，腩汁香口濃郁腩肉有嚼勁，飯的份量夠飽，$48如果有杯汽水更好。食到汁都撈埋有點油膩，整多個甜品：香蕉朱古力窩夫，香蕉賣哂，店員特製一個藍莓版本比我  雪糕好味，窩夫微暖，正雖然周圍有好多好多食店，不過想舒舒服服食餐飯，這店是不錯的選擇。

在2019年3月28日星期四，📆當天來到九龍灣得寶花園G/F的主題Cafe。這個廉價商場在6年前翻新後帶來不少活力，為觀塘區同區的商場提供了多一個選擇。這家Kuri Cafe是一家親子主題Cafe，Cafe內有一個和小刺蝟🦔互動的空間，讓大家認識刺蝟這種動物，這個活動空間提供了預約的時間，為的是讓小動物有一個定時的休息時間。💤這里餐飲全部都是自家製作。👍👍👏👏💪👊花枝丸，用上份量充足的大花枝丸製作，而且醬汁有别於一搬醬油。菠蘿冰茶，用上自家製作的菠蘿蓉。走甜的味道帶點苦澀，而且非常充足。吞拿魚🐟長通粉的水份剛剛好，而且不會太過軟軟的。

終於有時間去呢間刺蝟cafe潮聖，但唔見左舊account密碼😭早左少少到，食左瑞士雞翼頂下肚先$24 4隻，唔算大隻但幾入味，抵食之後入去探刺刺職員抱起比我地影！🥰🥰🥰呢度宣傳大家養動物前要三思，非常值得支持！睇左大約40分鐘，出番黎再食😻今次叫左拿破侖意粉，芝士花枝丸同意式肉丸推薦意粉，簡單野但煮得剛好，有炒過又不會太軟👏🏼👏🏼👏🏼小食價錢都係廿蚊，味道幾好👍🏻總結，食物中上，又有刺蝟睇！值得推薦

從悉尼回來後 HT小王子見識過刺蝟後 便一直對其念念不忘作為廿四孝老母 為咗滿足佢梗係唔係下巴輕輕買隻畀佢啦無意發掘到有間刺蝟Cafe野食一般 不過就好抵食嘅雖然佢個窩夫 目測淋到媲美Chef le mon嘅毛巾雞蛋仔但三大一細加埋唔洗二百蚊而且無論食物定咖啡嘅賣相造型可愛 實在不能苛求太多最重要係有刺蝟導賞團🦔🦔有別於一般貓貓狗狗cafe餐飲區同刺蝟區係分開的導賞團仲費用全免不過就要預約都可以學到唔少關於刺蝟既野佢哋希望普羅大眾認識多點🦔唔希望大家一時貪得意而棄養參加導賞看時記住眼看手勿動

這間《Kuri Cafe》是全香港首間刺蝟咖啡廳今天終於來了探店耶他們在12點開門的 此時全間餐廳只有我一個😂因為我來飲飲咖啡等朋友到所以就自己一個來了 我拍了很多照片😅·鮮奶咖啡外表實左是太太太吸引了吧💕我用店的刺蝟公囝跟咖啡合照一下真的很可愛耶 然後到我與咖啡合照❤咖啡的味道與其他飲過的也分別不太他們的咖啡沒有加糖 所以比較好一點耶這裡的點單與取餐也要到收銀處哦去的話記得要留意單號喔另外他們是有刺蝟工作坊的但時間實在夾不到 而且要預約我與小刺蝟無緣了

店外面嘅刺蝟好可愛，打卡一流！店裡面亦都有一個位置係賣同刺蝟有關嘅產品真係幾特別同可愛㗎！野食質素同味道都算唔錯，自己就覺得窩夫最好味！襯佢熱辣辣嘅時候食就最正，配埋雪糕唔錯唔錯！雪糕同野飲都係正常嘅唔會伏，Coffee 面有刺蝟樣真係幾治癒哈哈！不過其實嚟呢度嘅重點都唔係食呢度嘅野食呵呵！而係因為佢哋有免費嘅刺蝟導賞團，刺蝟生活嘅地方同用餐嘅地方係分開嘅，食野嘅時候係唔會見到刺蝟。員工好細心咁講解佢哋店嘅創辦原因，係因為有好多人棄養刺蝟比咗老闆，而照顧刺蝟原來要花好多時間，所以就以刺蝟做主題加上可以同人講多啲有關刺蝟嘅資料，呼籲人養之前真係要三思而後行，做個有責任心嘅主人，唔好棄養！ BTW我哋係無得掂刺蝟嘅，但都有得睇下佢地食野啊行啊咁～我覺得導賞團幾有意義

FB見到優惠到19年1月底, HKD 150一份朱古力火鍋, 飯後甜品.邪惡的朱古力, 小朋友見到最開心, 食得好滋味, 一份4個人分 (2大2小).幾時開始要寫80字以上架? 簡單評兩句都唔得!

男朋友話我知有間刺蝟cafe喺香港開咗，唔使走去日本先見到刺蝟，我即時叫男朋友陪我去！！裏面有好多刺蝟嘅商品，我勁想買哂返屋企！我哋只係叫咗一杯cappuccino，上面仲有hedgehog個樣，勁可愛，唔捨得飲！味道只係一杯普通嘅cappuccino，不過賣相100分！之後都會再去呢間cafe，支持佢哋開hedgehog cafe嘅理念，比多d人認識刺蝟，諗清楚係咪真係照顧到佢哋先再養！

同朋友食完飯想搵個地方飲吓野、傾吓計，咁岩見到有間Café試業中，間café嘅裝修仲係我最鐘意嘅簡約風呀，好岩傾計hea下，所以就去試吓喇～原來依間café係以刺蝟做主題，不過試業期間就未有刺蝟，遲d要預約先可以親親刺蝟，野食方面就唔算話好多款，但價錢係比起一般café都平一大節，不過岩岩食完飯，所以我地就咁嗌咗杯野飲同叫個甜品試下先～蜜桃冰茶唔會係死甜果d，有茶味亦有桃味，仲有啲蜜桃嘅果肉添，係加分既！鮮果繽紛窩夫　配　曲奇、抹茶雪糕啲窩夫睇落唔係話烘得好香，而食落都唔係脆身，而係鬆軟嘅口感，朋友鐘情食軟身窩夫，所以就好LIKE喇！抹茶雪糕係勁濃嘅抹茶味，曲奇味唔係話好特別但都好好味，再配埋窩夫同啲生果食好夾，依個價錢黎講CP值係高既！因為係刺蝟café，所以d杯墊或者一d食物上裝飾都有好可愛嘅刺蝟，希望下次黎可以預約到親親刺蝟喇，仲想試下佢個all day breakfast同煙囪捲啊～

動物cafe在世界各地如雨後春筍 香港這個地方竟然沒有在外國 動物保育課程已經納入中小學的常規課程一直覺得香港這個石屎森林 大人小朋友也沒有機會親身接觸動物 其實是一件很可憐的事對於動物的理解只能夠在書本或者youtube上看得到 所理解的亦都很片面 雖然也不覺得這一家刺蝟cafe 做得非常之好 但不要站在道德高地去看這件事 cafe可以免費參加導賞團算是有多一個途徑讓大眾了解刺蝟今天並沒有預訂導賞團 本身對刺蝟也不很感興趣 純粹以食客的角度打個卡餐廳的選擇並不多比較像學生餐窩夫雪糕 咖啡及冰沙飲品看到本身有Chimney cake但已沒有提供 另外也有焗飯套餐 吐司及飛碟 雖然價錢很便宜 但是一點都不吸引最後只點了2杯熱飲及一份飛碟對食物不抱甚麼期望咖啡是首選吧飛碟就是沒甚麼可出錯的另設手信區本面是開放式 其實也很光猛希望能維持下去吧表示支持

星期六下午一點來到這間刺蝟 Cafe地方寬敞，以日系清新風裝修主打賣輕食為主有刺蝟🦔拉花咖啡、窩夫、飛碟多士、雪糕等等.我們點了 Latte 和 芝士火腿飛碟兩樣都有刺蝟公仔花紋點綴.這裡最特別之處就是有免費參觀刺蝟的導賞團但需要預先預約我們一點多來到已經滿位到晚上七點才有位置.導賞團開始前每個組別都被派一張參觀須知提醒參加者觀賞刺蝟要留意的事項例如不要用閃光燈拍攝，以免嚇怕牠們進出前後先消毒雙手.導賞團講解人員都很友善，表達他們辦這個免費刺繡導賞團的概念，是希望更多人了解刺蝟的特性，在想養刺蝟之前三思，減少棄養的機會而這裡居住的刺蝟正正就是不幸被棄養的一群.雖然沒有得親手觸摸牠們，但覺得牠們都很可愛亦都很感謝導賞員悉心的講解，令到更多人認識刺蝟這種可愛又害羞的小動物.香港寸金尺土要辦一間動物 Cafe 的確不容易，希望更多人能夠支持這間良心刺蝟Cafe。