Kubrick

营业中

休息中

叫左個吞拿魚sandwich, 包包烘得脆卜卜, 仲有小小沙侓同薯片跟, 好有taste ~ skimmed milk mocha 亦好好飲!有機會實encore ~

星期五,在附近開完會,即刻諗起黎呢度鬆一鬆~見到blueberry cheesecake唔係一件件係一粒粒的,好得意,就要左一份四粒試下,因為諗住唔坐得耐,就叫個好好人既男仔幫我pack好方便拎走. 點知原來外賣係pack得好靚仔的,長方形紙盒內再用牛油紙包著蛋糕,仲放左支靚膠叉響裡面,賣相殺晒~ 後來坐底即刻食左粒試試,芝士味算重,但質感有點怪怪,好黏口,唔滑,麻麻~口痕痕再叫左杯skin latte飲,咖啡偏淡口,一般啦~其實呢度食物就唔算好出色,不過服務幾好同環境好舒服,可以一路睇書一路食野,亦係傾計好地方,再加上呢度有晒bookstore,戲院,DVD/VCD店同埋cafe,有齊我最鍾意既元素,係一種total experience,即使一個人黎都唔會悶, 個人就好喜歡!仲有呢度睇戲星期一至五只係$35,weekend都係$45,實在抵!值得支持!!

好像很久沒有和太太去看電影, 最後還是選擇到電影中心碰碰運氣, 電影尚有半小時開始, 只好到鄰近的Kubrick來一個簡單的晚餐, 在冰箱拿了兩支果汁再點了兩個意大利粉, 先來了一個白汁煙三文魚意粉, 煙三文魚味道不錯而且汁料香滑; 另一個白汁煙蘑菇長通粉亦味道有點失色, 似乎香料味道過重, 汁料亦不及前者香口. 如果餐廳許可的話來一個白汁煙三文魚配上長通粉相信會更對脾胃. 晚餐後幸好還趕得上電影的開始, 太太選擇了一套溫馨的愛情片" 藉著雨點說愛你(Be With You)", 相信冥冥中是有主宰, 散場時她的眼角亦濕了半點.

唔得bo. 以小型咖啡店o黎講,食物質素真係一次弱過一次. 咖啡係好多選擇,但坦白講,我飲o左幾隻都愈來愈唔得.較燶,似office咖啡/即沖. 都要成廿幾蚊一杯gar!今晚叫o左晚餐,係白汁雜菌墨汁麵. 係creamy,但冇咩味. d墨汁麵唔知點解碎濕濕. 如果唔係趕住睇戲,真係唔想係到食!係得個環境好law.

論cafe' 差不多開滿旺角油麻地一帶, 要點特色的, oh ~sorry, 請努力找出那cafe 的sellin' point. 除了kubrick 開門見山的有一半area 係書店, 還有個小小電影庫. 手中一杯pierre 加冰格外不同, 觀感的滿足比味覺的享受更重要, 視覺加上味覺的雙重享受, 不是滿街cafe可比. 推介: set dinner + latte + 一本書

同朋友去開油痳地, 順道入去食個晚餐, 叫左兩個簡單既set dinner, 分別係兩個忌廉湯, 白菌芝士意大利粉, 拿破崙意大利粉同咖啡. 忌廉湯不過不失, 都幾香濃, 幾欣賞白菌芝士意大利粉, 白菌芝士幾香, 而且中間鍋蛋好香蛋汁味. 拿破崙意大利粉就幾清下, 唔多討好. 咖啡幾香濃.服務一般, 計埋會員都要約$116, 幾貴下~

由於係bc member,間唔中都會黎睇戲同逛下書店. 幾鍾意呢間小cafe,雖然啲櫈比較硬唔係幾舒服,但有幾多正雜誌睇,環境又唔錯,係幾好坐啲.食物都係比較light既沙律,意粉,蛋糕,三文治厚多士等,食過dinner意粉幾好味,咖啡都唔差,沙律菜都新鮮(但煙三文魚有啲腥),特別鍾意佢既panini,整得好過delifrance同supersandwich. 叫完野食會有人送去你張枱,服務員亦很有禮貌.同朋友下晏黎呢度行下bookstore同disc section,响呢間cafe吃個early dinner,然後過隔離睇場戲,跟住行埋附近Home睇下靚靚傢俱,再跟手行埋去廟街松記食糖水就係好悠閒既一天了.

Set Dinner $42-52~ 有湯, 主菜(e.g. pasta), 同drink~ 咖啡ok呀~ 再試o左咖啡軟芝士餅($20), 雖然無咖啡味, vanilla味同朱古力餅底仲蓋過埋芝士味, 但好鍾意佢個texture~ 可能blueberry cheesecake會好食d~ 下次會試o下~

一個人路經油痳地, 順手去kubrick打書丁, 睇下有無"幾米"的新書, 見到佢有聖誕特別介紹, 其中試左白汁三文魚意粉, 約莫十分鍾就煮好, 意粉頂加左唔小蟹子, 十分特別, 白汁幾香口, 三文魚份量比較小, 但十分鮮味. 只係意粉比較硬身左小小. 其他都已經做得很好味. 另叫左一杯咖啡, 可能我飲慣比較濃的咖啡, 始終覺得差一點點.....價錢, 咖啡$18 比較貴, 而意粉$30 會員有得平d, 所以總括都幾底食.

即係以前百老匯電影中心cafe 個位~ capuccino 唔係好掂, blueberry yoghurt shake 太甜( 我選擇blueberry 就係想佢酸酸o地.........), cheese porklon panini 好少料, 埋單$84, 環境同service 就幾好, 等睇戲飲杯o野都ok o既~