Kiuki Sweet Bakery

营业中

休息中

位於觀塘工廈的Kiuki Sweet Bakery 主打低糖低油戚風蛋糕，新西蘭忌廉，以純手工製作，看得出店家的用心。草莓🍓百香果 x 水晶珠戚風粉紅色少女風賣相，蛋糕好香，上面滿滿的草莓，仲有食用珍珠裝飾，適合同閨蜜一齊打卡。切開後見到3層粉紅色的戚風蛋糕，口感鬆軟有濕度，忌廉係百香果味道，特別又開胃。最底層係有口感有咬口的水晶珠🔔建議提前3-5日預訂

最近見到好多人post @kiukisweet 嘅蛋糕，搞到我都心思思忍唔住訂咗一個！佢地仲新推出咗3款口味，分別係士多啤梨、鐵觀音栗子同芝麻～ 🍭芋泥爆漿流心×斑斕戚風而我就揀咗最想食嘅芋泥x 斑斕😍😍 蛋糕由斑斕戚風、自家製芋泥夾心、輕芝士忌廉、牛乳麻薯同海鹽椰子流心組成～ 戚風蛋糕的蓬鬆有彈性，一切開見到好靚嘅流心，欣賞佢地自家製嘅低糖芋泥，口感綿密細膩！蛋糕整體唔會太甜太膩，好好味，會唔覺唔覺食咗好多！

人氣蛋糕網店Kiuki Sweet 主打低糖低油·手作戚風蛋糕以不同口味配搭 · 輕盈細膩忌廉配上鬆軟既戚風蛋糕感受不一樣既輕盈感栗子蘋果·鐵觀音戚風對茶口味蛋糕·有種莫明既好感茶味都算幾突出·蛋糕體濕潤鬆軟有彈性而中間夾雜栗子夾心·蘋果粒粒外層係細滑既栗子忌廉 栗子同蘋果兩者都幾夾 · 鐵觀音蛋糕剛好平衡兩者風味食落口感豐富有層次• 整體又唔會太甜唯獨係灑面脆脆比軟易變淋 · 不然就完美！一口蛋糕配一杯咖啡 ·幸福既下午茶時間

阿爸生日，所以買個蛋糕同佢慶祝吓。之前喺IG見到網店「Kiuki Sweet Bakery」嘅蛋糕好似唔錯，加上有朋友親身試過話唔錯。小店人氣好高，想買的話，一定要記得早三至五前預訂啊。佢個網頁幾清晰，之後店主就會Whatsapp你畀錢詳情。我揀咗草莓百香果x水晶珠戚風Strawberry Passion Fruit，蛋糕有唔同呎吋揀，我要咗4 寸($450)，可供2-4人食用。蛋糕偏高身，造型非常可愛，帶點少女風，入面由外至內都有好多餡，層次分明。草莓戚風蛋糕口感鬆化，所以食落好輕盈，中間流心嘅係鮮草莓果肉果醬，食落竟然一啲都唔酸。然後再食就係百香果乳酪忌廉，佢有熱情果嘅香，令人開胃。為咗加添口感，小店仲加入咗水晶珠，煙煙韌韌，幾正。題外話，蛋糕可揀觀塘工廠大廈自取或者送貨，由於位置方便，所以我自己攞。小店提醒蛋糕要45分鐘內將蛋糕雪入雪櫃，並需要喺2日內食完，以保持最佳狀態。總括嚟講，蛋糕味道同設計令人滿意，小店從起源入手，揀選優質嘅食材，例如日本著名品牌麵粉同埋零膽固醇嘅食油，既好食又注意健康。

Best friend生日見到 Kiuki Sweet Bakery 嘅蛋糕好吸引一於就訂嚟同朋友慶祝生日！招牌海鹽焦糖X伯爵茶戚風入面好多層layers ~有牛奶可可脆米醬、自家製海鹽焦糖忌廉、特濃伯爵奶涷～店主仲另外包起啲蜂蜜焦糖脆脆，確保唔會淋咗！好細心🫶🏻蛋糕體食落好鬆軟濕潤，伯爵茶味都幾出幾清香～不過個人覺得朱古力有少少蓋過伯爵茶味～忌廉比例好多唔會好膩～而奶涷嘅質地比較硬唔係好動l嗰種～不過伯爵茶味都幾濃！！Overal都幾高質可以試試！Btw蛋糕店係唔提供現貨，想試的話需要係3-5日前訂購！

栗子蘋果 x 鐵觀音戚風 $450訂左Kiuki 新口味蛋糕, 4吋 $450 但因為蛋糕夠高所以份量都唔算少. 下層chiffon cake 好鬆軟輕盈. 雖然茶味就唔出, 不過口感handle 幾好就算食唔哂放到第二晚食都唔會乾. 用左日本麵粉同油. 蛋糕夾層係栗子蓉, 口感軟滑, 中間有食到少許甘粟粒. 近底層有d 新鮮蘋果粒製成jam 同栗子cream, 成個食落都低糖. 外表係簡約風好靚, 中間灑有脆脆增添口感層次. cream 幼滑不膩, 呢個口味頗清唔會甜. 包裝會連同食用提示小卡訂購蛋糕要3-5日前預訂,之後係觀塘取

朋友就黎生日，又係準備買蛋糕既時候，最後都見到有朋友條仔介紹呢間位於觀塘工厦既蛋糕店，未買俾朋友食之前，都係自私食先😚🌰栗子🍎蘋果➕️🍵鐵觀音🎂戚風鬆軟輕盈既鐵觀音蛋糕食落有淡淡既茶香。中間既栗子泥好幼滑同有濃濃既栗子香味。另外煮過既蘋果粒為成個蛋糕增加左口感。外面既忌廉亦都奶味香濃。造型方面就好簡約咁用白色既忌廉推返栗子同餅乾碎既咖啡色，簡簡單單已經好靚👍如欲購買，請記得係3～5日前預訂呀

Kuiki Sweet📍香港觀塘成業街 成業工業大廈-🌟低糖低油嘅蛋糕做主打嘅蛋糕店唔多，適逢生日月份任意放肆，揀咗間持牌網上蛋糕店，訂咗個栗子蘋果鐵觀音戚風蛋糕🍰-💖Kuiki 堅持選用優質食材, 不但選用日本百年品牌麵粉同埋以新西蘭進口的頂級忌廉為原料，仲會以純手工製作！所以想食都要提前3-5 天以WhatsApp 訂購！-🎂栗子蘋果 x 鐵觀音戚風 $450台灣鐵觀音戚風中層有栗子夾心，配以栗子忌廉同埋新鮮粒粒蘋果，清新有層次！忌廉香滑而唔油膩！健康之選！

男朋友生日喺IG搵到間標榜用天然新鮮食材嘅蛋糕店味道特別取貨地點方便試左個栗子蘋果鐵觀音戚風蛋糕❤️包裝整齊乾淨仲有張小紙咭提返啲注意事項保持蛋糕新鮮質素蛋糕係淡黃色面層飾有栗子粒同脆麥片靚靚～切開中間有三層鐵觀音戚風蛋糕兩層栗子忌廉栗子蓉同蘋果蓉男朋友好驚喜呀～本來以為淨係栗子蛋糕點知食到淡淡茶味同蘋果栗子粒粒👍整體都唔會太甜啱晒唔好甜食嘅男朋友🥰戚風蛋糕鬆軟唔鞋口質地濕潤因為店家要預備新鮮食材所以蛋糕要提早3-5日預訂有興趣試嘅就去Kiuki sweet IG睇下啦～

無論幾多歲🎂儀式感都是需要的✨好朋友生日當然要有個靚靚蛋糕助興👫🎉為咗減低罪惡感 當然要揀返間低糖低油配方嘅蛋糕店☘️以全天然食材製作蛋糕的KIUKI SWEET就可以滿足我地🫶🏻 ⭐️ 栗子蘋果 × 鐵觀音戚風 4"蛋糕蛋糕有多重層次，栗子忌廉🔸台灣鐵觀音戚風🔸栗子夾心🔸新鮮粒粒蘋果。戚風蛋糕口感蓬鬆，帶醇香嘅鐵觀音味道。蛋糕夾住軟滑嘅栗子蓉。接近底層夾心有粒粒蘋果蓉，清新可口，將蛋糕味道昇華。整體唔會過甜，感覺輕盈健康☺️P.S.訂購蛋糕要3-5日前預訂P.S.訂購蛋糕送蠟燭及Happy Birthday牌一個

忌廉蛋糕好食但好容易膩，今次試吓啲間網上蛋糕店「Kiuki」，主打健康以低糖低油為主的戚風蛋糕，食完都冇咁罪惡感！店舖其中一個signature 「栗子蘋果 x 鐵觀音戚風」，麵粉係來自日本百年品牌麵粉及日本零膽固醇油，無添加物，口感輕柔細緻，具蓬鬆感，再加上有一種淡淡嘅茶味，口感和味道都唔錯。蛋糕夾層是軟滑細緻的栗子蓉，更食到粒粒甘粟。粟子忌廉則選用新西蘭進口的頂級忌廉為原料，食起來香滑毫不油膩，此外夾心層仲有新鮮粒粒蘋果。整體而言，外貌非常吸引，雖然外表係忌廉蛋糕，但食落一啲油膩感都冇，味道非常清淡一啲都唔甜，適合追求健康而又胃食嘅人士！價錢：4吋 （2-4人）$450 / 6吋 （5-8人）$530📍 Kiuki Sweet Bakery (觀塘)觀塘成業街19-21號成業工業大廈4樓17號舖（因為全人手製作，訂購記得要3-5日前預訂啊）

上網見到有人介紹呢間低油低糖嘅蛋糕店，適逢媽咪就嚟生日，要揀一間健康啲嘅蛋糕店嚟訂蛋糕，上網話要提早三至五日落單，但作為孝順女嘅，我梗係早啲預備好啲啦，因為觀塘對我嚟講太遠，所以額外俾多少少錢加咗送貨服務。蛋糕係用透明盒裝住，一目了然知道個蛋糕靚唔靚仔，司機送過嚟嘅時候應該都好小心保護咗個蛋糕。另外佢會配埋一個生日牌同埋一支蠟燭，相當細心。個蛋糕切開都好豐富，呢個係鐵觀音蘋果粟子蛋糕。個戚風蛋糕底係鐵觀音味，確實真係冇乜甜味，啱晒老人家。然之後中間有啲蘋果肉粒，再配埋栗子cream，成件事好健康。

朋友識飲識食，她愛美食之餘，亦祟尚健康。她極力推介Kiuki Sweet Bakery的全低糖低油戚風蛋糕。從Kiuki的網頁得知，此店的信念是做好看好吃的蛋糕，以全天然食材製作，令客人吃得健康。為慶祝媽媽生日，我在3天前透過店的網址預訂了一個4寸供2至4人的栗子蘋果x鐵觀音戚風蛋糕。今日去位於觀塘成業工業大厦4樓17號的店拿蛋糕。蛋糕放在透明膠盒內綁上絲帶，賣相簡潔精美，附有蠟燭和happy birthday插牌。蛋糕不但好看，而且非常美味，令人一試難忘，媲美著名酒店的出品，這人手用心製造的蛋糕將連鎖餅店的流水作業出品比下去，家人都好欣賞。蛋糕夾層是軟滑的栗子蓉，吃到細細粒甘栗增加口感。用台灣上等鐵觀音製成的戚風蛋糕有獨特雋永的茶香，蛋糕輕盈蓬鬆有彈性，少甜。蛋糕中間夾心層配有酸甜的蘋果粒，清新。忌廉一吃便知是上等貨色，好滋味!這店用心製作好吃好看又健康的蛋糕，值得支持。一分錢一分貨，$450也算物有所值。

呢款招牌嘅海鹽焦糖配伯爵茶戚風蛋糕，分別有六吋同八吋可以揀，但六吋都已經夠兩至四個人食！呢一款蛋糕仲係佢哋今年情人節主打嘅蛋糕，除咗外觀上打卡一流之外，就算同另外一半食都唔驚好Heavy，因為佢哋用咗低卡低糖嘅配方，食晒成個都唔會有罪惡感！而呢間蛋糕舖亦都好貼心，將焦糖脆脆分開裝，保留佢嘅脆度，焦糖亦都唔會好甜，配埋蛋糕食啱啱好！切開蛋糕後，蛋糕一層一層非常有層次。伯爵茶奶凍令到口感更豐富，而戚風蛋糕本身都好軟綿綿，牛奶可可脆米漿最正係半流心嘅狀態，整個蛋糕無論係味道定口感都好豐富！蛋糕仲送有Happy birthday字樣嘅裝飾牌，就算係買黎過同朋友慶祝生日都一流！

要食都要食得健康點，近來找到一間以低糖低油為主的戚風蛋糕，堅持選用優質食材，咁優質嘅蛋糕，當然要預早3-5日前預訂定，到時就可以好好享受那蓬鬆的戚風蛋糕，又有浪漫的一刻！今年真的真的非常特別要記住的日子2月14日！所以也預訂了一個「栗子蘋果x鐵觀音戚風」，蛋糕真的非常鬆軟有彈性，而且入口不會太甜膩，入口濕潤輕盈，真的不知不覺已食了一半…蛋糕夾層由醇厚茶香的台灣鐵觀音做成的戚風蛋糕，再加上有粒粒細緻栗子蓉，還有栗子忌廉的香滑，最後再有清新果香的粒粒蘋果，食起來真的沈穩香韻，輕盈而健康，值得一食再食👍🏻！