Kinson Burger & Bar (已結業)

一向有嚟開但就冇乜留意呢間餐廳嘅食評，嚇咗我一跳點解啲食評咁差呢？今日呢一個早餐我足足食咗兩個鐘頭，點解？因為我真係好想知道呢間餐廳嘅職員係咪真係咁差。我留意左好耐呢位長頭髮女侍應真係做得好有heart個喎！好明顯去呢間餐廳嘅客人差唔多都係熟客，侍應差不多記得晒每一位熟客食啲乜野餐飲啲乜嘢，冇心去做呢份工又點會記得啊！好啦講返個早餐先，我今次又有選擇困難症大家都係＄28個餐，究竟食炸魚手指好定係豬肉腸好呢？最後我膽粗粗問個侍應可唔可以要一條炸魚手指同一條豬肉腸，哈哈！得左！其實個早餐真係幾好食，炒蛋好滑粟米新鮮多士脆卜卜，不過豬肉腸可以再煎多D同炸魚手指可以炸少D時間會更好。至於飲品可選橙汁萍果汁或紅茶，即磨咖啡可加＄5，有D失望今次飮嘅橙汁唔係果汁先生，不過整體食物同服務令人滿意。

奶油包繼上次自己一個嚟Kinson食早餐之後亦都經常同奶油包爸爸及媽媽一齊嚟食攪到Kinson好似變左奶油包一家星期日中午既飯堂原因好簡單...又好食又抵食平時出面既餐廳一個LUNCH都要成$70-$100不等而且份量未必好足夠但Kinson就好唔同午餐都係$60左右而且份量好足選擇又多。。。可以揀意粉，Burger而家唔好講咁多廢話睇下奶油包食左D咩先今次奶油包一家叫左2個Burger Set一個係經典漢堡另一個係磨茹車打芝士漢堡 2個餐都可以揀配薯條又或者沙律以奶油包呢個薯仔王嚟講揀薯條係一個不二既選擇2個餐都好大份叫2個夠3個人食講返2個Burger先啦磨茹車打芝士漢堡 一上台就有好大陣磨茹香味而且件牛肉都好Juicy個包層皮仲有D脆加埋車打芝士既咸味係好好食牛肉係有落左D胡椒既唔會冇味另外既經典漢堡有奶油包最鍾意既煙肉加牛肉牛肉同上面既一樣落左胡椒調味煙肉好煎得好脆加埋好大片既蕃茄唔會覺得太Heavy2個餐既薯條都炸得好香口鍾意食原味既就咁食就得而好似奶油包鍾意咸咸地既就可以加D胡椒同鹽去調味3個人食2個包加埋薯條真係已經夠飽跟餐既仲有紅茶同果汁揀2樣都好好味紅茶夠熱果汁夠凍奶

從來入一間餐廳真係未如此生氣過。我平時也有去這家餐廳吃飯。我真係不會再去。約了朋友去這家餐廳lunch, 之後朋友因為下大雨所以遲了，我坐下叫了杯咖啡。之後有個侍應走過來，跟我說只可以hold枱5分鐘(我以坐下叫了飲品）。成個場未坐滿，我也未飲完杯咖啡，也未夠5分鐘。佢就帶著客人來，拿著個餐牌飛在我面前叫我走。其實大小餐廳包括茶餐廳，我也未見過這麼差對待客人的態度。其實佢地用一些軟化一點的態度，對客人來講係會舒服一點。但完全是一個非常惡劣我要付錢還未飲完仲要趕我走。

認識奶油包既朋友都知奶油包係懶人協會既會員WEEKEND要奶油包出街食早餐係一件難事但有見屋企附近呢間Kinson Burger & Bar得到奶油包爸爸既贊賞所以奶油包決定一試去到門口已經覺得Kinson Burger & Bar都幾外國風門口有D高台for飲酒而餐牌都好詳細有圖咁俾客人睇到自己個set咩樣室內設計都好歐陸風既然係食評...就講返正題奶油包叫左個SET A餐牌上話俾奶油包知道有2隻旦同2條腸嚟到既時候...嘩....好靚既太陽旦而腸仔呢...咬落有D硬建議煮耐少少可能會好D而配菜既茄汁豆如果可以多D仲好(奶油包好鍾意食茄汁豆)多士係另外上既...用既唔係白面包而係麥包搽埋牛油就係perfect match跟餐飲品有3樣野揀分別係英國早餐茶，蘋果汁同橙汁奶油包揀左既係蘋果汁杯蘋果汁凍凍地幾好飲既然Kinson Burger & Bar咁近奶油包屋企而且食物都唔差奶油包係會再幫襯既....

本身妹妹第一日返工 諗住食好D 點知坐低無耐 上左早餐之後 一隻大大隻既老鼠從天而降跌左落黎 BANG一聲 好彩係跌落側邊個商務客人果碟度 隻老鼠唔多識郁 全身震緊 就死 單都無埋 即走!!! 以後都唔會再去 嚇到心都離一離啊!!!!!!When I was gonna start this good breakfast, there was a MOUSE fell down to the food of the man sat next to me. TERRIBLE!

一直想試下呢間餐廳. 門面很靚今日終於試了早餐 Menu選擇都多呀～食物一上檯，班迪尼蛋是咁的嗎同圖完全唔同，同平時食的也很大差別. 薯餅、茄汁豆、栗米粒、沙律菜是絕對好食的！但蛋是無味、而且是連好多水帶上來. 荷蘭醬好稀而無味友人點的 芝士奄列餐也完全無味. 睇得出煮得好求其. 很失望一直以來想試他們的漢堡，但經過今次 真的不會再幫襯呀

呢間舖係公司附近，有時成team人食野都會落黎食，今次有新同事入黎，又黎呢度食今次食和風咖喱玉子漢堡，餐跟薯條同野飲 ($65)薯條作為伴碟，熱辣辣脆脆地已經ok，重點都係落翻個包先呢個包賣相唔差，同埋幾足料，有牛肉、太陽蛋、洋蔥，加埋適量嘅咖喱汁塊牛肉加埋汁同洋蔥，而且洋蔥夠清爽，食落冇咁dry而且重點係，啲蛋黃會流出黎！啲野食唔差，加上氣氛比較寧靜，間唔中同同事黎食傾下計都唔錯

漢堡一向係我最愛之一，先牌漢堡熱，漢堡價格一直上升…拍得住樓市。北角地鐵附近無咩好食，就係得呢家漢堡店，去到北角，當然就係呢度黎番個 Lunch！叫左個New York Classic Burger，點為之New York Classic真係無研究，最緊要好食，有Patty, Bacon, Lettuce 同Tomato…..賣相一般，個包夠晒大個，都係用嘉頓…嘉頓既Burger一向得個大字，鬆鬆咁一陣風，一禁就扁…Bacon唔會Overcooked，有肉汁，唔錯。Patty好Homemade Feel……..唔係完完整整既圓形，但係肉味都唔錯，肉質係粗鞋原始Feel，夠實在！不過 Patty黑椒味太重，搶左唔少肉味，如果唔係就好啦！薯條大條無薯味，唔知係咩貨！Caesar Salad﹕菜算夠新鮮、夠溫度，但係個汁一D都唔似Caesar dressing，似法式Ranch Dressing，味道怪怪地，唔好味…可惜！60蚊一個Burger………以衣家咁既市道，咁既質素，收費算合理。

第一次黎食，環境一般，但係食物好中上，order一個漢堡飽，巨型，免治牛肉厚約2cm, 配以磨菇，洋葱，簡簡單單，好好味，濃郁的肉汁，十隻手指拎起個巨型包，咬落去係肉汁會在嘴邊緣漏出黎，唔會大咸，完全食到牛肉的根本味，如果要彈，就係咁二彈下包的皮，唔夠硬身，比較泡，不過不太影響漢堡本身值得食的分數，最緊要收費唔貴，巨型漢堡拼薯條配飲品，盛惠60元，抵到爛，呢個價錢，性價比高，good

偶爾星期六要OT返工既好處，就係可以食到平日勁多人等位既平靚正餐廳，今日做到差唔到5點先食晏，黎到Kinson竟然一個客都冇！第一次試，想食有煙肉既紐約經典漢堡，又想食芝士蘑菇漢堡，諗黎諗去都係決定食多多肉既經典漢堡啦！ 呢個肉汁鮮美既巨大漢堡包餐，連加一只需$66，唔怪得平日咁多人排啦！個包好大個，漲卜卜，賣相好得，煙肉邊煎到脆脆地，但絕冇過火，絕對唔會變左豬肉乾，漢堡扒好juicy，用刀切落去，d肉汁擠晒出黎，滲入個包到，好邪惡呀！而大家都非常欣賞既，就係薯條，薯條炸到啱啱好唔過火，而且調味都係調得啱啱好，好味！實物只有兩條煙肉，另外兩條係老細唔食比我既，身為食肉獸既我實在太開心啦！呢個包真係好大個，質素亦唔錯，你地話係咪好抵食呢？

因為返工的時間很少出外出餐，所以對公司附近的食肆都不太熟悉，今天難得出外進餐，就選擇了近地鐵站的「Kinson Burger & Bar」。「Kinson Burger & Bar」英皇道738號樂基中心地下4號舖，但其實鋪頭是在七姊妹道這一邊的，因為鄰近的大廈正在拆卸，很多的食店都已經搬走了，這一段的七姊妹道靜了很多，所以很多時都是去了鰂魚涌才有更多的食店，不過今次不想行太遠就來到這店進餐。來到的時間剛剛是十二時半多一些，食店內不是有太多的客人，選了一張最內的四人枱坐下，餐廳的大小不太大，型式上似是酒吧的類型，有一些高一些的枱，大部分都是四人枱的組合，這些區域的餐廳大部分的空間都是比較窄，坐多一些人的感覺也不是太好。見侍應已經問了我們多次食什麼，說是煮15分鐘才可以，我們就叫了皇牌紐約經典漢堡、蘑菇車打芝士漢堡和鐵板洋蔥煙肉漢堡。皇牌紐約經典漢堡($60) 材料有巴西牛肉漢堡扒、煙肉、生菜和蕃茄，旁邊有一些的粗薯條，巴西牛肉漢堡扒食落有少少的乾身，食不到乾身食物的人可能要加多一些的茄汁或芥辣來增加濕潤感，牛肉的肉味是可以的，不過質量上不是太滑身，有一點點的「鞋口」感。煙肉味道很香

這家漢堡店距離公司很近，但是每次去到門口都會有一些人在等位😭拿破侖豬柳意粉，搭配著辣椒汁，好好吃，只是豬柳口感不太好 Spaghetti with Grilled chickenJapanese-style Curry Sauce 忌廉蛋汁蘑菇菠菜天使麵，某女每次去必點 ps： 最近去發現開始加收服務費

諗住近公司就腳就試下呢間burger 店。3個女仔叫左兩個burger,一個pasta.個burger 一上枱，十萬個失望。明白咩叫做圖片只供參考.....個burger 個包仲厚過入面d 餡。魚手指果個得一塊生菜，一塊蕃茄，真係想搵多塊都無。cheese burger 入面塊肉不過不失，不過都係見到個包見唔到餡。而伴碟既粗薯條，唔講真係以為俾人偷食左，加埋都無十條。呢度黎講都唔算係平價burger 店，$6x 一個餐。其實真係可以唔好咁孤寒，可能呢度都叫獨市，先有人幫襯。好彩叫左個pasta,先平衡番d. 味道正常既，又係d 餸少得可憐。補充一句，呢度d service 真係麻麻地，d 呀姐勁無禮貌。$60一個午餐，我寧願行番去太古坊大把選擇。

Lunch hour做完私人野，趕返公司路過一間咁耐以黎都未見過既餐廳 (較少行入呢邊)格局有多少似飲酒地方，望下餐牌主打好似食Burger不過唔多想食 burger，見有意粉提供，又冇太多時間，就且一試白汁三文魚意粉，賣相都可以，附上少量沙律菜，尚算醒胃意粉不太軟身，略嫌白汁太重奶味，感覺像飲奶。整體亦比較濕吃罷仍有不少汁在碟內。三文魚其實算多，不過切得太零碎如果保留一、兩片未煮熟的伴碟上會更吸引大約60元，西式烹調，可以吧雖然似以 Burger 為主調，但其他食物也要多注意

公司附近開左呢間burger店，一直都未有機會嘗試。趁今朝工作唔忙，偷空來試下早餐。點左一份早餐A，雙腸煎蛋多士。個餐盛惠$28，價錢可以，附近茶餐廳都差唔多，但餐飲點熱咖啡，居然要加$5，乍聽我真係有少少愕然，唔通杯咖啡好得？咖啡好快上左，看起來沒有特別，淺嘗一口，奶味重，咖啡味好淡，唔算太得，更對唔起佢既價錢。至於份早餐，等呀等，足足等左十五分鐘，旁邊後來點單的客人都快食完了，恐怕是漏單？一催促，就送到。早餐賣相尚可，多士也烘得不錯，但豬肉腸可以再煎更香，雞蛋則太細隻。整體而言，以價錢而論，略貴。