講得小店，又確喺好細，上咗幾級樓梯，就喺製作食物嘅地方，後面就有張4人枱，基本上都唔會坐晌度食，因為都幾焗、幾熱吓，都喺貪得意走上嚟睇睇，而餐廳明顯主要都喺做外賣客。
鋪面就張貼咗兩大張餐牌，簡單而言，一張喺套餐，一張喺散點菜式，前者有雞肉、牛肉、羊肉、蔬菜供選擇，可以配卡巴卷、沙律、沙律及白飯、沙律及薯條，定價為$58-$88，而午市奉送一客餐湯或一罐汽水，晚市就無嘢奉送，但可以以combo形式加配。
散點菜式方面，就有啲開胃小食、土耳其卷、沙律、甜點、各式飲品供選擇，頗有土耳其風味。
薯蓉湯（餐湯）
轉轉燒羊肉配飯及沙律 $82
隨餐仲附上特別醬汁，溫馨一提，咪以為淡橙色嘅喺千島醬，查實食唔出喺乜醬，但入口喺勁辣，完全呃晒，小弟唔嗜辣，仲落咗鬼咁多，只好搵啲乳酪醬中和一下。
先講講啲沙律，以生菜、甘筍絲、紫洋蔥及蕃茄做底，再淋上橄欖油，灑點黑胡椒，簡單清新，為滿滿嘅羊肉作平衡點。
啲羊肉你都見，真喺堆到滿滿，夠晒羊味，但唔太羶，不過，個人就覺得有少少乾，但還OK嘅；下面嘅飯底超多，以女生計，可以話喺兩個人嘅份量，小弟平時食晏都喺大半碗飯而已，又唔想嘥咗啲飯唔食晒佢，所以，今次嘅飯量算喺超標。
受堂食嘅限制，依家飲食真喺好難做，相反，主打外賣，尤其小店，因為基本成本（如鋪租、人工）相對低啲，加上依家多咗好多人喺買外賣，故此，呢類小店可能仲易咗「疫」境求存到！當然，希望痠情盡早過去，社會秩序回復正常！
雖然主力外賣，但在收銀旁拾級而上，鋪內是有一張小枱作堂食之用。
餐牌也很易看明白，一張是以雞、牛、羊、蔬菜配搭薄餅、沙律、白飯、薯條的各款套餐，而另一張就是散點的食物及飲品選項。而午餐時段，各款套餐是附送餐湯或汽水，而薯條則可以額外加配。
本來也想吃吃牛肉，但羊肉實在太久沒吃了，所以，最終都揀了「L4.轉轉燒羊肉配薯條和沙律」配忌廉（$88）。整個餐的份量頗不少，還附送三款醬汁，而且，燒羊肉鋪得滿滿，遮蓋了放在下面的薯條，薯條着實也有很多。羊肉軟腍卻不太羶，薯條也是新鮮炸得，十分香脆，再來一點田園沙律平衡一點油膩，完美極的午餐。
影片
