Kaleido Coffee

营业中

休息中

💛Chicken and Mushroom Pie💰$38👧🏻比較鍾意食鹹點～所以見到Food Menu唔係太要思考就揀咗佢🤣雞批夠曬熱🤓個批皮唔係話好酥個款～而係有啲似曲奇🍪脆脆的😆食雞批好怕好厚皮🥺但呢個啱啱好！而且入邊嘅雞肉同蘑菇都好足料☺️💛推薦程度：🔆🔆🔆🔆（5個🔆為滿分；🔅係半分）💛Iced Mocha💰$47入口好夠朱古力味～但亦都好好咁冇蓋過咖啡香ʕ •ᴥ•ʔ 同埋加咗冰都唔會好淡✨推薦程度：🔆🔆🔆🔆（5個🔆為滿分；🔅係半分）💛Chocolate Muffin💰$28Muffin嘅面層焗到微微脆身～而入面就比較鬆～唔係嗰種好厚身嘅質感👅朱古力味濃🥰而朱古力粒粒份量都好多🙆🏻‍♀️同時唔會太甜🥳唔使怕食到最後會好膩～推薦程度：🔆🔆🔆🔅（5個🔆為滿分；🔅係半分）

鐘意呢間coffee shop做既咖啡同食物，絕對關心到客人味覺與臭覺既需要；而店內就比到我視覺和聽覺既享受！ 今日order咗：Cold brew plain Croissant 諗住天氣熱，開始可以嘆番凍飲。喜歡大連鎖店Americano既我揀咗佢既Cold Brew！ 嘩！感覺大、大、大不同........係超好！首先聞落係有清新既荔枝味。入口就非常涼快，口感唔濁，輕輕有啲酸味又唔會澀, after tast仲有少少花香味，同時好順滑......真係不得了。第一次嘆凍咖啡有咁豐富既感覺。仲有呀，成杯cold brew飲到尾，竟然整體個味道都冇變，唔會淡咗，唔會酸咗，real surprise！另外叫咗my favorite coffee partner👉 “Crossaint”😋有牛油味香，夠鬆軟，仲可拉絲（見相），小店水準高呀！店內主色係白、灰，感覺好舒服。加埋啲咖啡機，簡單既布置，令人坐得好舒服。

一直都好中意去香港唔同既cafe,靜靜地坐下，同朋友吹下水，又一日。作為屯門人既我一直都有留意呢間kaleido coffee, 雖然係屯門住，但屯門甘大好少會黎呢頭。前幾日終於為左佢，的起左心肝黎呢度嘆返杯咖啡。大概4點零鐘，見到有人係門口等緊位，有點期待。等左陣就好快入去坐低，雖然店面小小的，但又唔會覺得坐得逼。店員們都好好微容，有介紹menu入面既飲品。我同朋友各自點左dirty同matcha latte。dirty重奶味，飲得出真係用鮮奶沖，而且咖啡味香，濃郁，咖啡豆唔太酸唔太苦，恰到好處。而朋友點既matcha latte亦都有好濃郁既宇治抹茶味道，唔太苦唔太甜，岩晒中意飲抹茶既朋友仔。

約咗朋友平日放假嘅時候出咗嚟飲杯咖啡同埋食少少下午茶，朋友就介紹我嚟間新開一年嘅cafe真係估唔到原來屯門開咗咁多咁特別嘅餐廳，依間Cafe主打嘅咖啡同埋飲品種類唔算多，但係貴精不貴多我自己就叫咗一杯matcha latte飲，估唔到原來做得好飲嘅抹茶latte係咁特別見着店員細心咁樣準備，係真真實實嘅抹茶粉咁樣沖俾我，睇得出餐廳好用心準備每一杯飲品餐廳嘅裝修同埋設計都令人覺得好舒服，無論係糖食同埋外賣都咁正因為嗰日都有少少肚餓所以就叫多咗個蘑菇雞肉批，出奇地個批又幾好食，比起出面連鎖店嘅更加有特色，同埋因為係啱啱焗起所以真係好正一句到尾屯門嘅避世Cafe呢一間都會係我嘅選擇

估唔到現在屯門都有文青咖啡店，這間純白主調的小店氣氛清新，有蛋糕麵包輕食，咖啡都好好飲架。有西鐵之後入屯門係方便左好多，不過因為唔太熟路的關係有點焦慮。咖啡店距離屯門西鐵站有一點距離，我是坐小巴過去的，小巴站在 V City 對面，一落天橋就見到，上車坐幾分鐘去到「置樂花園」站，落車再行幾步就搵到。設計簡單明亮，適合舒舒服服嘆杯啡的感覺。店內周圍都見到這個公仔，加添一點青春活力。入面座位唔多，最盡頭有三張檯，另外靠牆再有兩張，繁忙時間很容易滿座。店內只有簡單輕食，例如樽入面的手工曲奇，有兩款口味。最入面三張兩人檯，亦都好適合自己一個人來放空。如果很肚餓的話建議先吃飽再來，這邊只有簡單輕食啊，包括雞批、朱古力蛋糕和芝士蛋糕等。飲品有咖啡、朱古力和抹茶等，亦有提供手沖咖啡。Chocolate Muffing HK$28 / Latte HK$40朱古力蛋糕有加熱過，上桌的時候香氣十足，吃起來也很鬆軟濕潤，朱古力粒粒也很多。咖啡偏中深焙，口感幼滑。想悠閒喝杯咖啡展開美好一天，Kaleido Coffee 是屯門區內一個美好選擇，店面小小氣氛輕鬆融洽，也很受對咖啡有研究的朋友歡迎呢。

平時身為屯門牛都比較少經置樂，但哩間咖啡店一直係我想食list中。事源係我曾經經過比佢純白色吸引左，而我又係一個咖啡控。於是趁早既時候去到食早餐，大約十一點半到，唔洗排隊真好彩。餐廳都係以純白為主題，係舒服既感覺。哩盞燈好得意😎餐廳menu,上網見到佢個曲奇係多人推介,就叫左lotus cookie同chocolate muffin,飲品就叫左ice matcha latte同ice latte由於行過去勁熱，飲杯凍野真係超級爽。抹茶味好清😊一啲都唔會苦或者太甜，襯返甜品岩岩好。Latte咖啡味夠香☺️朱古力muffin 😊Lotus曲奇🍪中間仲有棉花糖架。只可以話咖啡甜品加埋係絕配，而我好享受咁relax既時間。位置雖然唔算方便，但心機同裝修補足☺️

一直想試呢間coffee shop好耐，係呢一區少有嘅小店；平時假日時間經過，都見到唔少人係裏面歎緊咖啡。趁住平日放假又少人啲，一定要去試下！名乎其實小店，大概有10個座位，所以可以靜靜地同朋友傾下計chill下；裝修走簡約風，比人感覺好舒服。我同朋友order左Matcha Latte、Cappuccino同埋一件Burnt Cheese Cake。特別係Matcha Latte 同Cheese cake 真係有驚喜，Matcha Latte綠茶味出得黎又無草青或苦澀味，非常香濃。我朋友杯Cappuccino就正正常常啦，但啲拉花都好靚。至於Cheese cake 好軟綿綿，入口好順滑！又唔會有好heavy嘅感覺但cream cheese味非常濃郁，配杯野飲坐下hea下一絕～

響附近食完lunch，之後想搵個地方坐下，靜靜地睇下書，cafe一定係最好嘅地方啦~知道呢間Cafe響屯門區都係一間幾出名嘅精品咖啡店，既然響呢頭就決定試一試我係平日嘅三點幾去，一入到去好彩淨返最後一張枱有位，因為間舖頭都幾細，假期黎嘅話，應該要預啲時間排隊堂食或者索性外賣啦~ 舖頭嘅環境氣氛都唔錯，播嘅音樂好chill好適合靜靜地閱讀，係一個好好hea嘅地方因為Lunch食到好飽嘅關係，今次冇試到佢嘅食物，我叫咗杯凍嘅matcha latte~ 抹茶味好香，奶味都好出，唔會過甜，balance 得幾好! 雖然價錢響區內黎講應該算係偏貴，不過都不失為一個同朋友hea下嘅好地方，區內嘅人有時間都不妨黎打下咭同試下

當日跟一位友人點了各1杯飲品,一杯是咖啡,一杯是綠茶Latte,另外一個牛角酥,一個批.味道,份量尚可,價錢可接受($162,但也算有點高)).唯一令我有點不悅是,因為想跟友人分享食物,所以想要求多隻叉.牛角酥本身用紙袋裝,店員說通常用手拿著食,Ok.個批有1隻叉跟,為了衛生所以跟店員要求多一隻叉,店員回覆說沒人手洗餐具,所以正常係唔會提供額外餐具,今次就比你啦 ! 聽完這句話,跟友人快快食完難開,自覺要求並非過份要求,所以沒有下次.

老闆態度咁差，究竟你覺得仲做到幾耐？要隻叉又唔比，上網好好地留個言講下你鋪頭有咩不足，已經有讚有彈，你就叫人唔鍾意唔好再黎。野食又唔係特別好食，唔覺得係一間正常鋪頭。

我今日同朋友去咗這間 coffee shop，一入到去,其實環境都好舒服, 覺得間野應該唔錯.. 之後同朋友一人嗌左一杯咖啡，另外一個叫咗曲奇、一個叫咗蛋糕 但蛋糕到嘅時候，就開始覺得個用餐體驗好差我地同Staff講想要多一支叉。當一位 (睇落似係老闆嘅) 男士拎叉嚟嘅時候，同我哋講：今次我就俾你啦，下次我就唔俾㗎啦 我同朋友打咗個突，問佢咩意思，佢話一份甜品只會跟一隻叉。 跟住朋友同佢講：但係你哋冇同我哋講話甜品唔可以share架啵..而我地都唔止叫咗一樣甜品 個老闆回應話：食曲奇唔需要叉架，所以唔會比多隻叉你囉，唔通你10個人share, 我就要畀10隻叉你啦喎?!仲話：食曲奇用叉都唔make sense啦，係嘛？ 咁我地話其實如果你喺店舖貼出告示/喺Order嘅時候話聲我地知，我地都可以理解&配合，但是沒有..老闆嘅回應：咁其實如果所有規矩都列哂出黎，貼哂成間鋪都唔夠貼啦 ⋯咁 之後仲細細聲繼續喋喋不休，當時坐低咗唔係好耐，真係想即刻走人..好難受但都叫左..係要俾錢..冇理由唔食就走...佢D野唔難食,都唔特別...都叫可以接受la...但因個心唔舒服,好快食完就走了...其實

嚟到屯門朋友仔想飲杯咖啡，揾左呢間小店，舖仔細細排左一輪，朋友仔叫左杯朱古力俾我，朱古力都有心形拉花佢地話coffee都正可惜我唔太好咖啡，叫左個chocolate muffin，我試左一啖，外脆內軟，我鐘意朱古力所以覺得不錯，不過唔知係咪店員太忙關係，朋友仔話個心唔夠熱，其餘整體不錯👍

✈️快閃大西北系列❗️ 一連三日介紹錦屯元3️⃣大日系簡約Cafe🌾✨ #OhMyFoodBae_大西北第二站 純白精品咖啡小店 𝙺𝚊𝚕𝚎𝚒𝚍𝚘 𝙲𝚘𝚏𝚏𝚎𝚎♥️ ᴋᴀʟᴇɪᴅᴏ ᴄᴏғғᴇᴇ 位於屯門置樂 遠離屯市紅橋區域 附近只有學校住宅🏠 但人氣同樣不減💁🏻‍♀️小店舖面不大 得十個位 所以週末下午時間較易滿座 要比少少耐性等位喔🚶🏻‍♀️☕ 𝑭𝒍𝒂𝒕 𝑾𝒉𝒊𝒕𝒆 𝒘𝒊𝒕𝒉 𝒔𝒐𝒚 𝒎𝒊𝒍𝒌 💰$38 (+$5)Flat White本身自帶double shot 所以比起其他white coffee會更加飲到咖啡豆較原始嘅味道🤓 而Kaleido嘅Flat White係眾多cafe之中算最濃 咖啡味最岀嘅一間‼️係澳洲嘅味道🇦🇺😭 加咗$5 轉Soy Milk🥛 冇諗過竟然可以用plant-based milk都拉到個咁decent嘅圖案❣️ 飲過好多間都係一pat野咁🥴 就知道係非一般嘅咖啡師🤵🏻‍♀️咖啡揀咗nutty同soymilk好夾 有種說不岀的甘甜味 唔知係用邊隻牌子呢🤔 另外值得一讚係好大杯飲完好滿足💓🦄滿足指數: ❤️🧡💛💚💙💜💖☕️ 𝑪𝒂𝒑𝒑𝒖𝒄𝒄𝒊𝒏𝒐 𝒘𝒊𝒕𝒉 𝒂𝒍𝒎𝒐𝒏𝒅 𝒎𝒊𝒍

疫情令人心累，但朋友總是要見的。特別是即將離開香港的老朋友。在屯門找了個舒適又可暢言的地方下午茶。首次進店便有種是精緻咖啡小店的氣氛，工業風的簡約設計令人享受小日子時光。朋友一早就點了咖啡等我。而我點了朱古力及原味芝士蛋糕。在點餐時，我好奇的問蛋糕原味好還是綠茶味比較好。店員二話不說的推介原味。原味芝士蛋糕中間有點像流心般，好濃芝士味。必點！8分而熱朱古力是一般café有的朱古力味道，沒什麼特別，沒有厚重的朱古力味。6.9分傾了一段時間又多點了一杯matcha latte，有重一點的綠茶味，比朱古力好一點點。7.3分可能點咖啡會好一些比較值，而蛋糕多點一個都可以。

難得去開元朗區，就要入埋嚟屯門呢一間近期好熱門的咖啡小店。 店舖裝修10分優雅，俾人感覺簡單、舒服、有品味。餐牌都好簡潔，貫徹店舖想營造簡潔嘅感覺。 雖然飲品品種唔算好多，食物種類亦都唔多，只有一啲簡單嘅pie ， tart and cake 🍰 但係唔會俾人覺得係冇嘢食可揀，因為目標很明確我哋就要試吓呢度嘅咖啡☕️我老公點左一杯cold brew ，老公覺得調校得好好，咖啡同水嘅比例好均勻，老公話要整出一杯好嘅cold brew不容易，比例好緊要，而呢間店舖做得非常之好 雖然得一個店員，但係每一杯飲品佢都係用心經營，用心製造 我揀咗一杯Matcha latte，預先佢已經提醒咗我哋叫matcha latte 的話要等耐少少，原來我哋發覺佢整一杯matcha latte係要慢慢磨粉，到我口入邊，已經好香濃，有少少苦澀味一啲都唔甜！ 真係有種去咗京都旅行嘅感覺整體感覺舒服，飲品出色，而且店員有禮貌唔怪得知平日嘅12點幾已經full house ! 飲品我哋只好take away !