Kaleido Coffee

营业中

休息中

一個下午未食午飯，又想飲咖啡+食少少嘢⋯走過這小店一於試吓⋯可惜一試冇乜特別，咖啡普通，個牛角包🥐翻焗，兩樣夾埋$80⋯味道原全失望。唯一欣賞這裏的聖誕裝飾很喜歡⋯一個Tone…舒服😌

今日同老婆去咗行街,原來屯門咗好多商場,每個商場都連接住,去行街真係好舒服，行到有啲攰嘅時候開始要搵嘢食，問吓啲住屯門嘅老友有咩好嘢，佢介紹咗我嚟呢度飲咖啡，地址喺置樂花園附近，所以都好易搵 。kALEIDO COFFEE Chocolate 55 元一杯好香濃嘅朱古力，另外佢嘅牛奶味道好香甜，兩樣嘢配合一齊，令到個味道好有層次又香滑，作為一個朱古力愛好者，真係覺得好好味。我覺得飲朱古力一定要凍飲，因為凍飲有小水冰，令到杯朱古力唔會太過甜 。 正Matcha Latte 64 元一杯Latte 只要用心製作真係好好味,抹茶嘅味道好香好清新，加上牛奶嘅鮮甜味,兩者配合得天衣無縫,完全將抹茶嘅清新味帶咗出嚟，入口真係好清甜，奶味更加突出 正火腿芝士牛角包 40 元 牛角包已經焗到金黃香脆，入口非常鬆脆，而且帶點牛油香味，中間嘅芝士好多，芝士嘅香味再配上牛角包嘅鬆脆，真係好夾，而且仲好有層次同口感，真係未食過一個咁好味嘅牛角包，呢個簡直係必須要試 。

我係比呢間小店嘅名同標誌吸引而來既。Kaleido係日文萬花筒嘅意思，係咪意味小店提供嘅咖啡同食物會不斷變化呢。呢間咖啡店以灰白色為主調，配襯黃色柔和燈光同埋門面落地玻璃，下午時分坐嚮cafe入面嘅高檯位置，凝望街上人來人往，聽住店內播放熟悉嘅廣東歌，感覺幾舒服。而且店鋪唔係位於旺區，平日唔會有限時同等位嘅壓迫感，好適合自己過來relax或者同朋友傾計。店內除左輕食，仲有售賣咖啡豆。Menu以唔同種類嘅咖啡為主，仲有少量小食、甜品同酒類飲品選擇。Flat White （$40）每次去coffee shop都好鐘意點一杯有拉花嘅咖啡，品嘗味道之餘可以欣賞到咖啡師嘅拉花技術。呢杯flat white係特別大杯架，賣相非常打卡able，而且飲落味道較甘，有淡淡嘅果仁味。Chicken & Mushroom Pie （$38）呢個批皮脆脆地但唔太厚，唔會有成口粉嘅感覺，入面係滿滿口嘅蘑菇、雞肉同奶油，細細個都幾飽肚。Dirty （$45）係凍鮮奶加上熱嘅expresso， 望落好靚，好似水墨畫咁，飲落首先係咖啡嘅nutty香味，然後係順滑嘅牛奶，好有層次。而且我好鐘意呢間cafe嘅杯同杯墊都有

呢間以灰白色做主題嘅咖啡店，同佢個名「Kaleido（萬花筒）」有著強烈嘅反差，開業至今已經吸引咗唔少人去打卡📸 今次難得入嚟屯門，就專程黎試試佢杯啡先～咖啡店採用本地烘焙咖啡豆，有Fruity同Nutty 兩款blend，不過因為店主覺得Nutty豆會比較襯奶啡，所以只係得齋啡先有得揀🤪 雖然係咁，不過正所謂「小孩子才做選擇，我全部都要」😆 一於試晒兩杯～◭ Flat White $40呢杯肥威比一般咖啡店大杯☕️而且回甘好濃烈，細心啲會飲到微微嘅木味同夏威夷果仁味🌰◭ Creamy Black $45店員特別推介左呢杯喺出面比較鮮有嘅凍啡，用steamer打啲空氣入long black度，感覺好似飲緊Shakerato咁。呢個做法可以令到個果酸味更加突出，好值得一試☺️◭ Ham & Cheese Croissant $40外皮好鬆脆🥐 加上溶溶地嘅芝士，一定要趁熱食！◭ Lemon Blueberry Scone $40三角形嘅藍莓鬆餅上碟前會喺面頭淋上檸檬汁，酸酸地，配Nutty肥威就啱晒啦！◭ Chicken & Mushroom Pie $38個餡料真係好豐富，而且熱辣辣嘅批皮

難得走到咁遠去屯門，當然要揾下區內嘅一啲好嘅cafe喇😋今次就比呢間Kaleido Coffee嘅裝修吸引到我入去，Cafe以灰白色為主調，走簡約風，感覺休閒而舒適。✨Apple Americano ($48)一開始好好奇Apple Americano究竟係咩🤣因為第一次見，原來係Americano 加蘋果汁。飲落微帶酸甜非常易入口，但咖啡嘅香味就相對冇咁突出。✨Flat White ($40)朋友點嘅呢杯Flat White 上面有頗為精緻嘅拉花, 我試左一啖🤣味道都唔錯，牛奶同咖啡嘅味道幾balance. ✨Oreo S'more Cookie ($30)Oreo味嘅曲奇入面夾左棉花糖，本身擔心會好甜，但食落又ok, 都值得一試。✨Chicken & Mushroom Pie ($38)推介大家試下佢地嘅雞批😋真係焗到外脆內軟，而且外面嘅酥皮唔會太厚，幾好味。

所以今日同老婆喺屯門行街，食完中午飯，行到好攰就喺附近，搵間舖頭坐低飲杯嘢，見到呢間Cafe啲裝修幾靚，就入去試吓細看餐牌有很多選擇，這裏的飲品以咖啡為主，也有一些非咖啡飲品這裏裝修得幾靚，簡潔乾淨，入到店內就聞到陣陣的咖啡香味入到店內一個人坐低飲番杯咖啡，忙裏偷閑真是十分寫意，繁忙嘅城市裏有一點寧靜的空間這杯抹茶牛奶，已選用了宇治小山園嘅綠茶粉，所以綠茶味好出，而且奶味很純，兩者融合一起，幾好飲，而且不太甜，我10分喜歡這杯朱古力奶，真心好飲，奶味比較重，飲落口很順滑，朱古力味濃郁，而且不太甜，兩杯飲品所選用的原材料都是日本的，所以品質有一定的保證因為趕時間所以外賣帶回家慢慢品嚐這個牛角芝士火腿包，吃一口芝士份量好足做到拉絲嘅效果，火腿和芝士融為一體， 10分好味，而且牛角包好重牛油味又鬆脆，咬一口表面卜卜脆，食落10分滿足我點了一個雞批，咬一口，已經感覺到外層酥皮的牛油香，食落有奶油味和雞肉，雞肉是完整一粒粒的，因為充滿了忌廉，食一口充實的感覺，越食越好味他的餡料10分充足，應該是自家製的，餅底10分出色

呢間咖啡小店自成一角非常有性格嘅咖啡店今日去完屯門置樂買嘢再行前啲就比我發現呢間咖啡小店，我知道老公非常喜愛飲帶有奶類嘅飲品所以就買來試吓，一行入門口已經聞到香噴噴，好香嘅咖啡味入面座位不多，感覺到一些非常休閒嘅感覺在店內等外賣嘅時候望出去就見到街景我在入面有一個非常寧靜嘅空間，令到心情即時放鬆，呢度唔單止有飲品也配合左一些小食嘅配搭整個氣氛同環境都好舒服，門面好簡潔以白色灰色為主，入邊有高枱嘅選擇，入面播住嘅歌曲好柔和又有親切感係一間非常有心思嘅小店值得支持叫咗個雞批$38返到屋企依然仲有溫度裏面嘅蘑菇同雞肉每一啖都食到，外皮鬆脆，一切開就碎咗批皮香，又夠軟熟餡料又充足，有咬口，有勁香嘅牛油味賣相仲非常吸引返到屋企慢慢細嘗，十分寫意Matcha latte $64,抹茶味非常濃，完全唔甜，有少少偏苦，但係奶香非常出抹茶同奶混合埋個味道真係好正，小店嘅抹茶牛奶用宇治小山園嘅綠茶粉，所以綠茶味特別出，成件事Focus左係綠茶味上面，滿意滿意凍朱古力$55🍫用咗香濃嘅朱古力粉製成，配合非常滑嘅牛奶，令朱古力在鮮製冰塊上面慢慢滲透，這就是香滑嘅原因下次有機會會試埋熱朱古力相信感覺並不一樣

今晚同朋友嚟咗屯門呢間kaleido coffee嘆手沖咖啡同食輕食，已經係第三次返到呢間Cafe，環境簡潔以白色為主，俾人好舒服愜意嘅感覺。之所以會多次返嚟，無非係因為佢嘅咖啡真係好香，令人回味無窮。記得第一次飲佢呢度嘅latte，就覺得佢個咖啡香味係比出面嘅咖啡更加香，有認真做咖啡嘅感覺。今次就是佢嘅手沖，揀咗Costa rica同Honduras，小食方面就再次揀返佢嘅芝士火腿牛角包同雞蘑菇批。自問都唔係話真係好識飲咖啡，但佢嘅Costa rica飲得出佢嘅咖啡酸味，而Honduras 就比較飲得出佢嘅苦味。兩隻飲完之後，嗰股濃濃嘅咖啡味都圍繞着口腔裏面不散，正！雖然位置唔係話太方便，但相信都會再嚟第四次。

一杯咖啡的時間很奢侈每日都需要咖啡來提神卻忘卻了品嘗味道在速食文化中 過度推崇速度和效率 卻失去了享受的意義趁假日來放空 沉澱一下Flat white Use O'LAIT full cream milkQuite smooth and creamy didn’t overheat(~65°C)

屯門精品咖啡店☕️位置比較隱蔽 位於屯門既置樂花園📍眼見都幾多熟客光顧 同店主有講有笑💛so sweet💕咖啡既種類都幾多 坐得都幾舒服❣️無限時♾️Cafe Latte (Hot$40/ Cold $44)咖啡豆好香 飲落去好醇 比例剛好😚外觀簡而美 份量都幾大杯 飲完已經飽飽地😜Hojicha Latte (Hot$60/ Cold$64)Hojicha味好重 好易入口 多層既口感 好豐富😋呢個味道亦較罕見 值得一試🥰火腿芝士牛角包🥐 是日精選🤩簡單而好味嘅火腿芝士組合🧀兩個人share食剛剛好😙保證好味🤤

難得放假去屋企附近走一走去到置樂比一陣咖啡味吸引住原來係呢間望落幾新淨嘅咖啡店由於仲係朝早 都仲未瞓醒決定買杯咖啡睇一睇神先叫咗一杯熱既cappuccino 同一杯凍既mocha 朝早唔想飲凍野 亦都唔想飲太甜所以我就飲cappuccino 朋友就飲mocha 飲落咖啡味好香奶味都重最緊要係成杯都夠滑$40嘅價錢同平時去大型連鎖店差唔多如果可以都寧願幫襯小店 最重要係老闆都好好人又夠客氣 有時間買杯咖啡吹吓水都幾唔錯💓小店就係人情味重見到都有啲小食可以叫下次嚟整返個下午茶都得

男友有事忙，造就突如其來的一個me time😶，最後決定自製一個偽旅行🧳，走到從來沒有去過的地方而我選擇的，就是從來沒有去過屯門市中心以外的地方，吃過🍽午餐就來到這間人氣咖啡店享受一下coffee time😊慢活一番Flat White $40（只提供熱飲）來一杯帶有latte art的咖啡 ☕️ 是我近年在咖啡店必點口味✅咖啡師「功力深厚」😂 拉出的心形💕圖案簡潔完整而且保持到最後咖啡屬於nutty的一種 而咖啡跟奶的比例⚖️很好，喝到最純正咖啡，感覺真的很不錯🥰，而且咖啡味亦最濃郁豐富的其中一一間！Baileys Burnt Cheese Cake $55愛吃Cheese cake不過近十年都非常節制⛔️，近年大熱的巴斯克芝士蛋糕吃過之後成為❤️最愛芝士蛋糕款式的☝🏻首位，愛其軟綿順滑的口感及濃濃的🧀芝士香看到店家有這款蛋糕就😍二話不說點一份來吃！巴斯克芝士蛋糕加入🍷Baileys，表層烘得適中不會太黑🖤帶微微焦苦味，還有🤏🏻少許流心芝士，芝士味非常濃郁，🥛奶香酒香令味道豐富起來，配咖啡真的很搭！實在不捨得😭太快吃完～店家所在位置並非在市中心，附近只有學校跟住宅🏠 不過人氣依然不減💁🏻‍♀️

今晚同朋友嚟到元朗呢間Cafe食個early dinner，其實之前已經嚟過一次，對佢嘅咖啡同牛角包都念念不忘，所以即使住得唔近，都山長水遠特登再入嚟食。呢度環境都係行簡約風，所有嘢以白色為主，俾人一種好舒服嘅感覺，正中我下懷，咁啱坐喺舖頭嘅角落頭，抬頭一望仲有隻白色嘅馬騮拎住盞燈泡，幾有趣。嘢食嘢飲選擇唔算特別多，但麻雀雖小五藏俱全，想食嘅都有，而且有質素保證。我朋友叫咗Apple Americano同雞蘑菇批，而我就叫咗抹茶latte同芝士火腿牛角包。Apple Americano除咗有咖啡之外，仲有清新嘅水果香，順口好飲。凍抹茶latte都好飲，但我比較鍾意上次黎飲嘅普通凍latte。芝士火腿牛角包同上次味道一樣，牛角包仍然都係好香脆，芝士同火腿堪稱不敗嘅經典。雞蘑菇批皮脆，有牛油香。整體而言令人非常滿意，係會想再encore嘅Cafe！

難得入黎屯門，見到呢間café 啲裝修幾靚，又想嘆返杯latte 飲下，就入左去試下～啲staff好好禮貌！專登介紹有咩推介好飲～佢話焙茶綠茶粉都係由日本京都買貨！已經製作過程亦好有心機，佢地用日本嘅篩剁成更細粉狀，而且講明只要3 gram嘅糖，同埋少冰（因為佢話咁樣最好飲），所以係無得嗌少甜少冰架！我嗌左杯凍焙茶latte ($65)，飲落去幾濃焙茶味～所以好香滑，無留意到係用邊隻奶，我估應該係用紅白色包裝M字頭嘅奶～而且少冰的確覺得恰到好處！店長果然無介紹錯！女朋友就嗌左杯綠茶latte($65)，佢話都飲到啲綠茶🍵的確幾濃幾香，絕對真材實料！所以野飲黎講係可能偏貴少少🤏但其實我覺得對得住呢個價錢，而且客人都睇到staff嘅用心製作，無偷工減料，所以我覺得係值嘅

番完夜班，最好就係去cafe 叉叉電。屯門依間人氣十足嘅cafe, 其實都去過幾次。次次去都冇影相就廢事出食評。屯門高汁嘅cafe 真係好小，老闆係到開，真係屯門人嘅福音。門面十分之簡潔靚仔，打卡一流。入面唔算多位，坐到十幾個人左右。星期一嘅中午去，係冇位嘅。出面又難泊車，唯有買外賣番屋企enjoy.老闆十分之有heart 同好傾。咩都可以傾。Iced  chocolate,  chicken  &  mushroomiced chocolate, 係冰 + 奶 再自己打d 可可分去沖嘅。夏天一流，下次可以試下咖啡。番完夜未瞓就廢事飲咖啡了。Iced  chocolate,  chicken  &  mushroom個chicken & mushroom pie新鮮加熱番比你。入面足料，個皮唔易散，d mushroom 味好夠，唔會得雞味。