影片
开饭介绍
Just Salad 香港2号店正式开幕. 18 款精选沙律均由美国大厨兼营养师 Chef Laura Pensiero 设计. 自创沙律,则可从70多款配料及22 款 沙律酱中挑选. 所有沙律酱备有独特健康特色. 低脂, 脱脂,无糖,低/无碳水化合物等等均可自选.
继续阅读
以上资料只供参考，请与餐厅确认详情
食咗几日肥腻嘢, 想食沙律清下肠胃！响IFC返工就最好去Just Salad啦噢, 原来IFC里面果间已经冇咗, 最后去咗环球大厦地下, 当做运动啰！一去到已经见龙尾排到出咗个舖, 外面有7-8人, 以为会好快点知一排......由排队到走得足足40分钟, 真系脚软以前向IFC食开The Club, 而家冇咗, 所以叫Pesto Chicken Paradise Salad配黑醋汁, 发掘吓其它口味沙律的菜新鲜, 但个鸡真系好dry, dry到吞唔落呀 成兜沙律只食剩d鸡就放弃啦!
继续阅读
吃了好多次, 因为不是在中环上班, 每次去中环都一定会去买!!每次都是自选salad每次必点Romaine, 除非卖哂先会拣生菜, baby spinach都好味, 不过要加钱的~我系女仔唔怕吧~ 我会同佢讲俾我d我~! 个staff(english-speaking的)会"质"到个碗爆咁滞!!!!配料: 我是蔬菜人, 曾吃: black beans黑豆, broccoli 西兰花, chicken leg mushrooms鸡脾菇, edamame枝豆, grapefruit西柚, lentils扁豆, mandarin orange(推介要加, 会加入juicy味和好开胃), string beans等等~亦曾加钱要Smoke salmon, blue cheese,所有配料也新鲜爽脆!!重点是sauce, 最爱balsamic vinaigrette黑醋汁和lemon vinaigrette柠檬香醋汁!!!! 超正!!!拿了菜单, 睇定哂配料! 所以写得出以上名~!! 每次去中环都会去!!! 下次会买环保碗!因为个外卖碗好靓, 又唔漏水, 但每次吃完就掉好唔环保呀~!!所以会买碗, 仲有多两款toppings拣~!! 出街食饭, 除了Supermarket, 很难食到新鲜菜, 在西餐店要一碟salad都60蚊以上, 仲要好少份量每次买这里, 都会食到饱, 系饱哂~!! 再去再去go go!!
继续阅读
每当踏入午饭时间，中环的各间食市，就如变成「SOGo」的特卖场一样，人头涌涌，抢位、排队的竞争有如上了奥运舞台一般剧烈。今天中午来到了「Just Salad」门外排队，已经不算多人了，也要等20分钟才完成整个购买过程。之前吃过几次，开店以来，就是看著价钱上升; 开初最便宜的47~49元可以买到一碗沙律，现在，最便宜的是「凯撒烤鸡沙律」($51)，今天就是点了这个。之前来点的沙律，都会「满」到上「顶」; 现在，那「菜量」顶多也只能说去到碗的「三份之二」边缘。「三份之一」不见了。因为要补充那失去的「三份之一」，所以买多罐杂菜汤喝。虽然量是少了，但不容置疑的是，他们的选料是十分新鲜，质素有保证; 罗文生菜，爽口清甜，咀嚼时发出「霎霎」响声，不错; 烤鸡虽然有点韧，但还有肉汁，味道不差; 法式面包粒很脆，很香，增加沙律的「丧」脆感觉; 巴马芝士，香味浓郁，但因为是碎粒，基本上是作为了香、味的调教; 配合凯撒酱，味道很好。送多一小片麦包。价钱贵了，人龙却越来越长......是因为在中环上班的「金融系」根本没有察觉到加了价？还是人们想通了，要用金钱买回健康呢？
继续阅读
农历新年食到饱饱滞滞，所以今日就食返个沙律来中和下！每日返工都会经过just salad，日日行过都会起门口望下，今日终于都入去买野食，真系估唔到完来这间沙律店都几多人惠顾，尤以外藉人士为主！今日拣左好耐，我自己唔系咁钟意食鸡，但系唔知点解大部份的沙律都系配鸡，所以拣无可拣我今日就order 了 Texas Two Step Salad，盒沙律都唔平要$60。而且沙律的份量都好多，所以物有所值ge，因为d 沙律真系好新鲜，脆卜卜的生菜配以黑豆、粟米、车打芝士，烤鸡、青椒及红椒，这个沙律的酱汁很特别系牛油果酱汁！整体来讲，又唔系真系好味到想食沙律就会念起佢吧！我今次系第一次见到有厨师用一个好特别的刀用来切开d沙律，一入到店就已经听到d卜卜声，都几特别ge...
继续阅读
今个礼拜都冇屋企饭食, 但lunch又好多人请食. 搞到我好挂住菜. 所以就算天气转凉今晚都决定食沙律. 之前有d印象见过话呢间几好, 黎到差不多八点半, 冇乜人. 发现选择好多, 价钱都唔平. 唔想拣, 就叫左Texas Two Step Salad, 配chilled avocado 酱. Salad有Romanie, Black beans & corn, bbq chicken, roasted red & green peppers 同white cheddar cheese.见佢夹夹下, 原来都好大兜. 惊喜系佢会帮你切碎所有野. 因为外卖, 入袋时发现有个牌话可以叫酱分开上, 后来发现佢装酱个兜好细, 加又要加钱. 感觉有d被骗. 服务态度麻麻. 唔知系咪近收工时间, 除左收银哥哥, 个个都有d黑口黑面. 返到去发现佢d酱比想像中稀, 所以用心撩晒d酱就刚刚好. 沙律几唔错, 干度适中, 唔会太咸, 酱同成个沙律几夹. roasted peppers都唔会太油, 唯一缺点系鸡几鞋口. 总结: $60蚊兜虽然一d都唔平, 但香港冇乜地方食沙律唔贵, 况且佢仲好大兜下. 都食得过. 笑同ok 中间啦~
继续阅读