Jenny Bakery (已搬遷) 新店位置

早於兩星期前訂好的曲奇, 今日取貨!但店員態度依舊麻麻!(相比起赤柱真是天壤之別)

聽朋友介紹呢間cookies好味，尋日去買俾屋企人試下，點知遇到個店員態度好差，想買盒（４mix）試下，咁我妹妹咪問下店員一盒中罐大約有幾多，店員態度好差話係計重量，咁我咪問即係幾多度，佢居然差到話冇數過！！（我知你冇逐塊數過，但係你都冇話我知重量！）最後冇晒mood就咁買咗一盒中罐（４mix)就算，食過之後覺得真係幾好味，不過真係要改善下店員態度！（平時去美心買個包or百佳買包糖都有聲多謝，今次就係激氣！之後發現又冇寫最佳食用日期）上網都只係果仁（８mix）有列重量，４mix都係冇寫丫（可能一樣卦），作為消費者問下都冇錯丫！

訂了一盒4mix, 等了兩星期才有貨.4mix: 10分, 一打開罐曲奇, 一陣濃烈的牛油香馬上傳到鼻中. 牛油味曲奇最好, 牛油味香濃, 咬落口鬆軟, 咖啡同提子味亦不錯. 食完過後口中還有一陣牛油香.一眾姊妹都不客氣地食完又食, 剩下來的, 留給了頌揚媽媽.真是很好味道的曲奇.

JENNY既曲奇．食極都咁好味．４ＭＩＸ食都不停口．今次試下新口味．轉買杏仁片．７０蚊一小盒．較曲奇貴．一盒份量絕不少．成盒滿滿的．每塊都好薄身．基本上全塊都由杏仁組成．只用好少好少既脆身曲奇連住杏仁片．食落咬咬杏仁．一點都唔會太甜．好香口好脆．好好味呢．比起曲奇既鬆軟入口即溶既感覺．完全另一種感覺．但同樣出色．同樣好味．同樣一塊接一塊．停唔到口原來除了曲奇出奇．杏仁片亦超級好味．下次去買有多個選擇呢．．

睇過好多食評都一致讚好，有日去開銅鑼灣，諗住買罐試下啦，點知銅鑼灣只得訂貨服務，唯有訂兩罐，下次去攞啦！我訂左兩罐8mix，一攞貨已急不及待同老婆開黎試下，曲奇好鬆脆，d果仁好香，於是再落order要多幾罐送禮用。無意中偷聽到sales姐姐話有小量取貨可以賣，於是買罐4mix試下。一開個罐已經有濃郁嘅咖啡香味湧出黎，再試一塊，嘩！好鬆化呀！有入口即溶嘅感覺，比8mix仲出色。小弟最愛牛油味同咖啡味(唧花嗰兩款)，味道一流，質感一絕！即刻要再加order。整體感覺真係唔錯，唯一要彈嘅就係要訂貨要等，冇得即刻買。

聖誕收到一盒4mix做禮物，開頭超開心，因為d人同雜誌真係講到好正，點知一食、再食，食曬4隻味，喂!咪玩啦，我真係食唔出佢同藍罐/任何一間普通cake shop/自己hand made有什麼分別，真係普通過普通，係得個盒靚lor,完全唔明d人點解可以話一塊接一塊咁食十幾廿塊，如果你要我出長水遠入stanley買或要等落order哥條waiting list先食到，我一定比個喊面，或者佢呢排多order所以失準啦，但唔試真係冇損失!

有日同班舊同事去赤柱燒o野食，唔夠炭，去惠康途中見到橫街隱隱約約有間比雜誌寫好食到飛起o既jenny's bakery，入到去，嘩!!!乜o甘簡陋o既??全店用晒白光管，照到面色鬼死o甘差，已經有o的想調頭走，不過一場o黎到，即管問個看舖個女仔有咩揀，點知咩都無，呢樣又話賣晒，o個樣又話賣晒，後尾話仲有一盒細罐，滿心歡喜拎返屋企啦，點知普通到唔普通，只係口味比藍罐多，除此之外，我覺得無乜特別，更唔會提起我o既興趣去買多次.... 失敗!!!

今日買左個4MIX COOKIES一打開個篕就有好勁嘅COFFEE味&牛油味,好香,不過COFFEE味勁好多咁多隻COOKIES, COFFEE味最好, 因本身勁LIKE COFFEE好鬆化, 好似即溶係口咁, 唔錯, D同事食到唔停得口.

見到這麼多的好評; 上星期五特登出銅鑼灣買來試試。到達後才知道沒有現貨; 要訂。落了ORDER要4MIX 及8MIX 各一盒。星期日接到電話說可以取貨，於是星期一在勝香園TEA過後又特登落銅鑼灣拿曲奇。一打開; 牛油香味~~~沒有。想想可能是因為我感覺; 聞唔到。先吃咖啡味~~~咖啡味不太特出，反而有燒焦味。再試牛油味~~~~~ 牛油味在那裡? 可能是搬家了~~~~~超失望; 已經沒有心情再試。帶回家給媽咪試，媽也說味道只是一般; 不及自己焗的十份一好吃~~~~~~~~對~~~~她的曲奇很鬆化，但曲奇本身不就是這樣的嗎? 唯一可取的是; 她真的不會太甜。除了這點~~~~~沒有了。4MIX~~~$508MIX~~~$75OVER PRICE 吧!!!!!!要吃; 來我家喝個下午茶。我做給你吃，保證好味十倍、一樣鬆化、不會太甜。

上星六睇完報導後! 走去銅鑼灣間Shop睇o下~~~o華!!!真係好彩lah! 去到剩番3盒原味!! 我前面o個個人買o左2盒! 我就買o左最後o個盒! 後面跟住班人就失望la...買唔到>_< 番到屋企開黎try try! 打開好香"牛油"味, 入口即溶, 好鬆化,同埋都好多塊o下~~而且個BEAR BEAR 熊鐵罐好得意ar ^_^ 下次一定要再試埋其他味道先~~~^.^

買左4-mix。因為唔係對nuts好有興趣。其實我係唔太鐘意曲奇o既。不過，哩度o既曲奇食落真係好鬆化。除此之外，咖啡味曲奇真係咖啡味好濃，聞落都非常香。其他味道就ok啦。曲奇唔大塊，可以一口一塊，所以就算望落去比較細罐，打開個罐你會發現其實都有好多塊，pack得好密。加埋個咁精緻o既罐，一打開，香氣四溢，送比人真係o岩晒(好彩收禮o既人話比我聽佢唔好nuts。無買錯!)。

是日入赤柱探朋友﹐本想順道到總店買曲奇餅試試﹐怎知終於都是忘記了。後來出到銅鑼灣時記得好像開了新店﹐但不知道在那裡﹐便打電話到舊店問地址﹐好不容易才找到這躲在銅鑼廣場的小小的鋪位﹐不過是有點意想不到的簡陋﹐有點失望。幸好她的曲奇餅沒有令我失望。買了一盒果仁8-mix 的﹐只吃了一塊已叫我愛上了那又鬆化又重牛油香的感覺﹐不過略嫌牛油香完全蓋過了果仁的味道。雖然這麼說﹐但要不是約了朋友晚膳的話﹐一定會吃個不停﹐現在只好節制一下咯﹗後記﹕雖然售貨員姐姐說可以放上一個月﹐但其實開館後3 天感覺已經和新鮮的截然不同﹐不過我亦及時和友人們把它消滅了﹗好味道﹗

專登買黎試.商場唔易搵.搵左好耐.買左4mix同8mix各一4mix: 咖啡味好味到不得了..勁濃咖啡味..牛油味又係勁香..好鬆化好正..提子味有咬口...咁大個女第一次食入口即溶既曲奇..真係好好好好味..8mix:每樣都有果仁..每樣味道唔會十分大分別..口感脆d..味道一流...牛油味同果仁味都好重..個人最鐘意係杏仁味同開心果味..真係一流..8mix雖然貴d..但亦大盒好多..抵食呢到既曲奇係我咁大個女食過最好既曲奇..入口即溶既感覺好正...兩款都各有千秋..一樣咁正..肯定會再買..真係好好味....

我從某雜誌看到Jenny\'s Bakery廣告，一看見獨特的曲奇賣相就喜歡到不得了，決定到赤柱一趟，買了一罐4 Mix同一罐8 Mix，正！最正係提子同咖啡，決定再落order訂購自己喜愛的曲奇，星期三去銅鑼廣場取貨，發現已推出聖誕特別版曲奇，個罐靚到不得了，當然立即購買！<br />好梗要與同事們分享，將美味曲遞到他們面前，靚靚的賣相已把他們迷住，一試之下，個個對曲奇讚不絕口，不消十分鐘，一罐特別版4 Mix曲奇已被吃光！

看某本雜誌介紹Jenny Bakery,再睇埋呢度既食評, 決定今日去買呢試試. 鋪頭個姐姐介紹有8mix 同4mix兩種, 我唔知佢有幾好食(如果好食就買多d), 膽粗粗咁問個姐姐可唔可以買一盒即開, 試過再決定, 個姐姐好nice, 雖然我好阻住佢地個生意, 都一d都唔黑面, 仲俾我在佢鋪頭試. 結果開左罐8mix, 隨手擺一塊入口, 口感鬆化, 極香牛油味,d nut又有咬口, 好食到我忍唔住話:好食呀! 失儀到痺.結果當然勁入貨. 買緊既時候見到後面排緊隊,旺極!