I's Land Cafe (已結業)

今天下午去見客，獨自走到觀塘的工厦吃午飯，上網找尋到一間I's Cafe, 好呀就即管試一試，没想到真的吃出水準!有一種綠草如茵的感覺，坐下待應小姐放下set lunch 的牌，我當然選美國西冷朳伴薯條!餐湯是羅宋湯，真的很足料!又有脆脆麵包，咬下去真香脆!至於西冷朳薯條，用上美国上乖的西冷，我要了8成熟，烤得很香亦把肉汁鎖上，放到口中肉味又香又軟，薯條又粗，亦呈上甘黃色，很有美國的風味!我感冒未清，叫了洋甘菊茶，跟餐祇加二十元，真的很有誠意，不是茶包，而是用上洋甘菊，喝了一口又清又甜又解渴!趁女友不在，我要了一個心太軟，這個心太軟較大，朱古力味很香，也配上了一個朱古力雪糕球，真的很正点!在綠草如茵的餐廳吃午餐，特別舒服，食物水準也不俗，最值得提待應很細心，服務態度很好!

今日我去觀塘行街去到駱駝漆大廈見到個招牌，我抱住一個試新咗嘅心態去試下，上到去點到估唔到工廠大廈裏頭竟然有一間咁靚裝潢嘅咖啡店，入到去見到價錢唔平，但好多人食，我想應該會好食，我叫咗個午餐e牛魔王焗飯，同朱古力咖啡，等咗幾分鐘就有是日餐湯，湯係羅宋湯，個湯好夠味，唔似其他餐廳咁淡茂茂，葉煲得好淋，啲香草包好脆好鬆軟加上，橄欖油番茄醬，非常配合，飲完湯主食到時間剛剛好，牛魔王焗飯其實係一邊係咖哩牛腩牛筋，一邊係黑椒牛仔骨，焗飯唔多，如果好似我咁大食嘅人可能唔夠食，但係味道好味到一個字，正，牛仔骨好有牛味，黑椒汁唔太辣，牛腩人味，牛筋好淋，成個飯都好配合，mocha係本人嘅推介，我本人每日都會飲咖啡，本人對咖啡嘅要求都好高，但佢個mocha飲落比我歡喜嘅咖啡店還要好味，咖啡入口好夠味但唔會太苦，朱古力醬剛剛好唔會搶走咖啡嘅味，但又可以留有朱古力嘅味道，，食完唔太夠飽，所以我叫多個朱古力慕絲蛋糕，朱古力慕絲好滑，淳朱古力醬係面兩者非常配合好好味

今日放假甘系要好好舒下壓，文青一下。去左觀塘的I'S Land Cafe.歎下出名的Cafe，我點左Lunch set，加個甜品，香煎美國頂級西冷拼薯菜，配意式香草包，配羅宋湯，餐飲系泡沫鮮奶朱古力咖啡，甜品系香蕉船，香蕉好甜，同雪糕味好夾，好正。好滿足。看似熟曬的牛扒，一D都唔韌，兩個手巴甘大的西冷牛扒，牛味好濃，好有嚼頭，每一口都會食到牛的原汁原味，小小燒汁，不會蓋過牛原本的味道，配菜薯仔都好正，新鮮薯仔切塊上茄粉炸，出黎效果系外脆內多薯肉，出黎感覺一D都唔油膩膩，好正。好正的羅宋湯，濃濃的牛肉味，各種蔬菜味好濃郁，感覺到良心商家的良心熬製，連埋香草包一齊食好正我無辦法忘懷的Cafe，朱古力味濃，但係又唔會搶左咖啡的味，加左鮮奶增加成杯咖啡的滑度，拉花拉得好靚，證明系下左苦工的，我喜歡咖啡文化，香港人甘忙碌，休息更加需要咖啡文化一下，充下電，再出發。

今日同朋友來到觀塘食午飯，朋友推介一間花花餐廳，環境好像綠洲一樣，令人舒服舒適。 午餐餐牌。 三人行。是日餐湯是羅宋湯。蔬菜份量足料，味道帶點酸甜，配上欖油蕃茄汁香草包，開胃的醬汁味道非常清新。薄薄一片麵包，麵粉香味濃郁。 我的野菌海鮮意大利飯。忌廉味道濃厚突出卻不膩口，飯粒保持咬口，海鮮有蝦、蜆、青口、蟹柳，份量足料。忌廉黏稠度高不稀身，味道濃香惹味，飯粒吸盡醬汁，入口粒粒分明而味道豐富。海鮮沒有雪藏味道。

星期日下午兩點半來到，剛好有下午茶時間，心情大好下午茶泥講，份量都算咁上下；cafe泥講，價格同食品質素成正比。叫左兩個tea set同雪糕窩夫：1）辣肉腸肉醬長通粉，果頭叫完呢頭就到，感覺似係一早煮定一大兜之後盛出來，但味道意想不到又幾好，肉醬味香濃又夠稠，應拌有芝士在內，微辣令整體更野味。2）咖喱炸豬扒蛋包飯，的的骰骰，蛋包飯同咖喱普普通通，豬扒薄片，但脆口得來都有啲肉汁。3）雪糕窩夫可配兩球雪糕，今次選了3.6北海道牛奶雪糕和朱古力雪糕。賣相不俗，但窩夫和雪糕都很漏，而且分量偏小，不值推。4）ice mocha又係細細杯，咖啡的甘苦味突出，不會太甜，口感細滑。個人建議要叫少冰，如果唔係飲到尾會沖淡哂。5) flat white 上面的拉花靚靚淡淡的奶香適合喜歡清淡的人。

今天我和小敏跑到了I's Land Cafe 輕輕鬆鬆嘆一個下午茶，這間是我在旅遊雜誌看到又介紹到的在工廠大厦的一間綠色Cafe !環境綠悠悠的也真夠寫意，我和小敏一定要好好享受此時此刻的時光，所以我們叫了一個英式悠閒下午茶餐!剛好二時半，我們等了廿分鍾，一個漂亮的銀色鳥籠三層英式下午茶出來了!底層是和風鮮蝦沙律伴着忌廉香草田螺酥盒，我很欣賞濃濃的忌廉和清香的田螺很夾也很有口感! 而且和風沙律的蝦很大沙律也十分清香!第二層是扒芝士火煺三火冶很脆，芝士也很香! 煙三文魚配香草多士一絕再加上荷蘭忌廉卷很甜很軟，胃口大開!最後一層是甜品，有着北海道3.6 牛乳的布甸又濃又滑，配上精緻的南瓜芝士餅 !伴着濃濃的洛神花茶和洋甘菊茶，感覺真的很幸福!

難得復活節連續幾日假期，梗係要去周圍行下搵下好野食啦!今次黎到出名多outlet既駱駝漆大廈，行到肚餓就見到呢間餐廳門面望落好細，但一行入去原來別有洞天。餐廳裡面一D都唔細，而且到處都掛住綠色的植物裝飾，配合埋佢採用的木製桌椅，令人一入黎就可以放鬆晒待應安排我同朋友仔到一張窗邊的位子是日餐牌我同朋友仔分別點了E餐及F餐，這裡的set lunch包埋香草包、餐湯及飲品，真係好豐富!這裡的餐包不是配普通的牛油，而是一種自己配製的醬料，吃起來有番茄、酸瓜，酸酸甜甜很開胃牛扒切落唔係太"硬"，而食落都很有肉味煎得剛剛好~~而餐廰選擇的薯條好有口感。再試試這個意大利飯，唔好睇佢好似細細碟，其實用料好足，海鮮同飯既比例差唔多一比一!!醬汁香濃稠稠，真係食唔停口，難怪係呢度既推介之選想特別提提這裡的飲品有日鮮果汁選擇，是日精選是蘋果汁!!這杯鮮製果汁十分解渴，幫行左半日既我地補番好多能量(果汁內仲有果肉tim!)就咁食set lunch 邊度夠架! 梗係要叫埋甜品啦!我同朋友仔就一人叫左一個，分別係心太軟同埋抹茶芝士蛋糕先講講心太軟，在熱辣辣的朱古力皮上"吉一吉"，濃郁的朱古力就慢慢流出黎朱古力味好

現在cafe餐廳開設在觀塘工廈，變得很熱鬧，這幾天假期我都是在觀塘「搵食」，因為平時較少到這區。門口已看到綠色草原的裝潢，走進去會是森林和原野嗎？ 內裡是木系為主的裝潢，上面懸掛一條條樹葉的裝飾，感覺幾寫意。 開放式廚房，一個人可選擇坐吧檯慢慢嘆。 劃分了幾個區域，前面更有紅葉裝飾。 更深處還有綠悠悠的佈置，開party的確一流！ 熱水果茶自行加入百香果果醬，味道芳香清甜，而茶味不會澀。 Cappuccino （榛子味）輕輕的榛子香味，咖啡味適中。 卡邦尼雜菌意粉 $88卡邦尼醬汁濃而不膩，醬汁份量多點更好，而蘑菇、煙肉配肉頗豐富，如果意粉質地較腮身更合我口味。 牛肝菌焗殼飼豬扒飯 $78表面有一層濃厚的芝士，跟飯一齊吃很滋味，內裡滲出陣陣的牛肝菌香味，而豬扒肉質相當鬆化。 在這裡可以嘆美食、看看雜誌、跟朋友談談，假期很快就過去了。

現在觀塘區工廈內的食肆越來越多''*質素亦很不錯, 所以星期日的晚上我就黎到呢度搵食啦!!呢間係位於駱駝漆一期的 I's Land Cafe裝潢都以綠悠悠的叢林為主~~內裡地方蠻大的, 台與台之間十分闊落；而且所有裝飾都以花花草草, 令人感覺置身於石屎中的叢林!!!環境及坐位都十分舒適"*晚上設有 Dinner Set, 都有成 7款可以選擇~~價錢由百多元到二百多左右, 每個套餐都包是日餐湯及飲品"*當天的餐湯是羅宋湯~~~更附有很香脆的牛油蒜蓉包!!!我地仲加左 HK$15 升級, ORDER 左梳打特飲~~左邊個杯係 "綠精靈", 入面有奇異果, 桃及提子混合而成；右邊既就係 "薔薇", 用左草莓, 玫瑰及薄荷!!!另外仲點左幾款小食：法式香煎鵝肝 (HK$48)又厚又大片既鵝肝, 煎得香口而內裡嫩滑；咬落去是半腍的狀態, 可惜未能做到入口即溶!!但以這價錢來說已經很不錯~~~水牛城雞翼 (HK$48)美國很出名的煮法, 味道酸酸甜甜的很惹味；醬汁香濃, 食完真係想再食多隻!!!忌廉芝士焗海鮮薯蓉 (HK$58)薯蓉十分軟滑, 加上忌廉芝士絕對是 perfect match；而面

而家工廠區愈開愈多餐廳 呢間係我朋友係呢頭返工 成日黎 佢話坐得好舒服 叫我黎試下 呢間鋪好大 d野都好靚 呢到好大 好多坐位 晏就黎都唔洗驚排隊 係觀塘返工既人就知 一到lunch時間 邊到都冇位 真係好慘🙈 呢到樓底都算幾高 主要以木同樹葉作裝潢 充滿大自然氣息 坐落去感覺好舒服 起碼唔會好似趕頭趕命食餐飯既感覺佢播既音樂都係好田園氣氛既純音樂 聽住黎食野個人都放鬆好多咁岩我黎到兩點二十分 仲有午餐同下午茶簡 不過我真係太肚餓 所以都係食午餐 哈哈 我就同我朋友兩個share食 可以試多一樣😁 呢個係雜菜湯 係佢跟餐送 蔬菜 薯仔份量都好多 好豐富 飲到清清的蔬菜香味 唔會太酸太甜 番茄味較重 好岩飯前食好開胃 卡邦尼雜菌意大利粉 佢入面超多材料 有煙肉 蛋黃 菇菌 洋蔥 全部都炒得好香再加入去 所以味道較出 而佢既汁係忌廉加蛋黃漿 唔同一般得忌廉汁 唔會好甜好膩 佢呢隻仲食落去有啖啖蛋黃香 佢既都比較乾身再沾上佢既汁黎食岩岩好 唔會太膩 份量都岩岩好 香草醬海鮮燴意大利飯 意大利飯軟屬得黎 飯心仲係保持咬口 佢既香草味道濃香不會太膩 菌粒都

因為之前有好多blog 同magazines都介紹觀塘,今日特登嚟呢區試下係咪真係咁正! 本身冇諗過去邊間, 由於今日公眾假期有好多冇開, 跟住open rice排行榜一定唔會餓親嘅...環境:好舒適, 夠spacious, 怖置有一種綠悠悠田園feel, 有d書架放咗雜誌, 令你覺得可以喺到hea的餐廳。service:似乎有好多receptionist, 有幾個問過我地有冇訂枱, 可能地方大佢地又分區, 最後有個話得事嘅同我地話2點鈡要還枱(都有2個鐘食)。亦可能佢地有d part time未清楚運作, 有d嘢要問黎問去。張單好似未有加一。食物:焗豬扒飯-本人覺得d肉'嗱'得太勁, 不過個汁好濃, 分量有d細。short ribs risotto-舊ribs 有d'酥', 個意大利飯過重港式白汁味。咖啡-一般啦, 咖啡味稍輕。味道呢d嘢好personal, 我對午餐有d失望, 但可能佢嘅afternoon tea有surprise...

之前已經來過吃一次，深深地被這裡的美味午餐吸引了，也令我這麼快又再一次光臨。意式焗雞排飯焗飯用上炒飯底，味道香口不單調，雞蛋增加口感和味道。茄味濃郁突出，卻不會過酸過甜，伴飯一流。雞排軟腍入味，肉質嫩滑，外層微脆保持咬口。出色的焗飯，性價比高。煙鴨胸蜜桃薯仔沙律沙律伴上他他醬。煙鴨胸軟腍，咸香味道適中不會過有煙燻味道，肉質爽口中軟腍，不會太鞋口。薯仔份量多，而薯味天然，口感鬆化不會太硬。欣賞當中蔬菜的爽脆，翠綠帶有水份，非常新鮮。午餐加錢可轉飲其他飲品，桃味冰沙。桃味很清很香，飲得出不是單單的水果糖漿，而真的是有桃在當中。冰量十分足夠，不快點飲會滿瀉。味道清甜香，甜而不膩。

朋友見過我上次黎I'sland既食物相一直叫我帶佢黎 終於有個唔使OT既星期五上黎放鬆下未放工已經開始諗住要飲蘑菇湯 碗湯有好多打碎既蘑菇 好濃好creamy 熱辣辣好暖身 上次黎食沙律嫌佢太多醬 今次冇特別要求但佢竟然已經轉左沙律同醬分開上!!!!!! 好滾動😭 自己控制醬既份量 更健康更清新❤️ 巴馬火腿白酒芝士釀大啡菇 - 依個上枱好香 要趁熱食 厚厚一層芝士同多汁既大啡菇好夾忌廉芝士焗海鮮薯蓉 - 上次黎食d main dish伴碟既薯蓉好正 今次見到薯蓉既dish點可以唔食 果然冇令我失望 薯蓉依舊好滑 加上拉到絲既芝士更食停唔到口 海鮮都唔媽夫 份量好多洛神花茶 - 好貼心用蠟燭熱住 慢慢飲都唔會凍左 玻璃壺入面係滿滿既洛神花 飲落酸酸地 好有養生既感覺~今日唔係好餓淨係嗌幾款小食 同朋友傾傾下坐到十一點幾 依度好舒服好relax 岩晒避世(做左最後一枱走 好彩啲staff仲好nice仲叫我地慢慢著好褸先😊)

早前在Facebook看到友人介紹， 看到照片後一直計劃要到訪一次，這次藉著禮拜五的晚上決定跟女友人來個文青Girls' Night😊晚餐set menu的選擇偏向肉食(笑)，喜歡輕食的女孩可以選擇左邊"Snack" 中的沙律。經過一天工作的洗禮，我跟友人當然要來點大魚大肉慶祝周末的來臨啦😆時日餐湯是蘑菇忌廉湯 - 常見的餐湯但I's Land的忌廉湯讓我有點驚喜。非常濃郁的蘑菇香味，厚度剛好，配上剛烤好的蒜蓉法包😍😍😍 一開始便留下非常好的印象呢。西班牙黑豚肉併赤蝦 - 剛從西班牙回來，所以對黑毛豬念念不忘😂 豬排厚度夠，肉質鮮嫩，最重要是汁!汁!汁! (重要的事情說三次) 雖然我不知道菜式的汁是什麼名堂，但豬肉配上汁真的讓人停不了大大力推薦這個!我們還點了A5和牛排 - 和牛排的原度雖然不算厚，但勝在肉質好 最近因為肚子不適，和牛排叫廚房準備了well done。可是正常來說和牛還是要吃medium rare啊~~~~ 有點可惜呢我們還點了客生蠔，88元4件，性價比非常高~ 只是點餐到送上來過程漫長，差點忘記自己還點了這個...😅很喜歡餐廳的水果梳打~ 甜度剛好，份量又夠，一邊飲，

一日之計在於晨，過了中午覺頭暈。一年之計在於春，夏眠秋遊冬過年。一生之計在於壯，思前想後待墓葬。一念生時一念滅，天堂地獄誰關切。早上六時起床，快快整理裝身出門口，排隊乘巴士，再兜兜轉轉的返到工作地點，又快快的食個“豐富”早餐便進入工作狀態。而早餐“豐富”得嚟要簡單，有營養，易入口，覺得飽，傾倒泥頭噤快就填滿嗰肚。這是大多數年青上班簇及同學們的心聲。他們將時間安排，盡用了每分每秒，當過程中偶然失誤，責任永不在自身之上，例如：道路上有車輛發生意外造成阻塞，就是司機的錯；鐵路列車延誤，就是鐵路管理的錯。人生忙碌或是悠閒，真是難分難解，又似手足情深。而五十歲的我，正在學習“慢活”這課題。它是一種行為或是社會的趨勢，它提倡不重物質不瘋狂迷戀品牌，它強調工作與生活的平衡，它要求實現個人價值及人生目標。今天來一次偷得浮生半日閑的假期，由小親親帶到觀塘工業區，其中一幢人流十分繁忙的工厦內，一家有花園感的餐廳< lSLAND CAFE >。此刻店内部份位置不開放，但餘下的座位已滿七成，原因它的下午茶十分特式，價格可算合理，而餐枱旁又有不同種類書籍給客人消磨時間之用，是繁忙中鬆一鬆的好地方