影片
朋友介绍我食呢一间雪糕，本来谂住去试雪糕，点知老板好热情，不停叫我地试曲奇饼，最后忍唔住买咗一罐细的＄80有六种味嘅曲奇饼个铁罐包装好精美，食完仲可以循环再用。曲奇俾你落咗口味包括earl grey，果仁，绿茶，朱古力，芝麻……等。拎到返屋企嘅时候，妈咪一试就赞不绝口，佢话唔单只系松化咁简单，系真材实料嘅感觉，要用足料嘅牛油，仲要系心机，先会做到嘅。好友home made 嘅感觉。个人好钟意earl grey 口味，因为食完之后有after taste，个口入边仲有阵阵嘅茶味。推介俾青衣嘅朋友。
继续阅读
住喺青衣多年，都唔察觉有呢一间咁充满人情味嘅小店。有一日，同事试过之后，返到公司同我地大力推介，所以令我好想一试。佢嘅位置一啲都唔显眼，喺美景花园最角落头嘅一间铺头，不过远处你都见到佢有一个好大嘅立体雪糕灯箱摆喺门口，所以唔会认错门口嘅黑板上面挂上彩色嘅彩色吊灯，非常吸引。入边地方唔大，有两张座椅，白色嘅墙上贴满左唔同嘅甜品照片。前方有一个蛋糕柜，蛋糕整齐咁样排列在柜入边，可能系接近关门嘅时间，所以款式剩下不多。店员好细心咁样介绍各式蛋糕，最欣赏佢哋嘅蛋糕有低糖嘅选择，虽然都系好甜，都会令你致肥，但系低糖总会令你食得安心。件装蛋糕以独立包装，感觉好卫生，卖相不错。正在犹豫之际，店员推介一个咖啡朱古力低糖蛋糕，可能系就快关门嘅关系，以特惠价卖给我。作为一个消费者，老板话特价卖俾你，双眼立即发光，又听到系低糖嘅关系，即刻立即要咗最后一个蛋糕。返到屋企试食一下，已隔了一晚，咖啡味系非常香浓，忌廉唔算特别香滑，但也不俗，海绵蛋糕底口感尚算不错，绵密软熟，朱古力嘅部份不算太甜。整体感觉不俗，蛋糕的大小适中，好适合二人份量，或小家庭浅尝一口甜品。顺带一提老板好热情，仲送咗一杯雪糕俾我试味，不过个人觉得软雪糕尚有进步空间，朱古力味都几香浓，但唔够滑啊
继续阅读