影片
//初心 //3𩠌面($48)初心又系小编其中一间成日食嘅车仔面档🍜简直系小编同同学嘅饭堂我最中意食嘅𩠌就系鸡翼鸡球鱼蛋鸡髀菇猪耳猪软骨等等..真系好多野都好食😂😂今次叫嘅系鸡翼鸡球同埋鱼蛋酸辣汤米线鸡翼就肉质好滑嫩亦都好够味 骨肉亦都好容易分离而鸡球食得出系生炸鸡球个粉唔会好厚而个鸡皮亦都脆卜卜十分惹味必点！！！而鱼蛋就系普普通通叫货嘅鱼蛋，但小编就唔知点解好钟意食😂😂加上佢环境同埋卫生程度会比之前食两间车仔面干净上菜速度亦都超级快店员亦都友善虽然美景美食林立 但我最推荐嘅都系呢间初心评分(五星为满分)⭐️⭐️⭐️⭐️⭐️初心 (青衣)青衣细山路2-16号美景花园8座地下35号舖大家有咩想小编去试食或者想推荐小编去食嘅不妨留言或者DM小编推荐俾我啊🫶🏻🫶🏻🫶🏻🫶🏻 最紧要记住like👍🏻同埋share比朋友知青衣原来有间咁正嘅车仔面铺头 😎📢
继续阅读
今日(20-8-2022 Sat)同老公特登去青衣涌美村老屋村嘅旧饼舖大欢喜饼家(https://www.openrice.com/zh/hongkong/r-%E5%A4%A7%E6%AD%A1%E5%96%9C%E9%A4%85%E5%AE%B6-%E9%9D%92%E8%A1%A3-%E6%B8%AF%E5%BC%8F-%E9%BA%B5%E5%8C%85%E5%BA%97-r22442)买传统特色月饼,买完啱啱开始肚饿,去揾嘢食先,呢条村有唔少食肆,包括食过两次嘅华记车仔面(上次食评系2020年11月13日刊登嘅呢篇: https://www.openrice.com/zh/hongkong/review/%E7%AC%AC3088%E7%AF%87%E9%A3%9F%E8%A9%95-%E8%A6%81%E6%97%A9%E5%95%B2%E5%9A%9F-e3862947),但又唔想再食,而夜晚又book咗校长烧肉食放题要留肚,咁search吓青衣重有冇车仔面食,最后search到呢间,而咁啱,喺涌美村老屋村嘅巴士站有巴士可直达,于是决定嚟.我哋嚟到,接近lunch 嘅peak hour,都重有位嘅,我哋睇完menu后,老公就要咗$48.00嘅初心XO酱香葱叉烧捞面配温泉蛋,要米线.我就要咗$43.00嘅两𩠌面,要咗向铃同炸鱼肉腐皮卷,要猪骨汤配红薯粉同两罐汽水.我先食我嘅两𩠌面,两个𩠌都系分开上,猪骨汤好热同够味,连芫茜味都好浓,红薯粉正常烟韧;向铃都正常冇问题;炸鱼肉腐皮卷外面好脆口,味道亦正常.味道:4.25分而初心XO酱香葱叉烧捞米线配温泉蛋呢?老公食咗一半到我食,我食到辣味,啊,唔记得有XO酱添,呢个味道有啲复杂,瘦叉烧几厚但唔干柴,反而弹牙,好正,可惜嘅系佢本身蜜味唔够,定被XO酱香葱炸蒜味盖晒,嘥晒;软腍腍嘅米线吸晒啲蛋汁好滑.味道:3.65分抵食系2.8分
继续阅读
咁多年黎只去过青衣两三次, 并不是我平日的活动范围, 放假行街🛍食饭都唔会念起佢, 最近因为朋友住系度探佢既关系黎左两次, 第一次去左食意乐餐厅, 意外地觉得质素不错, 食物温度够, 肉质也嫩滑JUICY, 调味刚刚好。最加分系隔离有个儿童游乐场🛝, 啱晒一家大细去食饭然后轮流陪小朋友出去玩下, 我觉得可以将青衣呢间意乐想像成好似一间亲子餐厅咁。长沙湾都有一间意乐, 去过一两次就没有想再帮衬的意欲。今晚再黎到青衣, 拣左呢间全是好评的小店。我地嗌左一碗鲜虾🦐炸云吞, 厚切午餐肉红薯粉猪骨汤, 一碗柱侯金钱肚, 蜜汁叉烧, 酥炸鸡球米线酸辣汤小辣, 甜酸斋, 可乐🥤同豆浆。汤底不错, 味浓, 无偷工减料。𩠌方面除左蜜汁叉烧麻麻地其他都好味。叉烧肉质有点干同有轻微雪藏味。柱侯金钱肚惹味又入味。酥炸鸡球炸得香口有肉汁。厚切午餐肉来货也是有质素, 之前食过一间系大窝口叫楼下冰室既午餐肉就好难食, 肉质干硬味道又怪。甜酸斋要赞, 食车仔面我时不时都会叫甜酸斋, 呢间系我食过最好味, 酸甜味道足, 唔会话偏重⚖️一边, 最重要系面筋入口软滑, 系我最钟意既口感。鲜虾炸云吞我认为是必点, 虾肉新鲜弹牙云吞皮炸得酥脆。最后, 豆浆质素就有待改进, 沟得太多水。我觉得初心比起好多出名的车仔面还要好味, 如果我住附近, 会不断ENCORE佢地既甜酸斋, 酥炸鸡球同鲜虾炸云吞。
继续阅读
山上朋友介绍来食，果然唔错，抵我住青衣山脚都转车来食。食左酸辣汤底，中辣，薯粉，3𩠌：炸鸡球、酱油鸡髀菇、卤大肠。汤底真系够酸，不过唔够辣，而家用食开谭仔三哥经验来说，初心个汤底无咁油。炸鸡球正常发挥，算大粒，炸得够喉。酱油鸡髀菇好好食，份量唔少有几片。卤水大肠，好入味，都算大方份量唔少！出面好多地方求其剪三旧就算。另外仲叫左小食，鸡肉长春卷，好食呀卜卜脆唔油唔浓味，但食得到啖啖肉。值得再返黎食👍🏻👍🏻下次想试米线，手工饺！
继续阅读
我自己一星期最少都帮趁2次。味道冇之前𠮶手咁好，但员工一直都好好礼貌，食物都有进步。所以我全家都成日帮趁。今日因为好忙好忙，写咗张纸仔，叫工人姐姐（佢唔识中文）帮手落去买外卖。姐姐打来话职员俾左张外卖纸要佢剔。于是我打电话去，我话唔好意思，姐姐唔识中文。阿姐话我张纸乜都冇写，又冇写饮品又冇写要咩面。我话，我写咗第一碗走饮品，第二碗要可乐。个阿姐话：你冇写要咩面，所以叫姐姐拎张纸上去俾你圈，你明唔明啊？跟住我就火都来，我话：我梗系明啦。面我想要米线。（的确系写漏咗呢样，其他资料都齐）跟住佢继续坚持要我姐姐拎返上去俾我圈。我问咁可唔可以电话落单呢？阿姐提高声线话：梗系可以啦！当然可以啦！你要咩啊？态度何其串。于是我cut左线。我连走餐具都写埋，只系写漏咗要咩面，已经电话补充返，何必坚持要我圈返或电话口讲多一次？但呢啲都唔紧要，你可能有你哋规距，但有必要态度咁差咩？之前疫情头半年你地拍哂乌蝇，我帮趁咗好多好多腐。而家客多返就变脸？我知老板（叔叔）好好人，但唔好意思，我唔会再帮衬。嬲！
继续阅读