INN - I’m Not Nothing (裕民坊YM²)

营业中

休息中

呢排工作好辛勞，當然要用美食獎勵自己！今日去左INN - I’m Not Nothing食午餐☺️1.餐湯今日係南瓜湯，好creamy，南瓜甜味之中帶點奶香。😋2.香煎焗厚切豬肉眼配蕃茄沙沙 ($128)豬肉眼果然夠厚切！啖啖肉！算易咬！薯蓉好濃稠，有薯蓉粒粒既口感，份量又多，夠飽肚！蕃茄沙沙好新鮮開胃！3.士多啤梨藍莓奶昔 (跟餐可半價=$24)賣相非常好！😍士多啤梨藍莓奶昔足料、夠味，好fresh!好滿足☺️

觀塘凱匯樓下的商場食肆臨立早已成為區內熱門開飯點其中最出名的打卡餐廳非INN莫屬餐廳走歐陸宮廷風 還有室外花園區很適合吃飯之餘拍拍美照晚市全單點沒有套餐 但價錢都合理香煎鵝肝巴馬火腿扁意粉鵝肝和巴馬火腿 兩種香味出奇地夾煎得香脆的鵝肝內裡軟滑 醬汁用蕃茄和紅椒煮成 中和了鵝肝的油膩感紐西蘭肉眼扒配火箭菜沙律肉眼扒有十安士 份量頗大 配焗蒜頭同吃好香口火箭菜加了意大利醋夠開胃香蕉榛子朱古力班戟配雪糕法式班戟餅皮有彈性 加了大量榛子醬還有香蕉士多啤梨椰子脆片 非常豐富好味 必吃

裝修有心思，環境好啱打卡，整體都好靚，好Grand!👍🏻我Lunch 12:30鬆啲去，基本上已經滿座，1點幾Outdoor位置都坐滿人。🌟南瓜湯足料，好似食到落左小小蕃茄嘅酸味🌟維他命C水果茶，唔係用茶包，夠濃，有誠意🌟Chocolate banana smoothie 薄荷味好出，個人麻麻薄荷，但如果你鍾意，可能都啱你口味🌟紅酒燴羊膝Risotto 有心機嘅菜式，羊同Risotto夾埋食，濕潤度剛剛好，羊騷味唔大，可接受範圍。Risotto 面仲有小小芝士碎，食得出係好食嘅cheese，唔hea。Risotto裏面加左意大利青、黃瓜一齊煮，抵讚👍🏻🌟炸洋蔥圈澳洲和牛漢堡驚喜Burger用咗朱仔包，好脆，唔會比啲醬同肉汁整淋左個包，食到最後都仲係脆！牛肉漢堡好夠味，記得一定要襯熱食！炸洋蔥圈完全highlight咗個burger，增添脆感，係perfect match的點綴，要讚👍🏻生菜同蕃茄都好新鮮，食落sopsop聲👍🏻呢個Burger係我高度推介❤️總括嚟講，真心feel到呢間餐廳係用料、煮法、材料配搭、味道，甚至乎環境裝修上都真係用咗好多心思。整體係抵讚，亦會想再Encore☺️

想黎好耐嘅打卡Cafe😍之前成日經過，都覺得環境好靚，不過成日都好多人排隊，今日平日晚上，終於俾我等到黎呢間餐廳喇！佢可以俾你揀坐室內或者戶外，日頭就建議大家可以試吓坐戶外，但今次黎係夜晚，又比較熱🤣就選擇左坐室內😂入邊嘅環境真係好宮廷風，華麗得黎好舒服，好適合三五知己一齊chill下傾下計。我哋今次叫咗一個香煎北海道刺身級帶子羅勒醬意粉，一上到檯已經聞到好香，食落去亦都好好味😋😋帶子好新鮮又大粒，意粉亦好咬口，好有手工意粉嘅感覺，睇番原來係意大利全蛋鮮幼面，唔怪得同出邊嘅意粉唔一樣😍之後仲叫咗份豬手，都係好香，層皮都好脆，整體味道係好食嘅👍🏻食完晚飯當然要食甜品啦～見佢有個好得意嘅期間限定士多啤梨爆谷忌廉紫薯班戟，班戟好軟熟，因為個餡係紫薯，所以唔會太甜，就算加埋cream又唔會太膩，配埋酸酸地嘅士多啤梨🍓為呢餐晚餐畫上完美句號😋😋

朋友生日所以帶左佢去e間餐廳打下卡🤗食下好野😏餐廳裝修好英倫風😍有西式嘅雕像裝飾😆餐椅同餐桌都別緻🤓睇下餐牌入面都有不同嘅前菜，西式main course，甜品仲有飲品😋🌸白酒忌廉煮法國鮮藍青口配法包滿滿嘅藍青口用白酒同忌廉煮好，味道有香香嘅鮮味😍法包沾上少少白酒忌廉醬汁，口感同味道都豐富🤤🌸紅酒燴牛面頰肉意大利飯牛面頰煮得好腍，味道帶芳馥嘅紅酒味，意大利飯煮得岩岩好，口感唔錯🥰🌸香蕉榛子朱古力忌廉班戟+雲厘嗱雪糕班戟岩岩煮好，熱辣辣🤓入面有香濃嘅朱古力榛子醬🥰甜品控必點嘅項品之一，上面有士多啤梨🍓同香蕉🍌，椰絲感覺好fresh ，口感有層次👍🏻🌸士多啤梨藍莓奶昔最後緊係要同朋友飲返杯慶祝下，奶昔感覺唔算太cream ，覺得適中岩岩好，我覺得水果味比重較多😆好鐘意🥰夠消暑👍🏻

這間Cafe食物整體質素不過不失不過卻是閨蜜約會的打卡好去處！優雅的法式裝潢設計 充滿著滿滿的少女心啊～平日晚上室內去都幾乎滿座 記得記得要訂座炸拉絲芝士條熱辣辣超邪惡的拉絲芝士條，必點小食！意大利煙豬肉卡邦尼意粉香濃芝士配上煎得香口的煙肉及蘑菇，整體吃上去不算太膩，Share食剛剛好～芥末籽蜜糖焗美國頂級豬鞍架外皮煎得微香，肉質多汁但略嫌不夠嫩滑，反而配菜粟米幾甜⍢⧐炸拉絲芝士條 $68意大利煙豬肉卡邦尼意粉 $118芥末籽蜜糖焗美國頂級豬鞍架 $208𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡/5⧐INN - I’m Not Nothing @inn.imnotnothing 📍觀塘協和街33號裕民坊YM² 2樓205號舖#foodiegoodie_kwuntong

過左裕民坊新商場搵食，係2樓的#I'm Not Nothing 勁多的花花和花花的佈置，感覺超有格調，無論室內同外的佈置都很華麗，打卡認真一流👍。芝士藍龍蝦🦞配墨汁意大利飯，龍蝦味超香，用上芝士忌廉一齊焗，超級香濃，一上枱就聞🦞。而墨魚飯嘅份量雖然唔算好多，但係墨汁味濃，飯煙韌好有咬口😋。香煎北海道帶子羅勒醬意粉🍝(意大利全蛋鮮幼麵)，轉了比較喜歡的意大利粉，有3隻大大隻鮮甜的帶子，煎得外熱內微暖，羅勒醬味好出，唔會覺得油膩，幾好食😋。Espresso ☕️，超濃縮很濃厚，老友至愛。但晚上飲唔知佢今晚仲訓唔訓得着呢🫣。

裕民坊係觀塘新地標，泊車個陣可能難揾到停車場🅿️行行下街，覺得呢間餐廳好靚😍係繁榮嘅城市中，有種與別不同嘅感覺，勁grand嘅歐洲宮殿風，令人好似有種旅行🧳嘅感覺✈️重點係望過餐牌先，價錢適宜，又唔貴，又chill，又高質🤩秋冬天氣涼啲，可以坐户外，朋友相聚嘅餐廳🍴👍🏻紅酒🍷燴牛肉面頰意大利飯🇮🇹呢個岀色，加有驚喜首先，牛肉份量都幾多，而且炆得十分冧，牛肉處理得好好👍🏻而且意大利飯有咬口，真係不錯嘅配搭焗蒜蒜牛油虎蝦配澳洲牛柳6安士$258呢個價錢，呢個質素，絕對係唔錯配搭一件牛油🧈焗餅之類，不過感覺偏油膩唔食呢件會好d但有少量菜，中和肥膩感Pancake 🥞 即叫即整

今日難得放假，諗住帶媽媽嘆下個chill lunch , 行過觀塘見到新裝修無耐既裕文坊，就決定同媽媽入去行下，經過呢間餐廳門口，已經俾出邊既小花園吸引，於是我哋就入去就坐，當時未算係最繁忙既午餐時間，門口無人排隊，但餐廳入邊都差唔多滿座，一坐低見到個menu，好得意啊，menu既選擇都好多，樣樣都好想食！千揀萬揀，我哋揀左set lunch，都好好味😋🌸英式炸魚聊配薯條🌸香煎焗厚切豬肉眼配蕃茄莎莎🌸健康水果花茶🌸coffee 每碟食物既份量都好多，但好味到食曬😋媽媽都表示滿意🫶🏻

Wait time: we went there on a Wednesday night 6pm, no need to wait haha Environment: the place is cozy, very girlie and elegant design. Love the intimate dining environment. We ate at the indoor section this time. I’m sure the outside section dining experience is just as good if not better.Food: we ordered a pan-seared scallops egg pasta dishes, a ribeye steak and the black truffle fries. The pasta dish is quite impressive as it’s quite rare to taste pasta that is so “al dente”, it’s like eating

香蕉榛子朱古力忌廉班戟（$78)賣相：🐧🐧🐧🐧味道：🐧🐧🐧🐧🐧班戟上佈置了香蕉片、士多啤梨、忌廉等作裝飾，擺盤頗為美觀吸引。味道方面，班戟配合充足的朱古力醬料，朱古力味道濃厚香醇，微苦偏甘。班戟皮口感軟熟柔嫩，有一定厚度質感頗佳，加上班戟內裡佈滿香蕉片，令人啖啖滿足，而且非常飽肚。士多啤梨、香蕉片都十分新鮮，爽甜清新。士多啤梨藍莓奶昔（$24)賣相：🐧🐧🐧味道：🐧🐧🐧奶昔以普通玻璃杯盛載，表面以唧忌廉作點綴，賣相一般。味道方面，奶昔奶味不算濃郁，士多啤梨、藍莓味均頗為突出，酸中帶甜，十分清新開胃，配搭甜點剛好可解甜膩。候座時間：🐧🐧🐧🐧🐧在平日下午2點幾來訪，能即時入座，無需排隊輪候。候餐時間：🐧🐧🐧🐧奶昔約需時10分鐘製好，班戟則需時15分鐘。環境：🐧🐧🐧🐧🐧餐廳裝飾精美細緻，四處佈滿小花、白色雕塑、華麗燈飾，打卡影相一流。門口有個人風格甚濃的畫作裝飾，美觀見人見智，個人則覺得與餐廳的華麗法國風有點格格不入🙈餐廳有分室內和室外座，可按喜好選擇。服務：🐧🐧服務員態度、回應速度一般。在不算繁忙的情況下，依然有漏單的情況，令人頗為失望。P.S.1. 餐廳設有加一服務費P.S.2. 在繁忙時

裕民坊重建後開了不少食店，今晚去試左其中一間純白色牆壁，英式枱櫈，6點入去，暫時無咩人，可以打住卡先未見套餐，所以2個人單點了2個主菜同1個小食先上枱嘅係黑松露醬配香脆薯條$68真係炸得好香脆，薯條面頭灑了紫菜同芝士粉，配埋黑松露醬，食到停唔到口，好適合同朋友約會，叫返一碟，慢慢一路傾計一路食值得一讚係男侍應十分細心，見我地就快點完兜醬，主動再送上一兜👍🏻香煎北海道刺身級帶子羅勒醬意粉$178用上鮮製的全蛋麵，有別於一般的意粉，幾特別，亦算掛汁。帶子煎得兩面金黃、香、嫩，仲有少少帶子刺身的口感！紐西蘭肉眼扒10oz配香草牛油火煎菜黑醋沙律$228我們點了medium rare，火喉控制得不錯，切開入面粉紅色，但唔會流出過多嘅血水配上黑醋嘅火煎菜亦十分開胃走嘅時候大約7:30，室內開始滿座，唔想排隊walk in，最好早一點入座埋單加埋一，兩個人$520多，以打卡店加食得飽、味道又唔錯黎講，值得一試

去到二想不到地方細，而且都啲枱同櫈都好迫，坐得唔舒服。食物尤如茶餐廳質素，飲品就好好多。因為同隔離枱超近，隨時可以加自己意見都無人懷疑係唔識，haha🤣而且勁多大媽食tea 好似大陸咁，好多人係個signature backdrop 附近，跟本好難影到靚相。我同朋友食late lunch 3點開始等到5點半先叫做小啲人可以影相，最後6pm 請我地埋單離開，有禮貌又唔限時， 唔錯。出面open area 見到就驚，係商場嘅行人必經走廊黎，100%一定熱死，而且係低層對正樓景真心唔ok囉

今日同事👫話觀塘裕民坊有好野食😋，叫我試下，我當然唔會錯過，趁住放lunch近近地行去試下。真係估唔到個環境咁靚，咁舒服，係鬧市入面有咁既環境真係好正。Lunch都幾多人，不過係門口等左陣就入得去，店員好好禮貌，俾左個lunch set menu我地揀，都幾多選擇。話咁快就上左菜。紅酒🍾燴羊膝🐑配意大利🇮🇹飯：羊扒食得多，羊膝🐑真係未食過，而且唔係度度有得食，上到枱發覺原來都幾大隻，都驚食唔晒。羊膝原來咁好食，一d都唔韌，啖啖肉，配埋番茄意大利飯，都幾match，都開胃，最重要係打卡一流。香煎焗厚切豬肉🐷眼配番茄🍅沙沙：點解叫豬扒🐷，因為食厚豬扒就知廚師功力，厚豬扒估唔到焗得剛剛好，咁厚都保持到又嫩又多肉汁。依度真係好抵食，個餐包埋餐湯（南瓜湯）仲包埋杯野飲，over$28用半價就可以飲到其他選擇香蕉🍌朱古力🍫奶昔：香蕉🍌味好濃同朱古力🍫好夾Long black☕：依杯朋友叫，佢鍾意飲開dry☕啡，話好高水準，不過我唔識欣賞。總結：鬧市中有咁既環境，有咁既質素既西餐真係好少有，環境好靚又舒服，打卡又靚🥰。

-🔸香煎焗厚切豬肉眼配蕃茄沙沙 $128🔸炸洋蔥圈澳洲和牛漢堡配沙律薯條 $118🔸夏日薄荷西瓜冰 +$24🔸西柚檸檬梳打 +$23-放假同男朋友去搵間cafe食lunch順便飲吓嘢chill吓，依間裝修得好靚嘅INN就最啱喇，環境同食物都一樣好igable！午餐選擇好多，揀咗一份burger同一份豬扒開心share。豬扒好厚切得嚟食落juicy唔乾柴，配蕃茄莎莎口感清新。Burger一上枱就嚇親，炸洋蔥圈疊起四層，係絕對一口咬唔晒嘅高度，賣相超吸睛！和牛漢堡夠juicy，配熱溶芝士、新鮮嘅生菜蕃茄、仲有千島醬係絕配，再加埋酥脆嘅炸洋蔥圈，邪惡得嚟又好正XD 夏日炎炎再飲埋清涼特飲，簡直消暑解渴！