INN - I’m Not Nothing (裕民坊YM²)

营业中

休息中

🌟今日朋友話帶我去觀塘YM食好嘢，觀塘YM商場環境好靚，餐廳位置好開揚，花海門口好吸引眼球，心情好興奮搵位。***** ***** ***** ***** ***** 晚市餐牌上有好多選擇先上南瓜🎃餐湯，賣相好靚，好啱影相打卡，味道亦好香濃。蕃茄牛面頰肉意大利飯意大利飯軟硬適中帶點creamy, 每粒都滲入蕃茄醬都味道，牛面頰肉質軟腍，好好食。法式油封鴨脾配本酒蘋果蘋果用甜甜哋好特別，鴨脾第一次試，軟綿綿肉質, 烤汁很豐富口感，使每一口鴨脾都很回香。

琴日去左呢間餐廳食飯 落單之後等左一陣就上左焗蠔同訂座送嘅薯條 之後等左差唔多1個鐘 (中間有催過) 份牛先上到 再過多1分鐘另一個職員就行過黎話 我地last order仲有無其他野要 我忍唔住 即刻講左聲 你地連我叫嘅主食都未上齊 個職員好好即刻幫我催廚房 但都要再等10幾分鐘先上個意粉 個餐牌寫用餐限時90分鐘 60分鐘都係等緊份主食 你係想我地30分鐘內食完埋單走人？ 其實本身等左咁耐都算 但個職員一埋黎同我講last order 即刻焫着咗個火😆 雖然個位職員好有禮貌咁問 但個刻真係忍唔到 (同埋坐左一個鐘 我地食住薯條已經飲左大半枝紅酒~ 講返啲嘢食 最好食係個送嘅薯條 夠脆又香口 但其他食物全部都唔得 份肉眼叫左Medium 無overcook嘅 但真係好多筋 咬唔開 切都難切得開😂 個意粉簡直係我食過最難食嘅意粉 先唔好講個汁 淨係啲意粉都不知所謂 明明都幾掛汁 但食落口淨係食到啲鹼水味 (唔知點形容 但感覺真係似食緊鹼水味麵條😂) 就咁食個汁都算可以入到口 但加埋一齊真心好難食 焗蠔超級腥總結就係等餐等左60分鐘 淨係得送嘅薯條同支紅酒唔伏😙

今日去咗觀塘帶屋企人去食午餐，搵到一間好靚嘅餐廳環境好優美，亦都好啱女孩子打卡🤣🤣當然食物都好美味！我哋首先叫咗個白汁忌廉汁蟹肉意粉配溫泉蛋，意粉嘅白汁好入味，亦都有好多蟹肉好足料，配上溫泉蛋，流心的蛋漿當然令到成個意粉嘅層次昇華！❤️❤️❤️跟住我哋叫咗一個牛油煎廣島蠔鮮蠔汁意大利飯，好似真係未試過食一個飯有咁大隻嘅蠔，而且真係用蠔汁煮個飯，真係非常之香👍🏻👍🏻👍🏻跟住我哋叫咗兩杯咖啡，我嗰杯latte個樣都好靚，食完飯飲一杯咖啡真係冇得頂👍🏻

今日同朋友行行下觀塘，唔想又係大商場搵食，去左附近小型啲既商場行，竟然搵到間好野，打卡一流，食物有質素既西餐廳。餐廳分室內同室外，兩邊都有蓋，唔怕落雨會濕，不過我地揀左室內。環境優美，用紫色花為主，歐陸風格。我哋叫兩個午餐，紅酒燴牛肋條意大利飯及牛油煎廣島蠔鮮蠔汁意大利飯。肋條意大利飯，成個飯既汁都好濃味，牛肉味好香，有芝士片，整個飯都層次好豐富。牛肋條仲要好腍滑，其實最鍾意個擺盤，仲有食用花，襯返間餐廳。而煎蠔意大利飯都煮得好好，隻蠔好鮮味，夠肥美。最估唔到嘅係成個飯都有蠔味，正！臨走時見到好多女仔食三層tea set, 好靚，好多野食，襯埋個環境，唔講以為去左山頂食。😋Yummy Yummy: 8/10😋

INN I'm not nothing🌟蜜糖芥末籽燒澳洲豬鞍架配烤菠蘿又到咗食個靚dinner 嘅時間，今日去咗裕民坊嘅INN I'm not nothing。揀咗個晚餐set，主菜叫左個燒澳洲豬鞍架，之前lunch嘅時候食過覺得幾好食。今次再食都覺得依然咁好味，豬肉好鬆軟，配上少少嘅蜜糖芥末醬，成道菜都好開胃。配菜有奶油千層薯同埋烤菠蘿，千層薯仔喺出面比較少食到，因為整一份都幾麻煩，所以呢個菜有得食都幾唔錯。

估唔到裕民坊有間咁清幽❤️咁歐陸feel嘅西餐，又可以坐outdoor又可以坐indoor，indoor呢係好歐陸feel嘅， outdoor好園林feel打卡一流呀👍👍我選擇咗園林feel涼涼哋喺度食好正呀 💗💗今日嘅餐湯係甘筍湯飲落有dd南瓜味又有少少甘筍味好creamy好正㗎👍👍🍷紅酒牛肋骨意大利飯，嘩❤️真係好香紅酒味每啖飯都有紅油味食完冇醉到😅😅牛肋骨軟淋淋好惹味仲好大份量添，真係食唔曬呀💯💯煎焗厚切豬肉眼配白胡椒忌廉汁， 真係好厚切豬肉眼扒， 大大份軟淋淋好容易切，咬落去仲超juicy第一啖咬馬落去好多汁流出嚟，每塊肉都好好味💯💯餐茶兩杯凍檸檬茶好大杯，呢個環境一路飲茶一路食扒真係好似外國咁樣呀❤️❤️❤️INN - I’m Not Nothing地址：觀塘協和街33號裕民坊YM² 2樓205號舖

每年情人節都會想揀返間西餐食下，但今年要返工，於是book左間最就腳嘅INN；我本身就已經食過荔枝角分店，對於食物質素有信心，而且觀塘呢間分店個裝修好靚，好華麗嘅感覺
餐湯揀左蟹肉龍蝦湯
湯望落好濃郁，不過飲落唔係jam口嘅質地，蟹肉嘅味道相對比較重，龍蝦味會由尾韻出黎

牛油香煎蟹餅辣根蛋黃醬
蟹餅似係炸可樂餅嘅口感，炸得比較乾身內餡有少少類似三色椒嘅菜，配搭蛋黃醬咁食會比較濕潤

慢煮雞胸凱撤沙律
全餐裡面最鐘意呢個，雞胸肉非常軟嫩，而且調味適中，有少少黑胡椒粒，表皮應該有煎過，有少少外脆內軟嘅感覺；另外有配烤麵包粒，稍微有啲硬，可以浸餐湯咁食～

香煎虎蝦扁意粉
虎蝦又大隻又彈牙，而且去腸去得好乾淨，個汁有微微辣味同蕃茄味，食落好清爽；扁意粉嘅份量好多，仲有少量菠菜係裡面，係比較健康嘅意粉，無油膩嘅感覺

燒安格斯西冷牛扒8安士
叫左5成熟，煎得剛好呢塊扒係側邊嘅油脂比較多，所以連埋中間嘅肉一齊食，可以食到肉質香氣，又可以咬到淡淡肉，好滿足；伴碟有大蒜粒，大蒜已經烤到好軟爛，配埋肉食更加增添風味

肉桂蘋果杏仁片焦糖忌廉班戟
班戟本身就好似平時食到雞蛋仔嘅味道，齋食會有少少乾，肉

約左朋友，簡咗呢間靚環境INN。餐廳有室外同室內，我地簡咗外面嘅座位，可以望到觀塘景色。好鐘意法式宮廷風，配搭花卉，周圍都係打卡位。🍷紅酒燴牛肋條意大利飯飯嘅質感恰到好處，吸收晒紅酒牛肉汁嘅精華，味道濃郁。牛肋條嘅份量都幾多🤤炆得夠柔嫩，肉味豐富🦞法式焗波士頓龍蝦配全蛋闊麪有半隻龍蝦，啖啖肉，真係好鮮甜。配上全蛋麵口感幾有嚼勁彈牙，掛埋酸甜的蕃茄汁幾夾🎃+$38有賣相好靚嘅南瓜湯 加杯餐飲餐湯入口濃郁軟滑，啖啖南瓜紅蘿蔔味，有埋拉花，加埋花瓣點綴，好有心思半價轉杯特飲 Mixedberry Smoothie🍓🫐酸酸甜甜，口感綿滑，加埋濃厚嘅cream同士多啤梨果醬，好想叫多杯😍

同洋洋上完堂，去咗裕民坊食嘢，呢間餐廳裝潢好靚，內內外外都好西式feel我哋叫咗一個午餐，首先是日餐湯，係南瓜湯主菜係: 紅酒燴牛面肉意粉+$38 叫咗一個甜品Tiramisu餐飲是凍檸檬茶

觀塘一到食飯時間好難搵間好坐嘅餐廳, 朋友介紹我去一間環境好又靚的 「INN」。入到餐廳全部都係花 ，而且室外座位都非常舒服, 而且全間餐廳都有好多打卡位。餐牌主菜有十款選擇， 非常多樣化，而且價錢百多元，性價比高。午餐包餐湯，主菜及餐飲甘筍湯濃濃的甘筍味，再加上奶油，非常香滑。白酒忌廉汁蟹肉意粉配溫泉蛋蟹肉鮮甜，配上creamy 忌廉汁, 最重要係隻溫泉蛋，疍汁沾滿每一條意粉更美味。牛油煎廣島蠔鮮蠔汁意大利飯牛油香味撲鼻，廣島蠔非常有鮮味，意大利飯每一粒飯都有濃味的蠔汁，仲有食用花做襯托，又靚又好食。Flat white - 咖啡香濃

朋友生日去了位於觀塘裕民坊的INN餐廳，體驗了一頓豐富的美食之旅。這家餐廳以其精緻的裝潢和舒適的用餐環境著稱，為顧客提供了一個理想的用餐氛圍。在這次的用餐體驗中，我品嘗了數道招牌菜式，包括法式焗生蠔、蟹肉龍蝦湯和西冷牛扒，每一道菜都讓人回味無窮。首先，法式焗生蠔的味道絕妙，每一口都是海洋的鮮味與奶油香氣的完美融合，令人難以忘懷。接著，蟹肉龍蝦湯濃郁而細膩，蟹肉和龍蝦的鮮美完美地融入了湯底之中，每一口都充滿了海鮮的甘甜。最後，西冷牛扒則是此次用餐的高潮，肉質嫩滑、多汁，烹調得恰到好處，表面烤得金黃酥脆，內裡保持了牛肉的原汁原味，搭配旁邊的醬汁和配菜，每一口都是滋味無窮。除了美食，INN餐廳的服務也令人印象深刻，員工態度親切，服務周到，使整個用餐過程增添了許多愉悅。總體來說，INN餐廳不僅在食物上達到了高水準，在環境和服務質量上也同樣出色，是一次難忘的用餐體驗。對於喜愛法式美食的食客來說，這裡無疑是一個極佳的選擇。

約閨蜜食lunch最好揀返間打卡餐廳，呢晚餐廳真係好靚，所有既擺設都係宮廷風，再加上花花，真係令人覺得自己變左公主咁Lunch 既時段會有set lunch ，款式都幾多，最後我地揀左個All Day Breakfast 同埋煎焗厚切豬肉眼配白胡椒忌廉汁首先就會上餐湯，係南瓜忌廉湯，都幾creamy然後就係All day breakfast ，有蕃茄、腸、煙肉、牛油果、炒蛋、磨菇及麵包等等，非常豐富而且味道賣相都唔錯後設豬扒肉眼質素都幾高，個肉質唔會好韌，而且塊扒仲好Juicy，煎得好香Set lunch 包括埋$28或以下嘅飲品，整體都幾好

觀塘最近開咗很多特色餐廳，地鐵站大約行一分鐘左右，位置系裕民坊YM ，食完仲有得行街街，這裏地方歡堂，坐得非常舒服，餐廳叫INN I’m not noting ，設計令人有一種很舒服的感覺😍😍😍打咭性地，平時都會約埋同事食lunch🤤🤤🤤今晚就同老公二人世界。餐湯粟米忌廉磨菇湯甜美可口，餐前食非常開胃燒紐西蘭羊架配薄荷開心果莎 莎 個燒羊架好正，肉質鮮嫩爆汁，勁香口 ... 燒開心果羊架, 面頭有開心果碎好有咬口, 羊架不會騷, 加埋燒汁一齊食, 好有層次，必食之選🤘🏻🤘🏻🤘🏻法式焗波士頓龍蝦配全蛋闊麵半隻龍蝦非常惹味，令人滿足❤️❤️❤️❤️真的值得黎一試，人均消費大約100-150 左右👍👍👍

INN - I’m Not Nothing🍽️牛油香煎刺身帶子配蟹膏意大利飯🦀🍲$188呢個蟹膏意大利飯好特別，好似冇乜餐廳會用蟹膏放落意大利飯，成個意大利飯都有啲鹹香嘅味道，有少少似係食緊泰式馬拉盞咁，幾得意！另外佢哋嘅帶子真係爽口彈牙又鮮甜，絕對唔係平價貨有誠意㗎！👍🏻西班牙黑毛豬鞍架配牛肝菌忌廉汁🐷$248黑毛豬鞍架腌得好入味，份量適中，正常女仔呢個份量都夠食！🙈豬鞍配埋佢哋特製嘅牛肝菌忌廉汁，就更加惹味啦！😋😋旁邊嘅伴碟有唔同嘅蔬菜，同埋一舊類似薯蓉嘅東西😆😆個薯蓉嘅口感同平時唔一樣有啲驚喜喎！🥔✅

餐廳裝修得好靚，古典宮廷風都有啲位俾人打卡！📸手工黑松露雲吞配野菌黑松露忌廉汁☁️食落去個味道唔會好濃烈，黑松露夠香。雲吞既餡料似係薯仔～ 小胃女生夠食牛油果奶昔（跟餐）🥑牛油果味好足料，唔係化學味👍🏻熱情果薄荷梳打正常發揮，夠大杯朱古力心太軟配雪糕🍫🍫味道不過不失，朱古力唔算好濃厚，雪糕可以中和心太軟嘅濟肉桂蘋果，杏仁片，焦糖忌廉🍎班戟煎得幾脆，有少少煙靭嘅口感，略嫌肉桂蘋果唔夠香，蘋果味可以再濃啲。