INN - I’m Not Nothing (裕民坊YM²)

营业中

休息中

之前經過呢間餐廳，一直好想試！呢隻難得兩個細有婆婆湊，可以同老公撐枱腳，一於入去呢度食。行入門口，已經見到靚靚嘅聖誕裝飾，好有聖誕氣氛。入到餐廳，有好多花花，裝修好高貴典雅，非常浪漫！鮮茄羅勒配芝士菠菜雲吞：鮮茄的酸甜味和羅勒的香氣相互襯托，給予了這道菜獨特的風味。菠菜雲吞的口感柔軟，並且充滿了菠菜的鮮味。整體而言，這道菜色彩鮮豔，口感豐富，食落醒神開胃。紅酒燴西班牙黑毛豬肋肉意大利飯：黑毛豬肋肉的肉質鮮嫩多汁，搭配紅酒的燴煮，使肉質更加軟嫩。意大利飯與肉汁完美融合，每一口都帶來濃郁的香氣和口感，非常美味！餐湯-蘑菇湯：湯的質地濃稠，口感滑順，菇味重，飲完帶來溫暖和舒適的感覺。香蕉榛子朱古力忌廉班戟：香蕉的甜味和榛子的香氣交融在一起，營造出濃郁的口感。朱古力忌廉班戟的柔軟質感和甜美味道與香蕉和榛子的組合完美搭配，為這餐畫上完美的句號。

🎄✨✨12月係最多聚餐既月份❤️今次朋友仔約咗我黎呢間西餐廳，環境好靚，簡直係打卡熱點，有室內及室外半露天的位置。食物我地叫咗幾款都幾好食😉燒安格斯肉眼扒10安士配香草牛油火箭菜黑醋沙律 ($308)叫咗7成熟，覺得啱啱好。配上火箭菜、焗蒜頭，薯仔，種類夠，賣相都靚❤️牛扒牛味重，口感軟腍，點埋燒汁一齊食味道就更加好。意大利煙豬面頰肉卡邦尼意粉（$138）賣相好靚，份量都幾大，醬汁濃稠，味道都幾特別。價錢同一般西餐廳差唔多，甚至平D。我覺得值得試試！另外加$38可以轉套裝加配餐湯及飲品。是日餐廳係南瓜甘荀湯。質感幼滑，味道淡香。呢個湯我幾鍾意，因為夠健康😂飲品叫咗熱Latte,拉花好靚，咖啡油脂濃郁，咖啡豆屬於偏酸少少，如果你鍾意偏酸一點的味道，呢度既咖啡就好適合你❤️🎅🎄就快聖誕，到時周圍餐廳都book滿滿😇呢間餐廳既環境都好適合，大家可以參考下😉記得早D訂位 & 渡過一個開心滿足又浪漫既聖誕節💕

步入「INN - I'm Not Nothing」（觀塘店），彷彿穿越時光隧道，瞬間來到法式宮廷風格的咖啡館。門口的大量白花、雕塑以及華麗的燈飾，營造出浪漫的氛圍。全店以純白色為主調，搭配華麗的歐式拱門、浮雕裝飾，再以大量的花藝做點綴，營造出一種優雅的感覺。店內多個打卡位讓人能夠隨時捕捉浪漫時刻，仿佛置身於法國的宮廷中。此外，戶外的露天庭園更增添了一份悠閒與寧靜😎推薦午市套餐，包是日餐湯，紅菜頭湯😍 紅酒燴牛面肉意粉$118牛面頰肉夾著一層層的骨膠原，入口即溶，濃郁的紅酒汁伴意大利粉，食得好滿足呢😋Flat White (跟餐半價+$19) 🤩

又到年底，係要約下好耐無見嘅朋友見下面，揀左間近佢公司靚靚嘅西餐廳，入面用上唔少花做裝飾，佢非常滿意呢度嘅午市套餐有唔少選擇，除咗扒類亦都有意粉，意大利飯同全日早餐等等。朋友就揀咗個西班牙辣肉腸八爪魚意大利飯，而我就揀咗個煎焗厚切豬肉眼配芥末忌廉汁我哋亦都加配咗餐湯同埋飲品，當日係蘑菇忌廉湯，好好飲，用料十足，濃濃嘅蘑菇香味又夠creamy好快意大利飯就煮好，貌相真係非常美觀，用上少少乾花點綴，打卡一流，連碗碟都有啲暗花設計，讚！重點係個意大利飯都非常好食，煮得啱啱好in，煙煙韌韌有咬口，唔會太乾太硬，而且醬汁嘅搭配亦都好好唔會太濃郁，滿滿鮮茄味搭配埋香口惹味嘅辣肉腸同埋爽口嘅八爪魚，口感同味道都非常豐富！我份豬肉眼扒亦都係非常有驚喜，我平時都鍾意點豬肉眼多於牛，羊（如有），餐廳嘅豬肉呀真係好出色，係少少韌嘅感覺都冇，甚至真係可以稱上好嫩而且有肉汁,配菜嘅薯蓉都好好味道，有驚喜。整體非常滿意。

INN - I’m Not Nothing🍽️🍽️今日見完客，上司同我食個lunch先返公司，我哋就揀咗呢一間非常適合打卡嘅餐廳，一入到餐廳門口就已經覺得非常有美女與野獸皇宮嘅感覺，有少少似快閃咗個迪士尼咁呀！🥂✨✨我哋每人都嗌咗一個set lunch，分別係龍蝦湯流心牛角包配小龍蝦🦞 $118 同埋 煎焗厚切豬扒眼配芥末籽忌廉汁 🐷$148，呢個牛角包🥐真係吸收晒龍蝦湯嘅精華，外層酥脆，裏面就有濃厚嘅龍蝦汁，口感非常好！ 厚切豬扒🐽都幾有驚喜，豬扒好入味，加埋厚切口感就特別好喇～呢度嘅lunch set ，已經包咗餐湯同埋餐飲㗎啦～非常豐富，一定夠飽～✅✅

呢間喺裕民坊嘅宮殿風餐廳💒，都開業咗好一段日子。對上一次都係聖誕節嚟食飯，佢哋每年都會擺聖誕樹🎄、紅色聖誕花同閃閃嘅裝飾，無論坐室內定室外都咁有格調🌹，啱晒約好姊妹嚟嘆返個有質素嘅Dinner🍽️！Set Dinner 有6個選擇，+$38有餐湯同包$26以下嘅飲品。呢晚嘅餐湯係南瓜湯🎃。睇賣相就知整得好有心機，仲擺咗朵花點綴🌸，味道都好唔錯！🍛牛油香煎刺身帶子配蟹膏意大利飯 $188呢個飯冇嗌錯，好推介💛！估唔到帶子係用咗刺身，食落好爽口好鮮味又唔凍👍🏻，唔會有冰鮮帶子嗰種實淨嘅痴牙感。飯嘅質感都煮得啱啱好，掛汁得嚟唔會太濕，食到好濃郁嘅菇菌味🍄；反而蟹膏就唔係好食出喇，但整體都好好味嘅😋。🍝香蒜鮮大蜆扁意粉 $168呢個香蒜味嘅意粉好夠熱，入口嗰下有種微微茶澀感？我諗係啲香料嘅味。蜆嘅數量都唔少，雖然細細隻但都有啲爆汁，味道不過不失👌🏻。🕵🏻: 建議個麵多返啲汁，個蒜蓉味再出啲會更加好。🍹士多啤梨藍莓奶昔 +$24呢度嘅Smoothie係招牌飲品，所以都加錢追加咗杯。揀咗士多啤梨味🍓，成個感覺Refreshing啲冇咁滯。飲到尾其實都唔會好甜，仲係質感綿密但又好易飲嘅口感，係幾好飲😋

之前成日都想黎試呢間西餐廳㗎啦，因為佢都幾出名，除咗嘢食好食之外，佢而家仲有好多聖誕裝飾添 🌲 好有節日氣氛🤩 又有聖誕樹又有聖誕花🌹 佢仲有分咗室內同室外嘅座位，我就揀咗室外坐啦，最近天氣涼涼哋喺戶外食嘅好舒服同埋氣氛比較輕鬆啲😌法式香草牛油焗田螺配蒜蓉法包 𝐸𝑠𝑐𝑎𝑟𝑔𝑜𝑡 𝑏𝑜𝑢𝑟𝑔𝑢𝑖𝑔𝑛𝑜𝑛𝑛𝑒 𝑚𝑎𝑠ℎ𝑒𝑑 𝑝𝑜𝑡𝑎𝑡𝑜, 𝑔𝑎𝑟𝑙𝑖𝑐 𝑏𝑟𝑒𝑎𝑑 🥖Starter方面佢已經有好多好吸引嘅選擇，全部都好想試😍 最尾揀咗呢個法式焗田螺😋 賣相已經好吸引😌 好鍾意佢嘅焗薯蓉，好香滑香口，忍唔住食飯食吓就食晒啦😍 田螺已經幫你除咗殼啦，方便你食👍 佢嘅法包都整得好出色👏牛油香煎刺身帶子配蟹膏意大利飯 𝑆𝑒𝑎𝑟𝑒𝑑 𝑠𝑐𝑎𝑙𝑙𝑜𝑝 𝑐𝑟𝑎𝑏 𝑝𝑎𝑡𝑒 𝑟𝑖𝑠𝑜𝑡𝑡𝑜 𝑤𝑖𝑡ℎ 𝐻𝑜𝑘𝑘𝑎𝑖𝑑𝑜 𝑠𝑐𝑎𝑙𝑙𝑜𝑝, 𝑝𝑎𝑟𝑚𝑒𝑠𝑎𝑛 𝑐ℎ𝑒𝑒𝑠𝑒 🍥主食方面揀咗意大利飯，呢個比較特色，用咗牛油嚟煎香刺身帶子，帶出帶子嘅香味，蟹膏味唔會太濃，不過令到意大利飯個質感比較creamy啲，值得推介 🙌西班牙黑毛豬鞍架配牛肝菌忌廉汁 𝐺𝑟𝑖𝑙𝑙𝑒𝑑 𝑆𝑝𝑎𝑛𝑖𝑠ℎ 𝐼𝑏𝑒𝑟𝑖𝑐𝑜 𝑝𝑜𝑟𝑘 𝑟𝑎

今次約了朋友到觀塘食lunch，想想有什麼地方性價比又高，又可以坐得比較久一些的西餐廳。想起了裕民坊的INN，決定再來幫襯一次吧。與朋友叫了兩個set lunch。紅酒燴牛面肉意粉，牛肉非常嫩滑。而且份量充足。意粉也不會太淋身，煮得剛剛好。十分好味。👍👍👍💗💗💗煎焗厚切豬肉眼配芥籽忌廉汁，本以為厚切，肉質就一定會硬，誰知又不是這樣。厨師掌握火喉剛好，肉依然有肉汁。吃下來，啖啖肉，十分滿足。💗最欣賞，還是這裡每道菜都擺設精美，打咭一流。見到都開心。餐湯及沙律都同樣美味。超贊。💖🌟🌟🌟🌟🌟

之前上網睇好多人都話環境舒適，食物性價比高。 今日嚟到仲要見到好有聖誕節feel 🎄 ❤️❤️紅酒懀西班牙黑毛豬肋肉意大利飯 推介❤️上菜已經聞到少少紅酒味，點知佢嘅黑毛豬肋肉整得好林，而且紅酒味豐富，仲要有四舊添！ 好食兼抵食！ 意大利飯都吸晒醬汁嘅味，有少少蕃茄底加紅酒味，成道菜一啲都唔膩好有層次。 黑松露蘑菇雲吞配忌廉汁Menu 上邊冇㗎，本身菠菜雲吞轉咗做呢一道菜。食落去雲吞裏面係打碎嘅蘑菇加黑松露， 味道非常濃郁，而且好有口感。 雲吞外皮軟硬適中，裏面嘅蘑菇碎咬落去口感好特別。出邊嘅忌廉汁Creamy但係唔會太膩，非常配合到黑松露蘑菇雲吞。 加38$ 餐湯+ 飲品是日餐湯南瓜湯，賣相非常唔錯。 食落去湯比較厚身， 小小嘅南瓜味鹹鹹地加埋啲黑椒啱晒。 肉桂蘋果，杏仁片，焦糖忌廉上網見到好多人都打卡，嗌咗一個試吓。 佢嘅pancake夠薄身， 焦糖唔會太過甜。 而且仲有一粒粒煮過嘅蘋果蓉。煮嘅過程應該加咗少少肉桂。食落去酸酸甜甜，仲好香肉桂味。

和閨蜜一起吃飯，餐廳很漂亮，今晚必須選左邊的座位。進入裕民坊客棧。餐廳以典雅的宮廷風格為主題，富麗堂皇。用鮮花和鮮花裝飾。看到這樣貼心的裝飾，讓人心情舒暢。凱薩沙拉佐慢煮雞胸肉 $128慢煮的雞胸肉非常嫩滑有嚼勁，絕對可以媲美雞排/雞大腿該肉脂肪含量低，既健康又美味。雞胸肉先用黑胡椒調味，美味可口。生菜先配上沙拉醬，每片都均勻塗上醬汁。麵包粒也酥脆，不太硬，為沙拉增添了辛辣的味道。餐廳環境設計充滿法式浪漫色彩，乳白色的主色調給人一種柔和的感覺。門口的戶外花園設有打卡空間，裝飾有大量植物、花卉和雕像，非常適合拍照和與朋友一起慶祝。

幾次跟老公一起經過這間超美超人氣的餐廳已經想去試試了，無奈每次也有其他安排🥹今晚終於如願以償可以來吃了🥳餐廳區分了室外、室內座位❗️讓食客們都可以以拍到自己滿意的照片☺️另室外還可以攜帶寵物一起用餐👍🏻這陣子晚上天氣相對清涼，所以我倆選擇了坐室外吃～吹着微微的涼風，享受着美美的法式宮廷花園景，吃着美味的食物，真的是一大樂事🥰牛油香煎蟹餅檸檬蛋黃醬 $138蟹肉餅真材實料🤩每一口也充滿新鮮蟹肉的香味😍表層焦脆的薯餅底為整份蟹餅增添了香脆的層次感☺️而碟旁的檸檬蛋黃醬及清新草芽中和了蟹肉的飽膩感❗️多吃兩口也不會感到油膩👍🏻出色💯意大利煙豬面頰肉卡邦尼意粉 $138賣相色澤豐富😍看起來相當吸引☺️吃起來味道相對獨特❗️不太像我平時在其他地方吃的卡邦尼意粉，但同樣香滑creamy👍🏻Pasta吃起來口感比一般意粉更硬身更爽，像手工意粉～整客意粉也挺特別的💕牛油香煎刺身帶子配蟹膏意大利飯 $188三粒刺身級大帶子超吸引的🤩煎得不會過熟或太乾，鎖水方面做得不錯👍🏻蟹膏已直接混入意大利飯中，入口鮮味同時有creamy感🥰

餐廳以白色做主色，室內的燈光調暗了，氣氛浪漫。戶外的茶座有濃厚的聖誕氣氛，室內和室外都好適合打卡。牛油香煎蟹餅檸檬蛋黃醬蟹餅香脆，內裏有蟹肉、洋蔥碎、粟米碎和紅椒碎，伴碟的沙律菜新鮮，酸酸的秘製醬汁令人開胃。紅酒燴西班牙黑毛豬肋肉意大利飯意大利飯的質地煙韌，飯燴得入味，除咗芝士味，仲有菇的味道，黑毛豬肋肉頗嫩。叫咗燴飯，可以加$38配是日餐湯和餐飲。雜菌忌廉湯菇菌打得碎，質地細膩可口，湯的質地唔會太黏，菇的味道濃郁。餐飲要熱檸茶和咖啡。肉桂蘋果杏仁片焦糖忌廉班戟班戟煙煙韌韌，肉桂蘋果酸得黎有少少甜。

放工經過觀塘就入黎呢間新餐廳食飯。之前係10月的時候食，依家話咁快已經好多人去過。補返個食評👀我平時好鍾意飲南瓜湯，呢個南瓜湯係classic的味道，暖暖的不錯。然後叫左個義大利雲吞，好多芝士係入面，一開始驚唔夠飽，但係我錯了😂😂🙌 刨冰真係好好味！完全係牛奶冰，d冰融了變成牛奶，味道好濃郁！十分推薦！佢本身有兩個味道，我就揀左士多啤梨味，我見其他人都有揀哈密瓜，應該都好好味。最近有一次想再返去試下個刨冰，但係原來佢有用餐時段，真係要睇清楚先去。

Book咗18:30準時坐低，坐低個陣連埋我坐個枱大概得一兩枱。大約18:40-18:45落完單(過程個店員都唔係咁熟悉落單部機既操作) 同行一共三個人食飯，一個朋友叫咗一個主菜轉餐，我同另一位朋友叫咗二人餐，18:58左右到咗二餐一個沙律同一人餐個餐湯，之後有店員兩次出過啲我哋冇叫既食物，店員查清楚話係隔離枱既(隔離枱係後入座過我哋枱) 19:15即係落咗單半個鐘都冇再出野食，連二人餐個湯都冇出過，中途追咗好幾次，就出咗二人餐既其中一碗餐湯，之後再追第二碗餐湯同其他食物店員都係話跟一跟之後冇回覆返到底啲食物個進度係點，後來了解返原來店員落錯單，然後大約19:35到咗埋另一個餐湯同一個主食，過多五分鐘左右另一個主食先到埋，前係等咗差唔多一個鐘野食先到齊，店員態度愛理不理，向經理反映經理回覆廚房忙碌出餐比較耐，Hello? 我哋第一二枱到咗落單，想問忙緊咩？後來已經承認同事落錯單，我問經理會點賠償或者點處理？佢答全單九折，我問佢如果我預呢餐飯大概食一個鐘但而家等食物都等一個鐘，咁你覺得九折合唔合理？經理最後free咗一人主食連餐湯。但二人餐啲食物除咗一開始沙律係比較好食，之後追單返黎既野

好欣賞呢間餐廳Lunch Set Menu Update 得好密，可以成日都試到新菜式😚▫️ 龍蝦湯流心牛角包配小龍蝦($118)👉🏻牛角包比平時食開嘅Size大，個包外層金黃色，散發住牛油香味😋一切落去就有滿滿嘅龍蝦湯湧出黎，味道濃郁亦好鮮甜🥰牛角包食落好鬆軟酥脆，用佢嚟索龍蝦湯，再加埋小龍蝦一齊食，口感超級豐富😋⭐️⭐️⭐️⭐️⭐️.▫️ 西班牙辣肉腸八爪魚意大利飯($128）👉🏻 八爪魚擺盤幾靚，食落煙煙韌韌好有咬口🐙Risotto 軟硬適中，好香蕃茄味，加埋辣肉腸，有微微辣辣地好開胃⭐️⭐️⭐️⭐️.▫️是日餐湯（跟餐) 👉🏻西蘭花忌廉湯草青味濃，質感厚身幼滑⭐️⭐️⭐️⭐️——————環境：法色宮廷風裝修，有大量花、雕塑、同華麗嘅燈飾，留意到之前係白色花而因為就到聖誕轉咗做紅色花🌹，幾有心思🥰.評分：8/10.平圴消費：~$135