INN - I’m Not Nothing

营业中

休息中

最近系ig留意到呢間餐廳，環境望落去好仙氣，一於就同朋友黎食晚飯，用OpenRice book左7點，餐廳仲會送炸魚薯條或法式班戟（二選一），非常吸引！餐廳燈光較暗，想打卡既朋友就早上去啦！主食：奶油大蝦嫩菠菜煙肉忌廉意粉 $118意粉較為硬身，味道濃郁，配上大蝦同忌廉嘅鮮味，不錯既選擇！小食：黑松露芝士薯條 $48薯條脆卜卜， 黑松露醬混合左沙律醬，味道偏甜，很滿足！主食：波士頓龍蝦肉羅勒忌廉意大利飯 $148賣相非常精緻👍🏻有半隻龍蝦肉，但蝦肉有小小唔夠淋，飯入邊仲有一啲蔬菜，感覺好健康甜品：榛子朱古力.香蕉.士多啤梨.忌廉 $68絕對要點既甜品，個人覺得呢種口味好似泰國既夾餅，中間夾住香蕉同朱古力醬，熱辣辣食最好味飲品：Matcha latte $38 / Chocolate $38

三人晚飯，18:38入座很快點了2 小食，3 main course + set和一份crepe 其中牛扒很遲才來，差不多7:45才上菜，但店員好像催促你入座後90分鐘內必定要還枱，剛吃完牛扒碟上還有薯條，我還拿著叉店員就來收碟，我說「未食完」，她就回應「唔好意思」，感覺店員在監視著你吃飯，催促你盡快完成離開，明白食店要多做生意，但這樣的服務很趕客。😒P.s. 離開的時候並沒有人在等位要讚的是食物質素和味道都不錯👍🏻

行過荔枝角，見到OpenRice有優惠，上到去睇到餐牌唔算好貴，一於俾個機會試一試呢一間小店。(同埋諗住有甜品可以同朋友慶祝生日）👍🏻奶油大蝦嫩菠菜煙肉忌廉意粉大蝦全部剝晒殼，而且爽口鮮甜，菠菜煙肉份量都幾多，而且有微微爆香過嘅洋蔥撈埋起意粉當中，食落更加滋味！意粉唔算太杰，但會有少許既膩。👍🏻澳洲肉眼扒八安士配薯菜叫咗五成熟，火候拿捏得不俗。牛尾香盛，好易切而且切開都有滿滿嘅肉汁。薯菜份量驚人，全部新鮮炸起，有啲仲連埋薯皮邊，香脆可口。👍🏻榛子朱古力法式pancake好閨蜜生日，餐廳仲幫我寫上Happy birthday，香蕉份量都幾多，而且班戟內塗上厚厚既榛子醬，加添左一份果仁香！班戟皮都算薄，而且好重蛋味。飯後淺嘗一份甜品，呢個都係好選擇！💡💰埋單$400有找，性價比都算唔錯！👍🏻👍🏻好鍾意佢個餐牌嘅畫風！！好特別

荔枝角好多工業大廈裡面改裝成好有特色啲餐廳，今日來到億利工業中心2樓呢間餐廳，裝飾很清新，正逢午餐時間，人還是挺多啲。是日餐湯熱辣辣啲，有黑松露味，幾好味。香燒焗豬肉眼配肉桂蘋果醬：裝盤挺好看，豬趴好大件且厚身，乜咩味，口感軟腍，醬汁用新鮮蘋果果粒配蘋果蓉，加上肉桂啲獨特香味，使豬趴酸酸甜甜鹹鹹味道幾特別。就係配菜同薯蓉乜咩味😂煙肉芝士和牛漢堡配薯條：呢道份量十足，牛肉排挺厚身，煙肉唔會柴。飲品凍檸茶唔會太甜。兩人都食得好飽。

辛苦左一個禮拜, 星期五放工梗係要同朋友出黎CHILL下啦~~朋友揀左間係荔枝角工廈既西餐廳食DINNER.....餐廳內裏四正, 裝修唔錯, 打卡一流餐牌都有唔少選擇~~一貫西餐應有既食物, 應有盡有~~澳洲肉眼扒8安士配薯菜, 燒汁 $1688安士一人食份量剛好~~ 要左5成熟...肉眼扒油脂比較多, 質感豐富，牛味濃郁~~而且肉質幼滑又多汁薯條就非常脆身~~正喔波士頓龍蝦肉羅勒忌廉意大利飯 $148擺盤好靚丫!!!大大隻波士頓龍蝦~~非常多膏又厚肉龍蝦肉鮮味幼嫩意大利飯味道濃郁好creamy~~飯粒軟硬度適中好美味既龍蝦

原來都幾多分店入面有好多花既擺設🤍.環境比較暗都幾岩情侶黎食飯. 主打係法式pancake 薄薄一塊加上好足料既蘋果同玉桂粉🤍味道唔錯每一枱都有叫😂.值得一讚仲有Matcha latte.好濃唔會太甜有驚喜！

長沙灣荔枝角是個隱世食店林立既地方，雖然區內多工廠大廈，但係已經隱藏左好多不同地方餐廳食店，記得以前刻意過海到此處某工廈幫襯當時最紅台灣麵店，今次再到荔枝角工廈吃晚飯都是因為朋友介唔可以紹既原故。朋友選擇左INN cafe, 因為佢自己在附近返工，知道昵到開左一間新嘅工廈cafe, 於是乎相約我在此相聚。室內空間適中，當晚眼見顧客以情侶或者朋友為主一張長餐枱，可坐上六人翻開餐牌，大多以西式為主，價錢適中，order一個主菜再加$38包一個餐湯及一杯飲品是日餐湯，黑松露磨菇忌廉湯，本人大愛黑松露那種濃濃香菇味凍檸水澳洲肉眼扒8安士配薯菜，燒汁，份量頗大，七成熟，煎到剛剛好紐西蘭羊鞍，亦是七成熟，薯蓉配上蕃茄醬汁，味道唔錯！

睇開ig 發現荔枝角工廈開左間好靚打卡cafe,今日專程行完d2 place 過泥。我地好彩預早book定位，唔係真係有排等，因為都真係好full下。入面環境真係幾岩打卡，好多植物景，點影都靚。最正係佢既lunch set好鬼抵食，平均around 100-150，兩個人食300唔洗落到樓。佢每個set都包餐湯同飲品($28以下)，特飲就再補錢。餐湯係蘑菇忌廉湯，好濃既蘑菇味，入口夠滑。主菜要左個蟹肉南瓜意大利飯，呢個好好食，份量好多，必點！香濃既南瓜味，飯既熟成度剛好，不會過硬影響口感。蟹肉都好多下，中和返又唔會覺好膩，好高質！另一份揀左焗豬肉眼配肉桂蘋果醬。個豬扒真心好大舊，直頭厚切，岩哂大食朋友，佢個肉質都好腍嫩，配上蘋果醬岀奇地夾，中和返肉既單調感。仲有兩杯特飲，都好好飲！cafe泥講真心抵食！

成日聽長沙灣好多好嘢食，去香工睇衫，順便就睇吓有咩食第一下入到去覺得好有特色幾靚好啱打卡I’m not nothing ,個名改得好好我唔係乜都冇，俾我知道我真係唔係乜都冇餐湯 係蘑菇忌廉湯，蘑菇幾香，唔錯唔錯澳洲肉眼扒8安士配薯菜 $138肉類食得多好耐冇食過肉眼扒，叫咗七成熟。肉質口感好好，而且我落去好Juice👍薯菜都多，仲要係我最愛嘅薯蓉🥰士多啤梨藍莓奶昔 $24士多啤梨味唔會好甜，飲得出佢係用新鮮士多啤梨同埋藍莓，所以食到啲士多啤梨粒🍓

有時都會嚟到荔枝角工廈入面搵吓嘢食，上網search到呢間新餐廳就試下啦。一入到去個環境都幾靚好岩打卡，而且都見到唔少女生同情侶。本身見到餐牌有smoothie bowl，熱辣辣好岩食，不過實在太餓所以都係食左肉肉，叫左一份豬肉眼午餐。前菜有一個蘑菇湯，雖然蘑菇湯唔算十分濃郁，但係都尚算不錯。至於主菜豬肉眼，一上到黎就睇得出佢做唔錯有微微焦香味配上玉桂蘋果醬，睇落都幾吸引。一切落去啲肉汁就流曬出黎，而且焗得岩岩好，好嫩。個味道都相當唔錯。唯一不足反而係個醬汁，蘋果食落仲係爽口嘅，唔係我想像中已經煮到溶溶地嗰種醬汁，而且個汁有啲多，蓋過咗個豬肉眼嘅鮮甜。有機會都會再黎試下。

連續兩個週末去了荔枝角 D2 Place，不過今次改咗去附近工廠大廈的樓上食肆開餐。揀「I’m Not Nothing」的其中一個原因就是名字夠特別，用得這個名，似乎對自己嘅出品好有信心。入去坐低冇耐，已經覺得似曾相識。雖然裝修唔同，但室內環境及間隔好有印象曾經來過。上去OpenRice一查，餐廳之前名字叫「Ulyssa by Aldou」。再用舊名字查一下，果然兩年前曾經光顧！原來餐廳也只是大約三個月前才改名，睇返之前撰寫的食評，出品質素唔錯，而且很抵食，點解要改名呢？裝修以白色為主，簡潔明亮。餐廳面積唔算大，偏偏又要為咗增加採光，將外牆的原有玻璃窗改成原幅大玻璃（編者按：純粹靠估，因為唔相信以前啲工廠大廈會有原幅大玻璃外牆）。姑勿論是原有配套抑或經過改動，雖然室內的確變得更加光猛，但玻璃完全沒有吸音功能；再加上工廈樓底較矮，聲音反射問題嚴重。餐廳的背景音樂加上客人談話聲浪就使到環境變得非常嘈吵，直逼大排檔。偏偏所有聲音又侷促在室內，不似露天大排檔可以散去，耳仔嚴重受罪，未食完已經想走。印象中，兩年前的「Ulyssa by Aldou」沒有這個問題，點解呢？午餐款式是固定的。由於餐廳

荔枝角工廈隱藏咗好多好多嘅隱世cafe, 今次就嚟咗呢間新開嘅INN 試下一出2樓就會見到，店外比較簡約，室內就唔算好大，佈置偏向自然風花花草草，打卡都好啱同男朋友夜晚唔算好餓，就叫咗幾款小食同一個main share 小食方面，最有驚喜嘅就係青芥末牛油果蟹肉多士，份量非常充足，每件多士上邊有厚厚嘅牛油果醬同蟹肉碎，唔會食到一半就得返個包冇哂配料😋夏天咁熱一食就爽哂水牛城雞翼正常水準，黑松露薯條都係推薦，，薯條係粗身款，黑松露醬黑松露味濃，唔會俾沙律醬蓋過，好易一條接一條食唔停口😀主菜方面揀咗龍蝦意大利飯，上枱presentation 好有心思，半隻開邊龍蝦絕對唔細，最細心嘅係蟹鉗位已經敲碎咗，一拆就完整嘅蟹鉗肉起到出嚟，超讚！😋最後見到雪櫃有handmade嘅tiramisu, 係crepe 同佢之間都掙扎咗好耐，最後都係揀tiramisu, 係無揀錯嘅，底下浸滿咖啡酒嘅手指餅，配埋上邊又香又滑嘅cheese ，好夾而且唔會太甜😍😍另外跟餐嘅餐湯同飲品都唔錯，宜家係OpenRice 訂枱仲有折，即刻再約朋友再試一次（見到隔離枱食扒好似都好正😛😛

收到餐廳嘅邀請，今次黎到荔枝角嘅餐廳INN試食，餐廳係羅馬式既設計，所有嘅擺設都好有復古風格。青芥末牛油果三文魚籽蟹肉多士，一個幾特別嘅配搭，青芥末新鮮吾攻太鼻，食落仲會有淡淡的牛油果香味帶返出黎，加上脆卜卜嘅多士，口感豐富好食。波士頓龍蝦肉羅勒忌廉意大利飯 ，意大利飯嘅忌廉好香，上面有半隻開邊龍蝦，好濃嘅牛油奶香，店員仲已經將個蟹鉗剝左殼放埋喺上邊添，用薄荷醬去做畫碟，成個意大利飯都好有心思。澳洲肉眼扒八安士配薯菜·燒汁 ，5成熟嘅肉眼扒肉質鮮嫩，濃濃嘅牛肉味，旁邊有燒汁同蜜糖芥末醬作調味，薯條方面都係即叫即炸，脆卜卜好好味。

⿻⿻ 𝘐𝘯𝘯 𝘐𝘮 𝘕𝘰𝘵 𝘕𝘰𝘵𝘩𝘪𝘯𝘨𓏲𓏱𓏭𓏭今次去嘅餐廳係荔枝角嘅工廈入面 如果唔係見到其他人推介應該唔會發現到呢間隱世小店 ヾ(o´∀︎｀o)ﾉ裝修塑造出一種歐洲宮殿嘅風格 白色柱配搭玫瑰花、小型水晶燈、墻上嘅畫仲有大量嘅花草 真係有種避世嘅感覺 𓋎𓋈主菜揀咗煎焗鴨胸同帶子蒜香意粉 意粉辣辣地 蒜味香濃 帶子煎得啱啱好保持到軟熟同唔鞋鴨胸係七成熟左右 肉質一啲都唔柴 鴨味幾濃 配上特別嘅chocolate cointreau gravy 燒汁嘅朱古力味幾出 但係又意外地幾夾鹹味嘅鴨胸 配菜有好幾種蔬菜 健康又解膩甜品係crepes 一上嚟就聞到好大陣肉桂味 法式班戟質地微煙韌 有蛋香味 加埋蘋果同忌廉好香甜～𓏲𓏱𓏭𓏭煎焗香草鮮鴨胸配朱古力橙酒燒汁 $158香煎北海道帶子配香蒜辣味羅勒意粉 $138法式班戟(肉桂蘋果 杏仁片 忌廉) $68

荔枝角工廈內嘅打卡cafe☕️裝修以白色為主調，光線充足，一定要幾多幾張相📸Lunch set包括餐湯、主菜同飲品一杯·<黑松露磨菇忌廉湯>原來是日餐湯有黑松露，唔怪得入門口就聞到淡淡黑松露味👃🏻食落味道反而無咁重，但就有好濃郁菇菌香味🍄·<香燒焗豬肉眼配肉桂蘋果醬> ʜᴋᴅ 108本來見到有cinnamon都唔係好敢哎，但又見openrice好多人讚，就豁出去試下啦😤肉眼扒好大塊，目測仲有3cm厚👀大食如我都覺得一個人好難搞掂🤰🏻醬汁微甜，肉桂味唔重所以我都接受到💁🏾‍♀️肉眼扒有驚喜🤩肉質紮實，非常juicy💦肉味都唔會有豬腥臭味。伴碟係薯蓉同蔬菜🥬薯蓉算細膩，無加入太多牛油忌廉，調味簡單清淡唔錯👍🏻·<煙肉芝士和牛漢堡配薯條> ʜᴋᴅ 108和牛漢堡牛味濃🐮配埋芝士同煙肉味道層次更豐富🤪冇花巧嘅醬汁，食嘅係原材料嘅味道，唔怕搶走牛味。雖然呢個無肉眼扒咁出色驚艷，不過都算可以😝·<西柚檸檬梳打>ʜᴋᴅ 46半價ʜᴋᴅ 23轉特飲，清新之選🌱酸酸地非常refreshing，西柚嘅微苦都唔會比甜味蓋過🍊·<士多啤梨藍莓