INN - I’m Not Nothing

营业中

休息中

荔枝角呢頭呢一間打卡餐廳Inn真係聽咗好耐！一直都好想去試！今日咁啱要去D2 Place行市集，終於順路去到啦。入到去餐廳，環境好靚，佢有一種法式餐廳嘅感覺，仲播埋法文嘅歌，總之成件事就好優雅，好適合約會。近來想食海鮮，首先叫咗一個香蒜辣味伏特加煮馬拉蜆，平時餐牌都係見到白酒煮蜆，見到呢個用伏特加覺得成件事好吸引！果然酒味好濃，成件事出嚟更加香。加埋啲蒜香同辣味，成個味道好立體，非常惹味。仲有啲蜆都好高質，粒粒都好多汁又彈牙。之後我哋仲叫咗嘢飲，係朱古力Smoothie同 雜莓smoothie。雜莓smoothie成件事感覺好足料，好大杯，係真材實料，亦都感覺健康。主菜方面我哋叫咗羊架，出到嚟超驚喜！因為超大隻！仲有三隻，佢上面嘅調味都好吸引，有保雲酥，食落更香脆可口，佢配上嘅荷蘭汁燒汁都好惹味，成件事好Juicy，仲有羊架叫左7成熟，肉質好鮮嫩。呢度每一道菜色份量都好足！所以就算淨係叫咗兩個食物，但係我哋都已經好飽好滿足，滿足嘅一餐。

清新感覺令人嚮往❤️想放鬆下去小清新嘅cafe係好選擇‼️INN - I’m Not Nothing無去過都應該聽過🤭多間分店嘅裝修風格清新，係打卡好去處今次去咗荔枝角分店，店員熱情有禮🫶🏼Set lunch配有餐湯同飲品✨甘筍薑湯有驚喜🤩甘筍味濃有淡淡薑味，飲落好暖胃🫶🏼✨All day breakfast 大大份好豐富🫶🏼有新鮮嘅水果食，好香甜厚厚蒜蓉多士好酥脆😋忌廉炒蛋好滑最重要就係有我最鍾意嘅牛油果🥑口感軟滑✨燒菠蘿配加拿大豬肉眼非常厚肉嘅扒，面煎得香脆肉質軟糯嘅豬真係好驚喜😍豬肉眼下面有層薯蓉👍🏻飽肚感十足✨西柚檸檬🍋梳打帶有酸味飲品，非常清新消滯👏🏻

今晚係工廈尋味之旅！啱好去D2 Place呢頭行街，將就係附近搵好嘢食。朋友識食啊，帶佐來工廈樓上舖一間叫INN嘅餐廳食。原來INN全名係I‘m not Nothing，好得意。出lift轉左就見到棵聖誕樹🎄🎄，裡面環境都幾好，又乾淨又唔會覺得局促，兼且唔同角落都有小小裝飾嘅巧思。嘢食方面，我地兩個人點佐：鱈魚牛油忌廉汁💰168必點！我朋友唔係好鍾意食魚嘅都話呢個🐟好食！鱈魚要整得好食唔簡單，如果煎過龍會好幹好柴，但係呢度嘅鱈魚煎到啱啱好，入口加埋配汁，好正！同埋係一大塊鱈魚，抵食嘎。香蒜辣蜆扁意粉💰128必點🍝我個friend上菜之後掛住影相，等佢影完已經驚啲意粉會幹曬。結果食個下完全無，有蒜香橄欖油係底，撈一下再食，軟硬適中，好香口啊。💯青檸蜜糖雞翼💰78雞翼一共有四隻，我地兩個差啲食唔曬，雞翼都好大隻，呢間餐廳真係用料夠足啊。雞翼出面係蜜糖包住嘎，入邊雞肉都好嫩。😊飲品點佐Mixedberry Smoothie💰48，凍檸茶💰26

荔枝角工廠大廈有唔少好野食～有間西餐廳好有歐陸風情 而且係香港都有唔少分店 星期六黎都仲有set lunch 好抵食🔆燒菠蘿配加拿大豬肉眼豬肉眼超厚身 令人眼前一亮😉配埋菠蘿帶出個肉味又juicy 🔆牛油果蕃茄和牛漢堡配薯條另一個burger 都超大份 唔只burger 本身 連沙律都好多牛油果夾滿係漢堡包中夾 加埋芝士番茄好fresh 而野飲方面叫左雜莓同牛油果smoothie 非常滑身仲有勁多cream 好邪惡🤩😉

今天和好朋友來到這間餐廳，一到餐廳門口已感覺到這餐廳浪漫的氣氛，餐廳內寧靜清幽，環境舒適，特別適合三五知己在這裏談天說地。我們點了一隻芝士乳酪醬法式原隻燒春雞和甜品肉桂蘋果杏仁片焦糖忌廉班戟，春雞🐔燒得非常香口，肉質美味嫩滑，而且溫度剛剛好，加上配搭上芝士乳酪，把一啖一啖的雞肉放進口裏的時候，品嚐到雞肉的香口和絕配的肉汁和芝士乳酪味。那件肉桂蘋果美班戟味道也非常突出，吃起上來味道不太甜，質感非常軟熟，入口時還帶有餘溫，刺激食慾

今日去完荔枝角D2 place 行街，係附近搵到呢間西餐廳。餐廳已經放左聖誕樹🎄，非常漂亮。只見店內裝修都好靚，環境氣氛都好好。香煎北海道刺身帶子羅勒醬意粉（$148）：北海道刺身帶子煮得剛剛好，佢表面煎得金黃色好香，中間就半熟狀態，真的是剛剛好，不會太生又不會太熟。然後羅勒醬個味又好香口好清新，一點也不會溜，同帶子個味又好夾。英式炸鯛魚柳配薯條（$78）：份量非常多，真的好抵食！薯條炸得非常香脆，可點茄汁食，然後炸鯛魚炸到表面脆卜卜，入面魚肉就好滑，點沙律醬真的非常香口。炸魚薯條的確有d熱氣，所以佢送埋沙律真係好好！沙律又好fresh,又有車厘茄，好有營養。食完個炸魚薯條真的非常夠飽，就算男生來吃也不會怕食唔夠飽。

同朋友行D2之後搵吓附近嘅嘢食估唔到又有啲驚喜!! 環境係歐式風格！虎蝦青口墨汁意大利飯呢個真係要大讚，意大利飯口感到位，真係做到好有口感，而且墨汁配上蒜蓉嘅香味，齒甲留香！虎蝦又大隻，高質肉桂蘋果斑戟配雲尼拿雪糕🍦呢個簡直係肉桂迷必試嘅甜品！玉桂味好濃郁，而且配上蘋果嘅酸酸甜甜加上濃濃既雲呢拿雪糕,好好食🙈英式炸魚柳配薯條炸魚唔會太厚炸粉，薯條香脆🍟，而且配上沙律菜減低罪惡感Lime Mint soda🍸同Grapefruit soda🍸兩杯飲品都唔會太甜，口感清新！總括嚟講呢度嘅食物性價比都好高值得試下！

位置喺工業大廈裏面，裝修俾人感覺舒適，好多花花草草吊燈吊扇，主調都係白色，食過佢嘅姊妹店覺得甜品好味，今次再試吓其他嘢先~🔘炸魚柳配薯條 $78作為前菜呢個份量都幾大，炸粉唔厚，魚肉嫩滑唔腥，薯條都夠酥脆，呢個價錢來講抵食!! 🔘美國豬鞍架蜜桃芥末籽 $188擺盤幾靚，豬鞍上面係雜果沙律，下面係薯蓉，切開厚厚嘅豬鞍架，望落好粉嫩，食落軟熟多肉汁一啲都唔鞋，好食喎!! 🔘玉桂蘋果班戟配雲呢拿雪糕 $78 + $10特別喜愛呢度嘅pancake，pancake皮有少少煙韌口感，蘋果蓉肉桂醬汁酸酸甜甜同pancake好夾，絕對值得俾$10加埋個雲呢拿雪糕，有埋雪糕先夠圓滿!! 🔘Tiramisu $48賣相幾精緻，好似一個盆栽仔，有咖啡同可可味唔重酒味，餅乾濕度剛剛好唔會過濕，忌廉口感好軟滑!! 🔘Flat white $38 咖啡味香濃，唔太酸嘅咖啡啱我，熱度都夠，口感順滑!!

之前已經嚟過一次呢間餐廳今次係第二次再嚟～同朋友仔叫咗一個主食一個小食同埋兩個甜品🍮•❤️豬鞍架配蜜桃芥未籽醬豬鞍成日都係我既選擇之一，豬鞍燒得啱啱好（因為我本身好怕太靭）~呢度嘅煮法配左蜜桃芥末醬幾特別，點少少甜甜地嘅味道好開胃～•❤️青檸蜜糖雞翼呢個係第二次食，真係好好食！唔知點樣整到啲蜜糖脆皮好加分🥹🥹•❤️最後再上多兩個甜品，肉桂蘋果杏仁片焦糖忌廉班戟、FRENCH MACARONS～Pancake上面有啲杏仁片幾好食，加上有我好鍾意食嘅肉桂甜品❤️

平日下午，約左👨🏻食午飯位於荔枝角嘅INN雖然係工廈但係裝修行小清新打卡風舖面乾淨企理，十分舒適❤️我點左女生至愛嘅All Day Breakfast 份量十足，應有盡有尤其兩件厚切蒜蓉多司，爭啲食唔曬炒蛋啱啱好，夠滑身食完煙肉腸仔嫌咸嘅可以裝哈密瓜放最後食即刻fresh 返👨🏻點左燒菠蘿配加拿大豬肉眼加拿大豬肉眼大大件， 肉質軟滑， 配上清新菠蘿，清新解膩，口感層次再提升。飲品點左士多啤梨藍莓奶昔可愛粉紅色上舖上厚厚嘅cream賣相吸引，打卡一流用上士多啤梨、藍莓果肉及鮮奶榨汁攪拌口味清新，而滿滿鮮果味❤️

如果女士們你哋搵緊一間餐廳，又靚食物又好食又抵食 一定要來呢間 INN I’m Not Nothing 總共有四間分店 今次去荔枝角分店 去到門口以為去高級餐廳或者去飲 淨係門口都好豪華 入到去環境好 bling bling 🫧 呢間嘢唔單只係一間靚嘅coffee shop 但係一間好好嘅西餐廳 仲有 Crepe 😍 睇個餐牌幾款食物都幾吸引 我本人比較有驚喜就係呢一間餐廳有 Barramundi 盲鰽魚 點解？因為多數會喺 fine dining 餐廳先會有 👍🏼Barramundi with Butter Cream Sauce $168分量好多 煎到啱啱好 層皮好脆 魚肉好Juicy Spaghetti tossed in Pesto with Japanese Scallops $148意粉煮到 Al Dente 加上香草醬味道冇得頂 好多廚師煮出嚟好油 但係呢一間煮得啱啱好 仲有大大隻日本帶子Mango Passionfruit Cream Crepe $78食完咁豐富嘅主菜之後 叫咗開胃酸酸咪咪嘅班戟 啲生果新鮮 好好味Avocado Smoothie $48點都要叫一杯

近排見好多朋友都到訪過呢間餐廳 激起我好奇心🤭 今日都決定去試一試！餐廳位放荔枝角D2 place 對面的一座工廈，位置雖然唔算太起眼，但絕對值得花少少時間查下Google map 點去，因為無論食物環境及待應服務態度都係一流！一上到億利工業大廈2樓，左轉就見到呢間裝修有歐式古典風格的餐廳，幾有風味，推開門就見到餐廳入面有唔少有藝術氣息的傢俬、擺設和掛畫，環境唔錯，私隱度亦都高，適合朋友閏蜜來談心！我地兩個人叫咗兩個午市套餐，套餐選擇都幾多元化，我地叫咗英式炸鯛魚柳拼薯條🍟和香燒加拿大豬肉眼配金巴利汁，飲香蕉朱古力奶昔和士多啤梨🍓藍莓🫐奶昔炸魚薯條🍟十分好吃！魚炸得好脆，仲好厚肉正！豬肉眼就稍為過熟咗少少，所以有少少鞋，不過薯蓉和沙律都好好味

長沙灣廣場對面，荔枝角站附近工廈上樓隱世西餐廳。知道荔枝角有好多臥虎藏龍的美食，所以漫遊一番。從大門小玻璃窺看到這間餐廳內櫳裝修富歐陸情懷，又有植物佈置，陣陣清新氣息吸引了我。Set lunch 價格親民，基本價格由$88至$158，包西湯及$28或以下飲品。當日和朋友兩位點了兩份午餐大家share，其中油浸蕃茄蘆筍白酒扁意粉🍝好有驚喜，一啖便知龍與鳳，超級好味😋。我們並没有叫侍應另外提供額外碟子，不過男侍應一眼關七，自動遞上兩隻碟子，好貼心。這間隱世西餐廳絕對推介，地點方便，內櫳環境宜人，平常簡單宴請朋友慶祝喜事亦不失禮。

隱藏係工廈入面裝修得好靚嘅餐廳🤍，以純白色為主，環境乾淨又舒服，紅日晏晝去到人流唔算多，食物質素都唔錯😝。·All Day Breakfast ($128) ✨佢哋既all day breakfast 份量好足😍。炒蛋炒到滑捋捋😝，腸仔煙肉都幾好食，牛油果同沙律夠新鮮，仲配左蒜蓉包同哈密瓜🤤，超級豐富～唯一缺點係啲野食唔夠熱，個包唔脆😝。•加拿大豬眼肉 配金巴利汁 （$128）✨✨✨本身睇個樣以為佢會偏硬，點知食落有驚喜😍，口感嫩得黎又有咬口😝✨，一啲都唔會鞋～味道都好好食好夠味，配埋紅莓醬食好夾又好清爽無咁膩😝。好推薦大家嗌佢～·Mocha ( +$21 )Lunch set可以加錢飲佢地既特飲，好抵😝。Mocha好濃😍，可可味同咖啡味好超級夠，比例岩岩好～ 雖然好濃但都好順口，奶亦都打得滑。•士多啤梨藍莓奶昔( +$24 )賣相幾可愛😝，不過味道普普通通，水果味唔重～餐廳既整體質素都唔錯，環境思服食物巧味價錢又唔貴又可以打卡😙🤍。

.荔枝角🏘INN❤️烤雞扒菠菜醬忌廉意大利飯 💰108勁濃郁嘅菠菜味，但個雞有啲乾身，無咩肉汁!🤩香燒加拿大豬肉眼配金巴利汁 💰128金巴利汁甜甜地，我都係第一次食，唔錯，配埋個豬肉眼食份外地夾！不過都係有啲乾！🫠🤩全日早餐 💰128個蛋煮得勁滑，讚👍🏼而個多士都好脆！牛油果亦好淋，唔會太生，整體個all day breakfast 都好好食！👍🏼五星⭐️為最高食物：⭐️⭐️⭐️抵食：⭐️⭐️⭐️環境：⭐️⭐️⭐️⭐️服務：⭐️⭐️⭐️#yummy_sumsin #alldaybreakfast #扒房 #菠菜 #工廈美食 #工廈cafe #工廈小店