INN - I’m Not Nothing (已結業)

9 0 後 的 味 蕾喺元朗搵餐廳 · 行幾步總有一間在你附近 · 咁到底點揀到間CP值高既呢？ 你要睇我呢篇食評啦！-位置超近YOHO Mall 既INN · 無論你有無適合揸車都好容易去到 · YOHO行5分鐘就到 · 超方便！-見到呢個文青草木系混合少少羅馬風格既門口就搵啱地方啦！-呢間餐廳都花左唔少心思去裝修 · 除咗放置左唔少花花草草 · 等大家有種回歸大自然既感覺外 · 餐廳仲用左好多羅馬圓柱同水晶燈 · 營造出高貴既感覺 · 值得讚賞下！- 食野除咗環境重要· 最緊要喺食物質素呀！佢嘅lunch Set包飲品餐湯 · 上次飲過佢嘅南瓜湯 · 超級出色 · 又滑又濃郁嘅南瓜味 · 今日既羅宋湯都好飲 -主食叫左蟹肉南瓜意大利飯同豬扒配蘋果醬 --鍾意佢意大利飯唔會勁Creamy勁膩嘅感覺 · 而佢塊豬扒更加值得一試 · 佢自製嘅玉桂蘋果醬配搭豬扒 · 超開胃好味 · 塊豬扒應該係煎完再拎咗去焗 · 所以佢個面唔會好燶 · 同時佢塊肉又充滿肉汁 · 咁厚身仍然保持到好軟熟既口感- 最後就梗係試吓佢哋嘅咖啡 · 揀左杯Mocha •相當出色 · 可以媲美海港城Ralph Lau

元朗又有新開嘅Cafe當然要支持一下啦😀舖頭非常之細間座位都比較逼夾😅係完全唔會聽到隔離位講嘢嗰一種距離如果以Cafe來講，可以有返多少少距離咁就好啦😂但係食物質素就十分之高中午嚟食牛油果三文魚配法式香醋汁沙律碗 $72香燒焗豬肉眼配玉桂蘋果醬 $98午餐都配送餐湯同埋$28之下嘅飲品三文魚比較乾身但係味道就OK牛油果配沙律嘅配搭就10分健康👍🏻個豬肉眼真係好出色🥰切落去係完全唔需要用力好軟冧同埋好多汁，一啲都唔乾仲有幾條細蘆筍、蘿蔔、粟米仔、薯蓉最頂頭嘅玉桂蘋果將完全係呢個餸菜嘅點睛好多樣材料一齊配搭起來味道豐富，而且望落都好吸引，最緊要係互相配搭味道非常好味😋餐湯係蕃茄湯，略嫌酸咗一點餐飲叫咗凍檸茶同埋凍鮮奶咖啡☕️鮮奶咖啡頂頭有一舊忌廉如果唔鍾意嘅話，記住落單嘅時候提一提店員啦整體來講，呢個價錢，唔使排隊，都非常之高分

寬廣的大道邊，有一間好醒目又優雅的白色餐廳。踏入門口，迎面而來的是一位矯小的靚女！嘩好開心啊！少女感滿滿的！仲咁啱遇上穿黑色廚袍，外出購買食材準備晚市或落場休息的廚師👨‍🍳，好有型啊！呢度嘅夜晚應該都會好有氣氛嘅！呢間令人充滿幻想的餐廳，令人忘記咗呢個夏天原來好熱！忘記咗呢度係香港！忘記咗自己仲帶緊口罩好鼓勵大家多啲入元朗走走，果份休閒寫意，唔差得過去離島嫁！Tea Time好享受1、充滿童真嘅食榛子香蕉棉花糖法式班戟！2、帶出少女感的士多啤梨藍莓抗衰老班戟！3、既斯文又知性的肉桂蘋果班戟！4、令人充滿能量的鮮果果碗（芒果、香蕉、菠蘿、亞麻籽、椰子片、香蕉乳酪打底）5、繽紛的特飲味道嘛～ 淨係睇賣相、價錢、店內素質、服務態度=好好味啊值啊！所以，我唔想係度多講有幾美味，等你哋自己去親身體驗同發掘更多美味驚喜啦！一定唔會令你失望嫁P.S. 平時假日係要排隊等入座嫁，但我今日有食神，好幸運地唔洗排隊，仲咁啱遇上靚女老闆娘和氣質型的老闆

今晚同朋友食生日飯，搵咗呢間喺元朗新開嘅「I’m Not Nothing」，見Open Rice 新開，而且comment唔錯，果然係好介紹，環境、服務、食物質素樣樣都幾滿意。首先想講環境，門前裝飾得幾吸引，好似羅馬古典式，諗住臨走先影張靚相，點知原來門口會加枱有客人進食，所以唔方便再影。另外，店舖雖然不大，但白色優雅佈置配上古典大吊扇，都唔錯；惟一有啲熱，可能我坐嘅位置唔近冷氣風扇。至於食物，由主菜、小食至甜品全部都幾好味。一開頭飲餐湯（加$28，有餐湯、飲品，特飲半價），番茄湯OK，加咗個小食薯條配黑松露醬，個醬非常好味，薯條食到舔舔脷！我食嘅「龍蝦牛肝菌意大利飯」，龍蝦半隻加埋充滿龍蝦膏嘅意大利飯，雖然明知月巴死，但忍唔住食哂，因為實在太鮮甜美味，太滿足了！朋友食嘅「帶子羅勒意粉」同「燒豬手」都好正，個燒豬手好大份，雖然個皮唔夠卜卜脆，但味道OK，唔會太鹹，值80分！除咗個意大利飯，用Open Rice 訂枱送嘅甜品「玉桂蘋果杏仁班戟」，估唔到不但賣相精緻，而且鋪滿蘋果，明明唔鍾意食玉桂味蘋果批嘅我，今次覺得呢個玉桂蘋果班戟非常甜美，回味無窮！唔怪得呢間「I’m Not Noth

呢間cafe開左一排，見佢裝修都好適合打卡，充滿歐陸風情，諗住趁假日就去打個卡，但都幾多人排隊，大熱天時要排隊等位真係要好大決心啊！同埋店內都好多人，影唔到室內環境，正係影到門面，都唔太打到卡，不過食物質素幾高質，下次我會揀個平日黎多次😆— — — — — — — — — — — — — — — — — — — —【香燒焗豬肉眼配肉桂蘋果醬】$98呢個豬肉都幾有驚喜，好厚身，雖然切落去都幾難切，但食落又唔會好硬，而且重幾Juicy，配肉桂蘋果醬都幾夾，肉桂嘅味道正好中和到豬肉嘅油膩感，我都幾中意呢個配搭。豬肉底下薯蓉都幾多，仲有啲粟米、蘿蔔、蘆筍，真係超飽！— — — — — — — — — — — — — — — — — — — —【韓式泡菜免治雞肉芝士配薯條】$88餐牌冇寫佢係漢堡，見到人地叫先知原來係漢堡，即刻叫黎試吓😆 漢堡嘅雞肉好厚身，除咗泡菜，仲有蕃茄、生菜等配料，佢嘅泡菜味唔算好搶，酸酸地幾清新，係一個好食嘅漢堡！😋— — — — — — — — — — — — — — — — — — — —跟餐有餐湯及飲品（$28或以下飲品），其他飲品半價優惠。【香橙芒果薄荷梳打】、【

之前食飯經過呢間餐廳，見到裝修好靚，就決定之後搵日黎試下。差唔多2pm到都係咁爆場，職員好好人，比兩杯水我哋，叫我地係出面坐住等，等咗20分鐘終於入到😆🍅 番茄濃湯味道酸味味，好醒胃，質感唔會太濃稠，順滑容易入口👍🏻🦀🎃 蟹肉南瓜意大利飯 $88蟹肉份量唔少，而且蟹味夠曬香濃😋 Risotto口感creamy，唔會膩同heavy，食唔停口🤣 配菜仲有蟹籽同蘆筍～🐖 香燒焗豬肉眼配玉桂蘋果醬 $98又大舊又厚身，可以兩個人share✌🏻肉質好紮實，但唔覺柴～ 另外薯蓉都好好食，玉桂蘋果粒甜甜地好正，配菜仲有蘆筍、粟米、紅蘿蔔，豐富🤤🍊🥭 香橙芒果薄荷梳打 +$23打卡一流🥰 然後真係有好幾舊橙，橙味好出，梳打味唔會太搶，感覺健康清新，好tropical，消暑解渴🤩🍓🫐 士多啤梨藍莓奶昔 +$24又係好IGable😍 仲做到掛杯效果～ 上層有cream，奶昔味道唔會太甜，水果味十足，口感好smooth，飲落唔會有碎冰。阿媽飲得勁快😂就算好忙碌，但係職員嘅服務態度都好好💯 食物賣相靚，味道又唔錯，而且價錢唔貴，兩個人食飽飽埋單先$256，可以encore！

一間好靚擺設嘅餐廳好啱我哋呢啲女仔打卡打卡真係好靚幸好我哋坐窗邊仲有自然光影相簡直一流估唔到跟餐仲有湯飲係蘑菇湯，好香蘑菇味值得一讚佢上碟嘅食物都擺得好靚呢個蛋餅仲有埋巴馬火腿好好味啊！估唔到一間靚嘅餐廳都有好嘅食物質素我朋友叫咗左豬肉眼配蘋果醬豬肉眼嘅肉好厚實好有咬口加埋蘋果醬 甜甜地好好食真係一粒粒蘋果粒估唔到呢種配搭會咁唔錯跟住朋友叫咗杯梳打估唔到連杯梳打都咁靚室內嘅環境，同埋食物飲品，都係可以打卡啊！我覺得係打卡之選

今日男朋友話帶我去食好西影靚相，問佢去邊又唔肯講，等我滿心期待佢帶我去邊到食野。😍原來今日係黎左元朗呢間 INN I am not nothing，真係好靚呀😍😍完全係我中意既style，雲石枱、周圍又好多花花草草，勁興奮！望下menu，係食西餐既，好開心！今日餐湯係南瓜忌廉湯，飲到有南瓜蓉，果然落足料。前菜有蟹肉牛油果多士，小妹對牛油果情有獨鍾😘又健康又好味，配上脆卜卜既多士，小妹忍唔住不顧儀容食多件！龍蝦牛肝菌意大利飯，好細心咁將龍蝦拆左肉，唔會食到好失態。意大利飯煮得岩岩好，入口一粒粒，但又唔洗咬，軟硬適中。香煎帶子意粉，面頭大大粒帶子，好香，望見都流晒口水！意粉都唔錯，夠晒入味，好食！今日係呢到食飯好舒服，環境又靚，坐得又舒服唔會逼，野食又正，今個生日好開心呀🤗🤗

元朗一向多食物，今次嚟到打卡餐廳之一嘅I’m not nothing，知道佢愈開愈多分店，所以嚟試下。環境餐廳行希臘風格，全店用白色，配綠色植物好有feel。餐牌餐廳都有特別設計，文青藝術風格，食物種類都可以話應有則有。 香煎北海道帶子配香蒜辣味羅勒意粉 $138 帶子焾身有咬口，意粉份量都頗多且好彈牙，辣味就唔算勁，再辣少少就更惹味！澳洲肉眼扒8安士配薯菜燒汁 $158 晚餐$158食到澳洲肉眼扒真係好抵，揀左5成熟，入面粉嫩程度有控制好係5成熟，肉味香濃，無乜筋同渣。榛子朱古力,香蕉,棉花糖,忌廉Crepe $68 見到望上話Crepe係必食，嚟到咁有格調嘅地方緊係要叫返d打卡食物。好多香蕉片，唔止表面，連入面都有，都幾飽肚，餅皮厚薄度啱啱好，個人口味就覺得可以再燶d。總括而言，打卡一流，食物上枱速度好快，情侶嚟又啱，一大班女仔嚟幫對方互相影相又啱！

妹子趁到元朗工作相約晚餐，順便慶祝舊曆生日，這家餐廳無論門面，還是店內裝潢，也給人一種在小花園的閒適感。兩個人也想輕食，所以叫咗一個沙律、小食、意大利飯、甜品一齊分享。沙律係水牛芝士蕃茄羅勒配黑醋，最鍾意食水牛芝士，夾埋新鮮蕃茄好食呀，當然，點埋厚身黑醋就更開胃。煮馬拉蜆要點讚蜆大隻味道鮮甜，帶少少酒香同微辣，食到停唔到口呀。龍蝦牛肝菌意大利飯，飯質口感濕糯帶少少芯，好香菇菌味，龍蝦肉質爽彈，唔錯甜品揀咗法式班戟 ，配新鮮士多啤梨、顏色黑黑嘅藍莓醬，上面有忌廉加少少水果乾同薄荷葉裝飾。班戟係軟薄多層底，口感軟韌，夾埋配料一齊食都幾夾。抹茶拿鐵拉花好靚，綠茶味香濃。店內氣氛不錯，整晚不停有顧客入坐。

上網見到元朗有間好靚嘅餐廳於是就特登入嚟試吓，內外都好吸睛，店員服務好好。咁啱嚟嘅時候啱多人，坐位都闊落，再加埋音樂，環境好舒服。款式都幾多選擇。香蒜伏特加煮鮮馬拉蜆 $98先點左個蜆做前菜，蜆嘅味道好鮮甜，肉質彈牙，唔會太老。入口會先有蜆味，再慢慢滲透出辣味同淡淡嘅vodka味，蒜味亦都適中，唔會怕好濃蓋曬啲蜆味，而且個湯汁都好好味。大大粒彈牙飽滿蜆肉。保雲酥紐西蘭羊鞍配開心果薄荷醬 $208呢個真係超級抵食，性價比高，剩係肉量呢個價錢自己出面都難買得到！羊肉我揀左medium，上碟時偏medium well，不過唔會韌，唔錯！而佢開心果醬嘅味道都調較得好好，同羊肉味好夾，配埋薄荷醬真係無得輸。而薯蓉都煮得好幼滑，味道都夠濃郁。呢個下次都會再翻食。羊肉唔會蘇同韌。法式班戟 - 肉桂蘋果、杏仁片、忌廉 $68嚟到甜品時間，班戟皮整得好好，厚度適中。而肉桂皮果味好清新，配埋杏仁片口感豐富。入口有多元化嘅口感。總結：餐廳嘅環境、服務、食物都好出色，適合拍拖或者朋友聚餐，食完會想再嚟翻食。

之前喺網上見到荔枝角新開左一間宮廷風嘅cafe,估唔到原來元朗都有分店，所以今日就去咗試！.芒果青提子忌廉法式班戟$68 +雲呢拿雪糕$10Crepe好大份，有朱古力漿同芒果漿調味。上面鋪面芒果同埋青提子，同埋吱咗勁多cream。水果食落都好甜，而cream反而又唔會好heavy同甜，兩樣夾埋啱啱好。特別鍾意佢表面有啲椰子片，食落脆脆的♥︎另外亦都可以加錢要雪糕，冰火交融口感更佳( ˘ ³˘)♥.北海道刺身帶子配夏日西瓜青瓜沙律$88呢幾日天氣咁熱真係完全唔想食熱嘅嘢，食沙律就啱啱好( ͡° ͜ʖ ͡°)刺身帶子表面微微煎香左，同用着黑椒調味，令到味道更突出，但又唔會熟到食唔出係刺身❣︎雖然個名係青瓜沙律，但係原來都有好多蔬菜，配埋又甜又多汁嘅西瓜一齊食碟啲嘢幾開胃！.香蒜辣椒伏特加煮鮮馬拉蜆$98呢碟比我想像中嘅更加好食！食落帶酒香但其實唔係太食得出辣椒味，反而有一陣甜甜地嘅味道，但同蒜味又好夾！蜆嘅份量都ok,大大隻，係個湯度浸完好惹味！.西柚檸檬梳打$46外表幾靚，飲落亦都幾有果味，有一大片西柚♥︎好消暑！.總括而言：crepe幾出色，咸食味都正常。環境其實都幾靚，走宮廷風，係一間幾特別嘅小

餐廳門面好歐式，店內走羅馬風，全間舖白雪雪，日頭食應該好清新，我地夜晚食個燈光就昏暗啲，餐廳坐位唔多有少少逼。今日餐湯係南瓜忌廉湯，南瓜打成蓉好creamy, 濃稠度適中！叫咗個唔係成日有得食嘅芝士雲呑，每粒雲呑都索滿茄醬松露醬，好味道！我地再試多個肉眼扒，超大塊，水準出乎意料地好！薯條夠粗，炸得幾好，呢個size 同價錢算幾抵食～見個薯條咁好食，叫多個炸魚薯條，炸魚唔算厚粉，好香脆，點他他醬食一流！

係元朗新開左間cafe,見到門面好靚，好休閒既感覺，又好大自然feel,咁就入去試試環境好chill,店裏面有唔少植物裝飾，d佈置都睇得出有心思，店員都好nice好有禮貌，服務好好，好細心，去食野除左野食好食，服務都好重要，呢間我就好滿意。法式班戟 肉桂蘋果味$68食落好香玉桂蘋果味，就好似某樂園既3d電影個隻蘋果批既味，好香，甜度適中，班戟好軟，配上脆口既杏仁片多重口感，價錢亦都幾抵食香蒜辣椒伏特加煮馬拉蜆食落都有d勁酒味，好特別，蜆肉都大舊，辣度適中，係幾特別既菜式。波士頓龍蝦牛肝菌意大利飯呢個龍蝦飯$148咁既價錢食到真係好抵食，龍蝦份量有半隻，龍蝦做得好好食，而且配埋佢牛肝菌好香，個意大利飯亦都好好食，飯既份量唔算多，但味道好好。紐西蘭羊鞍配開心果醬$208以呢個價錢黎講好出色，佢份量都唔少，一個人都可能會濟濟地，我就簡左5成熟，岩岩好，肉質好鮮嫩，唔太覺得有羊既酥味，配左開心醬好香果仁味，d配菜亦煎香左，成個菜我相信係第度食會貴d,呢到性格比真係好高。估唔到元朗都有咁靚既cafe，食物亦高質，大家可以一戰

無黎一排元朗，估唔到又新開左幾間餐廳。今日見到呢間INN - I AM NOT NOTHING，個名幾得意，而家都好多人食，我都唔執輸試下先！成間餐廳格局簡約、以白色為主調，餐枱用雲石紋，好有情調，比人感覺好high class。Menu都製作精美，不過最緊要都係睇野食，呢到主打西餐：沙律、扒、意粉。今日餐湯係南瓜忌廉湯，好杰身濃郁，重南瓜味，唔錯！呢個咁精緻既係牛油果蟹肉三文魚籽多士，極高質！多士好脆身，咬落有聲，上面牛油果同蟹肉份量足，夠鮮味，所有食材都勁match！波士頓龍蝦意大利飯，龍蝦拆埋肉，非常細心，意大利意好重牛肝菌味，味道出色，不過意大利飯有少少淋得濟，無乜咬口。北海道帶子意粉，帶子調味唔錯，但都係有少少過熟，中間有部份已經變硬，味道搭救！意粉就煮得perfect，索味、唔會煲到太淋，時間掌握到岩岩好，出色！