INN - I’m Not Nothing (已結業)

妹子趁到元朗工作相約晚餐，順便慶祝舊曆生日，這家餐廳無論門面，還是店內裝潢，也給人一種在小花園的閒適感。兩個人也想輕食，所以叫咗一個沙律、小食、意大利飯、甜品一齊分享。沙律係水牛芝士蕃茄羅勒配黑醋，最鍾意食水牛芝士，夾埋新鮮蕃茄好食呀，當然，點埋厚身黑醋就更開胃。煮馬拉蜆要點讚蜆大隻味道鮮甜，帶少少酒香同微辣，食到停唔到口呀。龍蝦牛肝菌意大利飯，飯質口感濕糯帶少少芯，好香菇菌味，龍蝦肉質爽彈，唔錯甜品揀咗法式班戟 ，配新鮮士多啤梨、顏色黑黑嘅藍莓醬，上面有忌廉加少少水果乾同薄荷葉裝飾。班戟係軟薄多層底，口感軟韌，夾埋配料一齊食都幾夾。抹茶拿鐵拉花好靚，綠茶味香濃。店內氣氛不錯，整晚不停有顧客入坐。