INN - I’m Not Nothing (已結業)

今日和舊朋友相聚，到了九展這間餐廳，之前曾經來過這裏，但是餐廳名不同了，應該轉了手，忘了之前的裝修是否這樣，不過喜歡這裏環境舒服，落地玻璃陽光透入，空間感增強，天花的小水晶吊燈更添高雅感覺。想不到中午時間這麼多人，相信是附近的上班族過來吃午飯，在門口等了一會兒便能入座，午餐有11個選擇，價錢有$85至$138不等。朋友點了一個「蒜香帆立貝龍蝦汁意大利飯」（ $88 ），個樣睇落都唔錯，帆立貝超大舊！我選了「香燒焗豬肉眼配蘋果肉桂醬」（$108 ），同樣係大size, 我諗有15cm長，仲要厚切，所以相當飽肚！肉質方面我比70分，係某啲位略嫌韌咗少少，佢個蘋果肉桂醬我就好鍾意，加埋配菜冇咁寡。午餐包埋餐湯，今日既忌廉湯味道不錯，質地厚厚地我鍾意。我同朋友都點了士多啤梨藍莓奶昔（特飲跟套餐可有半價優惠），呢個真係要讚一讚，外表夠晒吸引，靚之餘仲好味，唔會太甜，清新好味，推介推介！

喺Emax睇完戲之後就順便喺呢個商場度食埋Dinner，無意中發掘到呢間低調但又高質嘅Cafe😛餐廳裝修好靚而且燈光好有氣氛，好適合帶埋另一半嚟拍拖拖👫🏻我地叫咗兩個餐，其中一個仲＋38升級咗set，姐係包埋餐湯同埋野飲☕️咁啱今日餐湯係朋友好鐘意嘅羅宋湯🤣餐飲方面就就叫咗士多啤梨藍莓奶昔，不過因為係特飲所以要再加多$24🤑唔單止士多啤梨味重賣相仲要好靚，cream上面仲加咗塊薄荷葉做裝飾🤪主菜方面我就叫咗澳洲肉眼扒8安士配薯菜，7成熟個扒送上嚟嗰陣唔會話燒到非常熱入唔到口🥵 都算幾貼心😆雖然薯菜只係配菜但係份量都好多，食完之後我已經差唔多飽咗9成😮‍💨朋友就叫咗個香煎北海道帶子羅靹青醬意粉🇯🇵北海道帶子勁大料，咬落好好咬口😚佢話個意粉好多配菜同椒所以食落感覺好健康咁😍 啱曬減緊肥嘅朋友仔💦食完正餐當然要食埋個甜品啦，我地就揀咗榛果朱古力班戟🤤班戟唔止賣相靚而且入面好足料，有好多醬同埋香蕉🍌最後想提返大家呢度仲可以帶寵物入嚟，而且喺呢度消費滿指定金額仲可以泊車㗎🤤有寵物嘅朋友仔可以同寵物喺隔嚟啟德郵輪碼頭玩完之後揸車過嚟Dinner👍🏻地址：九龍灣展貿徑1號E-Max 國際展貿中心地下2

餐廳位於九龍灣Emax, 稍微有少少偏遠，好少會突登入黎 今次咁岩同朋友行開呢頭就黎試下。餐廳嘅裝修偏向歐陸庭園風，成個感覺都幾靚🌼✨香煎北海道帶子羅勒青醬意粉（$138）意粉離遠已經聞到好香嘅青醬味，食落都有幾明顯嘅羅勒香😋意粉唔會粉得太淰太濕，上面有兩大粒煎帶子❤️好味。✨英式炸魚薯條（$68）炸魚味道算係不過不失，外層嘅炸粉略嫌有少少厚，食落有啲膩。薯條反而非常好食😋食落香脆，咸度剛好，真係食到停唔到口。✨ 摩洛哥辣醬烤雞槌（$68）炸雞槌外塗上左微微酸辣嘅醬汁，味道都算係唔錯。

Emax喺晚上就會變得好清靜，變相食飯唔洗等位，仲可以靜靜地食餐飯☺️呢間餐廳既裝修好有心思，我地order左4樣野食，全部都性價比極高，好味！😋1.英式炸魚薯條剛炸起的，熱辣辣🔥炸魚皮夠脆，魚肉唔會腥。薯條係脆粗薯☺️2.摩洛哥辣茄醬烤焗雞腿每隻雞腿好大隻，皮夠薄脆，雞肉肉質唔錯，完全無雪藏味！👍🏻👍🏻3.波本牛油燒焗法國春雞配紅酒梨原來係有成隻春雞！好抵食！雞肉肉質唔錯。紅酒梨好入味，好解膩！😋4.紅酒燉牛頰肉配中東米牛頰肉份量相當足夠，燉得極之冧身同入味，肉咬落唔會起渣。第一次食中東米，有d似細粒版既Risotto，好特別，好味😋呢餐每道菜都令我地都好滿意，仲要埋單只係5百零蚊，可以encore!!!😀

2021年7月10日 晴同男朋友食完燒牛轉眼又夠鐘食晚餐。今晚就食九展新開ge 一間chill chill cafe 打黎confirm booking 個陣職員已經問我地有冇寵物, 去到原來餐廳分開左兩邊（中間有玻璃牆分隔）。一邊係可以俾狗狗自由活動（坐上櫈都冇問題）, 另一邊就俾冇寵物ge 客人, 對於一d 怕寵物ge 人都冇問題。同埋餐廳職員都好nice 好好禮貌, good good 仲有專俾狗狗ge menu我地冇寵物就坐左另一邊。呢邊餐枱之間比較近, 寵物個邊就好闊落仲有靚靚打卡椅同玩樂區咁。由於arm arm 食完野未係好肚餓, 所以我地都叫左d 輕食, 冇叫主食。是日餐湯 $28, 今日個湯係洋蔥湯。上面有塊包同一大片芝士芝士味同洋蔥味都超濃, 塊包吸曬d 湯, 好入味, 超正法式班戟 $68, 加雪糕 $10, 佢有幾款餡揀, 我地就揀左榛子朱古力、香蕉、士多啤梨、Cream。Crepe 好足料, 配埋雪糕有種冰火交融ge 感覺, 好味香蒜辣椒伏特加煮鮮馬拉蜆 $98, 呢個蜆超級好食。好香蒜同辣椒味, 但蜆肉又好鮮, 正啊 不過佢辣椒都幾多, 男朋友唔食得辣覺得有d

今日唔知點解又去左九龍灣國際展貿中心，又到晚飯時間，所以就搵嘢食，咁啱又見到呢間餐廳裝修好似好靚，咁就入去試一試。估唔到喺國際展貿中心呢個咁偏遠嘅地方都竟然有生蠔食，所以就叫咗兩隻嚟試吓。呢兩隻都係法國生蠔，海水味好重又有啲金屬味。呢個係牛頰肉配中東米之前喺某間酒店食過一次牛頰肉，都知道佢個口感係偏淋同嫩口。點知今次喺呢間餐廳食到嘅牛頰肉仲軟熟過之前喺酒店食果次。配埋個中東米，其實即係小麥粒，配搭幾有創意。呢個係帶子羅勒意粉意粉炒得好香，羅勒味又好岀。仲有帶子煎得好香口，外脆內軟。最後飲品叫咗杯凍嘅latte。餐後感：食完生蠔我冇肚痛！

上次黎咗之後，一直都想再黎。環境嘅野就唔多講啦～今次係同姊妹們聚會，係餐廳文藝嘅氣氛之下，加上顏值高嘅美食，渡過咗一個非常開心完滿嘅下午。非常推薦呢到做聚腳點。甘筍湯：感覺有啲似忌廉湯，啖啖甘荀蓉，口味都係比較偏清淡。香燒焗豬肉眼配肉桂蘋果醬：豬肉眼份量十足！夠大夠厚！仲配埋薯菜。肉質方面都好嫩滑，有啲似慢煮肉嘅感覺。雖然本身肉味比較淡，但配合肉桂蘋果醬食，香香甜甜咁，好好食！軟殼蟹意式茄醬扁意粉：軟殼蟹炸到脆脆香香，意粉加咗香蒜去炒增香，炒咗嘅意粉口感比較硬身小小，但唔會好油膩。飯量細嘅朋友，可以試下佢哋嘅意粉。澳洲肉眼扒8安士配薯菜·燒汁：牛扒叫咗七熟，肉味比較淡，有小小筋。調味方面呢個燒汁係蒜味比較重嘅，而個人都係比較鍾意用鹽或黑椒配牛，所以醬汁方面個人覺得不太相配。

準備去睇戲嘅時候就發現呢間靚靚cafe，入到去先發現有分開兩邊，另外一面係寵物友善嘅位置，都幾多人帶住狗狗出嚟食飯🤣香煎北海道帶子羅勒青醬意粉 $138賣相好靚🤣打卡一流！有3粒大大粒、煎得啱啱好嘅帶子，加上蘆筍同三色椒配菜，唔會太濃味，眨下眼就食曬！芝士焗波士頓龍蝦配意式茄醬意大利飯 $148芝士控一定會好鍾意～有大量芝士同埋蒜蓉，輕輕用刀叉一扭就全舊龍蝦肉可以完整拔出來，另外都有大大隻龍蝦鉗，又係啖啖肉😝意大利飯酸酸甜甜，有蘑菇、四季豆、三色椒等等做配菜。餐廳地方頗大，而且裝修很靚，好啱同朋友食下飯傾吓計～

今日去九龍灣Emax lunch ，INN - I’ m Not Nothing …是一間Pet Friendly 的西餐，但是分開區域的，所以不用擔心🥰INN 裝修以水晶吊燈裝飾，是高級的西餐廳路缐但價格親民🙊午餐跟一個餐湯和一杯$28或以下的飲品，亦可以半價的優惠選擇其他飲品！是日餐湯，蕃茄忌廉湯，蕃茄味濃郁，比較杰身但口感很滑！蒜香帆立貝龍蝦汁意大利飯，蒜味很香，帆立貝煎得很香又爽甜，意利飯軟硬適中，龍蝦汁很足，拌勻意大利飯一齊食，每粒飯也很入味！安格斯和牛野菌漢堡配薯條，麵包烘得很香脆，和牛漢堡肉味香濃可口，再埋上香濃芝士和炒過的野菌很惹味！薯條炸香脆可口！Cappuccino,泡沫細緻很滑！朱古力香蕉奶昔，很creamy 香蕉味香濃但又不會蓋過朱古力味😍

今日去左Emax做野, 做完野有少少餓之後就去左附近睇下有無野食, 經過見到E間餐廳裝修幾靚就入去試下! 餐廳環境不大不少, 枱與枱之間都有距離, 座位寛闊, 坐得都幾舒服!🌟派對白桃烏龍茶🍑🍵白桃味幾香, 烏龍茶味道清清地🌟芥末籽蜜糖燒豬仔脾意大利飯🐷豬仔脾怖滿芥末籽蜜糖, 食落啖啖肉, 好惹味, 意大利飯口感煙韌🌟鮮果果碗🥭🍌🥥入面有芒果, 熱情果, 亞麻籽, 椰子片同香蕉蓉, 食落好清新, 口感非常豐富而且好飽肚!

好多朋友都推介九展一間cafe，裝修靚又有打卡位，野食又唔錯，於是有晚就黎左inn I m not nothing覓食啦一入去就feel到成個法式田園風，座位，燈同埋擺設都好靚。由於女朋友唔係好餓，一個粉同一個肉。諾曼第海鮮忌廉燴意粉 $138 － 首先汁既味道好夠，好香濃。海鮮全部處理得好好，蝦有微微煎香，帶子食得出用牛油煎過，青口都唔腥。食落口好creamy，完全岩哂我呢d鐘意重口味既人！鮮牛油果醬烤焗美國黑毛豬鞍扒 $188呢個價錢呢個份量真係唔錯，豬鞍扒每切一下都有汁流出來，相當Juicy，豬肉粉嫩有咬口，好香既肉味。伴碟既薯仔，西蘭花，蒜頭全部都用唔用水法處理過，睇得出廚師好有心，每樣都花時間整。出黎成個效果好正，但牛油果醬就相對普通，同豬鞍不算好夾，但係本身個醬就咁食都好好味。Overall黎講係值得同朋友黎打卡食飯既餐廳，至少食品係有水準，太耐無食西餐，呢間好滿足！

前排去左九展考試，經過見到呢間餐廳裝修好吸睛，就決定搵日放工同埋男朋友去🥰🥰🍡Expresso Tonic初頭一飲落去，帶有少少酸酸哋，呢個味道都係第一次飲到！一開始以為係咖啡豆嘅酸味，但再飲多幾啖，似係落咗啲果汁係杯咖啡上面咁，所以帶有水果嘅甜甜酸酸味道！🍡Latte一嚟到杯咖啡真係好邪惡，勁多cream ！有咖啡味，但對於成杯Latte嚟講都比較稀，水份量多！🍡法國生蠔法國生蠔超級肥美，啖啖肉，食到有少少金屬嘅味道，海水味重！🍡紅酒燉牛頰肉配中東米除咗中東餐廳之外，都好少地方見到有中東米食！口感其實有啲似椰菜花飯！中東飯嘅味道有預先加咗調味料，所以鹹淡適中，唔會太齋！燉牛頰肉好軟熟，紅酒味唔算太濃烈，但都食得出有微量紅酒味！剛好我食嗰舊牛係最肥美的膏，一咬落口成個肥膏喺我口中溶化，完全唔覺得佢肥膩，反而好正！🍡北海道帶子羅勒青醬意粉呢個菜係我嘅Top Pick！羅勒青醬完全融入左係意粉當中，好好食！而帶子表層兩邊都有煎過，但內裡軟滑！食完飯之後，先發覺原來佢仲有另一個區域「狗狗友善營地」係俾啲主人帶埋竉物嚟食飯嘅人！而最低消費午市時間都只係一個套餐，對於我呢啲有寵物來講嘅人，真係一

無意中發現九龍灣原來都有INN，唔使特登去到元朗或者荔枝角食😆未去過其他分店，不過九龍灣就好寬敞，裝修亦都帶有法國色彩，以白色同木色為主，有埋水晶燈同埋綠色植物，成個感覺真係好舒服好靚🥰餐廳仲會播下法文歌，真係幾有情調。我見餐廳門口有賣貓貓同狗狗既零食，我諗係歡迎寵物嘅，不過因為係平日夜晚，我就唔係好覺有寵物🙈大家有需要可以打電話去餐廳查詢。🎈芥末籽蜜糖燒豬仔髀意大利飯 $128蜜糖芥末味既豬仔髀真係好惹味，聞落唔止勁香，食落仲好好味😋😋一人拎住一隻食，真係食到損埋手指🙈🎈澳洲肉眼扒8oz $158開頭諗住8oz會好細塊，又或者好薄，點知上到枱見到都算幾大塊🤤🤤而且擺盆又真係幾有心思👍🏻👍🏻🎈香蕉朱古力奶昔 $48呢杯香蕉朱古力奶昔唔會太甜，不過好重香蕉味，好有蕉氣🤣🤣🤣🎈榛子香蕉朱古力班戟 $68講真Nutella同香蕉真係勁夾🤤🤤上面仲有法式班戟必備既忌廉，灑上椰子脆片，估唔到加埋一齊咁好味🥰🥰

呢間鋪用咗歐式桌椅 仲有好多綠色植物🌿 比人溫暖嘅感覺 岩曬同朋友嚟食嘢傾計打卡📸咁岩去食嗰日係serrini 演唱會 好多人都着左森林系outfit😆 令到成間餐廳更加有feel🍽️香煎北海道帶子羅勒青醬意粉 $138醬汁帶濃郁嘅羅勒味同蒜香味 醬汁好好咁掛係意粉到 意粉同煎帶子煮得岩岩好 帶子都好大粒加上味道鮮甜爽脆 同醬汁好夾~🍽️茭白荀香草檸檬焗原條鮮魚 $118泰式焗鮮魚就食得多 係西餐未見過menu會有原條鮮魚叫🙈 見好似幾得意咁就叫左~ 上面鋪咗茭白荀 檸檬 迷迭香 用左鹽同少少辣椒粉調味 所以食落有淡淡嘅檸檬香同香料味💕 仲一啲都唔腥 🐟鱸魚食落唔太多骨 好易夾到一大舊魚肉出嚟 魚肉仲keep住好多汁 真係幾好食~😋🍽️榛子朱古力crepes $68最後仲叫左一個甜品share~ 鬆軟嘅可麗餅 夾住滿滿嘅榛子朱古力醬🤩配埋香蕉 士多啤梨 同甜甜嘅cream 真係好滿足😋

上個週末，係E-max 睇完戲之後去左Inn-I'm Not Nothing 度食lunch , 估吾到e-max有間咁高質既餐廳 , 餐廳走小清新風格 放滿好多綠色既植物 好養眼 置身於樹林一樣 環境好舒服 又非常適合打卡。🥰我地叫左一份英式炸魚薯條 炸魚好好味 炸魚係新鮮即炸，魚肉好厚身，好香脆吾會炸到好乾 個人係非常推薦既。另外仲叫左澳洲肉眼扒配薯菜，肉眼扒叫左七成熟，火喉剛好，食落肉質好鬆軟又juicy 而且塊扒好厚身 份量十足。