IJ Kitchen (已結業)

好耐無見小可愛，今日專登約佢出黎APM揀聖誕禮物。揀完就搵野食，姐姐推介一間係觀塘新開既I J kicten ，話佢之前食過同一老闆既另一間食店，好出色。下午茶餐同午餐都去到下午六點， 我地下晝五點黎到仲有得叫，真係好抵食。我地四個人叫左是日精選-西班牙海鮮飯 , 西班牙紅蝦湯海鮮烏冬 , 紅酒燴安格斯牛肋條意粉同迷你和牛漢堡。自己最鐘意呢個西班牙紅蝦湯海鮮烏冬，湯濃烏冬彈牙。迷你和牛漢堡，係老闆推介比小可愛食架, 漢堡一到小可愛急不及待，伸手要食，仲食到舐舐脷。🥰🥰新張期內,叫午餐同下午茶餐，有柚子特飲，梳打特飲，熱朱古力仲唔洗加錢。柚子梳打同荔枝梳打都沖得好好飲食多個甜品，流心魔鬼朱古力蛋糕，晚餐都可以唔洗食添🤣。呢度好啱附近返工既人放lunch 食。

日前去咗觀塘工業大廈食lunch，餐廳仍然在試業中 。之前光顧過餐廳前身，位於火炭嘅私房菜，水準好高，留下好印象，知道佢搬咗嚟觀塘，所以去試試。我哋四大一細，叫咗三個lunch set同一個tea set。lunch set有紅酒炆牛肋條意粉、西班牙海鮮飯、同西班牙紅蝦湯烏冬。 我哋一致最愛西班牙紅蝦湯烏冬，因為湯底充滿濃郁嘅蝦味，而裏面亦有好多海鮮。烏冬爽滑彈牙，好味得大家搶住食。紅酒炆牛肋條都好得我歡心，因為牛肋條炆得超霖，超入味，伴意粉食，美味飽肚。呢度lunch set一個先五、六十蚊，性價比好高，相信喺觀塘工業區，午市一定有得做，啱曬一班打工仔醫肚。囡囡就揀咗小朋友最愛嘅西班牙黑毛豬漢堡，囡囡讚好食，好得小朋友歡心❤️

觀塘工廈美食！高質午餐～私房菜味道性價比高！午餐$58起！新張期內仲送埋飲品，熱柚子蜜、熱朱古力、凍梳打特飲！慳咗成$38～午市仲免收加一！超抵食呀同朋友叫咗幾款一齊食，不錯啊！紅酒燴豬肋骨好入味！肉好淋！紅蝦湯烏冬湯底濃郁味道特別～紅酒燴牛肋條，肉淋多汁撈飯一流！西冷牛扒好新鮮多肉汁！6成熟超正！海南雞好滑溜呀！竹炭和牛漢堡分量十足呀！飲埋杯荔枝梳打～勁滿足呢！唔想成日食茶記，想享受私房午餐嘅朋友一定要去試吓啦～

前日同朋友去食私房菜🥰朋友之前都食過話唔錯就帶咗我黎啦，Lunch🎄之選,好多set 仲係$58up咋😍💖香滑海南雞飯雞滑，飯有椰香嘅味道🤗好正呀‼️💖西班牙紅蝦湯烏冬配西班牙豬腩片我太喜歡這個湯底了吧，而且食到係稻庭烏冬，豬腩片好鬆化添！‼️💖美國安格斯西冷意粉牛扒大概七成熟，肉質唔錯，如果我哋食得牛肉應該會再叫😆 💖紅酒會安格斯牛肋條朋友話個醬汁好夠味，用個汁撈飯都夠哂好味！牛肋條好冧，究竟係有咩奧妙呢？🍔竹炭澳洲和牛漢堡配沙律個包有啲似奶油豬嘅質地，小朋友最愛香口嘢，全場小朋友最鍾意呢碟😆廚師精選：意式紅酒會豬肋骨我哋終於食得啦，呢我豬肋骨個汁又係好正，有少少似燒汁，仲要唔鞋口，送飯好正，我一個人可以食得哂一碟😁配上士多啤梨梳打，打卡一流，好香🤗🤗