IJ Kitchen (已結業)

Ij kitchen: 成業工業大廈4樓觀塘工廈有多餐廳 ，呢間係其中一間高質素， 性價比高的西餐。 今日同朋友一齊慶祝生日, 喜歡吃西餐的我們當然要來享受一下。Menu 嘅選擇都係精緻的西餐菜式, 亦可以選擇 A la carte 。龍蝦湯先上個龍蝦湯， 龍蝦湯有好濃沃嘅龍蝦味， 啖啖真材實料!美國安格斯西冷飯$198眼見肉眼扒特價錢只係$198，諗住應該係薄薄地嗰種牛扒。 點知一上枱時有驚喜係厚身嘅靚扒。牛尾質地好靚, 好冧, 淨係用鹽同黑椒已經可以帶出好正嘅牛味，師傅話用好多心機時間先去整，攞走了啲肥膏同埋根先整到一個咁靚既牛扒，食落真系好正好好味! 配上薯菜， 龍蝦湯以及熱柚子蜜及甜品， $198 呢個價錢真係超值!滋味卡邦尼意粉$138 Carbonara 有濃郁的芝士香氣，配上香脆的煙肉及香料，口感尤其creamy 。是日甜品：豆腐雪糕加 expresso第一次食這個配搭的雪糕，原來是把expresso 慢慢倒在雪糕上，先試一口，哇! 好驚喜，出奇地match !必試之選牛扒餐性價比極高， 尤其是配埋咁好食嘅甜品，喺邊度搵！麻雀雖小, 五臟俱全, 這間餐廳嘅設計很有歐陸嘅

原來呢間餐廳夜晚係私房菜，問完個Menu都啱食所以就book枱啦Menu:法國生蠔2隻田園沙律龍蝦湯白酒青口美國Prime西冷1pcs約12-14安士龍蝦汁意粉甜品首先係啲生蠔都幾大隻同新鮮，唔係好腥，我男朋友唔鍾意食生蠔都覺得好食。龍蝦湯好好飲，睇得出真係用龍蝦整出嚟，因為仲有啲渣喺度，唔係用粉溝出嚟。青口好大兜，都幾鮮味。塊西冷勁大塊，好香好Juice，食完都好飽。個甜品係外面似蛋糕實際裏面係雪糕嘅朱古力甜品，我仲以為裏面係cream會好漏，所以都幾surprised。整體來講都有水準，可以一試👍🏼

IJ Kitchen (觀塘)觀塘成業街19-21號成業工業大廈4樓06室同女朋友係紀念日特登黎試吓呢間隱世嘅fine dining 。環境清靜，好適合兩個人黎撐枱腳談下心。呢到嘅食材會用重量來計算，在點餐記得自己問清楚啦。頭先冇人叫這塊牛扒，部位係喺牛腹膜嘅附近，肉質鮮美但筋會比較多，不過師傅好細心咁樣將筋切除左先，令口感更加好。以蒜蓉黑椒煎香至5成熟，非常好食最令人驚艷嘅係呢個鵝肝配左嘅嗰兩塊墨魚汁包，烘過之後更加香脆，入面仲有一粒嘅墨魚令整體口感增加，配埋一齊食嘅時候麵包會吸收左鵝肝嘅油份又中和到個油膩感。之後呢一個大蝦意粉更加係性價比之選，入面有好多隻蝦，而且仲要選用咗新鮮嘅海蝦。D蝦汁好濃郁咁樣吸晒啲麵條上面好正最後當然要有個甜品去為呢個晚餐畫上完美句號啦，入面嘅朱古力慕絲好香濃。

我們很早入座，未有其他已訂住的食客，有機會與廚師多談幾句，聽到餐廳過去少少歷史，原來也經歷了十數年話不多說，我們訂的是情人節二人餐，在已訂的餐單上加多四隻生蠔，共六隻。生蠔來到，急不及待，完全忘了拍照，吃到一半才想起！生蠔海水味重、肥厚、配上檸檬汁，加起來鮮味非常！柚子汁田園沙律：感覺太田園，除了配料扣了些分，整體也很清新充滿「濃」蝦湯味的湯！好溶不會太咸，好好味！主菜來了！燒美國安格斯牛排 (每人各8oz)，聽廚師講，原來為了預備晩餐，早上已開始預備及挑筋！我們也是會自煮的人，叫了三成熟，能做到這樣的效果，要有相當經驗及技巧！只有一句「讚！」見到鄰桌叫了一碟蝦刺身，叫了一隻來試！蝦腸挑乾淨了！蝦肉半透肥厚，蝦頭的膏汁多至傾出！鮮而完全沒有絲亳腥味！又是很濃的蝦汁，意粉微硬但非常香！蝦肉又是肥肥厚厚的！超滿足！完美「。」tiramisu不是港式那種，有酒味，若下層部份比例加番，效果更好！但仍美味！整體上：上菜速度適合慢吃，因為每一度菜逐樣煮，等是正常及應該的！

元宵佳節，男朋友帶咗我黎食法國私房菜，真係知我心意🥰最愛法國菜了❤️本來諗住叫個二人餐，但大廚兼老闆(?)同我地講呢排市道麻麻，冇入太多食材，整唔到二人餐比我們😭明既，唔緊要啦散叫一樣啫~ a la crater menu都有好多嘢想試！鵝肝 $160/100g我地揀咗舊大舊既成168g😍超大舊！餐廳好細心咁仲比咗2片竹炭漢堡我地夾住食😋鵝肝超香，油脂滿滿，除左鵝肝好味之外，竹炭漢堡都精心咁烘過，食落好鬆脆，私房菜就係要食細節位~~~牛肩胛扒 $90/100g我地要左2塊，總共360g，據老闆所講係今日新鮮運到架！😍我要三成熟，男朋友就要五成，食落肉汁飽滿，肉質鮮嫩彈牙，牛味頗濃郁👍🏻👍🏻調味得非常好，完全唔洗落其他醬汁，專心食就可以了😆😆連伴碟既蔬菜都好味到不得了！大蝦西班牙紅蝦意粉 $198一上到枱我地都呆咗，點解可以有咁多隻蝦😱😱超揼本！西班牙紅蝦肉質好爽口，唔係出面食霉durdur嗰d cheap嘢🙅🏻‍♀️好鮮味😋💕個扁意粉煮到口感啱啱好!!😍好掛汁，個sauce好重蝦味，入口濃稠，食到我地𠽌𠽌聲，真係好正😭魔鬼流心朱古力蛋糕 $58食埋個甜品為呢餐畫上完美句號~朱古力味好重，唔

覌塘工業區真係好多食市，最喜歡偿新的我得閑會上openrice 做search,見到有新開張就會約朋友去試新。日日食一樣的野會好悶。 約佐兩個friends lunch 去Ij kitchen 我地都喜歡驚喜,它畀到我第一驚喜就係它不是一般茶☕️記，靜靜地播放緊輕柔的音樂，可以邊食邊傾計。 睇返餐牌，唔會好多選擇，可能係新開，可能之後會有更多新野推出。不過對於有選擇困難症的人來講可能係好事 我地叫佐三個餐，蟹肉紅蝦🦐汁意粉，意粉好入味，有海鮮的鮮味。我地一人兩淡就無了。好想叫多份，但又想試下其它，所以就叫佐紅酒🍷燴安格斯牛🐂肋條，裹個有驚喜！默認五成熟，外焦內嫩。再有新鮮沙律菜配搭！I like it 有偿新先有驚喜！行兩條街過來係值得嘅

今次嚟到觀塘嘅工業大廈搵嘢食。餐廳位於工業大廈裏面，唔算太難搵。地鐵站行過嚟大約10分鐘。門口裝修得靚起地，掛咗幅壁畫同埋有盆栽。餐廳大約可以坐到20人。一入到門口首先見到個甜品櫃。原來老闆話餐廳內主力係做lunch嘅生意。啱曬附近一眾打工仔黎食lunch。午餐餐單有9個選擇，我點咗個蟹肉西班牙紅蝦汁意大利粉同埋紅酒燴安格斯牛肋條飯。餐飲揀咗個熱柚子蜜同埋凍果茶。食物係即叫即整。蟹肉西班牙紅蝦汁意粉有好濃嘅龍蝦汁味，原來係佢哋自己用新鮮蝦熬制出嚟嘅汁，蝦十分鮮甜，意粉好煙韌。紅酒燴安格斯牛肋條飯有好香既嘅牛肉味。伴菜方面亦有紅蘿蔔，整體感覺有菜有肉。唔會太濟。牛肋條嘅份量夠曬多。個牛肉汁送飯，味道一流。有三個甜品選擇，我點咗流心魔鬼朱古力蛋糕，蛋糕係佢哋自家製嘅，好香嘅朱古力味，亦唔會太甜，睇到蛋糕裏面有大約4層，所以食落充滿口感。

觀塘工厦又有新發現，喜歡食牛嘅就正到痺 ，我倆就好鍾意啦！因為晚飯有幾款是用牛做主打的，未入門口已經被濃郁的蝦湯味吸引了，地方不算大，背景有好多外國風情，特別係歐陸風情，仲有好靚的枱布襯托下，我哋梗係影下相啦！就好似去咗歐洲咁！男侍應生好有笑容很有禮貌招呼我哋，介紹菜單也細細聲講很溫柔。😊我哋就由他發板，他便介紹3款菜式。西班牙紅蝦湯烏冬配安格斯肥牛$88西班牙紅蝦湯味好濃郁再配埋蕃茄的酸甜非常 夾呢！安格斯肥牛食落冇黐牙㗎，烏冬也爽口，我就鍾意佢啖湯幾乎飲曬咁濟哈哈！蟹肉西班牙紅蝦汁意粉$138食完湯味再嚟西班牙紅蝦汁蟹肉意粉，味道又出奇的夾，不算太肥膩，個汁覺得比較乾身，蟹肉就覺得小咗啲。紅酒會安格斯牛肋條飯$108又係食牛的時候喇，牛肋條好冧肉汁味都juicy配飯就一流了。加$12可配是日甜品甜品超值呀👍，朱古力味好似心太軟咁，雪糕味蛋糕甜甜哋！👍總結:牛之味濃，蝦湯味香也濃郁，就連甜品都濃情蜜意。😍👍

觀塘有好多樓上嘅餐廳，而我今日就選擇左一間啱啱開業無奈嘅餐廳佢係位於成業工業大廈嘅4樓，餐廳嘅面積唔算好大但係俾人感覺非常之舒服同埋休閒。牆上邊有唔同嘅相片做裝飾亦都掛滿左好多星星嘅燈飾喺度非常之浪漫💕今日係做一個廚師發板：由於我朋友唔食生蠔嘅關係所以廚師好好咁樣幫佢做咗一個煎帶子生蠔非常之鮮甜而且肥美非常驚喜！已帶子煎得不錯，好大隻，煎得好香口隨後我哋就有一個龍蝦湯:龍蝦湯嘅味道非常之濃郁！好清甜飲上癮之後就到我最期待嘅主菜啦:首先係一個西班牙紅蝦汁意粉老闆話呢一個係用咗好多蝦去煮成嘅醬汁，所以醬汁非常之鮮甜而且同出邊街食開嘅意粉係明顯有唔同嘅意粉煮嘅時間亦都啱啱好煙煙銀銀口感非常之好。另外仲有好多隻剝咗殼嘅大蝦，成個意粉感覺好豐富之後我哋仲食咗一塊美國西冷牛扒嘅份量比我想像中嘅要大！肉質鮮嫩，切開有好多肉汁仲配上大量嘅胡椒調味非常香口！最後梗係唔少得甜品啦，我哋今日有呢一個嘅流心朱古力蛋糕，我最欣賞佢嘅係唔會好甜！又唔會膩，好食！

辛苦了4小時，係放飯時間去揾食了 ✌️😆好懊惱食乜好之制，同事話近排試過間工厦新開的西式餐廳，甘快d行，免得無位😜立即叫了3客 Lunch set:安格斯一口牛配飯🥩煎得很香口，外皮微微脆焦，肉質也相當不俗，一口一口伴着飯吃，相當滋味😍 而且配了菜蔬🥬🥦均衡營養，非常好呢! 紅酒燴安格斯牛肋條配意粉🍲牛肋條炆得軟腍腍好入味，時間火候是甚難掌握的，未夠時間會硬，太久就是會煮至爛掉，這個剛剛好，而且散發濃濃紅酒香氣，多汁怖滿每條粗條意粉，相對我較喜歡粗的意粉，有嚼勁👍👍👍😄西班牙紅蝦湯烏冬 配 西班牙豬腩片🥘嘩，個湯底是用蝦頭肴製的, 味道相當濃郁，很香 💁🏻‍♀️ 加上超多蕃茄，混合為濃厚豐富的湯汁，滿怖彈口烏冬上，再加上大塊大塊豬腩片，飽肚🥩😍同事話要消濟減肥😏， 準備迎接新年，所以叫了杯特飲 ~ 凍西柚果茶🥤，我則叫了熱柚子蜜☕前者味道很芳香醒神，在一點點苦味的掩蓋下，不會顯得那麼甜! 媽媽常說，吃得苦中苦，方為人上人😉 🤭後者也是柚類，但加上蜂蜜，味道香甜，是流行飲品，好味道😋

今天去了觀塘工作，話咁快又到了食午飯時間，路過成業街，接過IJ Kitchen 的宣傳單張，發現午市套餐款式多，價錢抵食，一於就上去開餐啊一入門口，已感到店員非常親切有禮。坐下來，我們叫了秘制越式香茅豬扒飯，及蟹肉西班牙紅蝦汁意粉，跟餐有一杯飲品，我們揀了熱柚子蜜。另外加八元，仲可以配埋甜品。餐廳內的佈置非常溫馨別緻越式香茅豬扒醃得很入味，煎得好香，伴飯真是一流，正豬扒完全無骨，肉質鮮嫩，食落啖啖肉蟹肉紅蝦汁意粉上枱時，傳來陣陣蝦香，意粉彈牙有口感蟹肉大大條，食材絕不馬虎這個甜品真要比一百分💯，面頭的朱古力非常香濃，內裡更有流心feel，甜品迷一定like

幫朋友傳遞手信，順便食晚餐。餐廳在官塘站附近，交通方便。小店經營，內部裝修簡約，店員熱情款待。海蝦配西班牙紅蝦汁意粉138元，有五隻海蝦，海蝦肉位置已預先剝殼，方便食用，蝦肉彈牙鮮甜，西班牙紅蝦汁是用西班牙紅蝦的蝦頭淆成濃汁，香濃惹味，扁意粉硬度適中，配上少許香草和即磨黑胡椒，十分滋味。美國安格斯西冷意粉158元，牛扒煎得很香，肉味濃，肉質有咬勁但不靭，扁意粉是用黑胡椒和橄欖油炒的，惹味。配菜是黃芽白炒紅蘿蔔。甜品為朱古力蛋糕12元，賣相美觀，面層朱古力醬覆蓋著朱古力忌廉蛋糕，朱古力味濃，忌廉幼滑，蛋糕軟，大件夾抵食。奉送飲品熱柚子蜜。總結：食物美味，價格平宜。

餐廳位置是上樓，店內感覺都舒服。我哋每人叫了一款，大家一齊食。紅酒會安格斯牛肋條飯，牛肋條炆到夠，連紅蘿蔔都入囇味，味道不是太濃，原汁原味。安格斯肥牛西班牙紅蝦湯烏冬，湯底好重蝦味，廚師話湯底用了好多蝦煮的，真係濃濃的蝦湯。烏冬夠煙靭，而肥牛煮得剛好，美味。蟹肉西班牙紅蝦汁意粉，這個汁的味道，比起烏冬湯底的蝦味還要濃。蟹肉多，而且有濃郁蟹味，意粉質地亦好彈牙煙靭。最後，甜品真是好吸引，流心魔鬼朱古力蛋糕的外面是把朱古力焗溶，內面食似雪糕，原來是mousse。口感好特別，濃濃的朱古力味，味道真係好好。

今日去觀塘工作，順道約好友食午飯。觀塘工廈一向多選擇，好多都試過，今日就試下新野，我們就揀了IJ Kitchen。小店面積不大，但乾淨整齊。老闆很好客，有時會岀來和食客交換飲食心得。午餐款式選擇算多，有飯有意粉，最重要有我最鐘意食的番茄烏冬。湯底茄味濃郁，但就不是太喝到蝦味🤔烏冬是稻庭烏冬，煙韌彈牙，吸收了茄湯，開胃。海鮮則有青口和蠔，亦算鮮甜。上枱香噴噴，牛筋條入味軟腍，闊條麵硬度亦適中。餐飲有西柚汁，鮮榨的，酸甜，消滯好幫手。

餐廳好近觀塘地鐵站，所以很容易找到。餐廳環境裝修簡單，卻不失大體。用了淺墨綠色格子作為檯布，溫馨而有小清新的感覺。老闆親切風趣又健談，盡顯好客之道。原來老闆做了飲食業幾十年了，接待過很多高層和明星。同時他對於食材要求很高，而對於烹飪方式也不斷改進，務求給于客戶以最底價格享用最高品質的食物。蟹肉西班牙紅蝦汁意粉：老闆說這是用很多紅蝦煮成的汁，口感的確不一樣，很濃郁和鮮甜的蝦味，另外還配6隻剝完完殼跟我手指差不多粗的大蝦，4隻切粒狀。意大利麵的時間也控制得剛剛好，不會太軟。美國安格斯西冷飯：牛排比我的手掌還要大，表面有光澤，肉質鮮嫩，切開很多肉汁。配菜有紅蘿蔔，高麗菜，還有迷你椰菜，配菜份量還不少，肉菜均勻，不會令人覺得很膩。好吃份量又多，今晚吃得非常滿足。