Honey Granny (已結業)

前排一直話試洪瑞珍，唔係排隊就唔就腳！今日在鰂魚涌收工，見到有，唔使排隊，貨源充足，就入去買來試下，其實呢邊係封條巷仔嘅舖，一個雪櫃一個店員，尚算整齊，入去係買凹蛋糕，五種味道，問店員意見，揀了大路嘅蜂蜜，7吋唔大，要雪藏，再見到有洪瑞珍，揀了3款，店員好好笑容，又Nice，包好就比錢走人！回到家晚餐後，打開蛋糕盒，造型古怪，凹咗好似池塘，貼心地比埋刀叉及紙碟！四人分！唔知係唔係解凍唔夠，所以唔流心，外圍蛋糕較乾，中心蜂蜜餡又實！雖然味道唔錯，但口感一般！三文治做了早餐，獨立包裝，膠紙再包紙，唔會失去水分，所以麵包仲鬆軟！我食原味，同普通火腿治差不多，火腿也不特別，特別嘅醬料，但食落又唔特別到令我驚喜，只係有啲似千島醬，酸酸地幾開胃，唔值$25一份！祈望過大！有少許失望！

從鰂魚涌站出去過條馬路，walking distance 5分鐘。分左右舖，右邊賣甜品，左邊賣三文治。到達時，星期六下午二時。看玻璃廚窗，貨源充足。選了三款：原味、滿漢、全麥。原味：包非常薄、火腿和蛋更薄、比紙更薄。重點是個 cream，好甜好 creamy，喜歡的人會好喜歡，相反唔 like的人會覺得好漏。風一樣的包，食左好似無食。全麥：是麥包，比較鞋口，白包感覺比較好。因為內涵真係太薄，其實食唔出有乜分別。重點都係個 cream，好 creamy。整體上：試過了就算。

為左洪瑞珍三文治, 我地特登早左5個字起身買~唸左好耐終於買左一個草莓醬三文治~裡面有2層的草莓醬, 中層有一塊芝士, 奶油非常豐富, 不過草莓醬好甜, 令個三文治變成甜中帶咸, 感覺好怪... 奶油雖然CREAMY但有D漏, 麵包亦不見得比普通香港既包包好食, 而且凍冰冰...我都係覺得香港新鮮熱辣辣既三文治比較好呢~

數月前，全港唯一一間代售洪瑞珍三文治的零售店－Honey Granny鰂魚涌分店，曾引一陣狂購潮，因為不定時供應，而且限量發售。依然記得，那個時候在公司內某一角，偶然會有喧嘩之聲，就是因為有同事買得到，慷慨分吃。事別多月，上班時遠看店舖，見有大招牌，似乎現在長期發售。今日在好奇心驅使下，終於走到店舖門前，現在不只天天有售，貨源充足，而且尚有連飲料的早餐優惠。三文治每份$25，早安孖寶套餐包龍眼蜜糖水一杯售$28，當然後者更化算。選擇白土司滿漢口味，餡料有火腿、蛋丶芝士丶美乃滋及鮮奶油，我認為是六款中最豐富的。組合是兩份三文治重叠，重叠中層餡料最豐富，見有芝士、蛋及火腿，而本身上下兩份三明治的饀料只有一片蛋。正如所聞，餡料的蛋片丶火腿片及芝士片皆非常薄，估計各只有1mm厚度。中央最豐富，多層餡料合計也許有5mm，而且新鮮奶油就在此。吃一口，麵包軟棉順口，火腿蛋芝士之味輕描淡寫，跟美乃滋及鮮奶油配合融洽，最出衆的是嚐到甜甜之醬味，果然與別不同。早上配合純正龍眼蜜糖水一杯，滋潤甜美，非常合適，美好的開始！意猶未盡，翌日再光顧，試另一口味。仔細閱讀款式，其實差不多，也許果醬味道會有些不同，選了

喊面篇: 洪瑞珍三明治之: 經過Honey Granny經常被貼在玻璃窗的超大字告示吸引: "洪瑞珍三明治~~~售罄"...咁巴閉?! 未食過但睇過某雜誌"煲"佢個美乃滋醬好正....搵日有機會試試先.   今日放lunch唔太餓, 急急腳走去睇睇有無緣份?  見到貼著三明治又到了貨, 正所謂手快有手慢無, 一於買份試試先, Let's Go, go go go~ 鋪頭是我第一次幫趁因我不喜咬蜂巢, 咁我無理由用$35元買一杯我不想食的東西為了要試新吧?  所以此店開張至今一直無幫趁; 今日一入店, 年青的妹妹仔店員態度良好的招呼我, 知我想買三明治就向我提供餐牌並告知好幾款例如最受歡迎的Original已售罄, 無問題, 我根本是為麥包而來所, 既然有, 就來一份吧! 盛惠$25元!一見到包裝, 感覺良好, 有點期待, 開餐喇~一打開, 咩都薄薄的, 唔係呀化?  與之前同一條街出晒名啲餡料薄到癲, 成為一時佳話(去年已執笠)的"明記"比, 真是不相伯仲...有些少不安的預感~ hey, 試咗先講啦! 但好可惜...果然不出所料, 咁薄的料真係唔慌好食, 好難有例外!

Checking out the hype behind the Horng Ryen Jen sandwiches from Taiwan! Apparently these sandwiches from Taichung has replaced the classic pineapple cakes as the most requested souvenir from Taiwan recently. Horng Ryen Jen is a traditional bakery in Taichung that started in the 70's and its signature item are sandwiches with a variety of fillings. The reason that it's so popular? It's cheap and damn good! Luckily, Honey Granny which is a ice cream chain in Hong Kong now carries these sandwiches

賣相真係好緊要，整到花喱花碌，咁就輕鬆令我雙手奉獻三十幾蚊。無它的~我買它只因其賣相一杯雪糕加上甜脆既彩色栗米片和鮮艷粒馬卡龍,馬卡龍好好趙，又夠fruity，為呢杯只是牛奶味既雪糕生色不少！整杯甜品甜度不算高不過真係溶得好快,要及時食用喔

見佢人氣咁勁，想試咗好耐，團購見到有優惠於是買泥試吓，結果係失望。首先佢好細杯，份量都幾少。一整完出泥啲雪糕已經好溶，食落口太過淋身，一啲雪糕該有嘅口感都沒有，似係食緊好軟身既雪芭。味道一啲都唔香濃，只係好淡既奶味。上面既朱高力粒亦好普通，口感好硬，冇乜朱高力味。主角蜂巢，口感好煙仞，濃郁蜂蜜味，可惜太細嚿，兩啖冇咗。唔知喺咪因為團購，所以做得比較求其，個人就覺得成杯野欠缺誠意。

12月28日當日去了太古坊行市墟，行完之後有點累，想小休一下，又被店外明星效應吸引（有歌星吃此甜品的照片），因此入去試試看，叫了一個蜜糖牛奶雪糕（$32）及棉花糖奶茶味雪糕($28)，店員告知棉花糖需要等十分鐘，因為我們想休息一下，因此便等。首先他給了一杯蜜糖牛奶雪糕，雪糕份量偏小，一個小透明杯只剛好一半，而中間是空心的，此價錢有點吝嗇，而牛奶味不算濃郁，蜜糖份量正常，比較起來還多過雪糕，比例較多。其間聽到店員之間說想造棉花糖，又說很大，心裡不禁期待，見到棉花糖雪糕也到了，但比預期中之小，棉花糖我選了紫色薰衣草味，味道ok但與下面的奶茶味雪糕不夾，不需加錢要奶茶味，要回牛奶味好些。差不多吃完，看見有二個人拿著團購紙來，但不知道是什麼優惠，但個人認為總好過用原價買吧。整體一般，分店不多，不會特登到此再次惠顧。

近日寒流襲港，也許打撃了雪糕店之生意，但逆市而行者亦有，Honey Granny選擇在十二月開新店，繁忙的鰂魚涌海光街多了一家雪糕小店，上班一族就此增添了一家下午茶之選。開張首兩週路過，似乎客似雲來，估計好奇者不少，是日29號3時半到訪，就只有我一個客人。踏入店子，右方就是服務台，店員正在忙於工作，也許在準備食品！哈囉，似乎只有我剛好踏入小店！左方有卡位四方椅子，牆壁上貼上蜂蜜食品介紹及名人照片，整齊起眼。正面是產品陳列，價錢由百幾至幾百，原來有不用花蜜及水果蜜，例如高山花蜜及頂級貴妃蜜似乎是主打、龍眼蜜及橙蜜聽名字已覺甜美。主角蜂巢蜜當然有售，＄380一餅，告知能有效改善呼吸系統過敏、抗三高及抗衰老之用。蜂蜜是眾所周知養顔益身之物，亦適合冬季乾燥天氣飲用，終於明白在此季節擴充之原因，論收入來說，原來蜜糖才是主打，雪糕是副產品！可惜，堂食期間並無店員推廣，購買慾不高！轉身準備點菜，黑板上有餐單，見標題是咖啡奶茶，驟眼間，還以為是飲品目錄！看真些原來是雪糕口味，但下半部又真有供應各式蜜糖飲料；倒如蜜糖薑茶、蜜糖綠茶及蜜水等等。旁邊就是一個軟雪糕製造機。服務台上放置了五彩繽紛的雪糕配料，用