Home Bar & Restaurant

营业中

休息中

今日朋友帶我黎呢間食。。之前有朋友介紹話呢間好正。。所以病病地都要過黎試一試lunch set 都算幾多選擇，而且價錢都唔算太貴。。最岩想慳錢既情侶，又想食下好野。。可以選擇呢間！我就揀左西冷牛扒！雖然西冷牛扒好多餐廳都有得食，但我之前食親都係中規中矩多。。不要煮得好食真係唔易。。呢間就真係好食。。。食牛一定要鬆軟既。呢點做到了，而且唔係用鬆肉粉令佢鬆軟。。係廚師既功力。。真係大大加分！值得再試！食飽仲可以同朋友打返兩盤美國寶先走。。真係好開心，小弟最愛桌球！

Home bar的燈光非常昏暗，情調之中，牆上又貼上不少玩味路牌裝飾。跟友伴各點了set dinner，我點的是羊架套餐，友人是食肉獸，點了德國豬手，打算自己KO所有。頭盤很少西式沙律會加入中華沙律，頗特別。除此之外，還有菠蘿、火龍果及沙律菜，醋汁酸甜醒胃。羅宋湯餐湯濃稠，材料豐富，調味略嫌偏咸，如果用蒜蓉蘸着吃，則味道剛好。主菜 - 焗法式羊扒配燒汁羊扒表面鋪滿炸木糠，為軟腍的羊扒增加口感。7成熟的羊扒肉色粉嫩，調味適宜，而且有相當豐富的肉汁，很讚！個人覺得燒汁的味道未見特別，即使不蘸燒汁、薄荷醬或黃芥末，羊扒本身的調味已足夠好味。德國脆皮咸豬手配薯菜平時3,4人才share的分量，友人今日決定一人清碟，當然到最後還剩下3成左右，我亦有幫忙掃清。豬皮有脆皮鬆化的效果，肉質爽彈，不會太咸，還帶點肉汁，吃多幾塊都未算太滯太膩。跟配的有帶玫瑰香的蜜糖汁及黃芥末，個人喜歡蘸蜜糖汁，甜甜地，不自覺一塊接一塊地吃。跟餐的甜品是朱古力蛋糕。用上dark chocolate，很香濃，微苦微甜。甜品屬另一個胃，所以幾飽都好，三兩口都吃清這味美的蛋糕，大滿足。

剛剛和朋友行完山之際想乘車回家之際，見到一間提供有美式桌球既餐廳，我和朋友還掂都有點餓，順道試一試味道如何~剛好12點午飯時間，食店剛剛營業，我和友人點了一份西冷牛扒作為午餐;詢問店員後得知美式桌球是免費的，點完餐後二話不說走到桌球枱前切磋球技~經過約15分鐘既玩樂後，美味既西冷扒已放在桌前，廚師煎得剛剛好，肉汁也相當豐富，而且我最喜歡伴碟上有頗多長型既青豆，食肉之餘也要適量既蔬菜。最後我們點了熱檸檬水作結。

同男朋友夜晚去食餐好嘅，因為佢最近忙碌又辛苦，所以一定要慰勞下佢啦。一間叫做HomeBar餐廳裏面好有酒吧感覺但係又好似西餐。因為我哋都有選擇困難症，所以都選擇咗晚餐套餐，最後就揀咗一個好出名嘅鹹豬手同埋西冷牛扒。首先第一個前菜係沙律，沙律裏面除咗巴馬火腿之外仲有火龍果，同埋其他蔬菜，還有一片番茄，整體口味清新。餐湯方面係羅宋湯，大大碗，而且有少少辣味增加吸引度，好明顯唔係平時自己開到嘅罐頭湯，唔知係唔係自己煲定係一個好嘅貨源。裏面雖然有啲蔬菜但係分量唔會過多，啱啱好，未令到食主菜前飽埋。因為我哋都超級鍾意食鵝肝，所以兩個主菜我哋都分別加左＄70食鵝肝，所以個外表有一舊野就係鵝肝。德國脆皮鹹豬手配薯菜$210好貼心咁一早已經切開所有鹹豬手，外皮有少少香脆而且裏面又唔係真係太鹹，口味適中。再加埋有幾款醬汁，除咗黃芥末之外，仲有泰式酸辣汁同埋真蜜糖，隨個人口味配搭。旁邊的薯菜其實主要都係酸菜味道比較開胃嘅。美國西冷牛扒（10安士）黑椒汁五成熟＄350果然真係五成熟，剛剛好，而且大大塊，一想來就知「大鑊啦，今次一定食唔晒！」切開之後都鬆軟嘅，雖然有一啲筋係難以避免，味道都唔錯，加少少黑椒汁可

座著高高的bar座，吃著德國脆皮豬手、法式焗羊扒，喝著vanilla milk shake，聽著saxophone奏樂，很有情調。位於荃灣愉景新城對面的Home bar and restaurant，離地鐵站約8至10分鐘路程。今天是假日，駕車來到附近的停車場泊位，找間遠離煩囂的餐廳，享受二人世界。這裡正好帶給我倆舒適的環境，給予客人一點私人空間。二人點了兩個套餐，套餐包括沙律、羅宋湯、餐包、餐飲、主菜及甜品。先來一碟餐前沙律，一大片新鮮蕃茄，啖啖香醋味，混合香草、雜果，青瓜…… 材料足，份量多。羅宋湯是傳統茶餐廳或扒房熟悉的味道。湯中加入了紅蘿蔔、牛肉、西芹，味道香辣，配蒜蓉包及麵包脆條一吃喝，很美味。脆皮咸豬手皮脆肉腍。豬手肉質不錯，肥肉少，豬味濃。每口醮上芥末醬吃，份外美味。伴菜有些沙律、薯蓉，薯蓉香滑，加入了香草，一口一口吃下，入口即溶。另加$40配了大蝦，上桌前先把殼剝好，方便吃呢！法式焗羊扒以炸蒜煎香，加入香草，肉質新鮮。三大件羊扒，件件厚身，連骨吃特別滋味。羊扒配薄荷醬最搭，另有燒汁、黑椒汁和芥末醬配搭。這份set加了$70鵝肝吃。經過香煎，厚厚的鵝肝煎至外圍香脆，放入口

今天收工後和老婆仔在荃灣逛街逛到愉景新城時本來打算在商場裡隨意找間餐廳晚餐不過又未找到哪一間特別吸引在商場外發現對面馬路有幾間餐廳看似不錯決定過去看看才發現大部分都是酒吧但也見到這間環境不錯的西餐廳決定一試較暗的燈光配合場上掛滿懷舊色彩的畫整個環境很舒適我們分別點了兩份set dinner包括有沙律、餐包及餐湯、是日甜品、餐飲我選了210元的德國脆皮鹹豬手配薯菜老婆仔則選了320元的烤紐西蘭牛柳(8安士)配黑椒汁先來的是沙律很特的是沙律除了常見的沙律菜外還加了很多不同的生果如火龍果、士多啤梨等整體感覺算是很新鮮不過略嫌和醬汁不太夾而醬汁本來就偏淡味還好有鹹火腿提味算是能補不足而餐包及餐湯真的出乎預料的好餐湯是很濃很足料的忌廉湯老婆仔說很像小時候去西餐廳喝的那種餐湯沒想到味道也充滿懷舊感覺很溫暖而餐包也是很有誠意的蒜蓉包非常香還有餅乾條把它浸入餐湯中浸軟後吃更美味之後就是非常大份的德國脆皮鹹豬手配薯菜在喝完餐湯已經半飽的情況下看到這麼大份的鹹豬手真的嚇一跳幸好發現當中也有骨的部分能吃的豬手肉份量剛好而且都燒得很香分別配有蜜糖醬、芥末醬、泰式辣醬能嘗到不同味道而底部的薯蓉也很出色很軟很滑我

話說今日好得閒放假, 然後就約左個死黨出黎食個飯當聚下, 諗諗下荃灣有咩好食呢, 因為好多地方都食過哂, 想搵D有新意少少又可以當酒吧場食完可以吹下水既地方, 我就禁下GOOGLE 搜索一下荃灣BAR, 點知就出左呢間HOME & BAR, 見個名都幾得意一於去試下我就約個死黨大約7點左右係荃灣等, 然後一齊去!入到去個環境黑黑地, 好有BAR既氣氛, 亦坐爆枱, 好彩一早預約, 否則真係要等位入到去即時有侍應招呼我地埋位, 服務態度唔錯由於中午唔係食左好多野, 好肚既關係, 我地好快就點左各自各既餐我就點左美國牛柳粒SET首先黎個前菜是日沙律蔬菜新鮮爽脆, 冇任何既草青味, 加上個微酸醬汁, 非常開胃, 雞肉粒亦算好味蕃茄餐湯飲落酸酸地, 都係一道開胃菜, 令你食慾大增, 湯中亦有蕃茄蓉, 有口感!配上脆口蒜蓉包, 一流, 可惜面包只有一舊~5成熟烤紐西蘭牛柳配黑椒汁+薯蓉先食薯蓉, 應該加左少少牛油, 非常香滑, 軟綿帑既感覺真係好好食之後豆角齊亦炒得非常香口, 唔會太硬身用變做唔食配菜既感覺食到主角 , 牛柳我叫5成熟, 圖片感覺好生, 有血水流出, 正式黎講其實非常好食, 因為

休閒的星期四下午，約了好友們嘆返個late lunch， 傾下計，休休閒閒咁過一個下午，真係好relax呀！今日新手媽媽仲帶埋B女一齊，嘿嘿~ 去酒吧緊係要從小訓練啦～初初朋友book呢間餐廳，我地都擔心酒吧會唔會唔係咁好，但一去到，環境好舒適，唔似一般酒吧黑麻麻咁，反而似係一間裝修型格嘅屋咁，而且坐位都好舒適。坐低就有餐包送，個包暖暖地，軟棉棉，不錯。另外仲有餐湯，不過我忘記影相呀…今日天氣轉冷，一有碗暖笠笠嘅湯係我面前，我就忍唔住飲晒了。湯入面有南瓜茸，朋友們都話好飲，唔係水汪汪咁。我就叫咗個黑松露海鮮意大利飯，好香黑松露味，一放低已經聞到，仲有好多海鮮，海鮮全部都大大隻，有蝦，八爪魚，同魚柳，唔似係急凍海鮮，八爪魚仲好有海水味，意大利飯煮得剛剛好，配個汁亦都唔會太漏。讚~意大利飯跟餐飲：$82總結：環境衛生都很好，雖然地點偏僻少少，但都值得我地行過去，用心經營嘅餐廳，真係買少見少，會繼續支持！

經常聽同事話她會久不久下班後係Home Bar與朋友聚會，指Home Bar氣氛幾好，有酒飲，而且價錢不算貴，所以都算常聚點有次佢介紹我去，所以今次就試試Home Bar有什麼特色店內Bar檯前有一大桌球檯，可供客人試試玩，而且增添了不少氣氛。坐低之後我叫左個德國脆皮咸豬手，近來都有點討厭食飯食正餐，所以黎食西餐就最好不過檯燈只要輕按一下頂可以自行調校光暗同開關，本來餐廳都係燈光比較暗，絕對地營造到氣氛，都幾適合男女約會先上的沙律，有青瓜、蕃茄、生菜、蜜桃粒、火腿粒，配上酸酸甜甜清爽既沙律汁，仲有甜甜地既蜜桃，本來我麻麻地沙律但都不自覺食多左後來的餐湯，是加了蕃茄的忌廉湯，頗重的蕃茄味，仲食到蕃茄肉粒，對於唔喜歡食蕃茄的我黎講，竟然意外地覺得幾好飲，只因沒有蕃茄的草青味，有蕃茄的味之餘但又讓忌廉湯蓋過草青味餐湯更配蒜蓉包，不過蒜蓉包係硬身脆脆的，我就比較喜歡偏軟綿，因蒜蓉夾綿綿麵包是冇得頂，夾埋餐湯食仲正豬手好大份，同朋友兩份share都覺得有點多豬手皮燒得脆脆，連帶皮下脂肪，所以肉質食係上黎都唔算太鞋口，而且都好多肉地，反而係冇骨豬手配有蜜糖漿同芥末，我自己就鍾意點蜜糖漿多D，因為芥

同舊室友食飯！佢揀左間好有氣氛既餐廳！雖然係兩個男人食！不過係度吹下水又幾舒服！食西餐緊係要食個牛扒先得啦！就叫左個十安士既西冷啦！十安士大大份！夠哂我食！牛扒好厚啊！煮到六成熟！可以食到好香既牛味！牛扒口感好正啊！個底係薯蓉！嘩！個薯蓉好滑啊！成個牛扒都好好食！餐湯係辣辣地既羅宋湯！個辣好正啊！好想飲多碗！個湯入面仲有細細粒既牛尾同菜！麵包條好脆！蒜蓉包又好香！點湯一流！個沙律加左中華沙律係入面！又估唔到咁夾！正到爆啊！朱然古力蛋糕！勁香朱古力味！細細件已經好飽！

放假要吃餐好！！！今天又到了荃灣覓食。Home Bar 是一間好有感覺的Bar餐廳，無論是跟朋友還是情侶來吃，都很適合。餐廳佈置充滿心思，既有英式的風格，又有港式的味道。牆身排滿畫像，燈光昏暗，音樂很有feeling。在這樣的氛圍下用餐，別有一番感覺。在如此舒適的環境襯托下，食物相當有水準。二人點了2個set dinner: 德國脆皮咸豬手及法式焗羊扒配燒汁。先來一碟沙律，配上新鮮蕃茄和香醋，倍感開胃。羅宋湯加入紅蘿蔔、西芹、肉粒，很有嚼勁。湯的味道帶辣，現在好少機會跟到如此傳統的味道了。食物如其名，脆皮咸豬手的皮真的很香脆。豬手肉質不過硬，瘦中帶點肥肉，夾著脆皮來吃口感剛好。配上傳統吃豬手應有的芥末醬，再伴些充滿奶香、香草的薯蓉，不用費力咀嚼，質感軟滑，吃久了也不覺飽濟。至於法式焗羊扒，炸蒜鋪滿羊身，羊扒三大隻，肉身又肥又厚，羊味重，不覺羶。可是今次錯選了燒汁，燒汁跟羊的配搭一般，不知黑椒汁效果如何呢。雖然配燒汁味道麻麻，但光是配薄荷醬已很滿足。芥末醬都有，適合不同口味的人吃呢！兩個餐另加了大蝦及鵝肝，價錢分別是$40、$70。大大隻蝦爽口彈牙， 相比起鵝肝，大蝦味道較為遜色。鵝肝香

貓貓今日係荃灣食左個好好味的晚餐。入到去個氣氛好好，成間餐廳就係吧feel，但有好好味的野食。貓貓order左個套餐食。沙律同平時食開既套餐沙律唔同，有好多材料，有心思。貓貓鍾意。有海帶，火龍果，青瓜等等。沙律醬都唔同，酸酸辣辣，有心思同創意，唔似出邊食開既沙律醋撈菜就咁算數。餐湯有得配蒜蓉包同麵包條一齊食，好耐冇食過麵包條，開心喵！黑椒牛柳份量多，牛柳中間有帶子，帶子煎得好香，彈牙。重點係帶子既汁留係牛柳中間既窿入邊，好香，即刻濕左個嘴。牛柳口感煎得順滑，好新鮮。香料既搭配令牛柳更加香，食完有陣牛肉鮮味仲留係個嘴，十個滿足，好耐冇食過咁開心既一餐。甜品都有心思，整得好靚，芝士朱古力蛋糕，質感滑，濃味。餐廳環境好，食物正，最重要係可以坐低慢慢吹水，貓貓好滿足。

系愉景新城隔離發現左呢間隱藏高質西餐，一定要推介！！原本以為系一間普通酒吧，但發現佢放系出面既menu好吸引！就同fd入去做個食肉獸！入到去，發現裝修好靚，最岩影風格相。同時，我都默默甘mark低左下次同男友慶祝可以黎呢間。。。我同fd一人叫左個set，佢叫左安格斯牛扒（10安士），飲焦糖咖啡。我就叫左羊扒，飲玫瑰花茶。個玫瑰花茶先上，一個大壺自己慢慢斟慢慢飲。之後上左個沙律，酸酸甜甜，有菠蘿，有好新鮮既番茄。好開胃！食完沙律就上餐湯餐包。我本身都好中意飲羅宋湯，食得到入面有好多雜菜，湯好傑，好味。之後終於到重頭戲！！！就系我地呢d食肉獸期待已久既扒！！！淨系個擺盤已經夠曬吸引，有唔同既汁可以點。有黑椒汁，有薄荷甜醬（呢個好特別，點羊扒食好清新），仲有黃芥末。d薯菜墊住舊扒，切既時候唔會刮到碟。另外仲有少少青瓜同番茄伴碟，食得太多肉時，可以食d新鮮菜中和下。塊牛扒真系好厚身，極多肉汁，啖啖肉。個人比較中意食呢個羊扒，肉質軟滑，唔會有羊騷味。最後仲有甜品！！！！件蛋糕雪到凍冰冰，食落好似雪糕蛋糕甘，加埋d水果一齊食，食完想食多件。

平時都好少喺荃灣食西餐，咁啱搭巴士返元朗時看到馬路邊有間餐叫Home Bar 裏面坐滿曬人, 很好氣氛， 今日約埋Honey 一齊去， 鋸返個扒食個晚飯先 開門入到去， 會見到有個大雪人坐喺個門口度迎賓， 週邊嘅牆身係用紅磚堆砌而成 再行入啲就會見到 水吧前放滿 一張張高臺， 其實我都幾鍾意坐高枱，腳fing fing咁食下野傾下偈飲下嘢都幾好feel， 可以咁樣仲覺得輕鬆一點 我哋一人各自點咗個晚餐， 前菜先嚟咗個沙律係用什菜加芝士再加咗黑松露同埋橄欖油加醋， 製作而成的 。 芝士嘅鹹香味又夾雜著 黑松露嘅香味， 好味頗為豐富。 我都幾欣賞佢呢一個沙律，比較特別 點， 唔會成日食嚟食去都係普通雜菜沙律同埋凱撒沙律 。 餐湯係雜菜湯， 豐富嘅雜菜， 夾雜著牛腩嘅香濃肉香味道， 很不錯 德國鹹豬手套餐$210 豬手味道很濃郁，而且外皮 炸到脆卜卜， 口感非常不錯 ， 大大隻咸豬手， 用嚟送酒 簡直一流 另外可以加40蚊， 多點一隻大蝦， 蝦肉q彈大大隻 美國西冷配鵝肝 我比較喜歡 五成熟 剛好，肉質鮮嫩， 帶點根和肥膏， 食起上嚟先夠肥美 跟餐還有一份

係荃灣地鐵站附近搵到間性比價高既餐廳，同事大讚特讚，不斷鼓勵我去試下，我地不得不去! 前菜-沙律沙律都幾精美，一啲都唔hea，沙律菜新鮮嫩甜，沙律醬份量剛好，岩岩好可以撈得曬d沙律菜，唔會太rich。另外仲有雞肉粒，鮮果粒同椰果，配料都幾豐富。忌廉蘑菇湯呢個湯最令我喜歡既地方係個食到大大塊既菇! 菇肉又嫩又甜! 個湯都好香滑，幾好飲。另外，仲有大大塊既蒜蓉包同麵包條，呢款麵包條特別香口，唔似平時食既無乜味，飲埋湯食埋餐包，真係飽咗5成以上，細食既人想食到main course既話，真係要放棄食包。美國10oz西冷扒呢塊扒唔止大，仲要好厚，岩曬食肉獸，第一次食唔曬一塊扒。出面煎到微焦，超正! 但入面無燒到熟曬，由於夠厚肉，所以都keep到7成熟，簡直係外脆內嫩，非常juicy! 仲有大大塊脂肪同牛筋，前者油脂味道香口，半肉半脂肪食的話非常邪惡，後者食落好爽口彈牙。整體黎講，西冷甘厚切真係一絕，牛味仲好濃郁，冇得頂! 底下係薯菜，味道都唔錯，但食得扒黎，都食唔到太多薯菜。甜品-tiramisu甜品既擺設拍得住fine dining咁精美，至於味道都合乎我既口味，上面層咖啡粉唔會太多，食完成