影片
更多
2017-03-03
9944 浏览
同男朋友夜晚去食餐好嘅，因為佢最近忙碌又辛苦，所以一定要慰勞下佢啦。一間叫做HomeBar餐廳裏面好有酒吧感覺但係又好似西餐。因為我哋都有選擇困難症，所以都選擇咗晚餐套餐，最後就揀咗一個好出名嘅鹹豬手同埋西冷牛扒。首先第一個前菜係沙律，沙律裏面除咗巴馬火腿之外仲有火龍果，同埋其他蔬菜，還有一片番茄，整體口味清新。餐湯方面係羅宋湯，大大碗，而且有少少辣味增加吸引度，好明顯唔係平時自己開到嘅罐頭湯，唔知係唔係自己煲定係一個好嘅貨源。裏面雖然有啲蔬菜但係分量唔會過多，啱啱好，未令到食主菜前飽埋。因為我哋都超級鍾意食鵝肝，所以兩個主菜我哋都分別加左＄70食鵝肝，所以個外表有一舊野就係鵝肝。德國脆皮鹹豬手配薯菜$210好貼心咁一早已經切開所有鹹豬手，外皮有少少香脆而且裏面又唔係真係太鹹，口味適中。再加埋有幾款醬汁，除咗黃芥末之外，仲有泰式酸辣汁同埋真蜜糖，隨個人口味配搭。旁邊的薯菜其實主要都係酸菜味道比較開胃嘅。美國西冷牛扒（10安士）黑椒汁五成熟＄350果然真係五成熟，剛剛好，而且大大塊，一想來就知「大鑊啦，今次一定食唔晒！」切開之後都鬆軟嘅，雖然有一啲筋係難以避免，味道都唔錯，加少少黑椒汁可
一間叫做HomeBar餐廳裏面好有酒吧感覺但係又好似西餐。
因為我哋都有選擇困難症，所以都選擇咗晚餐套餐，最後就揀咗一個好出名嘅鹹豬手同埋西冷牛扒。
首先第一個前菜係沙律，沙律裏面除咗巴馬火腿之外仲有火龍果，同埋其他蔬菜，還有一片番茄，整體口味清新。
餐湯方面係羅宋湯，大大碗，而且有少少辣味增加吸引度，好明顯唔係平時自己開到嘅罐頭湯，唔知係唔係自己煲定係一個好嘅貨源。裏面雖然有啲蔬菜但係分量唔會過多，啱啱好，未令到食主菜前飽埋。
因為我哋都超級鍾意食鵝肝，所以兩個主菜我哋都分別加左＄70食鵝肝，所以個外表有一舊野就係鵝肝。德國脆皮鹹豬手配薯菜$210
好貼心咁一早已經切開所有鹹豬手，外皮有少少香脆而且裏面又唔係真係太鹹，口味適中。再加埋有幾款醬汁，除咗黃芥末之外，仲有泰式酸辣汁同埋真蜜糖，隨個人口味配搭。旁邊的薯菜其實主要都係酸菜味道比較開胃嘅。
美國西冷牛扒（10安士）黑椒汁五成熟＄350
果然真係五成熟，剛剛好，而且大大塊，一想來就知「大鑊啦，今次一定食唔晒！」切開之後都鬆軟嘅，雖然有一啲筋係難以避免，味道都唔錯，加少少黑椒汁可以吊起鮮味但係唔可以加太多，因為醬汁都比較濃郁。另外嗰件鵝肝大家都有，估唔到＄70都幾大舊，佢冇加到好特別嘅調味料，但係本身有鮮味，味道唔錯，不過裏面都有少少筋。
朱古力奶昔加＄18
以為佢淨係做雞尾酒呢，點知原來無酒精飲品都唔錯，朱古力味好香甜，男朋友好鍾意，有少少似沙冰之類嘅，變咗水就真係唔好飲，如果唔想咁快飲嘅話最好食完野先叫。凍檸檬茶
男朋友真係唔識浪漫，竟然飲佢平時飲開嘅檸檬茶，成件事好搞笑，不過就唔使加錢。咁又係嘅，去到西餐廳又唔一定要飲酒精或者特色嘢飲，最緊要自己鍾意啫。甜品蛋糕* 味道不錯，較為清新。
张贴
