HeySoNuts

营业中

休息中

多謝我嘅朋友特登陪我黎到土瓜灣食個Lunch😎 因為聽到好多人介紹呢間餐廳，襯假日特登出去食下。一入去見到差唔多滿座，真係好多人黎食。睇到個餐牌，其實好多野都好吸引，尤其係啲甜品，好想全部都點晒，但因為我地得2個女仔，咁就點左三款野食。🍴 紅酒慢煮牛面頰肉配薯蓉 牛面頰好嫩好淋，有入口即溶既感覺，而且份量多，食完呢碟已經超級飽😆🍴 松露油忌廉野菌汁貓耳朵意粉+煙三文魚 味道濃郁，好特別既貓耳朵意粉🍴 開心果茉莉花醬日式梳乎厘班戟 空氣感極高既梳乎厘班戟，開心果味濃。🍹 白桃手搖冰茶 夏天好岩飲，好清新唔太甜🍹 茉莉花香橙黑咖啡 好特別既咖啡，建議飲之前攪勻原來餐廳宜家推出午餐優惠，凡選購 main course 即送熱黑咖啡及 Earl Grey Tea（其他飲品可補差價）；另加$18有是日餐湯/ $25仲有是日甜品！要提一提，埋單嘅時候記得問職員拎張印花卡，只要儲滿6個印花，隔日就可享一個免費 Lunch Set 的 Main 及附送黑咖啡

HeySoNuts 嘅創新元素以傳統煮法，烹調西餐應該就係佢吸引食客嘅方式。🍷紅酒慢煮牛面頰配薯蓉（二人份）HK$298慢煮牛面頰煮得非常淋仲好入味，另上紅酒煮汁味道濃厚配薯蓉一流，🍷羊肉醬炒貓耳朵意粉 HK$148羊肉醬好香冇羊騷味，貓耳朵意粉煙煙韌韌好有口感，意大利調味食落好開胃有芝士粒粒增加左整個意粉層次。🍷Tiramisu Cream 梳乎厘班㦸 HK$104\ 超級梳乎/ 嘅梳乎厘班㦸，以香港人讚甜品方式(唔會太甜)重新演繹的Tiramisu班㦸有酒味，又有咖啡味～好好食，正呀！70%熱朱古力 HK$4670%飲落相當濃郁嘅朱古力番石榴香橙紅茶 HK$58清爽解油膩

在這區已多年的小店咖啡，主打西式食品，多款咖啡優質選擇，店子不大，食物用心製作。᪥榛子咖啡香甜而不膩、層次豐富，咖啡本身的微苦與榛子的甜味形成對比，平衡了整體的味覺體驗。᪥煙三文魚牛油果醬沙律煙三文魚很厚身，加入各種沙律蔬菜，配上牛油果醬，出乎意料味道很合襯。᪥龍蝦汁大蝦意大利飯結合了海鮮的鮮美和意大利飯的濃郁口感，味道豐富。雖然大蝦數量不多，但每一隻都有份量，增添了彈性和鮮嫩的口感。᪥紅酒慢煮牛面頰配薯蓉慢煮牛面頰超級淋身，保持肉汁之餘入口軟化，口感味道很好，超級Juicy。薯蓉可以配上特色醬汁，醬汁有蘿蔔洋蔥和肉等配料。᪥肉桂蘋果金寶法式千層酥配以香草雪糕甘香的玉桂味夾於千層酥之中，千層酥香脆可口，每片千層平均分配又大量忌廉在中間，份量剛好二人分享。

主食同甜品同樣高質ฅ(´꒳ `ฅ)ꪆ𖧷 ⁺. 紅酒慢煮牛肉面頰肉配薯蓉🍷🐮牛肉面頰色澤深邃誘人，散發濃郁肉香。肉質細膩非常軟腍，底下的薯蓉細膩綿滑，而且份量十足😗另外仲配上了燉菜，成個組合好正( •̀ᴗ•́ ) ̖́-𖧷 ⁺. 松露油忌廉野菌汁貓耳朵意粉🐱忌廉汁好creamy順滑不膩( ˙༥˙ )散發住淡淡的松露香，貓耳朵意粉富有嚼勁，加上新鮮野菌，口感和鮮味UPUP！𖧷 ⁺. 提拉米蘇日式梳乎里班㦸🥞甜品個人超推介pancake！班㦸蓬鬆而富有空氣感，口感輕盈濕潤，帶淡淡的蛋奶香，配搭經典的Tiramisu風味～絕對係必食🫶🏻𖧷 ⁺. Dirty☕️𖧷 ⁺. 白桃手搖冰茶🍑仲有多種咖啡、特色飲品，手搖冰茶散發清甜的白桃果香，依個天氣飲倍感清爽呢𓂅₊ ⊹𓄹🌟Lunch Set優惠︎︎◝✩跟main course送熱黑咖啡或Earl Grey Tea（其他飲品可補差價）︎︎◝✩⁠可加購是日餐湯($18)及是日甜品($25)︎︎◝✩Lunch set印花卡：儲滿6個印花即隔日可享免費

位於土瓜灣的 Heysonuts 絕對係一個值得探訪的美食天堂！今日我試咗幾道菜，簡直讓我食到心花怒放，忍唔住想同大家分享！😋首先，**紅酒慢煮牛面頰肉伴薯蓉**，一上桌就被它嘅色澤吸引。深紅色嘅牛肉，散發出濃郁嘅紅酒香氣，搭配滑嫩嘅薯蓉，簡直係完美嘅組合！咬一口，牛肉既軟嫩又入味，湯汁與薯蓉融合，口感順滑，令人回味無窮。這道菜令我感受到溫暖，就像一杯紅酒般，帶來無限的舒適感。🍷接著係**黑啤自家製煙燻豬腩肉意大利飯**，真係讓人驚喜！米飯吸收咗煙燻肉嘅香氣，口感豐富。每一口都有煙熏味和黑啤嘅獨特香氣，令人忍不住多食幾口。搭配上新鮮嘅香草，清新又唔油膩，真係好開胃！👍然後係**烤原隻大蘑菇芝士漢堡**，呢個漢堡既視覺衝擊力十足，香氣四溢！烤得金黃嘅蘑菇，芝士拉絲得好完美，咬下去時，蘑菇嘅鮮甜伴隨著芝士嘅濃郁，簡直係味蕾嘅狂歡！🍄最後，**咖啡拖肥榛子朱古力千層酥背香草雪糕**，呢個甜品實在係一個完美嘅結尾！千層酥酥脆可口，搭配香濃嘅朱古力，還有香草雪糕嘅清新，讓整個甜品層次分明。每一口都充滿幸福感，令人心情愉快！🍦整體而言，Heysonuts 係一個讓人放鬆同享受美食嘅好地方，無論係味

最近同男朋友去左土瓜灣覓食 發現有間店面幾靚既甜品店 有疏乎厘！即刻拉左男朋友入去😆睇完menu 我地決定試下佢哋既熱門菜：1/ 香料牛油烤春雞伴印度香飯 $288烤春雞一出嚟已經好香 雞皮烤到金黃脆口 肉質鮮嫩多汁 米飯偏硬身粒粒分明 撈埋佢特定嘅醬汁勁惹味！2/羊肉醬炒貓耳朵意粉 $148感覺好多女仔都好鍾意食貓耳朵意粉 仲要係羊肉醬汁！對於我一個頂唔順羊穌味嘅挑食鬼 都覺得好好食🤩3/提拉米蘇日式疏乎厘班戟 $104最期待就係嗰班戟 你都放落枱都見到佢空氣感十足 灑滿可可粉 就可以一次過體驗班戟同埋疏乎厘嘅味道😚餐廳：HeySoNuts地址：土瓜灣北帝街147號地下3號舖

同👧🏻去完啟德體育館上堂，立即開地圖睇吓喺附近有咩好嘢食，發現有間coffee shop 小店Coffee shop 地方唔算大，都坐得舒服，有BB凳 適合一家大細聚餐 ☺️🍷紅酒慢煮牛面頰配薯蓉 $298 (必食)牛面頰份量都算多，入口即化🤤味道濃郁惹味；薯蓉超綿滑，好 creamy，勁正🍔手撕豬漢堡配薯條 $132手撕豬肉絲混上微酸嘅醬汁，酸甜平衡得啱啱好，夾喺鬆軟漢堡包入面，好 juicy；薯條熱辣辣，炸得香脆，仲好有薯仔味，成個組合食落好滿足😋🧆BBQ汁焗肉丸 $98 (必食)12 粒肉丸，每粒都包滿濃郁嘅BBQ 醬汁，帶少少煙燻味，入口啖啖肉汁，彈牙🥞Tiramisu Cream 梳乎厘班戟 $104 (必食)班戟一咬即融，軟綿綿，充滿空氣感，上層凍，下層熱，帶嚟冰火二重奏嘅享受🤤甜度適中，唔會過膩，每一啖都令人想再食多啲下次再食過😋

土瓜灣好似冇乜Cafe選擇，呢間已經食過幾次，味道幾好之餘，價錢又適中。推介👍🏼點咗幾款野食，以下食品都幾推介🐮紅酒慢煮牛面頰配薯蓉牛面頰牛味濃郁，酒香入味，配搭絲滑薯蓉，好味道！✨🍔手撕豬漢堡配薯條漢堡外層酥脆，內層肉汁多，手撕豬漢堡口感豐富，薯條亦好香脆！漢堡控必試！🍰Tiramisu Cream 梳乎厘班㦸外一梳乎厘口感輕盈，雲朵班戟甜度適中，食完好滿足。☕️Latte Latte 中規中矩，有手沖咖啡及精品咖啡選擇。不過冇試過。

來到土瓜灣食咩好？ 最近就來到呢間估吾到甘好食既cafe——Heysonut, 食物好食有特色服務又好，十分推薦❤️1. Daily soup 🥣 $58 今天係南瓜🎃湯2. 紅酒慢煮牛臉頰肉配薯蓉 🥔 $298 看賣相都頂呱呱👍，牛臉頰係嫩的，另外還配秘製雜菜紅蘿蔔🥕醬汁食薯蓉，真系超級好食😋3. 手打西冷牛肉原隻大菇漢堡🍔配薯條🍟 $156 呢個漢堡不得了，超級大份已經夠曬體頭😂差點食吾曬😋4. 咖啡拖肥榛子朱古力🍫千層酥配香草🌿雪糕🍦$88 最後一定要是試呢度甜品，係地道法式甜品，有賣相又好食，抵食啊😋

上個月去東京太趕時間，冇食到鐵飯腳想食嘅梳乎厘pancake🥞 所以喺香港帶番佢食囉💁🏽‍♀️ 我哋鍾意支持小店多啲，所以冇特別揀過江龍梳乎厘專門店，而係幫襯土瓜灣嘅𝗛𝗲𝘆𝗦𝗼𝗡𝘂𝘁𝘀 ☕️➿白酒煮活蜆配蒜蓉包（$138）本來以為係比較creamy嘅嗰種嘅白酒汁，原來唔係，但令蜆肉充滿住白酒味，特別欣賞佢係用新鮮嘅蜆😍 size偏大隻又真鮮甜！➿羊肉醬炒貓耳朵意粉（$148）羊肉醬冇羊羶味，比普通肉醬更有肉感，同煙煙韌韌嘅貓耳朵幾襯，加埋啲意瓜粒粒，幾好食～*另加香草牛油雞扒一客 （$50）真係完全被香草包覆嘅雞扒，正！鐵飯腳少有地主動啟動佢個甜品胃，除咗想食pancake，仲想食千層酥😈➿ 開心果茉莉花醬日式梳乎厘班戟 （$104）鍾意佢嘅醬汁唔係單一得開心果味，唔係得甜味，仲有淡淡的花香味，呢個配搭喺坊間未見過～ 而梳乎厘班戟都幾厚身，內裏質感較濕潤！➿ 茶漬橙朱古力慕絲千層酥（$88）即焗嘅千層酥就係酥酥脆脆的！朱古力慕絲好香滑🍫 伴碟嘅合桃又加咗分👍🏼➿白桃手搖冰茶 （$48）➿番石榴手搖冰茶 （$48）呢個天氣飲檸茶真係幾舒服，甜度適中，番石榴味係新出嘅，幾清新☺️/見Lunch都

網上search土瓜灣打卡cafe👩🏻‍💻都總會有呢間!!除咗西式主菜以外🍽️最出名就係甜品🍭有梳乎厘班戟、千層酥、窩夫~-🐥 香料牛油烤春雞伴印度香飯 💰$288平時烤春雞大多數都係配薯蓉 呢個就配飯無論隻雞定啲飯 都帶有印度香料味個人就覺得幾好食 但同行友人就覺得唔啱口味所以應該幾因人而異 我就推薦的🤣-🐱 羊肉醬炒貓耳朵意粉 💰$148羊羶味啱啱好 就算係怕羶味嘅人應該都食到貓耳朵粉團口感幾厚實煙韌 整體幾好食!!-☕ 提拉米蘇日式梳乎厘班戟 💰$104有兩件梳乎厘班戟 表層有酒味忌廉配咖啡粉再配埋塊手指餅 倒埋𝙴𝚜𝚙𝚛𝚎𝚜𝚜𝚘 咖啡味濃!!另類版提拉米蘇 有酒味 又有咖啡味~-🍫 凍鮮奶朱古力 💰$46🍑 白桃手搖冰茶 💰$48飲品方面不過不失 而且幾大杯 讚✨鐘意飲酒的話 仲有手工啤酒選擇🍻-📍 土瓜灣北帝街147號地下3號舖-#caloriefoodie

Heysonuts位於土瓜灣，係一間超人氣嘅餐廳，環境熱鬧又溫馨，充滿年輕活力嘅氣氛🥰 餐廳主打main course同甜品，每道菜都用心製作，賣相同味道都令人驚喜，難怪咁受歡迎！推介菜式超有誠意，絕對係聚會好去處😋🔸凱撒沙律沙律新鮮爽脆，凱撒醬濃郁得來唔會過膩，配上香脆麵包粒，開胃又滿足🌟🔸手打西冷牛肉原隻大蘑菇漢堡配薯條西冷牛肉漢堡juicy又香濃，手打牛肉餅同大蘑菇嘅搭配好有創意，口感豐富！薯條炸得金黃香脆，完美伴碟🍔🔸自家製蒜香四川醬大蝦炒意粉大蝦彈牙鮮甜，四川醬帶微辣蒜香，炒意粉好入味，每一口都惹味過癮🦐🔸自家製喇沙汁海鮮扁意粉喇沙汁濃郁香辣，充滿椰奶香，海鮮新鮮彈牙，扁意粉掛汁一流，令人停唔到口！😍🔸咖啡拖肥榛子朱古力千層酥配香草雪糕千層酥酥脆可口，咖啡拖肥同榛子朱古力嘅濃香完美融合，配上香草雪糕，甜度剛好，超滿足☕🔸肉桂蘋果金寶法式千層酥配香草雪糕肉桂蘋果金寶酸甜開胃，千層酥層次分明，香草雪糕清新解膩，甜品控必試！🍎Heysonuts嘅main course同甜品無論味道定賣相都滿分！下次要再嚟試其他菜式💕

之前去揾朋友玩嗰陣見到間cafe想試，不過當時太多人排隊，今次終於食到啦☺BBQ汁焗肉丸上面鋪咗成大塊芝士，啲BBQ汁夠多，唔使驚肉丸太乾👍青醬帶子Risotto用咗青醬冇忌廉汁咁膩，飯軟硬適中，帶子都好大粒，清甜彈牙😋紅酒慢煮牛面頰配薯肉份量比起係其他地方食嘅更大，啲肉勁嫩，入口即化，食到有紅酒味但係唔會太重，啱曬我呢啲唔鐘意酒嘅人😂薯蓉好滑，好鐘意呢種口感，另外仲有配埋燉菜👍麻糬窩夫揀咗配栗子蓉，最初見到半份仲嫌少，問點解冇全份，結果原來係用糯米整嘅，好煙韌，半份個份量真係啱啱好🥰薑味都唔會太重，仲有雪糕同啫喱解膩😄呢度啲嘢食整得好靚，特别係甜品，真係好啱打卡😉

最近我去咗土瓜灣呢間好有格調嘅咖啡店「HeySoNuts」☕️門口已經勁打卡able📸簡直係文青嘅天堂😳環境舒服到不得了，坐低慢慢嘆杯咖啡☕️真係好寫意😌凍焦糖鮮奶咖啡🧊🤎焦糖味好濃郁，奶味又夠香滑，甜度啱啱好🥰熱泡沫鮮奶咖啡♨️🤍奶泡好綿密，口感豐富，咖啡味同奶味平衡得好好😌白酒煮活蜆配蒜蓉包🥂🐚🧄🥖啲蜆真係好大隻好鮮甜😋每一隻蜆都脹卜卜嘅，肉質鮮嫩，完全無沙，配埋香脆嘅蒜蓉包，簡直係絕配👍手打西冷牛肉原隻大蘑菇漢堡配薯條🍔🍟呢個漢堡真係勁juicy呀🤤牛肉好厚肉，肉汁豐富，咬落去口感十足，個蘑菇都超大個，好有咬口，再配埋薯條🍟係個幾好嘅午餐選擇松露油忌廉野菌汁貓耳朵意粉🍝🍄呢個意粉超足料，份量十足，野菌好多，松露油嘅香味好濃郁，好惹味😋配埋合桃，口感更加豐富🌰提拉米蘇日式梳乎里班戟🥞🍮呢個甜品超「動L」🤣我哋玩咗勁耐先食，班戟好鬆軟，提拉米蘇嘅味道好濃郁，加埋咖啡冧酒☕️🥃簡直係完美嘅配搭🥳Lunch Set除咗有你揀嘅主菜之外，仲會送一杯熱黑咖啡或者Earl Grey Tea☕仲可以加購是日餐湯($18)同是日甜品($25)🥣🍰最抵玩嘅係佢哋嘅Lunch Set印花卡！儲滿6個印花，就可

今晚跟朋友去咗土瓜灣一間佢私藏嘅精品Cafe，店面細細但充滿人情味，食物水準竟然超驚喜！ 🍗 香料牛油烤春雞伴印度香飯- 春雞用秘製香料牛油醃足12小時，皮脆肉嫩到爆汁 - 印度香飯粒粒分明，混入葡萄乾同杏仁片，甜鹹交織好過癮 - 附送嘅特製醬汁，清新解膩，朋友話似去咗趟「味覺印度遊」 🍝 羊肉醬炒貓耳朵意粉- 手工貓耳朵煙韌有咬口，掛滿濃郁羊肉醬 - 羊肉碎燉到軟爛唔騷，仲落咗孜然同薄荷提香 - 面頭灑滿軟芝士，邪惡度爆錶 🥞 開心果茉莉花醬日式疏乎厘班戟- 即叫即製！班戟空氣感十足，duang duang搖晃超治癒 - 自家打製開心果醬堅果香濃郁，茉莉花醬帶淡淡茶香 - 配埋新鮮莓果，冷熱交融超正 Coffee Tonic 咖啡湯力冷萃咖啡（帶朱古力同堅果調性）加入Tonic氣泡細緻，微微苦甘，琴酒加入橙皮同杜松子，酒香優雅 這裡晚市7點後好快滿座，建議預約。另外班戟要等20分鐘，但絕對值得！呢間真係街坊價錢、酒店水準，難怪朋友成日幫襯！