HeSheEat (綠楊坊) (已結業)

呢度有沒有粉紅控💕最近朋友就約左我去呢間少女心爆棚既餐廳食晚餐，我哋坐既角落位置絕對是打卡既好地方，岩晒一班女仔邊食邊影邊傾計📸👯‍♀️外牆真係好鬼靚㗎_🥗Happy Together Brunch $188係分量大嘅all day breakfast ，麵包我哋就選擇左牛角包，份量足夠3人享用😋值得一題係呢度嘅炒蛋非常香滑而且重蛋香味，仲有平時好少見嘅巴馬火腿🥓味道唔錯😆_🍫朱古力三重奏 $72有冇朋友仔同我一樣好鍾意食心太軟呢？每次都好期待切開佢d朱古力湧出黎個一刻，依間嘅心太軟真係做得好出色，流心度十足，朱古力味非常濃郁，雖然好邪惡但係間唔中食下都冇所謂嘅，食完真係好幸福💜_🍪Oreo曲奇奶昔 $38又係非常邪惡嘅飲品，見佢好多cream本身以為會好膩，啖啖Oreo 味飽肚感十足，熱辣辣嘅時候飲真係透心涼🤓

難得係下午茶時間肚餓，當然搵啲平靚正嘅甜品去醫肚，所以就入左呢間HeSheEat試下。首先點的是朱古力心太軟，店員已預先提醒由於是即叫即製的關係，大約需時20-25分鐘左右，實際等侯時間亦相約。一上枱時擺碟已相當精緻，一切落去，即時會有很多的朱古力漿流出，嚐起來甜而不膩，雖一壞處是會讓人忍不住吃太多而增肥。然後點的是扒大蝦蕃茄燴扁意粉，蕃茄味道相當濃厚，相信加入了不少鮮番茄，及茄膏作調味，大蝦經過香煎，有相當的牛油香味，很易入口。下午茶餐另外可配 ice tea及有免加一的優惠，平均一個套餐價位落在$50-$60左右，以質素而言，相當化算。

裝飾充滿少女風格，以粉紅色為主色，職員制服也一樣，疫情下，非用膳時候，下牛約兩點，還有不少人入座。先講講職員有禮貌的。火辣墨魚汁意粉，只是少許辣，墨魚確實幾有味，對我黎講墨汁太咸，令喉嚨有啲唔舒服。芝士汁鮮蛋意大利麵，呢個唔錯，個人喜愛煙肉煎得香口，但係原創係無。單骨蜜糖芥末雞翼，外層炸得脆，肉質都滑，但因為一個雞翼開二，口感沒有整個雞中翼咁正，蜜糖芥末汁幾好味。凍抹茶牛奶咖啡，抹茶味重，咖啡味淡。朱古力咖啡沙冰，不過不失。

幾年前去過旺角分店，印象中甜品好好食今次與住在荃灣的朋友到綠楊的分店食正餐HeSheEat荃灣分店位於地鐵相連的綠楊坊店舖位於商場內，地點方便店內有為客人準備酒精搓手液，有需要可消毒雙手剛好店內其他位置都較滿，店員給我們安排了較入的位置枱很大張，我們二人可以自成一角，又有梳化位，好舒服，食得好安心紅心的裝飾好適合打卡正餐餐牌有很多選擇，有意粉、意大利飯、小食、沙律、牛角包等。意粉都有分不同醬汁，有墨魚汁、忌廉、番茄汁比我們原先預期的要多食物價錢適中，尤其甜品及飲料的價錢十分相宜所以我們兩個人點了很多菜準備開大餐先來一人一杯飲品飲品都有很多選擇，咖啡、奶茶、鮮果茶等。我們同時都看中了奶昔，不過選擇的口味不同.士多啤梨奶昔 | $38奶昔的賣相十分吸引，上面有滿滿的忌廉，忌廉內又有士多啤梨醬，超大杯忌廉甜及十分滑溜，整杯奶昔充滿士多啤梨味，而且不會太稀及夠凍，吃完整頓飯後，奶昔仍承拓着忌廉，不會太快溶化。一口忌廉，一口奶昔燕麥乳酪奶昔 | $38朋友點了燕麥乳酪奶昔，我們交換了兩啖試下奶昔中充滿了細細塊的燕麥，有少少咬口，乳酪的酸味中和了奶昔的飽腹感，感覺比士多啤梨奶昔更加健康單骨蜜糖芥末

朋友話 hesheeat 一至五推出左下午茶餐，價錢好優惠，我哋放工急急腳前往，五點鬆啲到，趕得切食下午茶。我哋叫咗兩個飽肚之選，分別係扒大蝦蕃茄燴扁意粉同埋煎龍利柳白汁燴長通粉。兩個都相當不錯。扒大蝦蕃茄扁意粉🍝：有三隻大蝦，okay 的，冇雪藏味。意粉炒得非常入味，意粉食落去微酸中帶點鹹甜，夏日來講相當開胃，令人一口接一口。煎龍利柳長通粉令我更為驚喜。雖然龍利柳分量唔算多，忌廉汁相當香濃，配上新鮮嘅菜葉（唔肯定係Baby spinach 定其他品種？），香濃中帶清新，very yummy !跟餐會有普通飲品，可選擇upgrade飲品。朋友加咗$10要 iced latte. 我就+$20 要左Cookie and cream Milkshake. Iced latte 睇落十分之靚。我嘅Milkshake 嘅忌廉都好香滑。牛油焦糖厚鬆餅配雲呢拿雪糕。（呢個散叫）呢個一直係 hesheeat 嘅招牌菜式。好多年前已經食過，味道令人難以忘懷。呢度嘅鬆餅唔係疏乎厘鬆餅，食落去好似空氣咁，而係食落好實在，食到鬆軟充滿麵粉香的厚身鬆餅。呢個鬆餅配焦糖係 perfect match, 好食過配

而加食飯除左好味，可以打卡都好重要，是晚黎左HESHEEAT，一間出名的港女打卡店（?），哈哈，粉紅色裝修真係好正。同朋友一早約實黎呢度，攞定位，繁忙的晚飯時段都有排等㗎。入座前，店員先量量體溫，坐低後，便送上餐牌同水，過程中餐廳感覺衞生。好肚餓，一口氣叫左好多野，連甜品都plan好叫後上，哇哈哈，對住咁耐無見嘅朋友當然要盡興食啦。飲品先到，叫了凍朱古力咖啡＆oreo奶昔。杯啡勁香濃，強烈的咖啡味中漸漸滲出朱古力味，苦甜度適中十分啱口味，好好飲呀～朋友杯奶昔都好正，賣相靚靚之餘又係好好飲，濃郁oreo味加上超滑嘅奶，朋友話呢杯野做好飽肚添呀。點了一款炸物小食，炸珍寶蟹棒＆芝士年糕配日式蛋黃醬，主要原因係我倆都鍾意食芝士年糕。炸得香口不油膩，上枱時熱辣辣抵讚。蟹棒一絲絲蟹肉很鮮甜，年糕煙煙韌韌口感好正，兩樣都好好味喎。主菜要左燒烤bb豬肋骨配薯條，本來送薯蓉的，但我倆一致覺得轉做薯條會好食啲，哈哈。豬肋骨軟腍，一切就開不黏骨，非常易食，調味也不錯，bbq醬好正。薯條十分脆身，而且份量不少，比想像中大份飽肚。還點了蕃茄芝士火雞胸牛角包配田園沙律，牛角包香脆滿牛油香，芝士厚身味道濃郁，火雞胸

今晚黎到荃灣hesheeat，呢度鄰近荃灣地鐵站，非常放便易搵，半開放式設計，十分開掦，晏就有少少太陽光射入，感覺非常悠閑。內裡設計以粉紅色為主，簡直少女心爆發，空間寬敞，位置同位置唔會太過逼，坐得非常舒服，食大左肚腩都唔驚呀！今次頭盤嗌左個香辣柚子大蝦沙律，酸酸地既沙律醋，加埋甜甜柚子，已經十分開胃，新鮮大蝦，加埋少少辣，進一步提升沙律既新鮮口感呀！食沙律最緊要新鮮！呢個沙律就係fresh！頭盤就分別嗌左單骨蜜糖芥末雞翼同蒜香辣椒蕃茄大蝦配蒜蓉多士，單骨雞翼個名已經勁吸引我呢種超級懶人，食起嚟勁方便，香脆雞翼加上無敵蜜糖芥末醬，滋味無窮呀！至於個多士，真係令我喜出望外，估唔到有咁多隻大蝦！蒜蓉多士鬆脆香口，蒜蓉味濃淡適中，配上濃濃蕃茄醬汁，仲有新鮮大蝦，簡直天衣無縫呀！輪到萬眾期待既主菜喇，今次就嗌左一飯一麵，分別係扒虎蝦芝士汁鮮蛋意大利麵同埋紅花海鮮繪意大利飯。首先講下個麵先，呢個麵，不得了！邪惡中既邪惡！減肥者勿食！creamy到極點，上頭舖滿芝士，一上枱已經聞到芝士香，攪拌會見到芝士拉絲，芝士既擁躉非食不可呀！芝士鹹香味，令人慾罷不能呀。另一個意大利飯，用料十足！勁多海鮮，蝦，

今日同朋友去咗荃灣嘅《HESheEat》食飯， 叫咗小食、意粉& 鰻魚飯開心share 吓 ！🥳👉前菜小食《單骨蜜糖芥末雞翼》，雞翼預先剪成單骨， 方便入囗， 雞翼炸得熱辣辣， 脆卜卜，口感香脆， 肉質細嫩，仲好juicy ! 👉仲有招牌燒鰻魚滑蛋飯， 材料十足， 有厚厚的鰻魚，配上燒汁， 配上新鮮salad 菜，yummy ! 👉叫咗個扒虎蝦蛋麵，加咗蘑菇， 味道特別清香， 蘑菇入口香濃，添加了不少芝士，味道更佳。👉最後係甜品時間，宇治金時味，外表非常很細緻，加上紅豆，抹茶雪糕& 鬆餅一齊， 超正！ 飲品有《白桃白茶》& 《凍美式咖啡》

早前趁着疫情稍為好轉，所以就忍唔住要同屋企人出嚟食返餐好啦，咁梗係去我哋最鍾意嘅粉紅色西餐廳，今次好好彩，安排咗係一個角落嘅位置，又有得坐沙發，面對着一大快鏡，唔使同其他人迫埋一齊，自成一閣夏日炎炎，梗係要飲返杯特飲啦，左邊係菠蘿沙冰$38，飲落去非常清新，超級解渴，而右邊嘅係凍朱古力$38，朱古力味道非常濃，上面仲有一大個cream，食完都有啲飽肚嘅感覺我哋仲叫咗杯士多啤梨奶昔$38，同樣地士多啤梨都好足料，成杯野呈鮮粉紅色，齋睇個賣相都非常吸引先來個小食單骨雞翼，單骨嘅好處就係啱晒我呢啲懶人唔使拆骨，甜甜蜜蜜嘅味道配上炸雞翼，好鬼開胃我哋一行四人梗係要嗌個大嘅我哋all day breakfast 一齊share啦，呢度嘅份量足夠兩至三人食用，而有嘅材料非常之多，例如牛角包、茄汁豆、煙肉、薯餅、沙律菜、巴拿馬火腿、煙三文魚、大啡菇、鮮蕃茄、德國腸、炒亂蛋另外我哋仲加咗兩碟意粉將溫泉蛋整爛撈勻成個意粉，會令成個意粉更加creamy啲㗎係開餐之前我忍唔住幫佢哋影幅大合照最後到咗甜品嘅時間，呢個綠色嘅抹茶冰下邊其實有好多紅豆同埋小丸子，建議大家撈勻一齊食，個甜味會更加出啲呢個以朱古力做主

今日同女朋友黎左HESHEEAT食TEA，我地分別叫左一個小食同埋兩個甜品，小食單骨蜜糖芥末雞翼外皮脆得黎又不燶，而由於雞翼係單骨嘅關係，所以食嘅時候非常輕鬆，而點左蜜糖芥末醬之後食落甜甜地，帶D芥末香但又唔算好辣。而甜品分別係朱古力三重奏同埋字治抹茶牛乳刨冰，朱古力三重奏有朱古力慕絲雪糕、朱古力心太軟同凍朱古力特飲。朱古力慕絲口感綿滑，有濃濃嘅朱古力味，心太軟入面嘅朱古力味亦都非常之濃~而朱古力特飲朱古力味就比較淡，總括而言朱古力三重奏能漢滿足朱古力控嘅要求。字治抹茶牛乳刨冰口感比綿綿冰結實，抹茶汁係食前慢慢先淋上面，而抹茶汁味道本身都比較濃，所以食嘅時候味道唔會因為冰溶而變淡，刨冰底部仲有紅豆同小丸子。

好朋友生日，梗係要食餐好。見到HeSheEat 位置方便，又坐得舒服就揀呢到啦。估唔到有咁多選擇，沙律、小食、主食、甜品、特飲！壽星女話事，嗌左單骨蜜糖芥末雞翼、三重芝士大蘑菇黑松露牛肉漢堡、冰抹茶鮮奶。雞翼炸到脆卜卜，面頭加左蜜糖芥末醬，正！牛肉漢堡分量十足。麵包烘到香脆，而漢堡嘅三重芝士醬汁好好味。大蘑菇非常juicy，牛肉嘅肉味香濃。非常推薦大家嗌呢個。旁邊有沙律伴碟，可以中和味蕾。抹茶鮮奶茶味中足，喜愛抹茶嘅可以一試。個人意見如果鍾意茶味濃嘅可以嗌少cream。環境舒適，食物質素又幾好，下次會再嚟呀。

因為位置就腳嘅關係，全家都成日嚟呢到開餐。地鐵站行出去只需一分鐘，當日仲唔洗等位添 每次必點薯餅波波配車打芝士汁,脆煙肉。$45薯餅無論放幾耐都keep到咁脆，好香口。點埋芝士醬汁一流😋。熱愛芝士嘅一定唔可以錯過。紅花海鮮燴意大利飯。$110有蝦、蜆肉、帶子 ，好足料呀。濃濃嘅蕃茄味，燴飯軟硬適中。好開胃，家中嘅小朋友每次都食到停唔到口。值得一提嘅係，呢到坐位都算寬敞。又有bb櫈提供，幾適合一家大細聚餐。

脆薯格配酸忌廉、泰式辣醬香脆可口嘅薯格絕對係必食之選，味道啱啱好又唔會有油膩嘅感覺，個人會鍾意就咁食原味，嫌單調可以蘸酸忌廉或泰式辣醬，一樣咁好食。番茄蟹肉牛油果莎莎 配墨西哥脆片厚薄適中嘅墨西哥脆片，好香蔥味。厚厚嘅一層牛油果蓉好軟滑，上面鋪上鮮甜嘅蟹肉，仲有番茄粒好fresh，加埋魚子點綴下，就咁食已經味道豐富，搽喺墨西哥脆片上面一齊食出奇地夾。意式番茄水牛芝士意粉 配巴馬臣火腿意粉軟硬啱啱好，口感煙韌得嚟又唔會腍，番茄醬酸酸甜甜好開胃，水牛芝士似棉花糖嘅口感。巴馬臣火腿肉質柔軟，味道細緻，油而不膩，鹹香得嚟又有啲甘甜味。法式香橙班㦸 配雲呢拿雪糕暖暖哋又煙韌嘅班㦸配埋凍冰冰嘅雲呢拿雪糕一齊食，有種冰火二重嘅口感。香橙醬汁同果肉有啲太酸，不過好醒胃，令到甜品唔會有甜到漏嘅感覺。

位於荃灣地鐵站出口附近，綠楊坊地下G15-16舖嘅HeSheEat，主打西餐同埋甜品，裝修啱晒女仔去影相，因為餐廳好pink pink 💗價錢亦都十分相宜。.試咗佢哋嘅晚餐，小食有:-Buffalo wings 水牛城雞翼，份量都幾多，雞翼香脆，配埋佢哋嘅汁，開胃大增。-炸珍寶蟹棒&芝士年糕配日式蛋黃醬，yummy😋好鍾意炸蟹棒，好足料又唔覺得油膩。主菜有燒烤BB豬肋骨，one of my favorite, 分量十足，配菜嘅沙律亦覺得滿分。.飲品試咗抹茶鮮奶同埋沖繩黑糖菠蘿沙冰，抹茶鮮奶有好濃嘅鮮奶味，好好飲，下次一定會再飲。至於甜品就試咗芒果拿破崙，芒果好甜之餘，餅好脆，整體唔會覺得太甜，好滿足。

今日同朋友誤打誤撞入咗呢一間hesheeat~之前都有聽過呢一間餐廳，但一路都未食過～今日見啱啱好有得搭枱入去食先～見到menu嘅選擇都非常之多，我哋就揀咗兩款嘢食，再加兩杯嘢飲。第一款：三重黑松芝士牛肉漢堡一送到嚟就聞到一陣黑松露嘅味，雖然本人唔食黑松露，但食落又唔會太過有gas嘅味道，而漢堡鮮嫩多汁，配大大份嘅沙律菜，但沙律菜有些少苦澀味，最後我同朋友都冇食到～第二款：蒲燒鰻魚蛋紅飯不過不失的蒲燒鰻魚，有滑蛋覆蓋的紅飯，味道都算唔錯，可以一試～飲品：oreo奶昔、香蕉拖肥奶昔兩杯奶昔上面都有一層軟雪糕式嘅忌廉，影相就ok，但係對於唔鍾意食忌廉嘅我來說，我就用匙羹撥走咗🙈香蕉拖肥奶昔令人有點驚喜！😍😍估唔到香蕉配拖肥味道好match！！飲到停唔到口🤤🤤🤤十分推薦💞💞💞