HeSheEat (綠楊坊) (已結業)

一個需要等待製作超過一個小時的疏乎厘，出嚟效果既冇驚喜又平凡，浪費食客時間，又冇得走，困獸鬥，呆坐一個鐘，先至有得食。令到一個休閒的下午變得乏味及討厭。唔會再有下次幫襯....

有杯嘢飲講起先啦，杯白茶有少少覺得甜得滯，加咗水先覺得差唔多，但係杯嘢飲入邊係有果肉嘅，所以個感覺都幾清甜奶昔就好濃嘅，啲忌廉亦都好滑，香蕉嘅味都幾香嘅，飲完其實我有少少覺得飽個羊扒就覺得唔夠香口，但係都算係幾滑嘅個意粉個汁就好香，但係意粉就冇乜咬口，但係蘑菇就好好味嘅，帶子亦都算好大粒個cake真係有啲dry, 就算加咗啲汁都好似撐少少咁樣四百幾蚊兩個人，整體來講算係咁，但係就未必會再返轉頭食嘅，性價比好似唔係咁高

我嘅結婚周年紀念正日竟然係同奶奶撐枱腳好彩奶奶得閒，臨時陪我食飯如果唔係我一個人就孤零零奶奶咁啱喺荃灣買嘢所以我就放工過去奶奶話唔想行，打算喺地鐵站附近揀咗呢間餐廳我即刻過去問吓有冇素食嘅餐先好彩待應小姐都好好咁介紹有一個蘑菇意粉不過其他就全部都有肉奶奶係一個素食者所以好彩有個蘑菇意粉我哋入去之後，待應竟然俾咗個好靚嘅位置我哋😱係一個角落頭嘅好大sofa位，簡直係二人小天地除咗個蘑菇意粉我都嗌左個燒雞沙律諗住可以拎開啲燒雞比奶奶食下沙律我另外就嗌咗個牛油果碎蛋三文魚牛角包燒雞好香，又好好味個沙律有火箭菜仲有紅腰豆粟米😋雖然嗰個牛角包嘅相係Menu張相係靚好多但係真實嗰個都係唔錯嘅不過我冇估到牛角包係全脆嘅我比較鍾意平時麵包舖入邊嗰啲牛角包質地多啲🙊不過鍾意食脆啲嘅朋友唔好錯過😆

成日話女仔有第二個胃，專責用嚟食甜品！呢間餐廳就最適合不過啦！又可以食到輕食嘅嘢，又可以食到靚靚甜品🍮🥰邊個話晚餐唔可以食All Day Breakfast⁉️夜晚食先係最正，又可以滿足樣樣都想食少少嘅，然後每樣嘅份量又唔會好多，就算夜晚食都一樣好夠飽呀！主菜就點咗一份煎三文魚扒意式蕃茄水牛芝士意粉。意粉係扁面，配上濃濃嘅芝士撈埋一齊食，唔會好咸而且仲好juicy 添！嚟 HeSheEat 當然甜品先係我哋嘅目的😍鍾意朱古力嘅朋友千祈唔好錯過啦😉呢款朱古力三重奏，分別係朱古力雪糕、心太軟同熱朱古力。心太軟入面好熱好流心，而且仲好甜添😍而呢杯朱古力就真係好特別嘞，熱朱古力但有好大嚿冰塊，令朱古力唔會太熱，有暖暖地嘅感覺，上面仲有朱古力脆脆，令飲落去有少少口感👍🏼

一路都好想試呢到既甜品，今日放假終於捉埋朋友一齊陪我試！打開餐牌即刻有選擇困難症，因為甜品款式好多，而且張張相望落都好靚好吸引🤤最後我地分別揀左牛奶冰同埋鬆餅一齊開心share。✨荔枝牛奶冰牛奶冰冰感唔重，入口輕飄飄的幾得意，牛奶味唔算特別濃但都食得出。覺得淡味的話，可以自己隨心添加荔枝味的糖漿。牛奶冰食到底仲有荔枝果肉同埋脆脆蛋白餅。✨士多啤梨乳酪厚焗鬆餅我同朋友都想食一啲味道Fresh 啲嘅甜品，於是揀左有果味雪糕的鬆餅。甜品賣相好精緻，旁邊仲有新鮮士多啤梨裝飾。士多啤梨雪糕酸酸甜甜的，夾埋即叫即焗既鬆餅一齊食好夾。鬆餅口感鬆軟，蛋味都幾香，我哋仲加錢叫左鬆餅要加麻糬。不過餐廳職員上菜嗰陣上錯咗一份無麻糬既比我地，之後佢都好有心咁額外送多一份有麻糬既鬆餅補數。鬆餅本身無咩甜味，要加果醬或者蜜糖食會好味啲。麻糬無想像中咁煙韌，口感軟腍無QQ的口感，只有甜甜地既味，下次都可以唔使加。餐廳既甜品整體賣相都好靚，好適合打卡影相，不過味道就相對一般，無咩驚喜。

今日放工行開荃灣，見到hesheeat，又掛住佢啲甜品，晚餐就決定喺呢度食啦黑松露薯條薯條啱啱炸起！熱辣辣，好香脆！黑松露醬唔會太濃，同薯條好夾！士多啤梨奶昔& 黑糖薑茶奶昔好濃士多啤梨味，唔會太甜Cream亦都唔會太甜，唔錯黑糖薑茶，薑味可以再濃小小 整體都ok 墨魚汁虎蝦扁意粉睇落去好似份量好少，其實食落都幾多味道唔錯。燒春雞配沙律隻雞係啱啱整好，熱辣辣，個皮仲好香脆而且成隻雞都冇咩骨，啖啖肉，正宇治抹茶紅豆疏乎厘上面有個芝麻味嘅cream，配埋抹茶嘅疏乎厘好夾！抹茶同紅豆一向都係絕配，所以一齊食都係好正！ 仲有蕨餅同丸子！叫咗好多嘢食，又有小食又有甜品，買單都係四百幾蚊！性價比真係好高呀！

一直好想帶囡囡來這間充滿少女情懷的餐廳，今日終於有機會了！粉紅色的裝修令人耳目一新，感覺浪漫清新。Ice Matcha $38知道這裡的飲品、甜品也很出色，平時甚少飲這類飲品的我也忍不住試吓。這杯Ice Matcha果然香滑好味，抹茶味濃而不澀！番茄蟹肉牛油果莎莎配墨西哥脆片 $85喜歡牛油果的朋友一定不容錯過，牛油果份量超多，與On top的番茄及蟹肉配上香脆的Nachos，又軟又脆，口感豐富火辣墨魚汁意粉 $88意想不到的好味～少少辣小朋友也可接受，意粉多汁爽滑，吃完滿咀黑黑的，非常搞笑過癮！蜜糖芥末雞翼 $55金黃色的單骨雞翼令人流口水，皮香肉嫩， 加上豐富的蜜糖芥末醬，風味濃厚， 惹味非常 ! 美味的食物，充滿歡笑的一餐！

一直都好鐘意食Pancake😍比起入口即溶嘅疏乎厘Pancake，我更愛吃呢個入口實淨，外面脆脆但裡面超級鬆軟，充滿蛋香嘅厚Pancake，但呢類Pancake真係唔多地方有得食，所以我平時都會黎呢到食，今次揀咗朱古力花生醬焦糖香蕉配杏仁雪糕味，最喜歡香蕉面層仲燒咗一層薄薄嘅焦糖，甜甜地，食完真係超滿足！😋食甜品之前仲可以喺度食埋正餐，超級推介黑松露薯條🍟，每條薯條本身已經好夠味，炸得勁酥脆，沾埋黑松露醬汁勁香，又係另一個層次，食到唔停口！白酒牛油汁蜆肉意粉，意粉口感彈牙，牛油味勁香但食落唔會油膩。黑松露雜菌春雞燴意大利飯，飯粒口感偏淋易入口，每啖都食到黑松露香味，仲有滿滿嘅芝士🧀。

HeSheEat既甜品喺荃灣區黎講絕對係性價比高😍綠楊坊呢邊仲要勁近我哋屋企行過嚟都唔使10分鐘😁哥哥就最最最鍾意食佢哋呢個💗蕃茄蟹肉牛油果莎莎配墨西哥脆片🦀一擺上台嘅時候哥哥已經超級興奮😆因為有好多佢最鍾意食嘅墨西哥脆片！每次都食到停唔到口😍我就最鍾意加埋莎莎一齊食！每一啖都口感豐富😆個莎莎一層層顏色又鮮艷又真係幾似蛋糕嘅😂最上面既黑魚子醬，鹹鹹香香，滿蕃茄粒粒，仲有勁鮮甜既蟹肉同超fresh又綿密既牛油果蓉🥑！飲品哥哥就揀咗凍嘅朱古力鮮奶🍫因為佢最鍾意上面勁厚嘅一層cream再加埋朱古力粉😍個感覺好似食緊雪糕咁喎😆然後再加埋classic Alldaybreadfast 😍勁大份嘅炒蛋仲有大大條德國鮮肉腸😁最鍾意就係佢兩個牛角包勁酥脆💗甜品我哋食三個😍😍雲呢拿士多啤梨奶凍🍓呢個細細杯就係我同哥哥一齊share食嘅😝裏面有好多士多啤梨醬同埋有雪糕🍦 .我就自己食一個芒果拿破崙🥭啲芒果真係勁香甜😍每一層都勁酥脆！食落去chop chop聲😆最後又點少得哥哥最鍾意士多啤梨乳酪配士多啤梨雪糕🍓呢個係即叫即做，所以我哋食緊炒蛋嘅時候已經叫起！超級厚身😍，仲可以加埋蜜糖或者果醬！每一啖都充滿着

人氣Cafe HeSheEat 除了主菜，亦很多甜品控推介這裡的甜品。甜品在menu雖然只佔2頁，但都算頗多種類選擇。環境舒適，適合一邊聊聊天，慢慢享受甜品~🥜 #朱古力花生醬焦糖厚焗鬆餅配杏仁雪糕 $58▸份量十足，可以2-3個人share▸鬆餅質感鬆軟程度如蛋糕，富有濃濃蛋香▸熱烘烘鬆餅配搭雪糕，冷熱交迭，令口感更豐富💬鬆餅上的香蕉與焦糖片，味道未能完美融合💬鬆餅邊偏硬，可能稍微調整熱度或烤的時間會更好 🍵 #宇治金時心太軟配豆腐雪糕 $62『小編私心推薦👅』▸心太軟流心效果一流，一佶便湧出抹茶漿▸抹茶醬茶香突出，甜而不膩💬雪糕豆腐味略淡💬配料的日式厥餅入口偏硬，煙韌感不足 

充滿大學回憶既 HeSheEat 。佢哋最出名應該係之前既甜品放題。仲好記得大學時佢岩岩開，要排一個鐘先食到。個時真係驚艷，因為佢每種甜品都好有特色，我第一次見，仲好好味。重遊舊地，發現佢依家仲做埋西餐，緊係要試試佢😘黑松露芝士牛肉漢堡🍔我俾💯勁juicy，芝士同黑松露味勁夾，塊牛肉勁厚，我食左三分二已經勁飽。然後肥康一啖清左佢🥱另外仲叫左燒春雞🐥雖然細細隻，但都啖啖肉，醃得好入味。當然，點會唔叫佢地既老本行——甜品🍮今次試下佢地新推廣【日式梳乎厘】口感確實係無得彈，一啖咬落去好似食緊棉花糖咁，但同時又有好香既蛋味，配埋生果同旁邊既脆脆，無懈可擊🐖如果有得跟套餐優惠價加配就好啦💸💸如果食，記住提早叫，因為即叫即整要三十分鐘架🤗🤗

HeSheEat一向是自己相當喜歡的餐廳，這天來到荃灣，吃的一款「香辣海鮮炒意粉」（$128）再次令我感到十分滿意。其實這「香辣海鮮炒意粉」和我太太的「煙三文魚班尼迪」（$88）都是餐廳 Mouthful Delight餐牌中的兩款重點推介，我的「香辣海鮮炒意粉」鑊氣十足，香氣撲鼻，熱燙可囗，意粉炒得極之乾身，以少許紅花點綴，味道香辣刺激，色香味俱佳。這意粉的海鮮有蝦、蜆、魷魚和帆立貝，雖然部分蜆肉顯得略乾，整體仍然十分美味。至於另一半的「煙三文魚班尼迪」，我雖沒有吃到，但聽她說，味道也不錯呢！兩道水準不俗的主菜，加上紅綠相映，下了不少黑醋，酸滋滋的，十分醒胃，清新怡人的沙律和兩杯「凍檸茶」和「凍檸水」，這一餐，吃得十分滿意。

之前去過旺角分店 食物幾好 今日生日同小朋友一齊去 因為疫情 都唔駛點等位 。可能座得入 無侍應見到我們咁 落單都係老公大聲叫 落完主食 個侍應問會否叫疏乎厘 話要等30-45mins 小朋友好想食 咁我們就信佢 主食未到就叫定 點知 我們主食都未食到一半 個點品就到左 雖然凍咗嘅疏乎厘都係好好食 但一路都冇人幫我哋執枱和加水 連小朋友用既碗仔都係自己拎 咁既服務仲收加一？我以為食緊大家x！到我們食完主食 想換碟食甜品 都係老公行出收銀找侍應 先有人理我們。到埋單想儲里數 個侍應好串咁講 食餐唔可以儲里數 成張單只要有落過special order 都唔得 我今天生日心情好唔想被你破壞 費事同你嘈 但唔該你們好好培訓下員工 ！

自從荃灣西購物商場成為新貴之後，已經較少逛綠楊坊，今日逛完愉景新城，正好往綠楊坊吃個晚餐。這閒以嘴唇為標緻嘅餐廳，向來食物都有水準。鳗魚滑蛋意式紅飯鳗魚很軟滑，加上燒汁日式風味，滑蛋芳香美味，配以鲜茄煮成意式紅飯，日式加意式配搭，有創意兼驚喜!厚切黑毛豬滑蛋意式紅飯肉質嫩滑豐厚，外脆內軟，完全不覺油腻，滑蛋紅飯令人回味。燒烤雞肉沙律烤雞肉夠嫩滑，沙律菜非常新鲜，配以黑醋，既清新又可口。黑松露薯條薯條大大條熱辣鬆脆，點上黑松露醬更有錦上添花之效，一流!單骨水牛城鷄翼鷄翼很香脆，加上水牛芝士，份外惹味，單骨方便食客進食，夠細心。

星期日，跟朋友短聚， 去左荃灣HeSheEat Cafe來個late lunch ........Holiday 對自己好D，揀啲邪惡小食先 !.薯餅波波配車打芝士汁,脆煙肉.薯波波份量十足！夠曬香口夠曬香脆 點啲芝士醬汁 食到停唔到口.單骨蜜糖芥末雞翼.單骨雞翼，1口1隻，份量唔算少喎脆漿唔算好厚面頭淋上芥末醬調味唔辣但夠香夠惹味小朋友都食到..蕃茄芝士火雞胸牛角包配田園沙津較健康嘅款式涵料豐富，加左少許千島醬汁田園沙津淋上黑醋汁健康又清新..朋友揀左個朱古力Oreo牛乳刨冰.冰刨得好薄好綿，入口即融化加入牛奶，底部有Oreo 及朱古力碎面頭灑上朱古力粉自己可以淋上濃濃嘅朱古力醬朱古力迷就最鐘意.我就揀芒果紅茶.底部加上鮮甜芒果汁，混合紅茶配上1球芒果沙冰芒果迷至愛..粉紅色裝潢，配合美味小食感覺輕鬆浪漫 !..