HeSheEat (綠楊坊) (已結業)

HeSheEat出名既就係佢粉紅色系既環境，以及佢既甜品今日就黎荃灣呢下，感受下滿滿既少女風當日坐左係呢個卡位，前面有塊大鏡，對住咁大個心心，未叫野食已經feel到sweet小食先叫一個單骨蜜糖芥末雞翼，份量都唔少。外皮鬆脆唔肥膩，咬開仲係熱辣辣，微微既雞油滲出黎，加上蜜糖芥末甜酸適中，食到停唔到主菜係雜菌磨菇溫泉蛋意粉，蛋香味十足，而且多汁，溫泉蛋掛晒係麵身，夠鮮甜。雜菌亦都有好多，整體輕盈，健康另一份主菜係海鮮意大利飯，好足料。海鮮種類多，新鮮而且肉質彈牙，意大利飯夠軟淋，粒粒分明而煮得夠熟，唔會出現飯粒好硬身既情況甜品時間！叫左朱古力花生醬焦糖香蕉鬆餅，加上雲尼拿雪糕好高質呀配楓糖漿以及朱古力醬，忍唔住一下倒晒落去鬆餅外鬆內軟，香蕉上面既薄薄一層焦糖好香，連同香蕉加埋好好食牛奶泡泡配燒棉花糖，奶夠濃，亦唔會太過甜，棉花糖外層焦香，呢個配搭一絕白桃白茶好清新，爽甜，桃味一下散發晒出黎

約左舊同事食飯4選一，揀左食佢，貪佢大家食完散水返歸都方便搭車同埋食評講佢甜品做得吾錯又吾使等位，人齊即入，但有限時90分鐘明明都冇咩人食，差吾多時間就講last order 上菜超快，整體野食味道吾錯，甜品出色啲，環境好少女

之前在旺角吃過HeSheEat，印象不錯，性價比高，於是今天到荃灣「旅行」，當然要來一來。單骨水牛城雞翼單骨雞翼脆卜卜，配上水牛城汁後，酸酸甜甜，更開胃。牛油香草燒春雞原隻烤雞非常Juicy，配上牛油香草後更添香氣。雞皮烤得脆脆的，一切開雞肉，肉汁四溢，真是有圖有真相😛白酒牛油汁蜆肉扁意粉蜆肉有鮮味，肉質又爽又彈牙，份量又多，配上煮得剛剛好的意粉，不錯不錯。芒果拿破崙芒果拿破崙的酥皮烤得脆脆的，配上甜甜的吉士醬和新鮮的鮮甜芒果，吃起來口感豐富，下次還想再試試其他甜品呢。

今日同媽媽行街街，行到黎綠陽坊攰攰地，見呢間都幾多人，又坐得舒適，入黎試下。單骨蜜糖芥末雞翼 － 炸得夠脆口，配上蜜糖芥末汁，不只有炸的香味，還加上點點甜甜的口味。很喜歡單骨，比起雙骨的，吃著實在很方便，尤其對我們優雅的女士來說，單骨可以食得很斯文。不是每間店都有單骨雞翼，真的要試！蕃茄蟹肉牛油果莎莎配墨西哥脆片 － 點了一個炸盤，當然點一個冷盤balance 一下。 蟹肉份量很足，牛油果亦很清甜，完全可以帶出蟹肉鮮味。紫薯鮮奶 －濃濃的紫薯香，甜度剛好，很好用來打咭的飲品。

當你食到好飽好飽嘅時候，就係食甜品嘅開始啦🤣🤣去左荃灣都要食個甜品先返屋企！所以就去咗<<HeSheEat>>去銅鑼灣食過幾好食，所以今次又再次幫襯！叫咗一個士多啤梨焦糖脆脆疏乎厘$98士多啤梨好甜，而且有好多粒，好開心，仲有脆脆嘅焦糖，好好食！疏乎厘pancake都做得好好，好鬆軟好有蛋香味！而且再加埋少少cream，成個配合都好滿足，而且唔會好漏！同朋友兩個人share個感覺都啱啱好👍🏻👍🏻😊

一坐下，餐牌上的甜品就把目光鎖住，可是，在甜品之前都要吃點鹹的，免得五臟廟投訴。餐點偏日風西式，就點份鮮魷魚墨汁意粉。擺盤有心思，黑白加上點點紅，一種低調的性感，捲起一小撮，蒜香微辣，加上彈牙的魷魚，就算會雙唇發黑，你也會優雅地放入口中。炎炎夏日，冰爽的奶昔最令人趨之若鶩。比起用雪糕和糖漿，用上乳酪和燕麥的這杯真是不得了！香濃幼滑，啖啖燕麥香，至人罪疚感少一點。黑糖薑茶也是不錯之選，暖胃香甜，經常手腳冰冷的，也有選擇。重頭爐不能錯過的當然是甜品了！士多啤梨乳酪Hotcake，撲鼻的的牛油香，切下去鬆軟，咬下去充實的質感，充滿矛盾，配上士多啤梨雪糕，冰火體驗，就是妙不可言！這店以甜品起家，近年轉型成為新一代打卡寵兒，憑着其亮麗粉紅的店面，火速成為社交媒體上的新貴，其食物質素也未有怠慢，Starred!

上到去綠楊坊諗住睇吓有乜嘢好食，一入門口就見到一間HesheEat, 好似都幾多人食，一於入去試吓！7:00入到去都差唔多滿座，好彩仲有最後一張枱，唔係就要等蜜糖芥茉單骨雞翼，冇諗過咁好味喎，蜜糖芥茉甜甜地同雞翼非常之合襯墨魚汁意粉少少輕微辣，但係好嘢味，意粉係水準之作香草雞肉意大利飯冇諗過咁大件雞，而且十分Juicy菠蘿沙冰強烈推薦！超級好飲原味pancake到咗今晚嘅重頭戲， pancake鬆軟香滑，淋上楓糖漿之後簡直食唔停口，兩個人都覺得唔夠喉，極度想嗌多一份！好難先至把持得住！呢間一定會再嚟幫襯

今晚同朋友黎heseheat食返餐好既好鍾意黎呢間餐廳，因為環境又靚又舒服野食又選擇多，而且又好味。我同朋友都好常來呢間餐廳用餐。但每次都會食得開心，又會試下未食過既菜式。今次我地都係一齊開心share...朋友點了一杯orea奶昔，orea味好重，好多朱古力粒粒同朱古力餅碎，口感同味道都好正。仲要打到好creamy,好易入口。正而我就點了一杯紫薯鮮奶，紫色好靚，上面都係有一pat又滿足又邪惡既cream，好好味呀。紫薯鮮奶甜甜的，好好味，又香又滑。主食方面點了一個磨菇溫泉蛋意大利麵，上面鋪滿了好多切成一片片既磨菇，好正。另外我最鍾意佢既蛋，好juicy好膠質，用黎拌埋麵條，一流。好鮮味。另外個湯汁都充滿住濃濃既蛋味，好滋味。麵條都好吸味，所以呢款主食清清地，感覺好健康又好味。另一款主食點了烤雞忌廉意大利飯。呢款好香好creamy。烤雞好好味，岩岩好有兩件，所以同朋友都好易分享。烤雞外皮脆脆的，中間肉質好juicy嫩滑，不錯不錯。意大利飯份量不少，好香好濃忌廉味。唔錯唔錯，記得要趁熱食，凍左會冇咁好食架。食過了主食就食甜品了，我們點了抹茶梳乎厘pancake...梳乎厘pancake製

今次約朋友在荃灣食飯，由朋友點菜，試了些跟以往不同的菜式。蕃茄蟹肉牛油果沙沙配墨西哥脆片 | $85牛油果上有一層蟹肉及蕃茄，舖成一個長方形放在碟中央，側邊放了大約八塊的墨西哥脆片。蟹肉加了沙律醬味道十足，墨西哥脆片有少少鹹味。黑松露雜菌春雞燴意大利飯 | $98要預大約三十分鐘製作。聞到黑松露味很香，整隻雞脾放在飯上，充滿視覺效果。雞皮燒得香口，飯間充滿了芝士及黑松露醬汁。牛油果蛋沙律煙三文魚牛角包配田園沙律 | $74，薯條+ $10牛角包🥐鬆脆，內裡夾著牛油果蓉、蛋沙律及一塊煙三文魚，煙文魚不鹹。沙律加了醋汁，薯條炸得較硬。士多啤梨焦糖脆脆梳乎厘班㦸 | $98以前總是試hot cake，今次好期待它的梳乎厘班㦸。班㦸大約要等四十分鐘，即點即做，不能後上，大家要預好時間落單。擺碟依然精美，用士多啤梨及焦糖脆脆圍邊，沈上糖霜，整件事好夢幻。梳乎厘班㦸空氣感一般，好挺身，加上超甜焦糖脆脆，有不同口感一軟一脆口。

今日嚟到荃灣揾食見到有HeSheEat即刻拉埋朋友去試😂開咗好耐都未試過一坐低即刻叫咗杯曲奇奶昔唔係好甜 啖啖曲奇味 我好鐘意☺️最怕好甜嘅奶昔配合埋上面一大pat cream好邪惡啊！👇🏻呢個係炸厚切黑毛豬滑蛋蓋意式紅飯比個日式照燒汁比得好多 呢樣好加分本身都好怕會好乾始終有炸豬扒但個紅飯依然保持濕潤炸豬扒亦都炸得好脆好好食有埋伴菜成件事就無咁heavy!跟住就到我今次嘅最鐘意 亦係會翻轉頭再食嘅原因👉🏻黑松露雜菌春雞燴意大利飯👈🏻首先啲飯煮得啱啱好粒粒分明 係好出色嘅一件事另外燒春雞好嫩滑好多汁 一路切開啲汁一路樓落個飯度 令個飯更加好食第一次食已經好驚喜好滿意期待下一次再嚟！

自從恢復晚市堂食之後，我便多約朋友聚舊，今晚選擇了我熟識的HeSheEat，因為食品的質量有保證。一片粉紅色的佈置，平添了幾分浪漫情調。我們點了三個菜和一個甜品、一個飲品。“炸厚切黑毛豬滑蛋蓋意式紅飯”, 黑毛豬的肉味濃郁，加上外皮炸得脆，非常可口。紅色的茄汁飯混合滑蛋來吃，特別美味。“黑松露雞菌春雞意大利飯”, 有兩隻大春雞脾，肉質鮮嫩，外皮烤香，內裏多汁。意大利飯非常入味，散發著黑松露和雞菌的香氣。“單骨蜜糖芥末雞翼”, 炸得甘香可口的雞翼，混合芥末醬來吃，是很好的配搭。“朱古力梳乎厘班㦸”, 精緻的賣相，幼滑的口感，就是成功的甜品必要的元素。軟綿綿的梳乎厘，加上朱古力碎和橙肉，又可按自己的喜好而淋上果醬，充滿幸福感。“朱古力鮮奶“，特濃朱古力，奶味濃郁，好味。HeSheEat 能夠保持一貫水準，我對食品的味道、食材皆有信心，而且價錢大眾化，是附近西餐廳的首選。

一路好期待試下呢間餐廳，返工滿心歡喜去吃啦。去到全個餐廳得兩三臺客人，不需要等位，念住好快有野吃，肚餓到死。點知人算不如天算，落咗單等咗半個小時，連餐湯野飲都無上，一杯茶包加熱水有必要沖咁耐咩，餐湯你都應該係煮好晒最多係裝！！！服務員一班仔玩多過做，成日係度傾計。遲過我地來噶客人都上咗野飲先，明顯係漏單。炸野味道都可以，牛排肉質嘛嘛地，所以唔值得等咁耐。心理同生理都不愉快。

諗住同老婆慶生, 好啦, 見呢間評分唔錯, 就去試下啦兩個大人+一個3歲小朋友, 叫左兩個SET, 又加左錢轉特飲(加左25蚊)、加小食後尾竟然話小朋友都要計人頭最低消費, 要我個囡要另外叫多款野食或野飲仲有, 開係商場入面, 竟然唔收VISA, MASTER果D, 點學人做生意D SET 餐野野150-200, 您唔俾人碌卡, 真係好老土囉下下好似我依D, 唔拎錢出街既窮人, 真係去搵大膠樂算我真係第一次見識過D咁既餐廳!

輕量下午茶今日早咗開完會就陪媽咪爸爸去 HeSheEat 食個 Tea，媽咪成日讚佢地啲嘢好味，今次終於嚟試吓🥰「日式鰻魚炒飯」$58 包一杯飲品又炒得幾好味喎，甜甜地仲加咗粟米粒小朋友應該都鍾意食🥰「香煎龍脷柳蕃茄燴扁意粉」$58龍脷柳煎得幾香口，意粉🍝就硬咗少少，沒有吸到蕃茄味。「朱古力三重奏」$72包括朱古力慕絲雪糕、朱古力心太軟、凍朱古力特飲媽咪大力推薦我要試，果真幾幾味喎🥰三樣味道都唔錯如果朱古力特飲喺熱嘅就更加好🥰HeSheEat (綠楊坊) (荃灣)荃灣蕙荃路22-26號綠楊坊地下G15-16舗

平日放假嚟到呢間荃灣嘅HeSheEat, 因為係平日嘅關係, 很少人, 坐得很寬躺. 首先叫了香辣柚子大蝦沙律作為前菜， 份量很多，菜也很新鮮，有爽口嘅大蝦，然後加上柚子，酸酸甜甜很開胃。再叫了一個芝士汁煎蛋意大利麵，入面有白菌煙腩肉溫泉蛋， 蛋麵粉量很多，可惜不太喜歡蛋面口感，但他的汁非常香滑，配上其他配菜味道不錯。再叫了一個黑松露雜菌春雞繪意大利飯， 春雞烤得脆卜卜， 仲要好大塊。黑松露汁很香， 飯也口感不錯。 小菜叫了個單骨蜜糖芥末雞翼， 香口好味。 最後甜品叫了個珠古力疏乎里， 軟綿綿好味。 叫了酒橙味嘅梳乎厘班戟， 酸甜酸甜，好味， 賣相一流， 係荃灣難得好味嘅疏乎里餐廳。餐廳以粉紅色為主體, 充滿咗少女心, 帶媽咪就來這裏打卡， 媽咪似乎也變得年輕不少. 餐廳好舒服，食物質素不錯👍🏻。