HeSheEat (綠楊坊) (已結業)

📍 HeSheEat ~ 荃灣蕙荃路22-26號綠楊坊地下G15-16舗今日突然間好想食🍔🍔因為心情欠佳，要食返啲好嘢開心吓，今次真係唔求求其其，諗咗好耐同埋睇咗好多OpenRice先至決定去呢一間餐廳。因為諗得太過耐所以冇晒時間🤦🏻‍♂️🤦🏻‍♂️一講到食就有選擇困難症🤷🏻‍♂️🤷🏻‍♂️🤯🤯🤯1)雙層芝士漢堡包配薯條，芝士唔夠多，不過牛肉好好食，超級Juicy，同埋佢嘅半山熟做得好好，食食吓會有啲血水標出來😂😂牛肉唔會偏鹹用咗黑胡椒去醃製，配個甜洋蔥好好食2)黑松露蘑菇湯，😝😝😏😏食到好多黑松露油味，同埋超級多蘑菇蓉所以個湯好香好滑😋😋😁😁😂😂😂3)牛油果奶昔，配薄荷葉襯托得好好，有啲almond係個面度但係就唔係好飲到，俾我就會中欄啲almond 可以混合係個飲品裏邊帶出另外一個層次咁😂😂不過都算係我飲過嘅牛油奶昔算係好好飲㗎喇🤤🤤🤤環境喺商場門口，好多人行嚟行去，所以係真係有啲嘈，食物方面CP值算高👍🏻👍🏻所以如果佢有第二啲款式嘅漢堡包我都一定會去試🤣🤣

上星期五15號接完放學12點左右去呢度食晏，以為咁多正面食評都應不差。我地四個大人+兩個兩歲半小朋友去到便有位。有位四眼姐姐來招呼。態度不甚友善，但最難接受的是她說“公司規定，每人要叫一份餐包括兩個小孩”。兩歲半小孩食量有限，未知為何規定小孩都一定要點一份食物！無論如何，為免小孩肚餓兼又要去別處揾位，所以都照叫。至於食物方面，與一般餐廳差不多，不過不失。今次以後，“永不再去”。

今日有朋友到訪，晚上一齊外出用膳，朋友提議到附近的HeSheEat，正是我心中所選。全店粉紅色裝修，是這間餐廳的特色。看過餐牌後，我們點了不同的餐，海陸空都有，再大家分享。“炸厚切黑毛豬滑蛋意式紅飯”，豬扒炸得香，肉質也不錯，滑蛋非常滑溜，配上意式香甜蕃茄飯特別惹味。“黑松露雜菌春雞燴意大利飯”，份量不少，兩隻大雞脾，黑松露及蘑菇，加上濃濃芝士燴飯，大家都吃得津津有味。“煎三文魚扒意粉”，三文魚煎得香脆，口感不錯，意粉爽口彈牙。“單骨蜜糖芥末雞翼”，炸得香噴噴，炸粉略厚，但味道也不錯。“熱朱古力”，精緻的賣相，但朋友反影不夠熱，朱古力粉仍未溶透。總而言之，整晚的食物味道質素也不錯，大家都很滿意。

Hesheeat以甜品起家，好耐之前已經食過😋當時甜點精緻非常用心製作。荃灣店有西餐供應，不乏沙律意粉牛扒漢堡包等等，當然甜品梳乎厘、鬆餅係重點之一😚幾impress係呢度所有食物嘅賣相，基本上都幾圖文相符👍🏻品質無令人失望，特別係hotcakeHE SHE EAT Brunch($120)••••••當晚不太餓，諗住叫個輕食嘅brunch☺️點知大份到咁🤣性價比好高之餘，見到咁色彩繽紛係令人開心嘅☺️有足足十款食材係入邊，睇落都超級營養豐富，牛角包🥐勁香牛油味，薯格香脆，大啡菇+蕃茄+薯仔沙律可以清新下味蕾😌中和德國腸、Parma Ham、煙肉嘅咸香😘總括嚟講唔hea做，有擺盤，味道亦滿意，推薦💯牛油果蟹肉凱撒沙律($78)••••••外表確實幾平平無奇😂不過食落又有啲驚喜，比起主角牛油果、蟹肉，配料更出色！有不少刨片嘅Parmesan cheese，誠意十足😛又有烤麵包粒+煙肉，凱撒醬有明顯蒜香🙂 和羅馬生菜混合得均勻，係一道簡單但醒胃嘅沙律燒鰻魚滑蛋蓋意式紅飯($98)••••••真係好鍾意佢每碟都有sides，可以食下沙律❤️鰻魚香甜厚肉，紅飯有少少似茄汁味道，滑蛋覆蓋面夠哂送飯😙朱

前日同朋友去荃灣打籃球 打完之後好肚餓咁我地就去左綠楊芳果邊 是但就入左黎呢間叫HESHEEAT既西餐廳一入到黎果陣我地見到個裝修佈置好靚 令人感覺好舒服 侍應服務都唔錯 有禮貌同埋好主動 前菜方面個牛角包夠熱夠脆 好好食 咁我地就叫左個鰻魚炒滑蛋飯味道好好 懷疑佢係用兩隻雞蛋炒 份量好足 好滑好好味另外鰻魚都係好食 唔腥另外我地仲食左個豬肋骨 燒得非常好食 調味同埋D肉都好有質素下次經過荃灣都一定會再黎食 !!  

每次經過HeSheEat 都覺得好靚, 今晚放工終於約同事去食餐廳以西餐為主, 種類好多, 有飯、意粉、漢堡包、沙律及小食一一俱備, 價錢抵食, 份量又大碟紫薯鮮奶上層滿滿cream, 有好香紫薯味, 又唔會太甜, 好好飲士多啤梨奶昔入面有香濃嘅士多啤梨醬, 酸酸甜甜好開胃火辣墨魚汁意粉🍝墨汁味道鹹香, 淨食會過鹹, 但係連埋切粒車厘茄和魷魚食味道啱啱好, 加上辣椒、蒜蓉、檸檬汁酸辣惹味墨汁意粉硬度適中又夠幼,個汁無花假, 非常鮮香好味黑松露雜菌春雞燴意大利飯🍛成個飯好creamy同味濃, 飯粒食落煙韌有口感, 加上黑松露同菇菌嘅香味, 煮得好味, 仲有兩大隻厚肉燒雞,肉質嫩滑士多啤梨焦糖脆脆梳乎厘班戟🍰呢個班戟賣相吸引, 大推👍一咬落去口感鬆軟, 蛋香十足, 配上焦糖脆脆、香濃忌廉和士多啤梨醬, 香甜又好味, 水準之作

📍HeSheEat , Tsuen Wan 荃灣超抵食lunch Set 仲免收加一😍日式咖喱吉列豬扒滑蛋飯 + 餐湯+ 餐飯 $68🎃餐湯 南瓜湯。南瓜味非常濃烈， 最鐘意碗湯夠熱有暖身效果😂🐷🍚吉列豬扒滑蛋飯份量好足👍🏻👍🏻 叫左咖喱汁另上， 都有幾多薯仔同甘筍仔⭐️ 重點係塊吉列豬扒外脆內軟 ，炸份又唔厚😍 配埋滑蛋飯一齊食都幾飽😂餐飲可以叫普通檸檬水/ 茶 或者加錢試特飲。Lunch hour 非常滿座。唔駛加一幾吸引👍🏻👍🏻

餐廳佈置用上粉嫩淺紅色， 十分夢幻， 配上粉紅色絲絨卡位， 相當舒適，充滿少女心。炸厚切黑毛豬滑蛋蓋意式紅飯 $88 即叫即製的黑毛豬扒， 肥美厚切，炸到金黃香脆， 香氣十足 ，豬肉軟嫩，充滿肉汁 ， 中間還夾著流心芝士， 邪惡而美味， 紅米飯口感濕潤、煙韌， 營養價值豐富， 健康有益。白菌煙腩肉溫泉蛋芝士汁鮮蛋意大利麵 $85 軟硬適中的意大利麵， 完全浸泡在金黃芝士汁中， 賣相吸引 ，每條意粉掛滿滋味湯汁， 還夾雜滑溜的白菌， 及煙燻美味的煙腩肉， 每口惹味吸引。單骨水牛城雞翼 $55 單骨雞翼外皮炸至酥脆， 上枱時， 熱呼呼， 令人垂涎， 外脆內軟， 雞肉軟嫩，表面被酸酸甜甜的蕃茄醬包裹著，令雞翼更加誘人。 蒜香辣椒蕃茄大蝦配蒜蓉多士 $58 脆卜卜的蒜蓉多士， 跟配爽彈的大蝦及滿滿辣椒蕃茄， 先嘗到酸酸甜甜，之後慢慢滲出微辣， 惹味過癮， 滋味搭配。夏日水果紅茶 $36夏日水果紅茶， 放滿豐富的水果， 入口帶淡淡的清新果香，十分冰爽解渴。

平時食開甜品多，今次肚餓所以試咸食。generally ok~ 環境/衛生/服務：枱同枱都近但未至於極迫。waiter 兩個兩個咁企喺度傾計，但叫佢地都應人既。係雞批意大利飯隻碟好多崩左既位(圈住),我仲以為係款黎我fd 話好明顯唔係啦，咁都用得既咁。味道：雞批意大利飯：有兩舊大雞肉，一舊似雞批滑既但另一舊少少鞋。有d芝士塊，飯都正常唔過硬又唔太軟。但我fd 之前食過話好食，今次係咸得濟。煙三文魚benedict:比想像中好味，烘底多士夠脆紫薯牛奶：太甜，cream 個質感都唔啱我口味，個人鐘意eurogogo 個cream chocolate 多d士多啤梨奶昔：我fd 話好飲，有果肉，新鮮。上面d脆脆都ok。

HeSheEat開左咁耐，聽就聽得多係食甜品🍮，但就一直都無試過🤷🏻‍♀️上星期五清假，經過見到唔洗等位，又比門口個下午茶餐牌吸引左，$50幾蚊有嘢食有嘢飲都幾抵玩💰————————————————🥇朱古力花生醬焦糖香蕉厚焗鬆餅配杏仁雪糕（$52）👍🏻擺盤都幾吸引，花生醬🥜同朱古力🍫好香，一送黎就已經好想即刻食晒佢😋厚鬆餅好似蛋糕，夾埋花生醬食就好似食緊格仔餅咁😆雪糕好快溶ga，記得食左先🤣另外仲有糖漿同朱古力醬，鍾意邊款口味就自己揀啦😌🥈扒大蝦蕃茄燴扁意粉（$58）👍🏻 因為未食晏ge關係，叫左個熱點食🤤呢個蝦意粉有4隻大蝦，燒過嘅大蝦好香，蕃茄🍅意粉都好入味，有粒粒蕃茄蓉幾有口感———————————————— 💡下午茶優惠時段只適用於星期一至五下午三時至六時，免收加一服務費📍 HeSheEat：荃灣蕙荃路22-26號綠楊坊地下G15-16舗

Hesheeat甜品非常出名，過往我都已經試過幾次，但係今次又想落去食下歌疏乎厘pancake，所以特登book左位去食，去到因為有book位嘅關係都唔需要排隊，場內座無虛席。落單時店員說班cake要40分鐘，所以一早就落定單準備。另外正餐點左鰻魚蛋包飯，鰻魚一整條非常大，肉質軟林沐，蛋包飯非常有誠意，裏面飯事用茄汁炒過的，完全唔會唔夠味，但亦都非常滑。重頭戲pancake到了，我點左士多啤梨味，外面灑滿焦糖脆脆，非常香口，加上新鮮士多啤梨，雖然有點點酸，但當作是中和甜品的甜膩感吧。Pancake口感非常非常鬆軟，有點像吃棉花糖的感覺。另外點了兩杯飲品，都是用外賣杯上的，所以可以拿走慢慢喝。

香辣海鮮炒意粉，一上菜就聞到好香🥰炒海鮮既味道，正😍，蜆/墨魚/蝦去炒意粉，意粉係彈牙的，而個碟底仲有少少醬汁，令意粉唔會太乾，少少辣，相當醒胃。」✨必食✨檸檬忌廉班戟，班戟同乳酪雪糕都比較酸，最出眾既係焦糖，甜度適中，重點係好脆😍！凍檸茶，不錯！茶底有少許澀，口感好清新。

係荃灣分店咗個午餐，已等咗成20分鐘，追極都唔來，最後員工同經理道歉都冇一聲，話只係18分鐘，試問少兩分鐘就好好過嗎？宜呢啲咁既服務態度咪鬼去幫襯受罪，又唔係好食，真係冇下次！

呢個芝士汁鮮蛋意大利面好似我地平時食開嘅卡邦尼意粉，材料一樣都係有菇類，煙肉，蛋，面條係蛋面，質感同平時食開嘅意大利粉好唔同，面身幼細，而且咬落比較煙韌。黑松露雜菌春雞燴意大利飯黑松露味幾濃，而春雞烤得岩岩好，咬落肉質嫩滑。燕麥乳酪奶昔上面燕麥味主要來自飲品上面嘅燕麥，而下面嘅奶昔就比較重乳酪味。朱古力鮮奶上面有大量忌廉，令成杯飲品賣相升級左一個層次。士多啤梨焦糖脆脆梳乎厘班戟由於係即叫即製嘅關係，所以店員都問我等唔等，因為等候時間都要大約30分鐘，但因為今次主要都係比呢個梳乎厘班戟吸引黎，當然會等啦。疏乎厘班戟空氣感十足，一上枱就已經睇得出佢好有動感，美中不足係因為而家唔係士多啤梨當造期，所以食落有少少酸。

放工來到荃灣HeSheEat晚飯，雖然聽過這店的名字很多次，但一直未試過，今次終於可試下。全店以粉紅色為主，十分少女心，正適合我們兩個女士。餐廳比想像中大，我們很幸運地安排到了美美的打卡位。餐牌食物價錢十分親民，比起出面的西餐廳更平！我們點了個意粉，點了個小食，兩杯飲品，因為要留肚食這裏的招牌班戟！上菜速度很快，抵讚！飲品先來，大大杯紫薯鮮奶上面全是cream，是我喜歡的樣子！質感幼滑，味道香濃，仲有淡淡紫薯味！芒果紅茶茶味濃，有芒果的香甜，飲落好開胃醒神！扒虎蝦芝士汁蛋意大利麵賣相吸引，芝士汁十分之多，麵和平常食開的意粉不同，很有蛋味和彈性，所以沾上芝士汁食，好好味。意粉配料也多，蝦肉大大粒，還有磨菇等，口感豐富不單調！另一款番茄蟹肉牛油果墨西哥脆片是我喜歡的口味，用脆片夾著牛油果醬等食，唔肥膩又夠輕身，感覺健康有營！主角班戟賣相絕對無令人失望！士多啤梨梳乎利班戟上枱就一陣香甜，厚厚的2件質感好鬆軟！上面那層cream好邪惡，但點pancake食增添了濕潤感！一旁的焦糖脆脆完全有畫龍點睛之效，令糖香更飄逸！班戟輕身富蛋香，整體黎講做得不錯。食物可口又有造型，價錢又親民，仲有靚靚打卡位