HeSheEat (綠楊坊) (已結業)

二人限聚令期間，平日午市茶市都唔少人食，三點前入座都可以揀位坐，三點後就開始多人。好多人都黎食甜品，不過今次特登揀左一份主菜一份甜品，除左甜品都想睇下正餐好唔好食。牛油果牛肉漢堡配田園沙律，加配薯條原來呢度除左甜品出名，主菜都好掂！牛肉漢堡多汁juicy，配牛油果好fresh，最特別係搽係麵包上面個醬，甜甜地好好味！另外加配左薯條，熱辣辣新鮮炸起，正！橙酒朱古力梳乎厘班戟梳乎厘pancake好鬆軟，朱古力配淡淡酒香，中和朱古力的甜味，唔錯！

炎熱天氣出去行下街，去到商場見到間餐廳好特意，有個唇印💋餐廳名都好特別，HeSheEat .朋友話去試試，餐廳設計風格舒適。叫左個人氣大熱的honey mustard wings味道好清新，香脆的雞翼加上個醬汁，好味。主食spring chicken risotto因為個雞係即整熱，所以需要時間等待，意想不到的香味，係黑松露的味道，好香，仲有個雞肉係用左香草做配料，所以整個飯都好香好好味！飯後甜品少不了mango pineapple kakigori係用牛乳做的刨冰，再淋上個茫果汁，底下仲有粒粒菠蘿，清爽可口！

已經接近十年沒去荃灣綠楊坊，一去發現環境變化很大，商場的格局都不同，行街前都是食野先。HeSheEat個外觀很特別，各間分店都用粉紅色做主調，還有一此比較獨特的打卡位置。牛油果蛋沙律煙三文魚牛角包配田園沙律 $74店舖不單只有外觀，食物賣相亦十分好，這個牛角包都十分足料，三文魚牛油果都份量很多，食物的顏色配搭很好。牛角包都是即叫即焗熱，保持到脆口。另加了薯條 $10這個薯條十分之抵食。炸厚切黑毛豬滑蛋蓋意式紅飯 $88這個炸豬扒都十分出色，同牛角包一樣，豬炸都是新鮮炸起，豬不算乾，好食！滑蛋都出色。在ig 經常看到HeSheEat的梳乎厘班戟，下次一定會試下。

之前去荃灣經過這間甜點店，覺得地方幾舒適，便入去食嘢休息下😋首先點了HeSheEat Brunch試下，包括有德國鮮肉腸，意大利煙腩肉，巴馬火腿，薯仔沙律，煎蛋，慢煮蕃茄，大蘑菇，炒bb菠菜，配脆薯餅及迷你牛角包，份量十足😋鮮肉腸鮮脆，煙腩肉唔肥，巴馬火腿新鮮，薯仔沙律清新，番茄多汁，大蘑菇唔夠新鮮，牛角包及薯餅唔夠脆身，菠菜幾好味😋另外點了單骨蜜糖芥末雞翼及黑松露薯條😋雞翼香滑，單骨方便進食，黑松露味薯條唔夠香濃😋飲品分別係士多啤梨奶昔及Oreo奶昔，奶昔香濃可口😋坐在環境舒適的地方，慢慢享受美食，真是一樂也😋

🌸荃灣打卡甜品🌸HeSheEat🍽今天想午餐想吃甜品又想吃正餐，於是相約好友到了荃灣站一間高質正餐及甜品兼備的人氣餐廳-「HeSheEat」享用是日午餐❗餐廳鋪面寬敞，座位舒適，裝修簡約精緻，以少女心粉紅色為主調，有特色印花打卡牆及卡坐，座位寬敞舒適❗店員十分親切殷勤有禮，店員常為客人添加水及收拾碗碟。我們今天惠顧了以下菜式：1️⃣🌟燒鰻魚滑蛋蓋意式紅飯 $98燒鰻魚份量十足，厚厚的燒鰻魚肉質嫩滑，魚肉充滿蒲燒汁味道，相當入味，還有香滑滑蛋蓋著滋味健康的意式蕃茄燴飯，相當開胃！還有清新怡人的沙律，配搭非常豐盛，擺盤精緻，十分惹味❗2️⃣🌟芒果拿破崙 $58芒果拿破崙即叫即製，擺盤精美，有新鮮清甜的芒果肉點綴，拿破崙具備三層黃金香酥脆口的千層酥，夾著秘製芒果吉士醬及香草奶油，入口鬆化香脆，口感豐富有層次，味道甜而不漏，非常滋味❗3️⃣🌟Expresso $25特濃咖啡即叫即製，味道相當香濃，又充滿濃咖啡香，口感濃郁幼滑，非常醒腦提神❗️🌟為是次餐廳用膳的推薦菜色❗🧾總體平分美味指數：⭕⭕⭕⭕️⭕️賣相指數：⭕⭕⭕⭕️⭕️抵食指數：⭕⭕⭕⭕總括而言，此和風餐廳的食物質素高，提供滋味正餐及甜品，菜色擺盤精美❗餐廳

今日嚟到荃灣，近近地搵咗間近地鐵站嘅餐廳食嘢❤️哩間餐廳係綠楊坊叫做「HeSheEat」，係上年2021年仲拎咗最優秀開飯熱點添👍🏻餐廳環境幾闊落，以粉紅色為主，我仲發現咗有一個打卡位😍用玻璃造成倒影，令到細細嘅一個corner變得好有空間感💕牆上面仲有個心，真係好打卡able😍頓時少女心大爆發💕💕食物選擇都幾多，仲有疏乎厘食❤️不過今日比較餓😂所以就食吓主食同小食❤️✨巴馬臣火腿意粉巴馬臣火腿帶咸香，醬係蕃茄醬酸酸甜甜好開胃，意粉份量都好大份✨ 單骨蜜糖芥末雞翼雞翼炸得好香脆，單骨食得好方便，蜜糖芥末好惹味✨紫薯鮮奶紫薯味幾香，鮮奶好滑✨牛奶泡泡配燒棉花糖棉花糖好大糖，係平時去燒嘢食嘅味道，牛奶幾香幾滑今次冇預備咁嚟，下次一定要著到靚靚咁嚟打卡同埋試埋佢個疏乎厘先🤤

餐廳佈置以淺粉紅色為主調， 簡約明亮， 充滿夢幻色彩。黑松露燒春雞燴意大利飯$98兩隻肥美的燒春雞雞髀，烤到油光亮澤， 雞皮散發著陣陣焦香， 雞肉入口嫩滑， 充滿肉汁 ，意大利飯， 軟硬適中，口感濕潤， 每一口充滿芝士鹹香及黑松露幽香， 真令人食指大動。宇治金時厚焗鬆餅 $60即叫即製的鬆餅，店員溫馨提示 ，需要耐心等候20分鐘， 厚實綿彈的鬆餅， 上枱時， 充滿誘人蛋香， 鬆餅表面放上一球抹茶雪糕， 看著它慢慢溶化，並融入厚鬆餅中，冷熱交融的口感，真是讓人喜歡， 跟配的紅豆， 質感綿密， 白玉丸子，十分煙韌， 充滿和風風味 ， 再倒上黑糖醬一起吃 ， 更別一番滋味 ， 不愧餐廳必點甜品。凍白桃烏龍茶 $32先拌勻凍白桃烏龍茶， 再啜一口，清新冰爽， 慢慢沁出淡淡的白桃果香， 杯中還有數片白桃果肉， 香甜美味。

第一次食這兒的日式咖喱豬蛋包飯，一如既往，食物質素和味道沒有令人失望！豬扒炸得鬆軟可口，不乾，保留點點水分👏🏻 咖喱汁香味適中，只是份量略少，於是問侍應多要一些，然後送來了大半碗汁，足夠伴飯有餘😄

上網見到佢有一個甜品叫「芝士忌廉拿破崙配士多啤梨」個樣似pancake，但其實係拿破崙，咁有創意，一心想去試吓🥲點知原來已經停咗好耐😞希望將來會出返荃灣分店裝修粉紅少女風，啱哂打卡。侍應服務細心，落單時會提醒甜品製作需時，見我食到咁上下，主動詢問可否現在為我準備，咁我就唔洗等食到啱啱出爐嘅甜品👍🏻———————————-意式蕃茄水牛芝士意粉配煎三文魚扒 $95 三文魚扒乾咗少少，不過都算厚身，皮煎得香脆，只有一條軟刺，都ok 。芝士份量唔係好多，唔係太食得出芝士味，反而個蕃茄汁做得幾好，酸酸地帶起返成個意粉。意粉份量多，軟硬適中，幾飽肚。厚焗鬆餅配宇洽金時 $60 鬆餅啱啱出爐暖粒粒，蛋味好香，外脆內軟，入口即溶，配雪糕食，一暖一凍，感覺好正 🤤宇治金時有紅豆、白玉、黑糖、綠茶雪糕多種配料，口感豐富。個鬆餅有成隻手掌咁大，強烈建議二人分享😂 諗起都想再食🤤好唔錯呀————————————HeSheEat 雖然已經有三間分店，但食物質素同服務都仲係keep得幾好。出品認真，尤其係甜品，絕對值得一試🤤

打算入去飲杯咖啡, 接待處的高大的男侍應帶位後，我跟他說要一杯熱咖啡，他便急不及待的走了。 之後來了 一杯大的咖啡，但我是要小杯裝的。本來叫侍應換過就沒問題了，但落單的男侍應走過來，用怪責的語氣跟我說 "你要細嘅唔早啲講"。我解釋說他落單的時候並未沒有問及，而且事實是我剛說完要什麼他已經趕不及的走了。 他的回應是"通常人哋都要大的，並三番四次用挑釁的語氣質 " 你唔早講 ?你唔講我點會知?!" 大佬, 做侍應落單正確係你嘅責任。 自己急急腳走咗冇問清楚, 畀錯食物顧客，換過好了，好小事。你係要輸打贏要專登走過來指控我冇一早同你講搞到你出錯， 倒轉頭怪我，有冇搞錯? 咖啡ok，但服務態度好差好差，唔會再幫襯。

下晝去食下午餐，呢間環境好。叫左個西瓜沙冰，都ok。叫左菠蘿沙冰，點解一樣價錢，尼杯靚咁多既？叫左兩個鬆餅，綠茶紅豆果個好實好飽肚，我覺得紅豆餡有d多，容易膩士多啤梨果個好食d，上面仲有d脆脆。但系叫鬆餅要等好耐，等8個字。但系整體價錢有少少貴。

Hesheeat 呢間餐廳我間唔中都會食每一次食都唔會令我失望今次嚟到荃灣呢間分店安排我哋坐咗喺呢一個好靚嘅打卡位真係少女心爆棚魷魚墨汁麵一上枱已經聞到好香墨魚汁沾滿每一條意粉 仲有微微嘅辣味配埋爽口彈牙嘅魷魚 口感一流燒春雞配薯仔沙律 雖然呢一樣餸要等耐少少但係真係好值得因為真係好大份如果細食嘅朋友兩個人share都啱啱好雞肉燒到啱啱好唔會好鞋 配埋薯仔沙律可以一解油膩嘅感覺最後有點少得叫返個甜品呢食到捧住個肚走

同屋企人行完荃豐中心本身諗住行返去路德圍搵野食，但行過見到hesheeat 又幾掛住呢度嘅甜品就決定呢度食晚餐。小食蟹肉棒跟芝士年糕蟹棒好巨形，咬落都仲幾juicy。巴馬臣火腿意式蕃茄水牛芝士意粉意粉上面放左兩大塊巴馬臣火腿，周圍仲有蕃茄同水牛芝士作為點綴。意粉煙煙煙韌韌而且由於闊身嘅關係，所以食起上黎都掛左唔少醬汁。鮮魷墨汁意粉食完個嘴會變黑，味道就少辣，而鮮魷魚都幾彈牙。芝士汁鮮蛋意大利粉-白菌、煙腩肉、溫泉蛋 （即係carbonara）甜品本身想叫朱古力三重奏，但最後都叫左楓糖，梳乎厘入口即溶 ，一上枱就見到佢動L ，勁過癮。

以往同老婆未結婚前，經常會去依間食野。今日再從遊舊地，味道依然😘😘因為老婆好鍾意食依間厚厚既pancake, 食落去唔係一陣風，有口感，而且仲可以點唔同既sauce, 每一啖食落去都有唔同感覺同味道😘😘🥞🥞另外，佢d意大利飯都好出色，不過食得出佢好似唔係用真正既意大利米去烹調，感覺食落去似珍珠米既感覺，整體都👍👍黎西餐真係唔少得叫burger架啦，食材新鮮，好濃既芝士味，漢堡扒好厚，一啖係咬唔曬所有食材，而咬落去爆曬汁😂😂所以要小心d食😎環境方面唔洗講，一望就知少女心啦！！又近地鐵站，一出就搵到👍

放工後最佳節目，當然是相約朋友逛街食好野。朋友介紹這間<HeSheEat >西餐廳，真係極開心。走入餐廳內已被他們的粉紅色裝潢吸引住，很想在各處打咭。時間剛好讓我們點正餐和甜品，有咸有甜，真想一次過點齊。火辣墨魚汁意粉意粉煮得不錯好彈牙，好多魷魚，食碟意粉濃厚的墨汁好creamy，香濃惹味，不會太膩，每條也掛上醬汁，入口層次不錯。燒烤BB豬肋骨豬肋骨質素不錯，肉味濃郁，肉質細嫩，也不會好靭和不干，頗juicy，不用沾汁已經夠味，已很不錯了。薯條香口。提拉米蘇庫里班戟班戟的鬆軟口感令人一試難忘，蛋味香濃又夠口感鬆軟，喜歡有厚度pancake口感的朋友必定滿意，好滿足。總括來講，這餐廳環境寬敞舒適又近地鐵站，食物質素甚佳，三五知己什麼時候來餐聚，相信都會有個好的體驗。