Hashtag B

营业中

休息中

返嚟香港就聽到人講呢個「拿破崙焦糖千層撻」講到咁紅我又11:40去排隊等12點出爐啦其實係佢開張時1月我已經買過佢地嘅伯爵茶菠蘿包，當時都有葡撻賣，只售$12試過唔少間菠蘿包，不過玩口味嘅之前銅鑼灣嘅菠蘿麻糬波波都有試過，不過呢個菠蘿包更得我歡喜！我鍾意佢個伯爵茶味唔係假香精味，菠蘿皮香脆，麵包鬆軟，只係$14/個價錢都唔平仲要唔係酸種麵包，我可能都係食返金華菠蘿包過下癮😂另一個我冇試，不過我家少爺都話好味估唔到去轉日本返嚟出左新野一夜爆紅，仲要索價$23/隻，限每人最多買6隻，我既然排隊等，我都只好買2隻試再加隻「極濃蛋撻」啦，先講隻蛋撻，因為早一日已經拎左隻蛋撻返屋企，我家少爺食左一隻話隔左咁多個鐘頭個牛油皮都咁正，所以我今次買比自己食！蛋撻比拿破崙遲10分鐘先出爐所以全部都新鮮熱辣！個牛油撻皮係好鬆化果種！牛油味超香好似食緊好多大陸人買果啲牛油曲奇咁！不過個蛋漿就唔得喇，佢寫住「極濃」我expect係極濃，但完全唔夠蛋香，都唔洗再講濃唔濃$12 我唔通剩係食個皮咩？到拿破崙葡撻，轉少少個形狀，就咁睇同sour dough有啲似，葡撻就本來賣$12變$23，大家都係酥皮，聽排前面個

人氣麵包店 hashtagb最近熱爆既當然係千層撻！可惜我太遲去已經被人賣哂啦🥹🥹但一場黎到都入去兜個圈，發現裡面有好多唔同種類既麵包🥯，每一款賣相都超靚好吸引，最後就買幾款返去試下！伯爵茶味既菠蘿包真係第一次見，上面果層脆皮夠大又夠脆，食落去仲有伯爵茶既香味，真係好特別呀！個蒜蓉法包🥖好細心咁切開一片片，一摵開就好香既蒜香🧄味，食入口蒜蓉同牛油🧈既結合真係令人食到停唔到！比較特別既係藜麥粟子包，裡面有栗子🌰蓉又唔會太甜！最後就係呢個啖啖食到nuts 既吐司，個麵包好軟熟，但又唔會係食空氣咁，好正既一個吐司呀！大家試千層撻之餘都可以試下其他麵包呀！

【人氣焦糖撻·新派麵包店🌠】/////呢間麵包店由傳統菠蘿油 到呢幾年比較受歡迎嘅紫薯以及咸蛋麵包 傳統新派交替🌞店舖招牌產品有焦糖千層撻 每日準時12:00 14:00 16:00新鮮出爐 今次終於買到了hehe(⁎⁍̴̛ᴗ⁍̴̛⁎).👉🏻拿破崙焦糖千層撻 ($23)買完即食品嚐到千層皮酥脆口感👅中間蛋漿香滑 蛋味可以更濃 配搭微甜焦糖部分 滿足！.👉🏻雙重芝士雲朵 ($53)一袋麵包可以分8片左右 麵包帶牛油香 頗新鮮鬆軟 食到好多芝士粒粒 食多都唔會膩😬.👉🏻咸蛋黃肉鬆卷 ($18)呢款麵包性價比最高🤩麵包充滿咸蛋黃以及肉鬆 咸香幾突出 足料又惹味～.👉🏻伯爵菠蘿包 ($15)脆皮由伯爵茶制作而成 茶味甜而香濃 包體口感都鬆軟 仲有原味、黑芝麻以及抹茶味可以選擇🤘🏻👉🏻紫薯雞尾包 ($17)雞尾包内充滿紫薯椰絲餡料 紫薯味道天然🍠椰絲甜度都適中 係新派嘅雞尾包啊🙀

相信大家對呢間嘅拿破崙焦糖千層撻唔會陌生，今次鯊仔決定介紹佢哋其他特色麵包，咁大家下次去除咗排隊買千層撻之外亦都可以買埋佢哋其他麵包~🥐 黑糖卷外表似牛角包，但食落都偏軟身，用咗瑞典裸蜜粉同美國黑糖蜜，再加上幾塊麥片放喺麵包上面做裝飾，味道唔會太甜，口感輕盈。🧈 黑糖牛油軟包麵包扁身軟熟，而且好重牛油香，麵包上鋪滿香甜嘅焦香黑糖牛油，食落香甜軟熟唔膩口。🧀 韓式芝士蒜蓉包外形可愛，充滿芝士鹹香，蒜蓉味都出，口感煙靭，整體香口惹味，芝士同蒜蓉搭配得合宜。🍞 琥珀合桃配土耳其無花果麵包充滿琥珀合桃香味，堅果口感同麵包融合，土耳其無花果甜味，為麵包增添了獨特風味同口感，麵包柔軟，但口感不過分膩。

「Hashtag B」本身想試佢個（拿破崙焦糖千層蛋撻）. 太好賣了！出爐唔洗一陣就比人掃曬，仲要每日只出三批。出爐時間分別係：（pm12:00/pm2:00/pm4:00)!食唔到就只好試吓佢其他出品啦！見佢啲菠蘿包幾吸引，有四款味道，於是我就揀咗個$15（抹茶菠蘿包）、$15（伯爵菠蘿包），同埋個$15（紫薯包）。開頭見員工啱啱拎出嚟，仲以為新鮮出爐，點知係凍嘅，凍嘅菠蘿包就真係扣曬分。（抹茶）味道幾香，菠蘿皮冇酥脆感，泡打粉落得太多了，食落唔太實在，冇麵包應有的香味。（伯爵）同上，食咗兩隻包好似冇食過嘢咁，而（紫薯）味道就略甜。下次一定要較啱時間食佢既王牌拿破崙焦糖千層蛋撻！

呢期銅鑼灣都可以話係人山人海，除左風靡全港既「姜公誕」，仲有佢「Hashtag B」，每逢12:00, 14:00 & 16:00都會見到長長既人龍，為既就係佢個「拿破崙焦糖千層撻」，每個時段限量只有100個經過之前失敗既經歷，早起的鳥兒有蛋撻食，今次排12:00時段，終於買到，每人限買6個，當然要左6個請埋同事食先拿破崙焦糖千層撻個皮真係好酥脆呀，入面既蛋漿又香又滑，焦糖更加係亮點，成個味道甜得黎帶點微苦，食完整個都唔會覺得好膩，仲有點唔夠喉🤭Hashtag B除左拿破崙焦糖千層撻，仲有普通蛋撻、多款麵包供應，排唔到拿破崙焦糖千層撻，都可以試下佢d麵包，一樣咁吸引

最近又四處尋找好吃的麵包😂這次來到我的常駐點銅鑼灣，原來在？街有一間人氣麵包店，出爐拿破崙蛋撻會被人掃光，不過我這次是特意試它們的麵包，因為鹹甜包都很有特色，每款都很值得試🤤🤤🔹紫薯雞尾包 雞尾包是我去麵包店常買的口味，加了紫薯後賣相更吸引，聽店員說這是人氣產品！麵包用了日本麵粉搭配澳洲入口牛油 ，讓麵包更鬆軟更有小麥香，紫薯和椰絲攪拌均勻，香香的、微甜的餡料同時有空氣感，推薦❤🔹芋泥麻糬包 芋頭控請出動！這款麻糬包口感比較煙靭，裡面有很大件糯糯不黏牙的麻糬，上面還有一層很香芋頭味的芋蓉，比較有趣的是它不會很甜，反而味道比較柔和。🔹咸蛋黃肉鬆卷 拿起來已經感受到滿滿的蛋黃油，鹹蛋黃和肉鬆的咸香互相輝映，味道加成了不少，麵包做到有點捲層的感覺，讓肉鬆更能鎖好在裡面，我喜歡麵包看似硬實際軟身的口感～🔹抹茶紅豆雲朵紅綠間條紋理很吸引，味道同樣分明，麵包鬆軟，抹茶味突出，吃到紅豆區域紅豆的甜點綴了整塊麵包，不用塗抹任何醬都很夠味，麵包邊間中有些甜甜的部份，加上6片都很厚很好咬呢。

前排行過銅鑼灣，見到呢間人氣手工麵包店，心郁郁又想去試吓，有最近好hit嘅花形拿破崙焦糖千層撻，不過我就無特登等佢出爐，就試吓其他嘅手工麵包先🙆🏻‍♀️🙆🏻‍♀️好多都好想食，我一次試咗4️⃣款😂，見到呢個💕黑糖卷，就咁食無咩特別，於是我將麵包返熱食，外脆內軟，口感立即唔同，而且唔算好甜，而且加2️⃣蚊仲可以配埋Butter cream添💕韓式芝士蒜蓉包我本身都好鐘意食蒜蓉包，味道好香，好鬆軟😍💕 紅莓貝果充滿紅莓粒粒，味道同樣唔太甜，翻熱食仲好味，健康得黎又咬口，唔錯唔錯💕黑糖提子合桃包 採用天然糖，甜而不膩，充滿提子同合桃，少少甜好開胃，麵包仲好鬆軟添❤️感覺都健康啲

經開銅鑼灣，去埋Hashtag買麵包做早餐 / tea, d包都超多款，同埋一入到去已經排長龍，原來咁啱係拿破崙焦糖千層酥嘅出爐時間~ 不過我上次食左，今次就買其他包🥰✨紫薯雞尾包 - size都幾有份量，一切開入面都好多紫薯蓉，天然得嚟幾香甜，啱晒紫薯控😜✨鹹蛋黃肉鬆包 - 呢個配搭幾特別，我自己本身幾鍾意鹹蛋黃，配埋肉鬆又幾夾，同埋佢係做左一層層咁，好有口感😋✨Cranberry Bagel - 清清地又有不少紅莓粒，健康又有咬口🤤✨黑糖提子合桃包 - 黑糖甜而不膩，而且佢係天然糖，比較健康一點，甜甜地好開胃，加上提子&合桃提升口感，食完會想再食😻

拿破崙焦糖千層蛋撻($23) 每日限時限量出爐🔥 賣相夠晒特別，咬開除左蛋漿既蛋香味 特別之處在於底層仲有薄薄一層焦糖漿✨ 再配埋牛油香氣十足既千層撻皮，一齊食夠晒有層次 不過如果可以減低甜度就更好～ 除左甜品麵包都值得一試 菠蘿包($13)有好多口味例如伯爵茶、抹茶、芝麻等，之前係韓國食過念念不忘的韓式芝士蒜蓉包($24)都有，個裝麵包外仲有家庭包 琥珀核桃無花果麥雲($52) 一包都有6-7片 一打開就有滿滿既核桃香氣 食落有口感同埋有無花果乾的甜味🍞

之前一路行過，見到間新開嘅麵包店，但價錢偏貴，都一路冇去試。但見到OpenRice寫佢食評唔錯，都決定試一試。小店係標榜用天然酵母同優質食材製作麵包，佢買麵包嘅牌都會標明使用牛油嘅產地同埋雞蛋嘅來源，令人食咗都會放心。我今日就買咗伯爵茶菠蘿包- 外皮鬆脆，食入口很有伯爵茶的味道，唔會虛有其表，而且麵包超鬆軟，食完返尋味。英式排包，見到佢寫明用澳洲牛油去做，所以決定買埋埋俾女女食😋食落好有份量， 牛油， 蛋味香濃朱古力紐紋包: 超級軟熟， 朱古力味唔會喧賓奪主，女女淨係很留一啖俾我食

人氣烘焙麵包店 @hashtagbhk 最近成日都見佢地既post ，大家都好喜愛佢地得意之作「拿破崙焦糖千層撻」，我諗住都唔執輸買返屋企品嘗下，年輕既我真係太年輕🤪人氣產品邊有咁易買呀！沽清😣沽清😣沽清😣一場黎到我唔會比自己空手而回，身為麵包控買包是基本，點都要哄哄自己！芋泥麻糬包麵包鬆軟入面好大舊麻糬，麻糬好煙韌，芋泥唔太甜感覺比較健康！肉鬆咸蛋王包竟然有肉鬆咸蛋王包唔油膩喎！食落去好香咸蛋味，仲有勁多肉鬆添！黑芝麻菠蘿包五色菠蘿包之一，菠蘿包個面做得不錯👍，唔會散開哂而且唔會好甜，黑芝麻味啱啱好，唔太濃！抺茶紅豆雲朵實在太高興，我終於搵到個抺茶紅豆🫘唔會好甜而又有抺茶香，個包好重身超級足料！

好鐘意食bakehouse 同KFC嘅葡撻，前排見到又有新開有賣葡撻的麵包店，即刻抽時間去試下。葡撻每日12:00/14:00/16:00 出爐，星期日三點幾去排，只係買到最後幾個。除咗葡撻之外，佢地啲麵包都好吸引，麵包好鬆軟，味道唔會過甜，推介！ ⚠️建議葡撻同麵包都焗熱食 ‼️拿玻崙焦糖葡撻 ($22 /pc ) 👅:89.12分切開一半，好明顯睇到層次分明嘅酥皮，口感真係有少少拿破崙的感覺，最特別係中間多咗層焦糖醬，提升層次感。甜度方面還可接受。不過整體味道上其實同KFC，Bakehouse或者坊間買到嘅葡撻無太大分別，但酥脆度係比呢兩間優勝。如果價錢相宜啲，可能會回購。紫薯雞尾包 ($17) 👅:96.38分一開始覺得雞尾包好似好普通，冇特別想試，但係見到呢款係熱賣推介，就姑且試下。點知味道非常有驚喜，每啖都分別食到好真實嘅紫薯味同埋好香椰絲味，無諗過兩者配搭係咁夾。雖然定價偏高，但口味新穎，值得一試。抹茶菠蘿包 ($15) 👅:89.88分 呢款都有驚喜！麵粉味幾香，抹茶味算重，但又唔會過苦過甜，菠蘿脆皮也做得不錯，就算無餡，都唔會覺得好普通。愈食愈鐘意。環境: N/A回頭率:

銅鑼灣。麵包店#milktea麵包店 #milktea銅鑼灣hashtag b 係用手工製作呢d麵包 而佢哋嘅食材都係天然 無添加人造色素 所以都好健康🥺🤎搞到我都好期待想試吓!! 見到其他foodie都有介紹過呢間 所以好期待啊🥳💫今日遲咗去 所以佢哋拿破崙千層撻無哂啦 就係試佢哋個d麵包😲😚伯爵茶菠蘿包 $15 一開這個袋子 就聞到了濃濃嘅伯爵茶!!個波蘿包皮幾脆 都有好濃嘅味道🤤✨ 如果大家鍾意伯爵茶 真係好好味!! 芋泥麻糬包 $18望落個造型好特別 係一個花形!! 都見到佢幾出名✨🙌🏻 佢哋用台灣來嘅芋泥來整㗎🥳😙食落去好綿密仲有好煙靭嘅麻糬💫📍Hashtag B 銅鑼灣利園山道73號寶榮大廈地下F號舖

作為甜品愛好者同蛋撻關注組嘅我聽到有特別款式嘅蛋撻都一定會去試吓，今次呢款為近排大熱，雖然係幾特別，但味道唔叫話好取悅到我🙈🥧拿破崙焦糖千層撻($23)呢個蛋撻特別嘅位置，就係佢個皮係用咗酥皮嚟做咗千尋嘅效果🤤牛油味會更加濃，食落去會更加脆口👍🏻個人認為蛋漿略為甜，底層有一層口口嘅焦糖，所以連埋蛋漿一齊食嘅時候會更加偏甜🙈 食落味道有啲似葡撻多過似蛋撻😆‼️但撻唔叫好大個，大概半隻手一個，$23黎講性價比唔叫太高😟-P.S.其實呢間店仲有其他幾熱門嘅麵包，好似有唔同味道嘅菠蘿包，仲有大熱嘅拉蒜蓉包，大家都不妨可以試吓😆🍞P.S 蛋撻要買三個先至會有盒🙈同埋佢一日只有四次嘅出爐時間，大家記得睇吓舖頭嘅ig先好去啦😋