hōmu by favilla (已結業)

非常難食🤮🤮🤮個牛肉丼完全冇牛肉得幾舊似微波爐叮壞咗嘅牛肉員工態度差，完全態度散漫望住出餐位有野食都你眼望我眼最後要個廚師出嚟俾評返個牛肉飯先滑蛋勁少牛肉勁少最慘係冇汁😯仲差過去茶餐廳🤐🤐🤐

餐廳行日式小清新風格，加上半開放設計整體光鮮寬敞，有特色🔅 Sunday lunch set🔅🐷 吉列美國穀飼豬梅扒定食 ($128)豬梅扒炸得酥脆，但有點過火少少焦不過豬扒軟熟唔乾，所以唔沾醬都好食可惜定食飯太濕太淋😖🐟 生薑松露鹿角魚柳定食 ($88)魚柳煎得香脆，味道中規中矩食得出生薑味，但松露味唔重🍵 跟餐日本茶餐廳係少有地喺大商場內仍勇於表達自己所信所想💛佢地嘅收據係好值得收藏嫁🥰🥰

味噌滑蛋炭燒雞飯 $86塊雞扒值得一讚 好嫩口多汁慢煮封門牛柳蕃茄扁意粉 $92識食梗係要食封門牛柳 夠淋又好味但同事話塊牛既紋順切無甘好Set lunch 可免費配 日式綠茶 或 黑啡

週日自然睡醒來，在荃灣搵嘢食，大約下午一點到愉景新城一間日系咖啡店，等了10分鐘便有位。餐廳裝飾大多為日系木造傢俬及枱櫈，環境感覺清新，午餐餐牌有all day breakfast及日式定食套餐，但侍應對餐牌不太熟悉，點餐時有點混亂。我們點了兩客套餐，套餐包括餐湯、沙律、紫薯球、主菜及飯，免費配熱綠茶或加錢可配特飲，有吉列美國穀飼豬梅扒定食，吉列炸醬厚薄適中豬扒仍然有肉汁流出，配上caffe latte, 還有日式咖喱滑蛋芝士漢堡定食，配上baileys frappe，兩個定食套餐分量頗大，女孩子應該吃不完。餐廳整體感覺食物質素很好，但服務有待改善。希望下次可以試一下甜品。

Favilla喺觀塘、鰂魚涌、灣仔同埋荃灣都有唔同特色嘅分店，佢哋北歐加日系簡約主義做主題，坐得好舒服，一家大細去就啱晒😝 今日小編就馬上去到位於荃灣愉景新城嘅hōmu by favilla試吓bookmark咗好耐嘅鰻魚滑蛋飯！😋 蒲燒鰻魚滑蛋定食 $128呢個set除咗鰻魚同滑蛋，仲有飯、沙律菜加麻醬嘅沙律、薯仔沙律同埋麵鼓湯。鰻魚雖然睇落唔大塊，但唔係好韌同埋都算肥美，都夠食。滑蛋真心滑，每啖飯都同鰻魚同滑蛋一齊擺入口就好夾🥳 細細個嘅薯仔沙律好好食，好香薯仔味！😋 吉列美國穀飼豬梅扒定食 $128豬扒好嫩滑，皮炸得好脆，仲有豐富嘅肉汁，質素拍得住灣仔嘅新景園！有兩個醬跟，小編鍾食點沙律醬多啲！😋 Caffe Latte (Hot, L) +$22😋 Matchaiato (Hot, L) +$27Latte嘅咖啡豆香味再香啲就非常正。Matchaiato係奶泡抹茶鮮奶咖啡，抹茶味都幾濃，唔錯🍵

先總結，食物名同食物總有想像落差，野食影就好睇食就一般，加埋服務唔出色，性價比極低，真係要黎食甜品就算，千祈唔好叫正餐同飲野。所有正餐跟湯同沙律。沙律：薯仔沙律黎，溝左粟米同芝麻醬，食落去唔係融晒一舊，都有一粒粒薯仔咬口。整體感覺幾fresh。（分數：3.5/5）餐湯：有菇有菜嘅足料麵豉湯，不過竟然係辣嘅，我一開始攪混仲唔覺，一大啖飲落去差d咳番出黎，完全唔expect正常麵豉湯會落7味粉，接受唔倒。（分數：0.5/5）南瓜鮮露筍野菌扁意粉（圖下方）：本來以為會係南瓜汁結果白汁黎。味道清淡。意粉口感軟硬適中。每舊材料分開都好食，不過mix埋一齊唔夾。（分數：2.5/5）慢煮封門牛柳番茄扁意粉（圖上方唔明顯果碟）：茄汁偏甜，但唔係鮮甜，係美式茄汁d怪甜味。牛肉肉味算夠，有咬口，都有4-5塊，算係咁。（分數：3/5）70%Dark Chocolate: 女仔飲朱古力都係當甜品，雖然佢寫70%同dark，但係真係冇諗過完全冇糖，灰左。上面層拉花好睇還好睇，不過同下面朱古力溫差太大，佢又冇比stirrer，飲落去又凍又熱好奇怪。底d朱古力有少少未完全融晒見倒佢仲有少少一舊舊，不過至少唔係粉沖。

成日幫襯鰂魚涌分店，覺得好有心做同勁好食！今次黎一試荃灣店！😞坦白講有點小失望，無謂食物質素、漏單同某些店員態度都有待改善。。.🍱吉列美國穀飼豬梅扒定食$128 (3.5/5) 吉列豬略為有少少過燶，但豬扒都算肉嫩滑，可惜個飯勁濕，一patpat，無諗過最基本嘅飯會咁。。😞但蘑菇湯好香好滑！.🍳和式全日早餐$128(4/5)漏單，等左四個字先有。。個片包真係太濃！🤡其他都okay! 只可以話各方面，除左環境，鰂魚涌元勝！😞.‼️黎到應該要飲抹茶🍵系列飲品，好正架！.

(下附餐牌)荃灣多良心小店就係人都知但愉景新城呢間大商場裡面就只有一間黃店餐廳走日系風格 食客可以揀坐榻榻米 好有特色店面嘅木色設計同擺設令人心情放鬆 唔怪得有咁多人排隊慢煮封門牛柳番茄扁意粉餐 -$92份量唔算多 細食嘅女仔食啱啱好牛柳軟淋多汁 牛味唔係好濃 但都好香口😌意粉彈牙 每一條都掛曬汁但番茄同蘑菇就略嫌太油☹️番茄味都唔太出同埋成碟意粉都偏淡味 唔多夠咸.跟餐仲有粟米湯,齋啡,同紫薯蓉粟米湯唔係罐頭 幾香粟米味 但都偏淡 可再加調味紫薯蓉好少見🌝薯蓉上有啲果仁碎甜味自然嘅凍紫薯蓉同果仁幾夾好似食雪糕咁🤣玉子燒 -$28啲蛋捲得好實🤪唔會老🤪甜度剛剛好沙律菜新鮮 嗌得過日式唐揚炸雞 -$48炸到金黃色 卜卜脆🤍炸粉唔厚 肉質鮮嫩配上柚子醬 感覺清新可以一試black coffee偏淡 不回甘不帶酸味 亦不苦澀 .整體味道都偏淡但火侯控制不錯😌算係一般水準🤔🤔

這裡有雅緻的日系風裝潢，播著日文歌，讓人可以輕鬆地享受一個美味的午餐！Homu吉列穀飼豬梅扒定食外脆內多汁的豬梅扒，我建議不用沾任何汁，就可食到穀飼的豬味好濃，又嫩口，加一兩滴青檸就沒有咁膩！面鼓湯不太鹹，沙律菜份量多，都一個很不錯的定食！慢煮封門牛柳定食食過最正的封門牛柳的我，就覺得這個牛柳還好，慢煮關係，都好冧，有汁，但牛味不夠濃，一個小小前菜是一個蕃薯薯蓉，上面加上少少杏仁碎，口感不錯，味道👌🏿用上好靚的杯，令一杯好普通的玄米茶都覺得好好味🤣Cappuccino 有美麗的拉花，味道唔錯，少少酸，有果香味！

愉景新城餐廳選擇都算幾多，但係好多都悶，唔太想去食，最後左揀右揀，就揀左呢間，裝修係走日系小清新既路線，店員好有禮貌，做野又爽手，上菜速度快到好似快餐店咁，初初仲因為速度快而無期望，點知啲野食比我想像中出色。我叫左個蟹肉味增扁意粉 $108蟹肉份量都算多，蟹味好香，美中不足係有碎，影響食感，味增既味唔算出，但都有既，汁既量都幾適中，做到掛汁，夾埋芝士既味道，味道滿意。個跟餐配既薯泥，薯味香甜，再夾有少少果仁，增添咬口。日式滑蛋自家製咖喱牛肉飯 $98 加左錢配 Baileys Iced Latte，滑蛋真係好滑溜，蛋味香濃，咖喱係日式路線，微甜不辣，牛肉類似燉牛肉，好夾咖喱，再加一口飯相配，完美交融。甜酒凍咖啡較差，入口太苦，咖啡同甜酒唔夾，相當奇怪，而且過份地細杯，相當失望。

難得大商場中唯一一間黃店💛仲好 唔洗諗食邊間😎.🐷吉列豬梅扒定食$128🐷吉列豬炸得好好食 外皮好香脆豬肉好軟熟 亦夠厚身👍🏻.🐮封門牛柳定食$118🐮牛柳調味簡單 牛味頗濃 好少食咁嘅牛柳只係份量有啲少🤭🍄香煎帶子野菌意大利飯$128🍄正常啦 無咩特別回憶點🤭.係商場開就一定貴啲但我支持係佢嘅理念所以再黎呢個商場嘅話都係食翻佢

lunch 同事們想去愉景新城行下，見依間鋪頭裝修幾好就揀左黎試下，估唔到又幾好食依間餐廳裝修真係幾別緻，日式得黎又帶點西式既感覺，我地坐個個位係需要除鞋上地台到坐既，幾有新鮮感野食方面，選擇非常多，樣樣都唔錯最後因為唔想食太多，同事們同我都係集中揀左滑蛋咖哩牛肉飯同味噌炒蛋炭燒雞定食兩款味道方面，蛋炒得好香，而且好滑唔會乾箏箏，雞都好嫩，又滑又多汁順帶一提係雖然望落份量唔係好多，但食完非常之飽！絕對唔會唔夠食最後埋單，一個人83蚊，午餐黎講貴左小小，但坐得舒服而且味道幾好，想舒服嘆個午餐就岩哂

今晚又要唸同皇上＆2x太子去邊度吃dinner, 很久沒有去愉景新城，於是在OpenRice找一找有什麼餐廳，看到這一間Homu好像很有特色裝修幾靚,於是就決定去這間,因為我哋五個人所以他給了我們坐一張日式的榻榻米，坐起來都還可以。我們今晚吃了五個餐只有一個餐香煎比目魚是合格的。首先歺湯是忌廉蘑菇湯, 味道超淡（雖然啱我吃淡的但其實不夠味），有一個薯蓉是甜番薯做的怪怪的味，我叫的是帶子惹菌意大利飯帶子咬落膠膠的，意大利飯又不夠淋，1x差！我大太子吃了德國鹹豬手這個名符其實（鹹），皮又不脆因可能不是脆皮鹹豬手，我們一向都是吃開脆皮的，旁邊伴菜的炒椰菜也是酸酸的，連那隻黃色芥辣醬也很鹹，2x差！小太子吃的是烤豚肉意式番茄扁意粉，意粉時間過了，豚肉完全沒有烤的味道，3x差！我下人吃了蒲燒鰻魚滑蛋定食，鰻魚放得太耐很硬，滑蛋還可以，但也吃得出不是即刻炒出來的，4x差！只有皇上吃的香煎比目魚配荷蘭汁是合格的，比目魚煎得幾香，荷蘭汁也OK的！但那杯咖啡就真是差差差，我太子點了的凍朱古力是甜甜甜！還有最後吃了一個藍妹鬆餅也是一個字甜。我都未試過比一間餐廳評語是六隻差的。

在商場內尋覓食店，被這間店的裝修吸引，就試一下，入坐時只係11點半左右，上菜時間亦快,比較驚喜的是牛油果豆腐意大利粉，雖然全是素食材但味道豐富，牛油果打成醬未做汁，還有車厘茄什菇提升了整點意大利粉嘅層次感，真讚！日式咖哩牛肉飯和鯖魚定食只是正常水準，但環境真的不錯

去愉景新城朋友家，朋友話唔想煮飯，我地就在愉景新城內隨意找間餐廳。朋友話試過呢間的早餐，覺得麻麻，不過未試過晚餐，咁我都未試過，於是試一試。叫左4個餐+1款小食。送既餐湯算是用心，味道不錯。第一款德國咸豬手，算是幾大隻同多肉（比我之前試過的幾間），配菜的味道都合乎港人口味，肉質不錯、幾香。第二款是蒲燒鰻魚滑蛋飯，好味丫，鰻魚的香味好吸引，飯既量就一般，男士未必夠食。第三款是牛油果醬大蝦螺絲粉，這個份量偏少，部分螺絲粉有點硬。第四款吉列豬扒，有驚喜，好香、肉汁豐富，連我一向唔多鍾意吉列野既人都覺得讚。最後是買俾小朋友的三色蕃薯條，味道尚可，是可能放耐左，有點軟身。整體價錢算是偏貴，味道搭救，最無奈是明明佢有寫外賣8折，我離開荃灣後先醒起佢無俾折我，即刻覺得唔抵。大家記得睇清楚有無優惠丫。