Grove (始創中心)

营业中

休息中

前排見到呢度開咗間新cafe, 今日就同朋友一齊過嚟試佢哋嘅lunch set，而lunch set都係$66起，包埋一杯嘢飲。佢呢度嘅裝修以淺灰及白色為主調，俾人嘅感覺好柔和，而且啲自然光可以透過落地玻璃營造一個好cozy既感覺，個人都好鍾意佢哋利用一啲植物去裝飾！而呢度嘅座位都算幾多，但座位坐與座位之間都比較近，而且中午嘅時間都比較多人，如果想試嘅朋友可能早少少可以過嚟。咁食物方面我就點左佢哋嘅all day breakfast, 慢煮辣雞胸烤菠蘿墨西哥卷配鮮果乳酪沙律, 朱古力蛋糕, 雜苺梳打同熱latte。首先講一講佢哋嘅all day breakfast (jumbo) $118, 當中包括左煎蛋、煙三文魚、腸仔、煙肉、烤蕃茄、蘆筍、白蘑菇、焗薯、沙律菜、高纖穀物乾果多士！ 分量好大份，好足料，而且啲沙律菜食落都好新鮮，穀物乾果多士口感十足。我好鍾意食佢哋嘅烤雞胸墨西哥卷配乳酪沙律 $74，墨西哥卷入邊除咗雞胸之外，仲有洋蔥同燒菠蘿，配合埋佢哋嘅醬汁，食落好清新。個乳酪沙律入邊都有唔同嘅水果，例如藍莓、蜜桃、菠蘿等。店員都推薦我試佢哋嘅朱古力蛋糕 $28，食落好有驚喜，中間加

#太子美食 #小蓮星呑食太子🔻 Grove太子彌敦道750號始創中心地下G29號舖/🧃香煎西班牙豬鞍架配香烤菠蘿 $138係人都知菠蘿同埋豬係絕配嚟，今次第一次嚟呢間餐廳，打算穩穩陣陣，睇吓廚房表現成點。結果完全冇令小妹失望，菠蘿嘅香甜味完美配搭豬肉嘅香味，菠蘿入邊嘅酶亦都完美地令到豬鞍入口即化/🧃煙三文魚.牛油果.烤南瓜.水耕菜田園沙律 $78呢度嘅沙律算係小妹近期食過最好食，煙三文魚有油香，牛油果生熟程度啱啱好，烤南瓜非常甜，而沙律菜都非常新鮮。/🧃香蕉鮮奶朱古力 香蕉同埋朱古力嘅味道相得益彰，飲得出香蕉奶係由新鮮香蕉整出嚟，唔同出面用現成加工，非常之有誠意，如果甜度可以稍微低少少嘅話，感覺會更健康/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

🍴香煎美國自然牛仔扒配蘑菇薯仔 $148去是一間新嘅餐廳，有一樣野最能夠試驗到廚房嘅功力，嗰樣就係每一間西餐都有嘅牛扒啦。呢度嘅牛扒餐竟然只係需要$148 ，睇到個價錢牌都有啲嚇親，但我都即管試吓。店員推薦牛扒七成熟最好，但係我都係鍾意比較生，所以揀咗五成熟。牛扒嚟到果然係啱啱好嘅唔成熟，一切開牛扒，即刻必晒啲肉汁出嚟，未擺入口已經知道好Juicy，識落口更加係驚為天人，完全唔似$148嘅貨仔，食豉油西餐都唔止啦。易啲配菜亦都唔馬虎，每一樣野都煮得好出色，同牛扒非常之配搭，呢個餐十分推薦。🍴Iced Latte (跟餐，凍飲+$5)呢度嘅咖啡揀得好好，飲洛口一啲都唔苦，仲飲得出淡淡的咖啡豆香，個質素拍得住出邊唔少嘅咖啡店，估唔到係一間餐廳都飲到呢個質素， 非常驚喜。

放假約朋友去cafe食吓野坐吓傾吓。今次嚟到Grove cafe，之前食過佢嘅三文治，cafe就真係第一次，食物都唔錯，而且環境都幾好坐。All Day Breakfast (Jumbo) $108呢個超級豐富，有兩隻煎蛋，煎得蛋白焦焦香口，蛋黃流心半熟。大啡菇超級juicy，煙肉焦香，白肉腸就略嫌皮唔夠爽脆。高纖穀麥多士微脆，有甜甜嘅乾果。另外，仲有烤BB小南瓜，質感粉糯，味道香甜可口。香草醬煙三文魚忌廉意粉$72意粉都好味，軟硬適中，香草忌廉醬味道都唔錯。呢個煙三文魚係煮得比較熟嘅煙熏三文魚小碎塊，不是我想像中的平時那種凍凍的卷起花狀的那種，質感比較實，個煙熏味幾香。蘑菇燒牛肉車打芝士意式三文治$52烤得意式包微脆，車打芝士半溶狀態，加上蘑菇片同埋芥茉醬燒牛肉薄片，味道口感豐富。三文治份量夠大，女仔食一份會好飽。藍莓芝士餅$36好多鮮藍莓，粒粒肥大，仲有藍莓醬，芝士味唔算好濃烈，淡淡的芝士味唔會好膩口，食完咁多嘢咁飽都一樣食得晒成件。雜莓批$38雜莓酸酸甜甜好開胃，曲奇批邊鬆化微脆，裏面係鬆軟蛋糕加上吉士夾芯層，未到討好，又係唔會膩。香蕉鮮奶朱古力$42香蕉味飲得出係新鮮香蕉打成，

今日去咗旺角金魚街同埋花墟度買嘢 為屋企嘅主子們掃咗貨之後 自己都覺得肚餓 所以就喺附近度搵間舒服又好食嘅餐廳慢慢坐喺度食飯 見到呢間grove 裝修簡約 而且食物價錢又大眾化 就決定入去享受一下時光肉醬千層麵 濃郁嘅蕃茄醬配上香口嘅豬肉碎 再搭配煙韌嘅麵粉皮 呢個配搭唔好話大食懶加菲貓 我都好鍾意呀慢煮辣雞胸配德國薯仔沙律 由於平時都有做開健身嘅關係 所以對雞胸肉都唔係陌生 但係平時都係烚嘅多 呢個雞胸經過慢煮處理 肉質同雞髀肉一樣咁嫩滑 一啲都唔鞋 再加上適量嘅辣粉 令到成個雞胸嘅味道都好惹味 而沙律菜都好新鮮 好爽口跟住就到咗甜品嘅時間 我同朋友分別叫咗一個藍莓芝士餅同埋terimisu。terimisu有非常之香濃嘅朱古力同埋咖啡香味 我鍾意食朱古力 朋友又鍾意飲咖啡 所以呢個一次過滿足曬我哋兩個嘅願望藍莓芝士餅 同出面食到嘅差唔多 但係呢個藍莓非常之足料最後就叫咗杯凍朱古力飲 朱古力上面加上香香嘅忌廉 令到成個口感都好嫩滑

今日想食輕食，經過這間新店，淺灰加上白色，全店落地玻璃，簡約舒適。Afternoon Tea All Day Breakfast煎太陽蛋，加上紐倫堡腸，煙肉，蘆筍爽甜、水耕菜田園沙律新鮮、烤BB小南瓜可以連皮食，高纖穀物乾果多士健康有口感，輕怡又健康。健康蔬菜乳酪早餐烤蘑菇鮮味多汁，牛油果健康，烤BB小南瓜，鮮果乳酪沙律有清甜菠蘿、提子乾、藍莓和果醬，酸甜開胃。朱古力沙冰 口感幼滑，朱古力味濃美式朱古力蛋糕朱古力甜中有微苦，夾上朱古力脆脆，好香濃芒果熱情果蛋糕口感酸甜，配上鬆軟海棉蛋糕，小清新藍莓芝士餅芝士幼滑，配上香甜藍莓，唔錯鮮奶咖啡 奶泡幼滑，咖啡香滑。還有不少三文治、牛角包、香濃咖啡、茶類及特飲，下次再嚟輕鬆嘆下～

最近行開太子始創中心附近，發現在始創中心新開了一間 Grove 相信打工一族對他一點兒也不陌生，因為在我平時出沒的地方梗有一間在附近！而這間 Grove 是以我所認知的 Grove 很有不同，因為我所認識的 Grove 主打是三文治沙律，而這家是 cafe 形式的，除了沙律三文治，他們還有 all day breakfast， Egg Benedict 和主食例如慢煮雞胸，牛扒，豬鞍等等......而今晚我們倆便選擇主食，嘗試新餐廳 cafe 菜單！最終我們選擇了 “香煎西班牙豬鞍架配香烤菠蘿”, 和 “香煎美國自然牛仔扒配蘑菇薯仔”！ 跟配飲品女友選擇蜂蜜柚子茶，而我看到鮮奶朱古力只需加五元已令我十分心動，同時再見加焦糖也只是加五元這個特飲十分吸引！食物上枱後已被外觀吸引感覺也不錯，一塊好的牛扒是點上五成熟後將它切出來還看見少許呈粉紅色，而且刀叉切上去後一點也不難切這才是五成熟的優點！牛扒外層香而不乾亦帶有很多汁非常juicy！配菜也一點不吝嗇無論是蘑菇薯仔露筍通通分量多多！蘆筍十分鮮嫩沒有渣宰，蘑菇鮮味亦十分甜帶有很多磨菇汁，薯仔炸得恰到好處不會太乾不會太硬！而女友的香煎西班牙黑毛

Grove係來人往嘅始創中心地下，一入到去彷彿世界突然安靜，店舖外牆用落地玻璃，再搭配淺木色製造嘅枱櫈，整個感覺好舒服、悠閑。.漫煮辣雞胸配德國薯仔沙律 $62雞胸經過慢煮之後比一般煮法更加嫩滑，雞肉鮮香味更加突出，再在雞肉上灑上辣椒粉令味道更加多層次，而薯仔以冷盤方式上枱，德國薯仔嘅爽甜再加上微甜嘅沙律醬，成個感覺fresh。肉醬千層麵 $70千層麵每層麵層好厚，令到口感更加厚實，裡正好多材料，有蘑菇、洋蔥等，最令人驚喜係佢做到濃邊嘅效果，聞落會更香同食落會有脆卜卜嘅口感。安格斯牛肉蘑菇漢堡配薯角 $70安格斯牛肉煎到大約有8成熟左右，所以牛肉食落好滑，中間夾住新鮮嘅蕃茄、青瓜、蛋黃醬等等，漢堡食落好juicy。麵包旱到脆卜卜，成個漢堡口感好有層次。是日餐湯 (跟餐+$15)蕃茄湯相當濃郁蕃茄味，調味相當好，酸微微嘅蕃茄湯再加香脆麵包，作好飯前餐湯，相當開胃。鮮奶咖啡 (跟餐+$5)咖啡豆採用中烘豆，所以會有咖啡豆嘅酸味，口感濃郁順滑。Coffee Tonic $35飲完杯Latte覺得幾啱口味，所以就試下Tonic，咖啡味同再上tonic水獨有嘅苦味同氣泡，層次感分明，tonic嘅

🍴是日餐湯（跟餐） HK$15雜菜湯茄味夠酸好醒胃，翠玉瓜烤完先放湯，令湯增添淡淡燒烤香氣。🍴慢煮辣雞胸配德國薯仔沙律 HK$62慢煮雞胸夠腍，唔會太乾，薯仔都夠腍，以醋同芥末調味，清神開胃。🍴肉醬千層麵 HK$72內外都熱辣辣，焗得夠透，仲有少少脆邊，勁香，肉醬夠多夠香濃，唔會太膩。🍴安格斯牛肉蘑菇漢堡配薯角 HK$70牛肉相當大塊，切開入面仲係粉紅色，又香又多汁，有別於一般漢堡只用生菜，呢個漢堡仲用埋其他沙律菜，提升口感之餘，亦無咁油膩。🍴鮮奶咖啡（跟餐） HK$10咖啡屬堅果風味，鮮奶味亦夠濃滑，比例平均，味道好夾。🍴湯力咖啡 HK$35、青瓜青檸梳打 HK$40呢日都幾熱，加上做完運動，一杯鮮奶咖啡真係唔夠喉，要叫多兩杯有氣飲品爽一爽。咖啡堅果味同湯力水苦味一拍即合，苦味有層次，回甘隨之而來，氣泡亦令口感更清爽。青瓜青檸梳打同樣夠氣夠爽，薄荷味突出，不過頗甜，唔太飲到青檸味。📍Grove太子彌敦道750號始創中心地下G29號舖

放假四人行遠足出發前先來一個豐富的午餐吧。全港中心點太子就是最佳的聚腳點，想不到始創中心新開了 Grove。以前於灣仔返工，間中老闆請食下午茶，HR 同事都會於此店買果汁及輕食，質素的確不錯。一份 All Day Breakfast (Jumbo) 每樣食材都有兩件或以上，足夠兩位矯小玲瓏的女士吃，裡面有煎蛋、紐倫堡腸、煙肉、烤蕃茄、烤蘆筍、烤蘑菇、焗薯、烤意大利青瓜、水耕菜田園沙律、高纖穀物乾果多士，再配一杯香蕉牛油果乳酪。清新的組合，值得一讚是塊乾果多士，塗上牛油再加隻太陽蛋，刺穿流出蛋汁連多士一起吃，多士裡面有杏甫肉、提子及果仁等乾果。再配一杯香蕉牛油果乳酪，入口很濃的香蕉味而且乳酪很滑。另一位朋友則選了安格斯牛肉磨菇漢堡配薯條。漢堡材料很豐富，安格斯牛肉味道不算濃肉質結實。鮮奶抹茶有濃郁的抹茶味，與鮮奶比例剛好，天氣涼快時來一次杯暖飲很正。L 則選了慢煮辣雞胸配德國薯仔沙律，加一杯熱的黑咖啡。這裡的黑咖啡很均衡，不會偏重果味或堅果味，油脂相對小。入口餘韻很長，比連鎖咖啡店更高質素。雞肉小脂肪而結實，體能訓練前後吃都合適。另外再選了一碗是日餐湯蕃茄湯，蕃茄味道濃郁，麵包條沾小量湯

太子多了一間早餐的好去處，我已不是第一次來這裏了他們的裝修簡約有淡淡的日式氣息，欣賞他們的全日早餐， 10分豐富，有煎雙蛋、蘆筍、腸仔、煙肉等等，麵包烤得脆脆的， 10分好味，而且麵包採取的是全麥麵包，比一般的麵包要健康。另外只要加$5就可以轉意大利泡沫咖啡，欣賞他們的拉花，每次上來都不一樣，有點驚喜。我朋友點的是牛油果水波蛋高纖穀多士沙律，上來的整體感覺也很美，無論是賣相和味道都10分好，而且價錢不是很貴，值得一致。

一直都好想試吓呢間新開餐廳試晚餐，今晚男友旺角完打波，順路一齊即刻去試吓。蘑菇燒牛肉車打芝士意式三文治烤過既麪包外面脆，入面仍然軟熟，夾住生菜蘑菇薄燒牛肉，少少芝士，入口好滿足，味道很開胃，不會很膩，不heavy 。烤南瓜慢煮辣雞胸墨西哥卷非常有份量，烤過既外皮，外脆內軟，軟綿南瓜蓉加上啖啖雞肉肉，新鮮沙律菜爽脆，加上千島醬，口感十足，好light 好refreshing, 唯雞肉唔係好食到辣味。香煎三文魚柳配意式雜菜賣相唔錯，三文魚柳好大件，魚皮煎得很脆，魚肉一索索，加上不同的以香草調味的配菜，如青瓜、黃瓜及蘆荀，最重要係個香草鮮茄汁，魚柳點上之後食零捨好味道。香煎慢煮美國西冷配蘑菇薯仔本身餐牌上是西冷，不過今晚轉左牛小排，order咗五成熟，牛小扒很厚身，經香煎慢煮後，外面焦香，內裡肉質保持鬆軟，保留肉汁，非常好味。另外個燒汁都好惹味，配菜有焗蒜頭，薯仔和青瓜等，沾上牛扒汁都另有風味。牛扒夾上香口軟糯的蒜頭食特別惹味好吃。鮮奶抹茶 / 鮮奶朱古力賣相很吸引吸睛，打卡一流，尤其朱古力，飲落係好香，侍應同我講唔同出面一般用普通朱古力粉，係用外國出名既朱古力粉，係真係香滑香濃好多。總括而

難得有時間，發現太子最旺嘅地段有一間休閒嘅咖啡室。其實附近嘅價錢相當平民，發現呢間餐廳嘅價錢不過60，但非常清幽，我只想下享受下香濃咖啡所以才試試他的午餐，（未到12點就可以點）性價比都算可以，最緊要係我鍾意嘅地方乾淨。午餐是慢煮雞胸肉和德國沙律，雞肉處理得非常，有肉味和健康，店主話係係法國有機雞肉，下次有機會再試埋佢個下午茶。太子聯合商場對面也有呢d嘅歐洲風味餐廳，可惜飲品選擇比較少，服務算可以啦！不過，太子地面可以讓我休息一下，也是一個忙中偷閒的好選擇！

今日同朋友去咗寵物街度行街 行到咁上下經過始創中心地下嘅呢間新開cafe Grove 就去食下啦午餐時間嚟到人唔太多 落地大玻璃嘅採光十分充足 成個感覺好似置身喺外國咁 同繁華嘅鬧市有超大對比叫咗個all day breakfast jumbo 分量超大一個女仔絕對食唔曬 入面有香煎太陽蛋 紐倫堡腸煙肉 牛油果 沙律 烤番茄 蘆筍 蘑菇 新薯 高纖燕麥乾果多士個人最喜歡高纖穀物乾果多士 多士外脆內軟 加咗穀物口感豐富 安格斯牛肉漢堡配薯條 麵包鬆軟 安格斯牛肉漢堡扒肉汁 豐富而且牛肉味濃郁 上面加上芝士同生菜 好飽刁草忌廉三文魚配意式雜菜 三文魚柳魚皮煎得香脆 魚油味十足 魚肉好嫩滑 加上刁草忌廉汁令層次更豐富鮮奶朱古力 朱古力味濃郁絕對真材實料 上面加上口感唔油膩嘅忌廉 飲完都唔會罪惡

好喜歡week day放假， 自己靜靜地嘆返個all day breakfast. 適逢今日有事要出旺角， 於openrice search 一間坐得舒服， 有all day breakfast 嘅餐廳， 發現Grove係太子開左分店， 行去見到入面冇乜人， 唔洗諗即刻入去嘆下先。今日order 咗 jumbo all day breakfast跟black coffee. 有好多野食呀， 最鍾意個菇好juicy、煙肉煎得夠香， 其他食物都👌🏻，至於black coffee 都夠咖啡味， 又不會太濃👍🏻。睇住街外人忙忙碌碌，自己卻在悠閑嘆早餐， 超治癒，下次閒日放假會再來relax一下😂