Grove (始創中心)

营业中

休息中

店面太細，無位比人等外賣。買完杯咖啡等拎，收銀叫你企過少少等，但根本無位企，企近門口張枱又話阻人出入，企近出餐處又話阻人睇餐牌，然後個員工叫我企出門口等。其實收起門口張枱咪有位比人等外賣，34蚊買杯咖啡要企出門口等，仲要有得拎又無人出嚟叫你，要你自己mon住幾時有得拎。呢個價錢，品質又唔係特別好，加埋呢個體驗，想飲咖啡建議去m記或者7仔，起碼唔洗出門口等。

經過始創中心無意中發現呢間叫做Grove嘅咖啡店，非常適合行到攰攰哋入去坐低，喺鬧市之中享受一下短暫嘅悠閒時光～💛🍀 AFTERNOON TEA 🍀🍰 T1 朱古力蛋糕 ~ $39💯 評分：🌕🌕🌕🌕🌕 (5/5)💬 擺盤別出心裁，賣相十分吸引～朱古力味頗為香濃，慕絲質感入口軟滑，裡面有啲朱古力脆粒增加層次感，淋上少量朱古力醬甜而不膩～旺區之中價格親民嘅小點心，性價比極高打卡必備之選～😍☕ 蜂蜜柚子茶💬 上面加咗片薄切檸檬，新鮮酸味恰到好處，同蜂蜜柚子茶淡淡香甜互相配合～😌🥪 T5 紅菜頭芝士意式夾餅配田園沙律 ~ $48💯 評分：🌕🌕🌕🌕🌕 (5/5)💬 熱烘麵包鬆軟香脆，夾住又厚又甜嘅紅菜頭、溶咗少少嘅車打芝士片同混合咗啲南瓜籽嘅特色醬汁～入口唔膩又夠濕潤，啖啖都食到紅菜頭仲有生菜同青瓜～田園沙律有生菜、青瓜、小蕃茄同藜麥，清新爽脆有水份～色香味俱全嘅驚喜組合，輕營健康高質繽紛夾餅～😋☕ 伯爵茶💬 獨特茶味澀中帶香，沖咗兩次仍然濃郁，食完嘢飲啱啱好，帶出理想慢活氣氛～😙店員服務態度唔錯，環境同衛生水準良好，店內仲有提供自助嘅解渴檸檬水，歎咗個舒服滿足嘅完美下午茶，有機會再嚟試吓Caf

好耐無食ADB了。。。是日 lunch time，等左唔夠5分鐘就有枱，好彩。。。先到cashier 落order俾錢，然後就有人將食品送上。ADB份量足，啱晒空肚既我🍴煎蛋🍳係流心燶邊蛋，👍，仲有兩隻，正!另有兩條腸，薯角，蘑菇，蕃茄。。。正常配搭，味道唔會有咩差錯吧！仲有兩片包，脆脆的😋喺蛋下仲藏住其他食材：有幾條露筍，好嫩👍。一片煙三文魚，估唔到喎！又有兩三片煙肉🥓，好咸呢！要伴包包一齊食先得。最底係沙律菜，因為煙肉煎得好熱，又被煎蛋蓋住，放喺沙律菜上，令沙律菜變得熱左，熟熟地，油油地。。。跟餐加錢配配左杯Latte，咖啡味唔太濃，奶泡打得不錯，慢慢飲，飲到去尾個拉花都未散☕總結：可以有下次，試埋其他食品，尤其甜點同飲品🤪

Grove食過幾次 sandwiches, 呢間 grove cafe第一次試，唔係好肚餓，order 左cappuccino & 牛油果芝士烤餅配田園沙律。泡沫咖啡用meji打，入口順滑，咖啡味都出，心心花拉得幾靚~大杯 d 更加好烤餅餡芝士牛油果加入紅黃椒配搭，口感軟身得黎有咬口，幾清新~ cafe走簡約風，有純音樂 background, 感覺幾舒服~行過都值得一試！

今日又同媽咪來撑枱腳，我本想order食開的ADB, 點知自己講錯B10, 來咗個健康蔬菜乳酪早餐，有點唔開心，但完來都好好味㗎！媽今日想食麥皮，試咗個B6 慢煮雞胸牛油果高纖穀物多士配奇亞籽麥皮加焦糖咖啡，但俾漏咗雞胸，後來先補返，焦糖咖啡，媽咪讚不絕口☺️。 不過值得一提， 現在比起初開業時客多了， 想唔洗等位或想享受寧靜嘅話， 最好閒日早上到啦！

今晚去左睇狗仔🐶😍🥰, 睇完就諗住去附近輕食一下再番屋企! 經常行過E間Grove都好想試下, 但成日爆滿, 難得經過見到有位就入去試下!🌟香蕉藍苺奇亞籽乳酪🍌🫐香蕉味好香濃, 乳酪酸酸地幾開胃, 入而仲有奇亞籽令口感更加豐富!🌟士多啤梨沙冰🍓士多啤梨味幾香, 酸酸甜甜幾解渴🌟香煎西班牙豬鞍架配香烤菠蘿🐖🍍豬鞍煎得幾香, 肉質軟腍, 菠蘿甜美多汁, 旁邊仲有露筍BB, 翠玉瓜同薯角做配菜, 整體味道不錯🌟檸檬批🍋🥧檸檬味幾香, 味道酸酸甜甜幾清新🌟軟朱古力批🍫🥧食落朱古力味極濃郁, 口感柔軟, 甜而不膩幾好味!

Grove 新式原木風cafe 主打各款輕食🥑唔講唔知緊有一間係你左緊嘅grove sandwices推出左支線grove cafe🧐裝修係簡約原木風 加上落地玻璃環境都幾舒服絕對係light meal 嘅一個唔錯嘅選擇👍套餐仲跟左一杯嘢飲 性價比都唔錯.🎈慢煮辣雞胸配德國薯仔沙律 ($66)一上碟就見到顏色非常之鮮艷 加咗好多紅椒粉雞胸肉唔會太鞋 加上少少橄欖油有味得來都好健康薯仔沙律就配上蛋黃醬同乾果 健康又美味😋.🎈All Day Breakfast ($118)常見嘅breakfast items都有但我最欣賞嘅就係個高纖穀物乾果多士😍烤得香脆就不在話下 仲有大大粒乾果甜甜地但又好健康 超滿足 💯 單點都可以一試嘅麵包😍.🎈總括而言相比起傳統grove sandwitches的話cafe食物種類更多同樣地主打健康輕食 不過cafe就會坐得舒服啲👍小編私心推介可以一試多士 甜甜地嘅乾果口感不錯

今日有幸被邀請黎Grove試食，印象中Grove比較多輕食，食dinner真係第一次。呢度嘅set dinner同一般cafe差唔多，價錢都幾平民嘅，揀好食物就可以去counter叫。雖然唔收service charge，但係staff都會送餐嘅。不過送餐嘅準確度就爭啲啦，我哋都未叫野食就送咗兩件cake過嚟，之後又送咗我哋冇叫嘅野飮😂等野食嘅時候周圍望下，間餐廳座位唔多，一般都係二人位，不過都算企理既。有樣嘢要讚讚，佢既水唔單只加左檸檬，仲仲加左青瓜絲同薄荷葉，飲起上黎非常清新👍🏽講下啲食物先，個意粉煮得唔錯，軟硬度適中，個sauce食落乾爽，一啲都唔漏，亦唔多油。牛扒我地叫左5成熟，都算juicy,係有啲筋，我地反而比較鍾意食佢既配菜，薯仔好惹味，蘑菇好鮮甜。餐包埋野飲 - 檸檬柚子其實食物質素係唔差既，不過份量就比較少，我地食完都得5成飽。好在我地叫埋蛋糕，食完先覺得差唔多👻甜品我地叫左朱古力蛋糕同檸檬批，估唔到around 30蚊既蛋糕有埋咁靚既擺盤，誠意值得一讚。朱古力蛋糕味道夠晒濃，中間既脆脆令佢更有口感。檸檬批個皮做得厚左啲，令到檸檬味唔夠突出。

今晚嚟到太子一間全港各地區都有分店嘅一間出名主打健康同採用新鮮食材製成嘅輕食Cafe，試吓佢嘅晚餐。平時食開佢嘅三文治，估唔到佢嘅晚餐都有好多選擇。👍🏻〈All Day Breakfast (Jumbo)〉🍳🥓🍞🥗🥔包括有煎蛋、紐倫堡腸、煙肉、烤蕃茄、烤蘑菇、烤新薯、沙律、煙三文魚、高纖穀物乾果多士，超級豐富，同埋每一樣都係新鮮煮成，絕對唔係一早煮定番熱比客人。食得出食材新鮮，啱晒追求原形食物嘅人士。〈香煎西班牙豬鞍架配香烤菠蘿〉🥩🍍豬鞍係慢煮製成，所以肉質都比較軟，份量非常之多，好似塊面咁大塊，配菜有瓜類、新薯、蘆筍，同埋煎過嘅菠蘿，不但可以解膩之餘仲特別開胃添。〈青瓜青檸梳打〉🥒🍋🍹呢個配搭幾特別，味道仲有啲似冇酒精版嘅Mojito，怕甜嘅朋友可以叫少甜，都值得試吓㗎。〈朱古力蛋糕〉🍰估唔到普通嗌一件朱古力蛋糕，都會有伴碟，蛋糕比較軟身，中間有一層慕絲，雖然同想像中好似朱古力Brownie唔一樣，但係當飯後甜品都係一個唔錯嘅選擇。

雖然食物很美味，份量還是太少了…… 如果超餓的時候來會餓死的但工作的時候來真的很棒！也可以免費喝到檸檬水（裏面加了些青瓜，挺清新的） 整體來說是很好的，環境和氣氛很棒。

黎過呢間餐廳都四五次，基本上每次都有一位店員特別中意講粗口，一開始覺得佢同同事講嘢唔關我事冇乜所謂，但有次企我前面係一啲可能年紀較大嘅姨姨，個位店員對佢嘅態度就十分惡劣， 畀曬說話人哋聽緊，嗰次之後我都少咗去依間餐廳食，因為感覺真的十分不好。又另外一次，距離關門仲有45分鐘到，突然連續有幾位客人入嚟堂食，佢又開始同同事講嘢，其實話就話同同事講嘢，我覺得佢係畀緊啲說話嗰幾位食客聽，佢講嘢又大聲基本上大半間餐廳都聽到，中間轉夾雜著好多粗口。我就唔明白明明咗45分鐘，人哋入嚟食飯有乜問題，仲要唔係第一次，呢個情況我至少見咗兩次，雖然唔關我事，但我覺得都好差。其實呢間餐廳我幾鍾意，因為食物真係幾好食，但我只能講過話點樣真係好趕客，佢絕對唔係得一兩次。 講番食物，呢個意粉我之前叫過外賣，外賣份量少好多，食唔飽嘅但係係好好食嘅，今次呢個意粉都係，係好食的

職員態度差，沒有禮貌，食物款式不變，飲品細杯仲要加錢又難飲，比不上其他分店，相信是最差的一間！太子咁多選擇一定唔食你，位又小，坐又坐得晤舒服，職員態度完全上下一致，沒有禮貌！

Grove Cafe☕️🍝香草醬忌廉鮮蝦意粉 $78意粉小山旁放了4隻大蝦，香草醬滿滿，還有燈籠椒碎。意粉彈牙，不會過熟，也不會互相黏起。味道有驚喜，很濃郁的巴馬臣芝士的鹹香味，配上香草醬，挺有風味。蝦沒有異味，彈牙，如果有多幾隻便更好了，但只是$78，都很滿足了。🍖香煎美國自然牛仔扒配蘑菇薯仔 $158賣相一流，顏色豐富。搭配上烤蔬菜，蘆筍，蘑菇和薯仔。7成熟剛剛好，中間仍然粉嫩，肉質軟嫩。牛味一般，搭配上黑椒汁，風味更佳。蔬菜烤得很有風味，鮮甜多汁，蘆筍爽脆，蘑菇較為乾身，薯仔烤得不錯。☕️熱鮮奶朱古力 跟餐 +$5有靚仔沖既朱古力特別靚。估唔到朱古力都可以沖到咁好睇。拉花超美的。味道方面，甜度較低，因為使用了較多牛奶，所以朱古力味道較溫和，味道相比其他朱古力為淡，牛奶味較重。打卡一流。🍵熱蜂蜜柚子茶 跟餐除了加添了柚子果醬，還有一片檸檬。為平常的柚子茶加添了一份清新。柚子跟檸檬搭配不錯。🍰朱古力蛋糕 $28朱古力很濃郁，整體以朱古力蛋糕體，朱古力慕斯，朱古力脆脆和朱古力粉作搭配。雖然蛋糕體本身較乾和粉粉的，但搭配上慕斯，感覺就剛剛好。個人就非常喜歡慕斯裡面的脆脆，仍然是很脆，增添了口

點左個燒春雞dinner set加$5轉左杯hot matcha latte, 拎個外賣上手feel到好輕都心知不妙，返到屋企開泥睇，隻雞味道正常但份量好細，tea set份量，沙律得幾片菜，男人食嘅一定唔夠飽。matcha latte係我飲過最難飲嘅matcha latte, 得奶味冇綠茶味。$133蚊完全唔值🤯其實餐廳食物質素係唔錯，但係員工服務質素一般，我之前去過外賣，縱然天氣十分酷熱都仍然叫我要企出去等，餐廳有位都唔俾我坐住等

「Grove Sandwiches」 過往印象都是提供各款特色三文治、沙律及PASTA的輕飲食為主，品牌在「始創中心」開設全新支線品牌「Grove」，提供全新既裝修風格同餐飲體驗！餐廳用上白色牆身襯落地大玻璃窗，看著人來人往的街道特別愜意，餐廳提供Set Lunch，價錢豐儉由人，最平六十多元有交易，比想像之中抵食！🚩 ALL DAY BREAKFAST (JUMBO) ＄118✣ 餐廳既配搭唔錯，採用高纖穀物乾果多士，配上兩隻煎得黃金香脆既雞蛋，輕輕一切金黃既蛋漿已經澎湃流出！仲有煙三文魚、焗新薯、紐倫堡腸、煙肉、烤蕃茄、烤蘆筍、烤白蘑菇、田園沙律，內容非常豐富！🚩 美式安格斯牛肉蘑菇漢堡配粗薯條 ＄78✣ 漢堡包皮，輕輕烘過，非常香脆，安格斯牛肉調味剛好，用上清新蕃茄配搭，正好解膩！🚩 卡邦尼意粉 ＄72✣ 正常發揮，意粉軟硬度適中！🚩 凍鮮奶朱古力＋＄10｜凍蜂蜜柚子茶＋＄5｜加配鮮果乳酪沙律＄15✣ 最後加埋鮮果乳酪沙律做甜品，用左少少果仁加麥片增加口感，值得一食