Grove (始創中心)

营业中

休息中

時不時睇到某些食店正評甚多, 但當自己去幫襯時又係另一回事,Grove 絕對係其中一間. 有日要去旺角太子,諗起一直都想試一下正評多嘅 Grove, 幫襯買咗下午茶 牛油果雙重芝士烤卷配藜麥沙律,黑咖啡 $49.打開外賣盒,我見唔到"卷", 只有4塊薄到以為漏咗餡料嘅餅皮, 我見餐牌寫烤卷,心目中自以為係wrap而不是薄嘅餅皮. 就算唔斟酌食物同餐牌描述,呢份 $49下午茶絕對令人失望,眼見薄餅皮薄到好似冇餡料咁,打開塊餅睇下,只見濕濕碎碎牛油果蓉同類似紅椒物體,D餡料又薄又疏,食入口完全只係餅皮一塊,餐牌上重話雙重芝士,現實完全食唔出芝士味,與實物絕對不符.唔會有興趣幫襯第二次.

位於旺角近太子的簡約小清新風格Cafe☕️ 主打各款西式輕食🌿 餐牌上有亦素食選擇🌱以落地玻璃引入自然光，明亮開揚環境，讓人放鬆心情來享受美食💚🍽👍🏻A nice and chill cafe located in MongKok near Prince Edward station🚉 Serves meat, vegetarian options available.🌱 It offers mostly western style dishes like pasta, salads and sandwiches. The cafe is decorated with floor-to-ceiling windows, opening up the room and allowing plenty of natural light into the space. Thus,the environment is very relaxing 💚🍽👍🏻🔸健康蔬菜乳酪早餐｜Roasted Vegetable Breakfast with Yoghurt Salad 🥗🎃 🍅🥕🥬🍄🥑🍞🥛烤BB小南

有一段時間，我好希望可以有時間同朋友出去食個Tea飲杯咖啡好想唔洗再湊住個仔周圍去，好想就係自己一個抖一下，不過近來反而我覺得我慶幸我有一個小暖男在身邊因為他可以幫我拍照，教我擺Pose，同埋陪我去食野在剛剛的除夕，我們在西九打完卡後，打算接爸爸收工在路途中，我地就誤入左呢間Cafe 店看到櫥窗的客人吃的蛋糕蠻吸晴，就即刻問小情人去唔去食蛋糕當然甜野，蛋糕點會抗拒呢? 它家既Afternoon Tea Time 時間好似係14:00/14:30左右開始我們當日去了吃兩款T1 是日精選蛋糕價錢為$40-88 ，價錢合理唔算太貴它家是以先到收銀點餐後，拿回牌子到自己位就會送上店鋪不算太大，近街邊的窗口位置大約有3張四人枱，而家店內就數張小圓枱，都好岩有時同朋友短聚吹水而當天我們很好運，有客人見到我帶著小朋友就給我坐近街邊的落地玻璃的位置，由其當天的日落時間那個陽光真係打卡超棒的~先介紹這一款的軟朱古力蛋糕 $40配熱朱古力鮮奶 (另外$7)它是軟朱古力，所以在切下去時不會太實，朱古力味太甜，連同穀物脆脆，多重口感味道不錯小孩把我的蛋糕差不多吃了大半，他指這款好吃，味道他喜歡的本身只打算搵個

呢一日約左朋友食晚飯，但係又未夠鐘，想搵間餐廳Hea下，見到Grove啲下午茶好似幾抵，於是就去試下，太子分店較細，所以枱同枱之間都有啲迫，不過可能落雨，所以就唔算好多人🤭，可以慢慢Hea下🤡❣️朱古力蛋糕+鮮奶咖啡 $44蛋糕朱古力味濃，欣賞佢雖然平，但上枱都有擺盤😆，蛋糕略嫌有少少乾；鮮奶咖啡拉花唔錯，味道就正常啦，咁嘅價錢配埋野飲真係算係咁😬❣️鮮蝦多士配田園沙律+鮮奶朱古力 $49欣賞佢個多士係新鮮整起，味道似Pizza味嘅多士，大蝦🦐爽口彈牙，燕麥底多士有口感，配埋清新嘅沙律，成個配搭好好味；鮮奶朱古力味濃，好飲😃❣️鮮奶抹茶 $34中規中矩，抹茶味唔算太濃，但個賣相唔錯🤣🏦是次消費總額 $127（人均消費 $43） 👅好味度：8.5（10分滿分）呢個價錢CP值真係超高，食物質素唔錯，欣賞佢唔係俾hea貨，如果攰攰地嚟食個tea都係個唔錯嘅選擇😋

可以做得更好 咖啡唔夠熱 pancake唔夠熱 bagel冇乜點焗過。 焗香會好好食 pancake一大塊蛋餡料得中間啲咁多 大塊不夠餡料冇用。 總之都係嗰句可以做得更好 做咗件事同做好件事是兩回事。

行過旺角見到全落地玻璃嘅cafe，落地玻璃好光猛，入去hea 飲杯咖啡都好 ，雖然地方唔大但係都幾乾淨。見到佢個下午茶超抵仲連飲品，無加一。All day breakfast $62 連飲品顏值高，份All day breakfast幾多嘢食。同埋真係幾好食嘅，尤其是佢個香腸係好好味。煙三文魚碎蛋沙律比高 $55 連飲品沙律菜好新鮮，碎蛋非常嫩滑，有啲洋蔥三文魚夠多，比高正。呢個價錢同朋友坐低飲杯咖啡，食下午茶 hea hea，真係超值

今日收工同同事去開太子，攰攰地諗住搵間cafe坐下🤣咁啱見到Grove，平時食佢啲三文治就多，下午茶真係未食過🤭原來佢啲下午茶都幾抵食🤤味道仲要唔差，下次可以再嚟

很想休息下，經過無咩人，就order choco cake & cappuccino ，難得無人，hea 下！這間corner cafe 給區內多一個選擇！免加一！建議不要order 外賣！

The worst carbonara I've had 平嘢冇好嘢諗住外賣自取有八折試吓佢啦諗住叫啲最容易整嘅嘢實冇死點知成個嘢又乾又冇餸好似隔離嗰間平$10啲料冇咁靚仲好食過佢

♨️Grove cafe太子彌敦道750號始創中心地下G29號舖@grove_sandwiches 💜鬧市中的一點靜，簡單潔白的裝修，店內主打健康食物，性價比高上菜速度高，拉花咖啡都秒速上，啱晒香港人急促的步伐🤣🔷All day breakfast 正常發揮的全日早餐，好食🔷煙三文魚水波蛋蕃茄湯螺絲粉🔷煙肉炒蛋多士配迷你螺絲粉（好老實兩份早餐真係太細份，係好食及健康嘅，但幾啖就食晒，啱晒細胃人，不過唔會怪佢因為真係茶記咁嘅價錢🤣，最尾兩個人係要叫多份all day share先能夠填飽個肚🤣)🔷Latte x 2比較薄弱的咖啡，都係果句加幾蚊就有一杯，唔好要求咁高🤣食物：7.8/10抵食：8/10環境：7.8/10。。。#食在太子 #太子美食 #美食日記 #美食推薦 #香港美食 #香港美食指南 #香港美食推介 #健康餐 #alldaybreakfast #coffeeholic #coffeetime #coffeeaddict #coffeebreak #morningcoffee #hkcafe #hkig #hkfoodie #foodie #hkfood #foodhk #foo

今日肚仔太餓諗住外賣番去office食 見到卡邦尼意粉諗住應該無死啦以cafe黎講 點知番到office一打開我企左係度直頭呆咗 我一打開就係得咁多完全冇食過 個味都還好 但我真係2啖就食哂 好明顯係唔夠我食 我唔知個份量係咪本身就係得咁多 但個量對我黎講頂多只係攝下牙喇 完全唔夠簡直就好似比人偷食左半咁 80蚊淨係得丁屎咁多 雖然都話包餐飲姐 但如果你地見到請問你地又會唔會覺得係值既呢？係咪依家香港都要搞饑荒？真心無下次

今日去咗位於太子始創中心地下嘅呢間g r o v e度食午餐 餐廳採光好好令人精神為之一震叫咗個all day breakfast分量都幾大蔬菜量多啱曬一種健康人士 另外仲叫咗個香煎三文魚柳 魚油非常濃郁

午餐時間chill一chill點了慢煮雞胸凱撒沙律雞胸很嫩，醬汁帶甜味沙律菜新鮮唯麵包有點焦味這價錢$68包一杯簡單飲品算是很不錯疫情期間店員亦有細心清潔枱面提供熱水可以清潔食具午後2pm路過時見到店面有太陽光照有時間可以點杯咖啡享受下陽光☀️應該很不錯在太子這鬧市有這種cafe很難得

話晒早餐對人黎講好重要架麻，所以就算係all day 都要食得健康啲會好啲既。今次終於俾我搵到我想要既健康all day breakfast 啦！！！係我食過咁多all day裡面最健康既一個，所以要大力推介俾大家。健康蔬菜乳酪早餐哇，聽個名已經feel到好健康啦。牛油果：眾所周知健康食物南瓜：烤南瓜好味，食落唔覺熱氣菇：菇菇好味呀，咬落去有汁唔會乾硬高纖多穀物多士：個包脆身，好多殼物，好咬口鮮果乳酪：都幾酸下，幾開胃水耕菜：感覺新鮮，應該係落左醋，酸酸地，開胃好食

以前喺金鐘食過Grove sandwich唔好食，所以雖然今次係朋友推介黎呢度，我都無咩expectation。地鐵站一出就到，店舖對正大馬路, 易搵。朋友叫左個慢煮雞胸配德國薯仔沙律，我果日想食個light啲既lunch, 就選左個意大利青瓜紅菜頭藜麥牛油果田園沙律。睇佢個名咁長，就知道多唔同種類既蔬果。一上餐見到，就覺得超級驚喜，因為擺盤好靚，夾雜住農作物般自然嘅綠色紅色啡色， 睇到都知健康，而且感覺好實在。絕對會再番黎幫襯！