Greyhound Café (MOKO新世紀廣場) (已結業)

年多前吃過一次，已經覺得麻麻；打算再試一次，怎知水準比前更差，是我吃過最差的泰菜，和曼谷那間差很遠吃了幾樣，全是份量細，不好吃價錢亦不便宜，所以感覺超搵苯。服務則可以

與友人一起去電髮前 先吃一頓豐盛的午餐 一早便看中了這餐廳的午餐 挺吸引 可惜 入座後才發現 原來星期六及日 並沒有午市套餐😱價格立刻上漲不少但環境真的不錯 很寬敞 坐得很舒服 因此繼續我們的貴價午餐《Thai Ice Tea》跟在泰國當地喝到的奶茶 味道相約 形容為甜甜的紅豆味 奶味亦比較重 值得一試《Pork Noodle Soup》跟想像的泰國麵不同 是又窄又扁的麵 像河粉 這豬肉湯麵 除了有一片片的豬肉 亦有豬肉丸 兩種不同口感 能同時享受 不錯 調味料方面 除了表面的蔥及蒜 再另上一調味架 甜酸苦辣 可自行調味 貼心的準備《Spaghetti Cha Cha Cha》忘了留意餐牌上的***是代表辣 賣相十分吸引 便大口進吃後才發現是辣的 有點刺激 對於不吃辣的朋友 可以喝奶茶降降火 亦是可以接受的辣 這海鮮意粉有魷魚蝦帶子 份量亦多 吃完十分滿足 雖然這價錢晚上吃會更物有所值😂整體食物飲品的味道不錯 材料也很新鮮 如果以午市套餐連飲品的價格 性價比會更高 如以中午散叫來說 每人貴了$40 人均$180 挺貴的如果不管假日 皆有午市套餐 應能吸引更多客人光顧😎

今日一心諗住黎新世紀食日式火鍋，但真係太多人排隊啦，於是轉場🤣見到呢間泰國餐廳嘅裝修都唔錯，而且都有少少似fusion菜，所以就試吓啦。-🥢沙律唔記得咗個沙律係咩名，但食落都還可以嘅，不過有啲齋🥢炒金邊粉金邊粉炒得麻麻地，啲粉有啲黐埋一舊舊咁。而且成疊野冇乜泰國嘅風味，如果加埋啲泰式辣粉，當係一個普通粉食就還可以嘅。🥢Fish ball shrimp ball因為本身都鍾意食香口野，所以對呢個小食都有啲期待。送到黎嘅時候個賣相都幾好。不過佢炸得唔夠香口，送到黎嘅時候唔似係啱啱煮起，而且蝦味同魚味冇乜👎🏻

位於旺角區做野既我，通常收工都會隨便搵間食店醫飽自己個肚本來諗住食元氣既我因為要等二十幾張枱所以選擇放棄食第二間而我就隨機選擇左食泰式野既餐廳(本人都幾鐘意食泰國菜)咁當我準備入餐廳既時候，服務員都好迅速帶位，我就選擇左有蝦主打既冬蔭功河粉，同一杯English breakfast tea 雖然上菜時間都幾耐，我諗大概都有三四個字(已經吾系繁忙時段)，但我個刻就諗住可能慢工出細貨...點知黎到...個賣相已經好吾得，碗河仲要$138，其實如果系可以食到好好味到令人回味既野食，貴啲我都吾介意，但事實上佢個碗河真系一啲都吾值，仲要個蝦又吾好食，成碗河既costs一定好平，只系包裝得好高級，弊在佢連包裝都hea，雖然*圖片只供參考*尼樣野就個個都知然後我又系到諗，可能食落去會意想不到，但令我更失望既系個湯竟然系暖，食粉麵最棹忌就系湯吾夠熱，連尼樣都做得吾好，但唯一可讚系湯既味道吾會太辣，酸味較為重，至少易入口。同埋加上我食完，商場入面既店舖都準備關門，所以可能廚房同事趕收檔所以做得咁求其掛不過我始終只系試過佢 menu上其中一樣食物，所以又吾代表佢其他野都吾好食，唯有當自己吾好彩☹️

食過Greyhound好多次, 都未有機會試出名嘅Crepe Cake, 今日afternoon tea就一於試下! Crepe Cake有好多味道選擇, 今次揀咗Mixed Berries。本身以為淨係喺蛋糕上面有啲雜莓, 點知中間都夾咗好多, 令成個千層蛋糕好有口感。尤其啲莓可以中和咗cream嘅甜味, 感覺好fresh好balanced附上嘅雜莓醬同蛋糕一齊食都好match, 可以再encore美中不足嘅係, 由於雜莓醬比較杰, 而個jug仔又好深, 醬比較難倒出嚟。建議餐廳換另一款容器, 以方便客人。

叫左一碗蟹肉黃咖哩飯，食一啖已經唔想再食，D飯凍冰冰，好硬，跟本就係隔夜飯，蟹肉少到見唔到，淡而無味。雖然環境係好靚好舒服，但食物質素實在太差，價錢又唔係平，一定唔會再幫襯。

還記得當初 Greyhound cafe 喺香港開分店大排長龍。今時今日雖然開多咗好多間分店，但依然高朋滿座。因為已經食咗晏，所以只叫了幾款小食過下口癮。招牌脆炸單骨雞翼用魚露腌製，入味得來又唔會太咸。基本上每次到 Greyhound cafe 都會叫嘅食物。豬肉串燒配糯米飯係一個不錯嘅配搭。但豬肉只有三串，有啲唔夠喉。糯米飯今日好似蒸得過淋。越式紙米卷內包左蝦，鷄肉同菜，感覺新鮮。紫米卷的皮頗厚，有啲似食緊腸粉嘅感覺。

屋企人好鍾意食泰國嘢，適逢大女生日，又要帶埋細佬，去有商場的餐廳，結果透過OpenRice訂了這間餐廳。入到去先發覺原來這間餐廳沒有提供嬰兒椅，結果有點論盡，要抱住BB餵。打開餐牌，多數單點都大概$130。我們點了長通粉，意粉，米紙卷，海南雞飯及金邊粉。因為要照顧細佬，所以沒有時間影餐牌。總括而言，食物質素可以，味道尚可，但比較起九龍城的泰國餐廳，九龍城的泰國餐廳會更平，更好食。每樣的份量極少，除了海南雞飯，意粉及長通粉的份量都很少，最少份量的是金邊粉，四五啖就食完。四個人埋單要$630，重點是，完全唔飽。呢間應該唔會再嚟。

下午茶時間去到，不過原來都係散叫。首先係炸薯條，一個偏鹹嘅炸薯條，不過係新鮮嘅。跟住叫個海鮮炒麵，不過味道無話好突出，份量都係一般，嗯，普通咁囉！炸魚餅併蝦餅，賣相就唔錯，Size的的骰骰(碟醬都就大碟過佢），而味道就普普通通。炸九肚魚，魚骨都炸得叫夠鬆脆，魚肉都算新鮮，但外皮較為硬，味道尚可。飲品方面，餐牌上的cocktail係無酒精嘅！Cocktail 味道唔錯，泰式咖啡味道一般，而黑啡砂冰就都夠咖啡味嘅。

香港的幾間greyhond都開在shopping mall內, 因為通常一餐的消費都可以夠free parking, 所以greyhond也算是我泊車食堂之一坐得算舒服, 食物不算大碟, 適合女生三五知己gathering, 可以叫多幾款開心share冬蔭公螺絲粉是我們最愛菜式之一(每次必點)但這天MOKO店的廚房手勢可能不同了(?) 吃起來只有鹹+蕃茄味, 吃不出原來冬蔭公的酸辣味還點了炸粟米蟹餅(也是每次都吃)這是我們在greyhond的小食類top 1, 認真說起來也不算是味道又多特別就是每次上枱都是新鮮起熱辣辣的, 就是滿足一下間中想起香口炸物的心情吧這天只有兩個人, 點了一件cake share (斑蘭椰子)Cake反而很少失手, 次次吃都無太大分別飲品點了ice tea & ‘pick you up’ (grape fruit +pineapple+ banana)這天吃了1.5小時左右，外面無人等位，所以也沒有限時交枱

中午於 Greyhound Cafe 享餐，reception 展示MOKO餐飲優惠，惠顧後得知只提供星期一至四，門口同事稱需參考網上資訊，本人到MOKO網站亦未能查找結果。沒有優惠卡不用太在意豬脾烏冬味道一般，不怎麼樣，份量少，外觀如圖，可想而知雞肉意粉雞乾不滑無味，像是把雞柳炸熟，意粉硬而不彈，大概未煮足大滾6分鐘。(或因意粉來貨)論味道尚可。但可一不可再。題外話參考:旁邊顧客很近對話清晰。大概內容對價錢質素存疑。但聽說米粉可以。

好友生日，book咗旺角MOKO Greyhound Cafe食晚餐。餐廳係商場入面，旺角火車站一出就到，好方便。至於餐廳環境，又大又闊落！入到去，我哋就被安排入坐角落頭嘅梳化位，舒舒服服，4個女人仔傾下密計兼密密食！一坐底，二話不說點菜先！因為太開心兼肚餓，4個女人仔喪嗌嘢食！柚子沙律及米紙卷，麻麻地，無特別。薯角，大碟又好食！炸雞好出色，好鬆軟juicy，配蛋黃醬好夾，值得推介！！薄餅好食，但咖喱汁欠奉。冬陰功螺絲粉比預期嘅差少少，唔辣只有酸味，但整體都好食嘅！尾聲上甜品前，我哋靜雞雞同餐廳講有朋友生日，加個朱古力生日牌係甜品度，俾個surprise壽星女！餐廳仲好好提供埋蠟燭！招牌椰子千層糕係必點嘅甜品，椰子味好香濃，好清新！綠茶千層蛋糕有驚喜，冇諗過綠茶味咁香！我好鍾意食芒果糯米飯，見有，當然一定嗌啦！椰汁唔夠多，唔夠香，整體算ok。

放工同同事一齊食下午茶係moko揀咗間泰式fusion茶餐廳裝潢好靚 唔洗等位這可以入座Tea set 款式不太吸引 所以我們最後叫正價餐牌 加tea set的蛋糕招牌脆炸單骨雞翼 ($78)細細隻 得一條骨嘅炸雞翼咸咸地炸得脆卜卜 幾好味蟹肉炒飯 ($188)蟹肉都算多 份量都幾大可以兩個人share蟹肉撈埋飯一齊食好好味 再配埋清湯 Tea set 1: coconut crepe cake ($58)以前都試過呢間餐廳嘅椰子蛋糕一年後再食還是這麼有水準蛋糕大大件加上 很多很多的椰子肉真係好好味Tea set 2: chocolate banana crepe cake ($58)香蕉千層蛋糕裏面真係有好多香蕉而且好有層次感 口感非常好成舊蛋糕充滿着香蕉嘅香味 再加上朱古力醬兩者溶埋一齊 真係好正Thai iced milk tea (跟餐)好大杯茶味好濃Greyhound style iced lemon tea (跟餐)

同朋友一直都好鍾意食東南亞菜，係旺角行街見到Greyhound，想試好耐啦，所以就二話不說入左去食dinner!入面環境好靚啊，又充滿藝術氣息，店面好大，座位好多，都唔洗話要等好耐位。咁前菜方面我點左個越式鮮蝦雞肉米紙卷，皮薄餡靚，入面滿滿既蝦同雞肉，蝦係非常新鮮彈牙，配搭埋個泰式辣醬，酸酸辣辣好好食啊。主食啦就當然唔少得香港人好愛既炒金邊粉啦，仲要配搭龍蝦，睇個樣都已經好吸引。味道好香既泰式香料，如果食得辣，可以加埋旁邊嘅辣粉一齊食。甜品同飲品我都揀左泰奶，泰奶個種獨特嘅香味，每次都令人回味無窮。不得不說個千層蛋糕真係好大件，食完前面既兩樣菜，已經好飽啦，加埋個蛋糕，真係飽到上心口。蛋糕好creamy同唔會太甜，一口接一口就食曬啦～

GREYHOUND係香港都開左一段日子，亦都有唔少分店，每次WEEKEND去食都要排長龍，所以我今次就醒目約朋友平日去食，仲要揀MOKO分店，大大間唔洗等位當日我地好早就到左，坐到大約7點半都已經差唔多滿座，咁大間餐廳都可以FILL滿証明人氣真係好旺，我自己都翻食再翻食，原因係食物質素真係幾高MENU太大本，就隨便擺幾頁俾大家參考一下，睇MENU時你就會感受到泰菜得黎又有少少西餐的味道，FUSION菜就最能夠俾到人驚喜FRUITY SHAKY YOGURT ($62)夏天熱辣辣想飲凍野好正常，我多數都會盡量揀健康飲品，呢杯YOGURT有ORANGE、BANANA、PINEAPPLE、APPLE，多種生果再加埋YOGURT，夠曬健康好味LIGHT TOM YUM SOUP ($128)冬陰公配意大利雲吞，我好鐘意呢個組合，因為兩者都係我喜歡的食物，有一隻開邊大蝦，兩個人都依然分到唔少蝦肉，冬陰公已經隔走所有香料，飲湯的時候輕鬆得多，唔知好似平時咁一路飲，一路要吐出香料，冬陰公辣度岩岩好，煲得好香CRISPY PORK KNUCKLE WITH CHILI PASTE ($228)成隻炸豬