Greyhound Café (MOKO新世紀廣場) (已結業)

今日約好朋友放工食飯加傾計，搵左一陣就約好朋友到新世紀樓上食泰國菜。好快店員就安排好座位，入到去環境都唔錯空間感足夠。我們點左炸薯條，泰式沙爹雞柳串，鮮蝦炒金邊粉，脆炸豬手配糯米飯，炸九肚魚。炸薯條夠脆口，配合埋茄汁蒜蓉味沙律醬更加好食。泰式沙爹雞柳串有幾個唔同組合，有唔同椒配合，有雞柳加椒，只有雞。加上沙爹汁更加好味道。鮮蝦炒金邊粉炒得夠乾身，混合埋辣椒更好味道，料都算多。脆炸豬手配糯米飯豬手好脆口有肉味，糯米又唔會太硬都好味道。炸九肚肉熱辣辣，冇骨好味道

之前喺太古食過一次， 好好食。 今日經過旺角， 諗住試下佢海南雞飯， 點知係我食過最難食嘅海南雞飯。1）個湯 少少酸味， 原來入面有酸菜， 好奇怪。 最重要係個湯完全唔熱。 可能係星期六下晝三點鐘， 廚師都費事返熱啲湯。2）個飯冇油香味， 得油光澤，奇怪。3）切雞嘅功夫太差， 完全冇 切斷。 呢啲基本功夫， 唔明白點解 咁差， 係咪主廚準備落場？4） 雞肉嫩， 但冇雞味。148蚊 海南雞， 真係68蚊都畀多。 一個愉快嘅週六， 食咗一個咁難食又貴既午飯，真係好sad. 。

第一次食嘅時候記得係當時男朋友帶我去 IFC分店食！佢係比較有特色嘅泰國菜！印象好深刻有一碟菜式係泰式三文魚刺身，係將泰式嘅生蝦轉咗做三文魚🥰第一次食呢個組合，竟然有意外驚喜！所以從此就愛上greyhound 👍🏼今次黎食發覺佢Menu唔同咗又可以試吓新野🙊沙律方面嗌咗個鵝肝芒果沙律，芒果汁酸酸美味，芒果好鮮甜！鵝肝份量亦好多！比較厚身勁好食叫咗漢堡包薯條漢堡包穩陣好味，而且薯條係會有少少薯皮嘅！更加有口感！意粉成日都食，所以今次想試吓食泰式魚炒意粉！呢個比較少機會食到份外惹味！好耐之前已經想試呢個嘅千層蛋糕，聽聞呢個嘅千層蛋糕都比較出名！所以今次試咗一個比較特別嘅味道班蘭味，千層蛋糕好有層次，而且班蘭味味道適中又唔會太甜👍🏼

又開始踏入公司每年的旺季，不停的海外公幹，還有不斷的工作接蹱而來，好難得有時間同朋友出外吐吐苦水。約了到大家都方便的旺角Moko新世紀商場，飯後搭東鐵又得，行去地鐵太子站/旺角站又得，到巴士總站搭巴士又得。朋友想食泰國菜，於是我們就去了食泰國菜好出名的Greyhound Cafe。店內設計簡潔高雅，座位與座位之間闊落，坐下慢慢傾計實在好舒服。這裏餐點有好多選擇，以傳統泰式食物為主，附以少量西式泰菜。首先叫了這裏最有名氣的凍檸茶，凍檸茶的冰是由檸檬茶雪冰而成，令檸檬茶由頭到尾的味道都一致，味道由頭到尾都清濃厚得來帶清新。之後也叫了這裏最有名氣的招牌脆炸單骨雞翼，因為是單骨的關係，所以每件都炸得香脆入味，唔會過乾，配上同樣炸得香脆美味的香葉伴碟，無論賣相同味道都絕佳。另外叫了一碗泰式河蝦冬陰公河粉，冬陰公味道香濃，辣度適中，帶少量椰香味，配上自家製米香十足的粗河粉，好配合。河蝦好大隻，好新鮮，味道鮮甜，爽口彈牙。最後當然唔少得泰國最出名的芒果糯米飯，芒果味道好清香，非常厚身，非常多汁。糯米飯好軟糯，好煙韌，加上香濃椰汁在面，好似去了泰國一趟。

泰國菜，在香港的質素很參次。有的很便宜卻很好吃，有的很貴卻比錢買難受。所以都選擇便宜的算了。但是這一間令我很有驚喜。的確，它是一間比較貴的泰國餐廳，但是質素卻很好。這個菠蘿海鮮飯，飯粒很有味，剩食飯也不覺dry。一淡菠蘿一淡飯，更有效食出菠蘿的味道。海鮮方面，不過不失。芒果糯米飯最難整得好的是糯米。之前去泰國，覺得當地糯米飯太硬，難以入口。但是過裡的，不太林又不太硬，口感適中。而味道方面，是標準的味道。這個是外賣餐牌，比餐廳內進食的便宜很多。性價比：3/5質素：4/5

crepe delicious is good 星期六日 過黎消費 買個雪糕 好好味 又唔係好甜，又夠凍，值得推介，快啲周同朋友一齊嚟食啦。睇完戲落黎食就岩岩好 凍冰冰 涼浸浸，夏天最啱食

今日同朋友去咗旺角食呢間餐廳，本身見到佢有泰國菜所以好吸引，入到去先知道原來係食fusion，不過都諗住試食下！啲嘢食價錢比起我想像中貴，份量都唔多，而且味道都係還可以，我覺得呢個價錢應該有更加好嘅選擇，甚至係正宗泰國菜都好食啲不過個雞翼都算不過不失，幾香口，但係佢都係得半隻雞翼，所以份量比較少，價錢又唔平但係其他就味道一般般。個意粉完全唔係用墨汁煮，只係個意粉係墨汁麵，好似俾佢呃左咁...個冬陰公煲似係用公仔麵加啲海鮮配料，已經差唔多$200，我覺得買個冬陰公湯自己煮都得😂我覺得呢個價錢有更加好嘅選擇

朋友生日，所以找一間可以坐得舒服的餐廳！可惜枱與枱之間太近有壓迫感及交談不太方便，有點失望。我們選了這間泰國餐廳，很奇怪地有泰國特色的食物及飲品也沒有，本來我們想叫椰青及串燒但是欠奉。最後我們選了海鮮沙律，咖喱蝦，鷄奕 （坦白味道一般，但是份量及性價比低），倆女生怎能沒有甜品，最後貪心地點了3個甜點，本人推介椰絲千層，總括不像泰國菜之泰國餐廳，有點失望。另帶一提，不知是否客人太多，服務一般及有視而不見的情況出現。

📍抹茶crepe cake 🍰 ($78)👉🏻我覺得咁多間千層蛋糕呢間係最好食，忌廉唔會太多太厚，又唔會少到乾爭爭。一層層口感，抹茶味濃郁，又唔會太苦，我比90分。 📍朱古力蛋糕（$68）👉🏻唔建議叫，個人覺得好難食，上面層朱古力醬極甜，蛋糕乾爭爭，乾過食樹皮，都唔知呢件蛋糕放左幾多年。食咗=晒個胃嘅位，唔食又好似好浪費，-200分，唉！其實呢間野其他食物都唔錯，不過今次食佢嘅朱古力蛋糕真係極度失望！而且佢其中一位戴眼鏡打太製服男性員工極度冇禮貌，真係唔建議再嚟呢間食。太可怕😱

講起食泰國🇹🇭嘢，greyhound都算係我最經常食嘅一間，最近我又去咗食啦😋有一樣野我每次去食都會叫嘅，就係博切三文魚配泰式辣汁喇🌶，本身我都唔係特別好三文魚🍣，但係配上呢個泰式辣汁，真係難以抗拒，所以每次都要叫🥰另外一個小食叫咗越式鮮蝦雞肉米紙卷🌯，呢個咪紙卷入邊有豬皮，所以成個口感好彈牙，幾好食，不過重點都配嘅辣汁，酸酸甜甜，我之後仲用咗黎撈飯添😆Main就叫左泰式河蝦🦐冬陰公湯粉，隻蝦係大頭蝦嚟㗎，真係好大隻😯，而河粉就比平時嘅河粉闊啲同埋薄啲，食落口感更好，冬陰公湯底椰汁味偏濃，十分惹味😋另外仲叫咗個鮮蝦辣椒膏炒飯🍛，旁邊有好多配料，包括青檸🍋，鹹蛋🥚，蝦乾🦐，青瓜絲🥒等等，記得要一齊撈埋嚟食呀，仲有記得落旁邊嘅魚露，令到飯嘅味道昇華😋，仲有跟埋嘅嗰個湯都好好味🥣

之前慶祝朋友生日，近近地擇左新世紀呢間泰式fusion菜餐廳，環境舒適，好適合飯聚！當日我無影到餐牌，唯有用住收據上的英文菜名我覺得最好味是呢個烤餅🌮，看似平平無奇，但一口咬落去有芝士和辣肉醬等等的餡料，餅皮脆口，餡料帶微辣，口感豐富！其次有沙爹雞肉串、白酒青口、凱撒沙律 🥗 而當晚最失水準是卡邦尼意粉，意粉幼身煙韌，煙肉亦好多，但醬汁偏稀，入口仲好咸添！我同朋友都是第一次食到咁咸的卡邦尼意粉😅

你間嘢之前的比我劣評過 但由於我朋友話係我唔識食 我比面試多次👉🏻帶子蘆筍香草寬麵💲128Fettuccine with Seared scallops, asparagus in light pesto cream sauce幾好食個醬好creamy 意粉幾有口感 帶子都幾鮮甜 但未至於好食到要成日食〰️〰️〰️〰️〰️〰️〰️〰️〰️〰️👉🏻鮮蝦帶子墨魚汁麵💲148Spaghetti Cha Cha ChaInk spaghetti with prawns and scallops stir-fried with Italian basil leaves, green peppercorns and chilli唔好食 個麵冇汁冇咪食 墨魚汁係睇到食唔到嘅 海鮮係新鮮 但成碟野除咗有少少辣味之外咩味都食唔出 好淡 佢個名真係改得幾啱Cha Cha Cha差差差〰️〰️〰️〰️〰️〰️〰️〰️〰️〰️其實我覺得真係好普通 真心唔明點解咁多人話好好食要成日食 意大利粉中環大把好食過佢 佢啲泰國菜又好難食 重點呢間都唔平 正式宣布我以為如冇特別需要都唔會再食 講完〰️〰️〰️〰️〰️〰️〰️〰️〰️〰️Greyhound Café (旺角)📍旺

Greyhound 前排爸媽去左一個星期旅行，佢地返黎撞正812🛬幾驚佢地返唔到黎，好彩最後都安全返到🤣佢地返黎之後同佢地出街食，佢地話好耐無食過泰菜，我又可以順便食個Crepes cake🍰-🔹沙嗲雞肉串燒($88)勁快黎到都心知不妙，串燒凍冰冰😩不過好彩個沙嗲汁又幾好味，甜甜辣辣咁🌶除左三串雞肉，仲有三串紅椒mix葱，岩我爸鍾意食呢啲😂-🔹意大利芝士肉腸餡餅($118)由初初食呢間餐廳到到依家，都係要食呢個餡餅🥙雖然唔係泰式菜色，但佢又整得幾好味，入面啲餡勁爆😋調味有少少辣辣地，仲有啲芝士，個外皮又脆口，好味👍🏻-🔹冬陰公意大利雲呑($128)一開始以為佢黎錯左，原來雲呑係底🤣有4隻，入面係蝦既餡，啲皮都幾薄🦐另外冬陰公湯唔算好辣，酸酸地都幾開胃👍🏻龍蝦肉好厚肉彈牙，正😛-🔹蟹肉黃咖哩飯($198)好貴，但超多蟹肉！係多到每啖都全口蟹肉🦀黃咖哩略嫌太甜，辣返少少會好啲，不過配飯食真係一流呀😋佢跟飯有個湯，鹹到抽筋

食飽正餐， 周圍行完一輪， 消化咗一大半， 又到食甜品嘅時候。 今晚就幫襯好耐冇去嘅Greyhound。 其實耐唔耐都會幫襯佢， 不過就淨係食甜品多、因為正餐個價錢都幾貴同埋份量唔太多。而家個市唔好， 慳得就慳啦。 同朋友兩個人， 叫咗個Mango Crepe Cake 同埋Chocolate Banana Crepe Cake 分享。 兩件蛋糕個賣相望到都好開心， 加上又有我最愛嘅Cream食， 好心情指數爆燈！兩件蛋糕都唔太甜， Cream又香又滑， 同埋唔會好肥膩，但如果唔鐘意食Cream嘅人會攪唔掂。

星期六晚上竟然唔洗等位典解呢泰國菜離不開紙米卷不過呢間分店就做得麻麻個皮太黏了黏住d牙實在太難受而且d蝦都唔爽口至於個炒意粉又唔錯少少辣但係接受到既雞絲有咬感最驚喜就係個泰式奶茶千層cake真係泰國奶茶既味道，茶底同泰國果d沒2樣除左cake 入面係有奶茶味，仲有個額外奶茶醬俾你倒落個蛋糕上面，實在係內外夾攻一樣有得食有得玩，一樂也個蛋糕入口即融，好好果最搞笑就係d餐碟上既圖案，好有藝術特色每個碟都唔同圖案